جۇڭگو ۇلگىسىندەگى وسىزامانداندىرۋدى دۇرىس ءتۇسىنۋ جانە كۇش سالا ىلگەرىلەتۋ كەرەك

شي جينپيڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا ماڭىزدى ءسوز سويلەپ بىلاي دەپ باسا دارىپتەدى

جۇڭگو ۇلگىسىندەگى وسىزامانداندىرۋدى دۇرىس ءتۇسىنۋ جانە كۇش سالا ىلگەرىلەتۋ كەرەك

لي چياڭ باسقاردى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتىناستى

　　2 - ايدىڭ 7 - كۇنى ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسى ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىندا ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

　　شينحۋا اگەنتتىگىنىڭ 2 - ايدىڭ 7 - كۇنى بەيجيڭنەن بەرگەن حابارى. ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسى 2 - ايدىڭ 7 - كۇنى تۇستەن بۇرىن ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىندا ماڭىزدى ءسوز سويلەپ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋ نازارياسىن جيناقتاي ورتاعا قويۋ ءارى ىشكەرىلەي بايانداۋ − پارتيا 20 - قۇرىلتايىنىڭ كەلەلى نازاريالىق جاسامپازدىعى، عىلمي سوتسياليزمنىڭ ەڭ جاڭا كەلەلى جەتىستىگى. جۇڭگو ۇلگىسىندەگى وسىزامانداندىرۋ − پارتيامىزدىڭ بۇكىل ەلدەگى ءار ۇلت حالقىنا باسشىلىق ەتىپ ۇزاق ۋاقىتتىق ىزدەنۋ جانە امالياتتان وتكىزۋ بارىسىندا سان قيلى قيىندىقتى باستان كەشىرىپ، زور بوداۋ بەرىپ قول جەتكىزگەن كەلەلى جەتىستىگى، ءبىز، ءسوز جوق، ايرىقشا قاستەرلەۋىمىز، باستان - اياق تاباندى بولۋىمىز، ۇزدىكسىز كەڭەيتۋىمىز جانە تەرەڭدەتۋىمىز كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى لي چياڭ ساباق باستاۋ سالتىن باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتىناستى.

