يدەيالىق تانىمدى بىرلىككە كەلتىرىپ، بورىش ارقالاۋدى كۇشەيتىپ، قىزمەتتەردى تياناقتاندىرۋدى مىقتى يگەرىپ، مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتى قۇرىلىسىنىڭ جاڭا جاعدايىن قۇلشىنا اشۋ كەرەك

شي جينپيڭ ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى

يدەيالىق تانىمدى بىرلىككە كەلتىرىپ، بورىش ارقالاۋدى كۇشەيتىپ، قىزمەتتەردى تياناقتاندىرۋدى مىقتى يگەرىپ، مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتى قۇرىلىسىنىڭ جاڭا جاعدايىن قۇلشىنا اشۋ كەرەك

　　　　3 - ايدىڭ 8 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناستى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

　　شينحۋا اگەنتتىگىنىڭ 3 - ايدىڭ 8 - كۇنى بەيجيڭنەن بەرگەن حابارى (تىلشىلەر جاڭ ميمي، مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 8 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى: مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتىن بەكەمدەۋ، جوعارىلاتۋ − پارتيا ورتالىق كوميتەتىنىڭ مەملەكەتتى قۇدىرەتتەندىرۋدە، ارميانى قۇدىرەتتەندىرۋدە ءدوپ كەلگەن جاڭا جاعدايلاردى، جاڭا مىندەتتەردى، جاڭا تالاپتاردى يگەرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋدى، ەكونوميكالىق قۇرىلىس پەن مەملەكەت قورعانىسى قۇرىلىسىن اناعۇرلىم ويداعىداي ءبىر تۇتاس جوسپارلاۋدى كوزدەي وتىرىپ شىعارعان ستراتەگيالىق ورنالاستىرۋى. وسى ورنالاستىرۋدى ويداعىداي دايەكتىلەندىرۋ، تياناقتاندىرۋ − جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋ، ارميامىزدى دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ جونىنەن ەرەكشە ماڭىزدى مانگە يە. يدەيالىق تانىمدى بىرلىككە كەلتىرىپ، بورىش ارقالاۋدى كۇشەيتىپ، قىزمەتتەردى تياناقتاندىرۋدى مىقتى يگەرىپ، مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتى قۇرىلىسىنىڭ جاڭا جاعدايىن قۇلشىنا اشۋ كەرەك.

　　جيىندا اسكەري ىستەر كوميتەتى عىلىم - تەحنيكا كوميتەتىنەن كەلگەن ۋاكىل ليۋ زىجين، اسكەري ىستەر كوميتەتى جابدىق دامىتۋ بولىمىنەن كەلگەن ۋاكىل راۋ ۋىنمين، مەملەكەت قورعانىسىنا جۇمىلدىرۋ جۇيەسىنەن كەلگەن ۋاكىل ۋاڭ حۇڭيۇي، ءبىرىڭعاي ارتقى شەپ قامتاماسىزداندىرۋ بولىمىنەن كەلگەن ۋاكىل تاڭ لينحۇي، قۇرلىق ارمياسىنان كەلگەن ۋاكىل ۋان جين - ياڭ، تەڭىز ارمياسىنان كەلگەن ۋاكىل ۋاڭ يارۋ رەتىمەن ءسوز سويلەپ، مەملەكەت تاجىريبەحاناسى قۇرىلىسى، مەملەكەت قورعانىسى عىلىم - تەحنيكا ونەركاسىبى قۋاتى قۇرىلىسى، كەلەلى نەگىزدىك قۇرىلعىلاردى ءبىر تۇتاس جوسپارلاۋ قۇرىلىسى، مەملەكەتتىڭ زاپاس ساقتاۋ قۇرىلىسى، شەكارا - تەڭىز قورعانىسى قىزمەتى، جالپى حالىقتىق مەملەكەت قورعانىسى تاربيەسى سياقتى جاقتارداعى ماسەلەلەر جونىندە پىكىر جانە ۇسىنىس قويدى.

　　شي جينپيڭ ءاربىر ۋاكىلدىڭ ءسوزىن مۇقيات تىڭداپ، ولارمەن ءالسىن - ءالى ىقپالداسىپ، پىكىر اۋىستىردى. 6 ۋاكىل ءسوز سويلەپ بولعاننان كەيىن، شي جينپيڭ ماڭىزدى ءسوز سويلەپ، مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتىن بەكەمدەۋدى، جوعارىلاتۋدى ءتۇيىندى تۇردە ارقاۋ ەتىپ تالاپ قويدى. ول بىلاي دەپ باسا دارىپتەدى: مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتىن بەكەمدەۋدىڭ، جوعارىلاتۋدىڭ تەتىگى ءبىر تۇلعالاندىرۋ جاعىنا كۇش سالىپ، مەملەكەتتىڭ ستراتەگيالىق قابىلەتىن ەڭ جوعارى دەڭگەيگە جەتكىزۋدى جۇزەگە اسىرۋدا. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، ءار سالانىڭ ستراتەگيالىق ورنالاستىرۋلارىنىڭ ءبىر تۇلعالى توعىسۋىن، ستراتەگيالىق بايلىقتارىنىڭ ءبىر تۇلعالى بىرىگۋىن، ستراتەگيالىق كۇشتەرىنىڭ ءبىر تۇلعالى قولدانىلۋىن كۇشەيتىپ، ەلىمىزدىڭ ستراتەگيالىق حاۋىپ - قاتەرگە توتەپ بەرۋىنىڭ، ستراتەگيالىق مۇددەنى قورعاۋىنىڭ، ستراتەگيالىق ماقساتتى جۇزەگە اسىرۋىنىڭ تۇتاس تۇلعالىق ناقتى كۇشىن جۇيەلى جوعارىلاتۋ كەرەك.