　　شي جينپيڭ بىلاي دەپ اتاپ كورسەتتى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − تاياۋ زاماننان بەرگى جۇڭگو حالقىنىڭ ورتاق ارمانى، سانسىزداعان ارداگەر ازاماتتار وسى ءۇشىن بارىنشا تالپىنىپ، ءتۇرلى سىناقتار جۇرگىزگەنىمەن، بارلىعى دا ساتسىزدىكپەن اياقتالدى. جۇڭگونىڭ وسىزاماندانۋ جولى جونىندە ىزدەنىس جاساۋ اۋىر مىندەتى تاريحي تۇردە جۇڭگو كوممۋنيستىك پارتياسىنا جۇكتەلدى. جاڭا دەموكراتيالىق توڭكەرىس مەزگىلىندە، پارتيامىز حالىقتى ىنتىماقتاستىرىپ، باستاپ، قان كەشە شايقاس جۇرگىزىپ، قايىسپاس قايسارلىق كورسەتىپ، سولتۇستىككە جورىق سوعىسىن، جەر توڭكەرىسى سوعىسىن، جاپون شاپقىنشىلارىنا قارسى سوعىستى، ازاتتىق سوعىسىن باستان كەشىرىپ، يمپەرياليزم، فەوداليزم، بيۋروكرات كاپيتاليزم سىندى 3 ۇلكەن تاۋدى اۋدارىپ، حالىق قوجايىن بولعان جۇڭحۋا حالىق رەسپۋبليكاسىن قۇردى، ۇلتتىڭ تاۋەلسىزدىگىن، حالىقتىڭ ازاتتىعىن جۇزەگە اسىردى، وسىزامانداندىرۋدى جۇزەگە اسىرۋعا ءتۇبىرلى قوعامدىق شارت - جاعداي جاراتتى. جاڭا جۇڭگو قۇرىلعاننان كەيىن، پارتيامىز حالىقتى ىنتىماقتاستىرىپ، باستاپ، سوتسياليستىك توڭكەرىس جۇرگىزىپ، جۇڭگودا نەشە مىڭ جىل جالعاسقان فەودالدىق ءتۇزىمدى جويىپ، سوتسياليستىك نەگىزگى ءتۇزىم ورناتىپ، جۇڭحۋا ۇلتىنىڭ تاريحىنداعى ەڭ كەڭ ءارى تەرەڭ قوعامدىق وزگەرىستى جۇزەگە اسىرىپ، دەربەس، ءبىرشاما كەمەلدى بولعان ونەركاسىپ جۇيەسىن جانە حالىق شارۋاشىلىعى جۇيەسىن ورناتتى، سوتسياليستىك توڭكەرىس پەن قۇرىلىس دارا جاسامپازدىق سيپاتتى نازاريالىق جەتىستىك پەن وراسان زور تابىسقا قول جەتكىزىپ، وسىزامانداندىرۋ قۇرىلىسىنا ءتۇبىرلى ساياسي العى شارت جانە باعالى تاجىريبە، نازاريالىق دايىندىق، ماتەريالدىق نەگىز ازىرلەدى. رەفورما جاساۋدىڭ، ەسىك اشۋدىڭ جانە سوتسياليستىك قۇرىلىستىڭ جاڭا كەزەڭىندە پارتيامىز پارتيا مەن مەملەكەت قىزمەتىنىڭ وزەگىن ەكونوميكالىق قۇرىلىسقا ويىستىرۋ، رەفورما جاساۋدى، ەسىك اشۋدى اتقارۋ سىندى تاريحي سيپاتتى شەشىم جاساپ، امالياتتى نەگىز ەتە وتىرىپ نازاريادا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى، سونداي - اق باسقا جاقتاردا جاڭالىق اشۋدى كۇش سالا ىلگەرىلەتىپ، سوتسياليستىك بازار شارۋاشىلىعى ءتۇزىلىسىن اتقارىپ، وندىرگىش كۇشتەر سالىستىرمالى تۇردە مەشەۋ قالعان جاعدايدان ەكونوميكانىڭ جالپى مولشەرى دۇنيە ءجۇزى بويىنشا 2 - ورىنعا كوتەرىلۋدەي تاريحي سەرپىلىستى جۇزەگە اسىرىپ، حالىق تۇرمىسىندا ىشەر اس، كيەر كيىمگە جارىماۋدان جالپى تۇلعالىق جاقتان دوڭگەلەك داۋلەتتىلىككە جەتكەن، جاپپاي دوڭگەلەك داۋلەتتىلىككە ۇمتىلعان تاريحي سەكىرىستى جۇزەگە اسىرىپ، جۇڭگو ۇلگىسىندەگى وسىزامانداندىرۋعا تىڭ ومىرشەڭدىك كۇشكە تولى تۇزىلىستىك كەپىلدىك جانە جەدەل دامىعان ماتەريالدىق شارت - جاعداي ازىرلەدى.

　　شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى، پارتيامىز قازىرگى نەگىزدە ۇزدىكسىز العا باسىپ، نازاريادا جانە امالياتتا جاڭالىق اشۋدى، سەرپىلىس جاساۋدى ۇزدىكسىز جۇزەگە اسىرىپ، جۇڭگو ۇلگىسىندەگى وسىزامانداندىرۋدى تابىستى تۇردە ىلگەرىلەتتى جانە كەڭەيتتى. ءبىز تانىمدى ۇزدىكسىز تەرەڭدەتىپ، جاڭا ءداۋىر جۇڭگوشا سوتسياليزم يدەياسىن ورناتىپ، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرۋىن جۇزەگە اسىرىپ، جۇڭگو ۇلگىسىندەگى وسىزامانداندىرۋعا ءتۇبىرلى بويسۇنۋ ولشەمىن ازىرلەدىك. ءبىز جۇڭگو ۇلگىسىندەگى وسىزامانداندىرۋدىڭ مازمۇنى مەن ءمانى جونىندەگى تانىمدى اناعۇرلىم تەرەڭدەتىپ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە كەلەلى پرينسيبىن جيناقتاپ قالىپتاستىرىپ، جۇڭگو ۇلگىسىندەگى وسىزامانداندىرۋدىڭ نازاريالىق جۇيەسىن العاشقى قادامدا ورناتىپ، جۇڭگو ۇلگىسىندەگى وسىزامانداندىرۋدىڭ اناعۇرلىم ايقىن، اناعۇرلىم عىلمي، اناعۇرلىم سۇيىسپەنشىلىككە تولى بولۋىنا، ىسكە اساتىن بولۋىنا مۇمكىندىك جاسادىق. ءبىز ستراتەگيالىق جاقتا ۇزدىكسىز كەمەلدەنىپ، عىلىم - تەحنيكا، وقۋ - اعارتۋ ارقىلى مەملەكەتتى گۇلدەندىرۋ ستراتەگياسى، دارىندىلار جاعىندا قۋاتتى ەل ستراتەگياسى، اۋىل - قىستاقتى گۇلدەندىرۋ ستراتەگياسى سياقتى ءبىر قىدىرۋ كەلەلى ستراتەگيالاردى ىشكەرىلەي اتقارىپ، جۇڭگو ۇلگىسىندەگى وسىزامانداندىرۋعا مىعىم ستراتەگيالىق تىرەك ازىرلەدىك. ءبىز اماليات جاعىندا ۇزدىكسىز بايىتىپ، ءبىر قىدىرۋ وزگەرىس سيپاتتى امالياتتى ىلگەرىلەتىپ، ءبىر قىدىرۋ سەرپىلىستىك ىلگەرىلەۋشىلىكتى جۇزەگە اسىرىپ، ءبىر قىدىرۋ بەلگى سيپاتتى جەتىستىككە قول جەتكىزدىك، پارتيا مەن مەملەكەت ىستەرىندە تاريحي سيپاتتى تابىسقا قول جەتكىزۋدى، تاريحي سيپاتتى وزگەرىس تۋىلۋدى ىلگەرىلەتتىك، اسىرەسە، مۇلدەم كەدەيلىك ماسەلەسىن جويىپ، جاپپاي دوڭگەلەك داۋلەتتى قوعام ورناتىپ، جۇڭگو ۇلگىسىندەگى وسىزامانداندىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش ازىرلەدىك.

　　شي جينپيڭ بىلاي دەپ اتاپ كورسەتتى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى بەتالىسىنا، بولاشاق تاعدىرىنا، ەڭ سوڭعى ءساتتى - ساتسىزدىگىنە تىكە قاتىستى. پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى سيپاتىن بەلگىلەيدى، پارتيانىڭ باسشىلىعىنا تيتتەي دە اۋىقتىماي تاباندى بولعاندا عانا، جۇڭگو ۇلگىسىندەگى وسىزامانداندىرۋ جارقىن بولاشاققا يە بولادى، گۇلدەنىپ - كوركەيەدى؛ ايتپەگەندە، باعداردان اداسىپ، رۋحتان ايرىلادى، اۋەلى، اۋدارىپ تاستاۋ سيپاتتى قاتەلىك تۋىلادى. پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ كۇرەس نىساناسىنان جازباي ورنىقتى دا باياندى قادام باسۋىنا شىنايى كەپىلدىك ەتەدى، پارتيامىزدىڭ كۇرەس نىساناسى باستان - اياق جالعاسىپ، ۇرپاقتان - ۇرپاققا ۇتىلامالى ىلگەرىلەتىلىپ، الەمدى جالت قاراتقان، تاريحقا جازىلعان شۇعىلالى ناتيجەگە قول جەتكىزىلدى. پارتيانىڭ باسشىلىعى جۇڭگو ۇلگىسىندەگى وسىزامانداندىرۋدى كوركەيتۋدىڭ قۋاتتى قوزعاۋشى كۇشىن تاسقىنداتتى، پارتيامىز جۇرەكتىلىكپەن رەفورما جاساپ، جاڭالىق اشىپ، ءار جاقتاعى ءتۇزىلىس - مەحانيزمدىك كىناراتتاردى ۇزدىكسىز جويىپ، جۇڭگو ۇلگىسىندەگى وسىزامانداندىرۋعا سارقىلماس قوزعاۋشى كۇش ۇستەدى. پارتيانىڭ باسشىلىعى جۇڭگو ۇلگىسىندەگى وسىزامانداندىرۋدى كوركەيتۋدىڭ تەلەگەي كۇشىن ۇيىستىردى، پارتيامىز پارتيانىڭ بۇقارالىق لۋشيانىنا تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، جالپى بارىستىق حالىق دەموكراتياسىن دامىتىپ، جالپى حالىقتىڭ قوجايىندىق رۋحىن تولىق تاسقىنداتتى.