　　شي جينپيڭ بىلاي دەپ اتاپ كورسەتتى: مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتىن بەكەمدەۋ، جوعارىلاتۋ − كۇردەلى، جۇيەلى ينجەنەريا. جالپى جاعدايدى ءبىر تۇتاس جوسپارلاپ، ءتۇيىندى كورنەكتىلەندىرىپ، ءتۇيىندى قامال الۋ ارقىلى تۇتاس تۇلعالىق ىلگەرىلەتۋگە دەم بەرۋ كەرەك. عىلىم - تەحنيكادا سايكەسە جاڭالىق اشۋدى تەرەڭدەتىپ، مەملەكەت تاجىريبەحاناسىن ويداعىداي قۇرىپ، ويداعىداي باسقارىپ، ويداعىداي پايدالانىپ، كۇشتى دەربەس جاڭالىق اشۋدى، العاشقى جاڭالىق اشۋدى كۇشەيتۋگە شوعىرلاندىرىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل ىلگەرىلەتۋ كەرەك. جاڭادان گۇلدەنگەن سالالاردىڭ ستراتەگيالىق قۋاتىن جەدەل جوعارىلاتىپ، مەملەكەتتىڭ دامۋى مەن حالىقارالىق باسەكەنىڭ جاڭا ابزالدىلىعىن كوزدەۋ كەرەك. مەملەكەت قورعانىسى عىلىم - تەحنيكا ونەركاسىبىنىڭ ارميانى قۇدىرەتتەندىرۋگە، سوعىستا جەڭىسكە جەتۋگە قىزمەت وتەۋ بەتالىسىن كۇشەيتىپ، جۇيەنىڭ ورنالاسۋىن ساپالىلاندىرىپ، دامۋ ۇلگىسىندە جاڭالىق اشىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگىن كۇشەيتۋ كەرەك. كەلەلى نەگىزدىك قۇرىلعىلاردى ءبىر تۇتاس جوسپارلاپ قۇرۋدى كۇشەيتىپ، ۇلكەن ەسەپ جاساۋعا، كەشەندى ەسەپ جاساۋعا، ۇزاق بولاشاقتىق ەسەپ جاساۋعا شەبەر بولىپ، بىرگە قۇرۋ، بىرگە پايدالانۋ، بىرگە يگىلىكتەنۋ دەڭگەيىن جوعارىلاتۋ كەرەك. ءىرى ەل زاپاس ساقتاۋ جۇيەسىن جەدەل قۇرىپ، مەملەكەت زاپاسىنىڭ مەملەكەت حاۋىپسىزدىگىن قورعاۋ قۋاتىن جوعارىلاتۋ كەرەك.

　　شي جينپيڭ بىلاي دەپ باسا دارىپتەدى: مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتىن بەكەمدەۋدە، جوعارىلاتۋدا، ءسوز جوق، رەفورمادان، جاڭالىق اشۋدان قوزعاۋشى كۇش الۋ كەرەك. وسى جىلدارى قاتىستى جاقتار پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، قاتىستى كەلەلى رەفورمالاردى تىزە قوسا ىلگەرىلەتىپ، ءبىر قىدىرۋ ماڭىزدى جەتىستىكتەرگە قول جەتكىزدى. ماسەلەنى باعدار ەتۋگە تاباندى بولىپ، ءتۇزىلىس - مەحانيزمدى ءۇرتىس ساپالىلاندىرىپ، ساياسات - تۇزىمدەردى كەمەلدەندىرىپ، اركىم جاۋاپكەرشىلىگىن وتەيتىن، تىعىز سەلبەسەتىن جۇيەلى، ءتارتىپتى قىزمەت ارناسىن قالىپتاستىرىپ، مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتى قۇرىلىسىن اناعۇرلىم ويداعىداي ىلگەرىلەتۋ كەرەك.

　　شي جينپيڭ بىلاي دەپ اتاپ كورسەتتى: بيىل − يان - ان قوس قولداۋ قوزعالىسىنىڭ 80 جىلدىعى. ۇكىمەتتى قولداپ، حالىقتى ءسۇيۋ، ارميانى قولداپ، اسكەريلەردىڭ ءۇي ىشىندەگىلەرگە قامقورلىق جاساۋ داڭقتى ءداستۇرىن اسقاقتاتىپ، جاڭا داۋىردەگى ارميا مەن ۇكىمەت، ارميا مەن حالىق ىنتىماعىن بەكەمدەپ، دامىتىپ، تۇتاس قوعامدا مەملەكەت قورعانىسىنا كوڭىل بولەتىن، مەملەكەت قورعانىسىن قىزۋ سۇيەتىن، مەملەكەت قورعانىسىن كوركەيتەتىن، مەملەكەت قورعانىسىن قورعايتىن قويۋ راي قالىپتاستىرىپ، مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتىن بەكەمدەۋگە، جوعارىلاتۋعا، مەملەكەتتى قۇدىرەتتەندىرۋدى، ارميانى قۇدىرەتتەندىرۋدى ىلگەرىلەتۋگە قۋاتتى كۇش ۇيىستىرۋ كەرەك.

　　جيىننىڭ الدىندا شي جينپيڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەسىندەگى جالپى ۋاكىلدەردى ىقىلاسپەن قابىلدادى ءارى كوپشىلىكپەن بىرگە ەستەلىك سۋرەتكە ءتۇستى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا جيىندى باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى حى ۋيدۇڭ، ورتالىق اسكەري ىستەر كوميتەتىنىڭ مۇشەلەرى لي شاڭفۋ، ليۋ جىنلي، مياۋ حۋا، جاڭ شىڭمين جيىنعا قاتىناستى.