　　شي جينپيڭ بىلاي دەپ باسا دارىپتەدى: ءبىر ەل وسىزاماندانۋعا بەت الۋدا وسىزاماندانۋدىڭ جاي زاڭدىلىعىنا بويسۇنۋى، ونان دا ماڭىزدىسى، ءوز ەلىنىڭ ءىس جۇزىندىگىنە ۇيلەسۋى، ءوز ەلىنىڭ ەرەكشەلىگىنە يە بولۋى كەرەك. جۇڭگو ۇلگىسىندەگى وسىزامانداندىرۋدا ءار ەلدىڭ وسىزاماندانۋىنداعى ورتاق ەرەكشەلىگى بولۋمەن قاتار، ءوز ەلىمىزدىڭ جاعدايىن نەگىز ەتكەن ايقىن ەرەكشەلىك تە بار. پارتيانىڭ 20 - قۇرىلتايى بايانداماسىندا جۇڭگو ۇلگىسىندەگى وسىزامانداندىرۋ − حالىق سانى وراسان زور كولەمدەگى وسىزامانداندىرۋ، جالپى حالىق بىرگە باييتىن وسىزامانداندىرۋ، ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، بەيبىت دامۋ جولىمەن جۇرەتىن وسىزامانداندىرۋ سىندى وسى 5 جاقتان جۇڭگوشا ەرەكشەلىكتى ايقىن جيناقتاپ، جۇڭگو ۇلگىسىندەگى وسىزامانداندىرۋدىڭ عىلمي مازمۇنىن تەرەڭ اشىپ كورسەتتى. بۇل ءارى نازاريالىق جيناقتاۋ، ءارى امالياتتىق تالاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا داڭعىل جول نۇسقادى. جاڭا جۇڭگو قۇرىلعاننان، اسىرەسە، رەفورما جاساعاننان، ەسىك اشقاننان بەرى، ءبىز نەشە 10 جىل ۋاقىت جۇمساپ، باتىستاعى دامىعان ەلدەردىڭ نەشە 100 جىل باسقان ونەركاسىپتەنۋ بارىسىن ورىنداپ، ەكونوميكا جىلدام دامىعان جانە قوعام ۇزاق ۋاقىت ورنىقتى بولعان كەرەمەتتى جاراتتىق، جۇڭحۋا ۇلتىنىڭ ۇلى گۇلدەنۋىنە كەڭ بولاشاق اشتىق. اماليات جۇڭگو ۇلگىسىندەگى وسىزامانداندىرۋدىڭ ىسكە اساتىندىعىن، باياندى بولاتىندىعىن، قۇدىرەتتى ەل قۇرۋدىڭ، ۇلتتى گۇلدەندىرۋدىڭ بىردەن - ءبىر دۇرىس جولى ەكەندىگىن دالەلدەدى.

　　شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋ جۇڭحۋانىڭ تاڭداۋلى ءداستۇرلى مادەنيەتىنە تەرەڭ تامىر تارتىپ، عىلمي سوتسياليزمنىڭ العاباسارلىق سيپاتىن ايگىلەپ، ادامزاتتىڭ بارلىق وزىق وركەنيەت جەتىستىگىنەن ۇلگى الىپ، ونى قابىلداپ، ادامزات وركەنيەتىنىڭ العا باسۋداعى دامۋ بەتالىسىنا ۋاكىلدىك ەتىپ، باتىستىڭ وسىزامانداندىرۋ ۇلگىسىنە ۇقسامايتىن جاڭا ويدى ايگىلەدى، ول ادامزات وركەنيەتىنىڭ شىت جاڭا فورماتسياسى. جۇڭگو ۇلگىسىندەگى وسىزامانداندىرۋ ”وسىزامانداندىرۋ ＝ باتىستاندىرۋ“ دەيتىن تەرىس ويدى تالقانداپ، وسىزامانداندىرۋدىڭ تاعى ءبىر كارتيناسىن ايگىلەپ، وركەندەپ كەلە جاتقان ەلدەردىڭ وسىزاماندانۋعا بەت الۋ جول تالعامىن كەڭەيتىپ، ادامزاتتىڭ اناعۇرلىم جاقسى قوعامدىق ءتۇزىم جونىندە ىزدەنىس جاساۋىنا جۇڭگو جوباسىن ازىرلەدى. جۇڭگو ۇلگىسىندەگى وسىزامانداندىرۋدا قامتىلعان وزگەشە دۇنيە كوزقاراسى، قۇن كوزقاراسى، تاريح كوزقاراسى، وركەنيەت كوزقاراسى، دەموكراتيا كوزقاراسى، ەكولوگيا كوزقاراسى سياقتىلار جانە ونىڭ ۇلى امالياتى − دۇنيە ءجۇزىنىڭ وسىزامانداندىرۋ نازارياسى مەن امالياتى جونىندەگى كەلەلى جاسامپازدىق. جۇڭگو ۇلگىسىندەگى وسىزامانداندىرۋ قالىڭ وركەندەپ كەلە جاتقان ەلدەردىڭ دەربەس، ءوز كۇشىنە سۇيەنىپ وسىزاماندانۋعا قادام تاستاۋىنا تيپتىك ۇلگى ورناتتى، ولارعا شىت جاڭا تاڭداۋ ازىرلەدى.

　　شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋدى ىلگەرىلەتۋ − جۇيەلى ينجەنەريا، ءبىر تۇتاس جوسپارلاپ تەڭ ءمان بەرىپ، جۇيەلى جوسپارلاپ، تۇتاس تۇلعالىق ىلگەرىلەتىپ، جوعارى دەڭگەيدە جوبالاۋ مەن امالياتتىق ىزدەنىس جاساۋ، ستراتەگيا مەن تاكتيكا، تۋراشىلدىقتان اينىماۋ مەن جاڭالىق اشۋ، ونىمدىلىك پەن ادىلدىك، ومىرشەڭدىك كۇش پەن ءتارتىپ، ءوز كۇشىنە سۇيەنىپ، ءوزىن الۋەتتەندىرۋ مەن سىرتقا ەسىك اشۋ سياقتى ءبىر قىدىرۋ كەلەلى قاتىناستاردى دۇرىس ويداعىداي ءبىر جاقتى ەتۋدى قاجەت ەتەدى. جوعارى دەڭگەيدە جوبالاۋ جۇرگىزۋدە دۇنيە ءجۇزىنىڭ دامۋ اۋقىمىنا تەرەڭدەي كوز جەتكىزىپ، حالىق بۇقاراسىنىڭ ورتاق تىلەگىن دۇرىس يگەرىپ، ەكونوميكالىق، قوعامدىق دامۋ زاڭدىلىعى جونىندە ىشكەرىلەي ىزدەنىس جاساپ، بەلگىلەنگەن جوبالار مەن ساياسات جۇيەسىنىڭ ءداۋىر ەرەكشەلىگىن ايگىلەۋىنە، زاڭدىلىقتى يگەرۋىنە، جاسامپازدىق سيپاتقا باي بولۋىنا مۇمكىندىك جاساپ، الىس پەن جاقىندى ۇشتاستىرۋدى، جوعارى مەن تومەندى تۇتاستىرۋدى، مازمۇندى سايكەستىرۋدى ورىنداۋ قاجەت. جۇڭگو ۇلگىسىندەگى وسىزامانداندىرۋدى ىلگەرىلەتۋ − ىزدەنىس سيپاتتى ءىس، تاعى كوپتەگەن بەيمالىم سالالار بار، ءبىزدىڭ اماليات بارىسىندا باتىلدىقپەن ىزدەنىس جاساپ، رەفورما جاساۋ، جاڭالىق اشۋ ارقىلى ىستەرىمىزدىڭ دامۋىن ىلگەرىلەتۋىمىزگە تۋرا كەلەدى، استە سىڭار ەزۋلىككە باسۋعا، تەر توكپەي يگىلىكتەن دامەتۋگە بولمايدى. ستراتەگيانىڭ كورەگەندىك سيپاتىن كۇشەيتىپ، ءىستىڭ دامۋ تابيعي بەتالىسىن دالمە - ءدال يگەرىپ، العا باسۋ جولىندا جارىققا شىعۋى مۇمكىن ورايلار مەن سايىستاردى قىراعىلىقپەن قانىق ءبىلىپ، عىلمي ستراتەگيا ارقىلى بولاشاققا بولجاۋ جاساۋ، بولاشاققا جەتەكشىلىك ەتۋ كەرەك. ستراتەگيانىڭ جالپى جاعدايلىق سيپاتىن كۇشەيتىپ، ستراتەگيالىق نىسانانى جوسپارلاۋدىڭ، ستراتەگيالىق شارا بەلگىلەۋدىڭ، ستراتەگيالىق ورنالاستىرۋ جاساۋدىڭ بارلىعىندا پارتيا مەن مەملەكەت ىستەرىنىڭ كوركەيۋ - قۇرۋىنا، جەڭىس - جەڭىلىسىنە، بىرەۋى ارقىلى ءبارىن تۇزەتۋگە قاتىستى كەلەلى ماسەلەلەردى شەشۋدى كوزدەۋ كەرەك. ستراتەگيانىڭ ورنىقتىلىق سيپاتىن كۇشەيتىپ، ستراتەگيا قالىپتاسقان زامان ۇزاق ۋاقىت تاباندى بولۋ، سوڭىنا دەيىن يگەرۋ، ءىستى باسىنان اياعىنا دەيىن ءساتتى جۇرگىزىپ، تابىستى اياقتاتۋ، بەتالدى وزگەرتپەۋ كەرەك. ستراتەگيانىڭ پرينسيپتىك سيپاتى مەن تاكتيكانىڭ يكەمدىلىك سيپاتىن ورگانيكالى ۇشتاستىرىپ، يكەمدى دە بەيىمدى بولىپ، جاعدايدىڭ وزگەرىسىنە قاراي يكەمدى توتەپ بەرىپ، ۇستىندە كەسىم جاساپ، جەرگىلىكتى جاعدايعا قاراي ىستەۋ، اۋقىمعا قاراي ارەكەتتەنۋ، ۇتىمدى جاعدايعا بەيىمدەلۋ بارىسىندا ستراتەگيالىق ىرىقتىلىقتى يگەرۋ كەرەك. جۇڭگو ۇلگىسىندەگى وسىزامانداندىرۋدىڭ توركىنى مەن قاينارىن، تامىرى مەن جانىن ويداعىداي قورعاپ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىنە، ماندىك تالابىنا، كەلەلى پرينسيبىنە تيتتەي دە اۋىقتىماي تاباندى بولىپ، جۇڭگو ۇلگىسىندەگى وسىزامانداندىرۋدىڭ دۇرىس بەتالىسىنا شىنايى كەپىلدىك ەتۋ كەرەك. جاڭالىق اشۋدى مەملەكەتتىڭ دامۋ جالپى جاعدايىندا كورنەكتى ورىنعا قويىپ، ءداۋىردىڭ دامۋ تالابىنا سايكەسىپ، كەلەلى نازاريالىق جانە امالياتتىق ماسەلەلەردى شەشۋدى كوزدەپ، بەلسەنە وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، رەفورما جاساۋدى، جاڭالىق اشۋدى كۇش سالا ىلگەرىلەتىپ، دامۋدىڭ جاڭا قوزعاۋشى قۋاتىن، جاڭا باسىمدىعىن ۇزدىكسىز سومداپ، تۇتاس قوعامنىڭ جاسامپازدىق ومىرشەڭدىك كۇشىن تولىق قاۋلاتۋ كەرەك. ءارى كاپتياليزمنىڭ ونىمدىلىگىنەن دە اناعۇرلىم جوعارى ونىمدىلىك جاراتۋ، ءارى اناعۇرلىم ءونىمدى تۇردە قوعامدىق ادىلدىكتى قورعاۋ، ونىمدىلىك پەن ادىلىككە تەڭ ءمان بەرۋدى، ولاردىڭ ءوزارا جەبەۋىن، ءوزارا بىرلىگىن اناعۇرلىم ويداعىداي جۇزەگە اسىرۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگى جۇيەسىن اقاۋسىزداندىرىپ، مەملەكەت حاۋىپسىزدىگىن قورعاۋ قابىلەتىن كۇشەيتىپ، مەملەكەتتىڭ بيلىك حاۋىپسىزدىگىن، ءتۇزىم حاۋىپسىزدىگىن، يدەولوگيا حاۋىپسىزدىگىن جانە ءتۇيىندى سالالار حاۋىپسىزدىگىن باتىل قورعاۋ كەرەك. دەربەس بولۋعا، وزىنە - ءوزى قوجايىن بولۋعا، ءوز كۇشىنە سۇيەنىپ، ءوزىن الۋەتتەندىرۋگە تاباندى بولۋ، مەملەكەت پەن ۇلتتىڭ دامۋىندا ءوز كۇش - قاۋقارىن تياناق ەتۋگە تاباندى بولۋ، ەلىمىزدىڭ دامۋ، العا باسۋ تاعدىرىن ءوز قولىمىزدا مىقتاپ يگەرۋگە تاباندى بولۋ كەرەك. جوعارى دەڭگەيدە سىرتقا ەسىك اشۋدى ۇزدىكسىز كەڭەيتىپ، الەمدىك كاسىپ سالاسى جۇمىس ءبولىسى مەن سەلبەستىگىنە ىشكەرىلەي ات سالىسىپ، ەل ءىشى، حالىقارا سىندى ەكى بايلىقتان ويداعىداي پايدالانىپ، جۇڭگو ۇلگىسىندەگى وسىزامانداندىرۋدىڭ دامۋ كەڭىستىگىن كەڭەيتۋ كەرەك.

　　شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋدى ىلگەرىلەتۋ − بۇرىنعىلار ىستەپ كورمەگەن نەگىز قالاۋ سيپاتتى ءىس، مەجەلەۋگە بولاتىن جانە مەجەلەۋ قيىن ءتۇرلى حاۋىپ - قاتەرلەر مەن سايىستارعا، جاپاعا، قيىندىققا، قاتەرگە، كەدەرگىگە، اۋەلى، داۋىلدى تولقىندارعا جولىعاتىندىعىمىز تابيعي، ءسوز جوق، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، زەينەتتى كۇندە بەينەتتى كۇننىڭ بولارىن ويلاپ، كۇن ىلگەرى قامدانىپ، باتىلدىقپەن كۇرەس جاساپ، شەبەرلىكپەن كۇرەس جاساپ، قايسارلىقپەن كۇرەس جۇرگىزۋ ارقىلى، ىستەردى دامىتۋدىڭ جاڭا ءورىسىن اشۋ كەرەك. ستراتەگيالىق سەرگەكتىكتى ساقتاپ، ءتۇرلى حاۋىپ - قاتەرلەر مەن سايىستار جونىندە كوڭىلدە ەسەپ بولۋ؛ ستراتەگيالىق سەنىمدى ساقتاپ، كۇرەسكەرلىك جىگەردى كۇشەيتۋ؛ ستراتەگيالىق ىرىقتىلىقتى ساقتاپ، كۇرەس جاساۋ قابىلەتىن كۇشەيتۋ كەرەك. قابىلەتتى ءوسىرۋدى كۇشەيتىپ، باسشى كادرلاردىڭ، اسىرەسە، جاس كادرلاردىڭ قاتاڭ يدەيالىق شىڭدالۋدان، ساياسي توسەلۋدەن، امالياتتىق شىنىعۋدان، كاسىپتىك جاتتىعۋدان سۇرىنبەي ءوتىپ، كۇردەلى دە قاتاڭ كۇرەس بارىسىندا بوران - شاشىندى باسىنان وتكەرۋىنە، ىستىق - سۋىقتى باستان كەشىرۋىنە، تولىسا شىمىرلانۋىنا، قابىلەتىن ارتتىرۋىنا مۇمكىندىك جاساۋ كەرەك. قاتاڭ دا كۇردەلى كۇرەس بارىسىندا كادرلاردى تەكسەرۋگە، پارىقتاۋعا باسا ءمان بەرىپ، باتىلدىقپەن، شەبەرلىكپەن كۇرەس جاسايتىن، باتىلدىقپەن جاۋاپكەرشىلىك ارقالاپ، ىسكەرلىك كورسەتەتىن، باتىلدىقپەن يگەرىپ، شەبەرلىكپەن باسقارىپ، ادامداردى رەنجىتۋدەن قورىقپايتىن كادرلاردى قولداپ، جىگەرلەندىرىپ، جارامدى دەپ قاراعانداردى جۇرەكتىلىكپەن ىستەتۋ كەرەك.

　　شي جينپيڭ سوڭىندا بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، باستاما جىلداعى قىزمەتتەردى ويداعىداي يگەرۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، ورنىقتىلىقتى ماڭداي الدى ورىنعا قويۋعا تاباندى بولىپ، ورنىقتىلىق بارىسىندا ىلگەرىلەپ، ەل ءىشى، حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، رەفورما جاساۋدى، ەسىك اشۋدى جاپپاي تەرەڭدەتىپ، جوعارى ساپالى دامۋدى ىلگەرىلەتىپ، تيجارات نەگىزگى تۇلعالارىن سەنىمدى نىعايتۋعا، قوعامدىق مەجەنى ورنىقتىرۋعا ونان ارى جەتەكتەپ، ەكونوميكالىق اينالىمنىڭ تۇتاس تۇلعالىق جاقسارۋىن قۇلشىنا جۇزەگە اسىرۋ كەرەك.

　　لي چياڭ ساباق باستاۋ سالتىن باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزىندە جۇڭگو ۇلگىسىندەگى وسىزامانداندىرۋدىڭ ءبىر قىدىرۋ كەلەلى نازاريالىق جانە امالياتتىق ماسەلەلەرى تەرەڭدەي باياندالدى، بۇل جۇڭگو ۇلگىسىندەگى وسىزامانداندىرۋ نازارياسىنىڭ اسا زور بايىتىلۋى جانە دامىتىلۋى، وتە كۇشتى ساياسي سيپاتقا، نازاريالىق سيپاتقا، باعىتتامالىلىق سيپاتقا، جەتەكشىلىك سيپاتقا يە، بۇكىل پارتيانىڭ جۇڭگو ۇلگىسىندەگى وسىزامانداندىرۋدى دۇرىس ءتۇسىنۋ، پارتيا 20 - قۇرىلتايىنىڭ رۋحىن جاپپاي ۇيرەنۋ، جاپپاي يگەرۋ، جاپپاي تياناقتاندىرۋ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنۋ، ”مەملەكەتتىڭ زور ءىسىن“ ەستە بەرىك ساقتاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا جورىقتا پارتيا مەن مەملەكەت ىستەرى دامۋىنىڭ جاڭا جاعدايىن اشۋعا قۇلشىنۋ جونىنەن تۇگەلدەي توتەنشە ماڭىزدى مانگە يە. ءبىز مۇقيات ۇيرەنىپ، ءتۇسىنىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ءوز ءوڭىرىمىزدىڭ، ءوز تاراۋىمىزدىڭ، ءوز ورنىمىزدىڭ ءتۇرلى قىزمەتتەرىن تىڭعىلىقتى ويداعىداي يگەرىپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتۋىمىز كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، 20 - كەزەكتى ورتالىق كوميتەتتىڭ مۇشەسى بولعان پارتيا مەن مەملەكەتتىڭ باسقا دا باسشى جولداستارى، ورتالىق اسكەري ىستەر كوميتەتىنىڭ مۇشەلەرى ساباق باستاۋ سالتىنا قاتىناستى.

　　ورتالىق كوميتەتكە جاڭادان كىرگەن مۇشەلەر، كانديدات مۇشەلەر، ءارقايسى ولكە، رايون، قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى نەگىزگى جاۋاپتى جولداستار، ازاتتىق ارميانىڭ ءارقايسى ورىندارىنداعى جانە قارۋلى ساقشى بولىمدەرىندەگى نەگىزگى جاۋاپتى جولداستار زەرتتەۋ - تالقى كۋرسىنا قاتىناستى. ءارقايسى دەموكراتيالىق پارتيا - توپ ورتالىق كوميتەتتەرىندەگى، مەملەكەتتىك ساۋدا - ونەركاسىپشىلەر بىرلەستىگىندەگى، سونداي - اق قاتىستى جاقتارداعى جاۋاپتى جولداستار ساباق باستاۋ سالتىنا سىرتتاي قاتىناستى.