1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

  شي جينپيڭ كوكتەم مەرەكەسى قارساڭىندا بەينە ەكران بايلانىسى ارقىلى نەگىزگى ساتىداعى كادرلار مەن بۇقاراعا امانداستى، ولاردان حال سۇرادى

日期:2023年01月19日
来源:新疆日报
【字体:

  شي جينپيڭ كوكتەم مەرەكەسى قارساڭىندا بەينە ەكران بايلانىسى ارقىلى نەگىزگى ساتىداعى كادرلار مەن بۇقاراعا امانداستى، ولاردان حال سۇرادى

  بۇكىل ەلدەگى ءار ۇلت حالقىنا كوكتەم مەرەكەسى بايلانىسىمەن ىزگى تىلەك جولدادى،ءار ۇلت حالقىنىڭ باقىتتى، امان - ەسەن بولۋىن تىلەدى، ۇلى وتاننىڭ گۇلدەنىپ - قۇدىرەتتەنۋىن تىلەدى

  لي چياڭ، ساي چي، ديڭ شۋەشياڭ امانداسۋدا، حال سۇراۋدا بىرگە بولدى


  1 - ايدىڭ 18 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە بەينە ەكران بايلانىسى ارقىلى نەگىزگى ساتىداعى كادرلار مەن بۇقاراعا امانداستى، ولاردان حال سۇرادى، بۇكىل ەلدەگى ءار ۇلت حالقىنا كوكتەم مەرەكەسى بايلانىسىمەن ىزگى تىلەك جولدادى. (قۇراما سۋرەت)

□ سۋرەتتى شينحۋا اگەنتتىگىنىڭ تىلشىلەرى شيە حۋانچى، لي تاۋ تۇسىرگەن

  شينحۋا اگەنتتىگىنىڭ 1 - ايدىڭ 18 - كۇنى بەيجيڭنەن بەرگەن حابارى. جۇڭحۋا ۇلتىنىڭ ءداستۇرلى مەرەكەسى − كوكتەم مەرەكەسى كەلۋ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەينە ەكران بايلانىسى ارقىلى نەگىزگى ساتىداعى كادرلار مەن بۇقاراعا امانداستى، ولاردان حال سۇرادى، بۇكىل ەلدەگى ءار ۇلت حالقىنا كوكتەم مەرەكەسى بايلانىسىمەن ىزگى تىلەك جولداپ، ءار ۇلت حالقىنىڭ دەنساۋلىقتارىنىڭ مىقتى، وتباسىلارىنىڭ باقىتتى، ىستەرىنىڭ ىلگەرى، قويان جىلدارىنىڭ قۇتتى بولۋىن تىلەدى. ۇلى وتاننىڭ گۇلدەنىپ - قۇدىرەتتەنۋىن، ەل امان، جۇرت تىنىش بولۋىن تىلەدى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، ساي چي، ديڭ شۋەشياڭ امانداسۋدا، حال سۇراۋدا بىرگە بولدى.

  كوكتەم مەرەكەسى تاياعاندا بايتاق جۇڭگو دالاسىنىڭ بار الابى مەرەكەلىك مەرەيگە شومدى. 1 - ايدىڭ 18 - كۇنى تۇستەن بۇرىن شي جينپيڭ حالىق سارايىنىڭ شىعىس زالىندا حيلۇڭجياڭ، فۋجيان، شينجياڭ، حىنان، بەيجيڭ، سىچۋان سياقتى جەرلەردەگى نەگىزگى ساتىداعى كادرلارمەن جانە بۇقارامەن بەينە ەكراندا بايلانىس جاساپ، ىندەتتەن ساقتانۋدىڭ ءبىرىنشى شەبىندەگى ەمدەۋ قىزمەتكەرلەرىنە، يگىلىك ورنىنداعى قارت دوستارعا، ەنەرگيامەن قامداۋدى قامتاماسىز ەتۋ كاسىپورىندارىنداعى قىزمەتكەرلەرگە، جوعارى جىلدامدىقتى تەمىر جول ۆوگزالىنداعى كادرلار مەن جۇمىسشى - قىزمەتكەرلەرگە، اۋىل شارۋاشىلىعى ونىمدەرىن تولايىم ساتۋ بازارىنداعى ساۋداگەرلەر مەن بۇقاراعا، اۋىل - قىستاق نەگىزگى ساتىسىنداعى كادرلار مەن بۇقاراعا امانداسىپ، ولاردان حال سۇراپ، كوپشىلىككە پارتيا ورتالىق كوميتەتىنىڭ قامقورلىعى مەن حال سۇراۋىن جەتكىزدى.

  شي جينپيڭ جاڭا تيپتى ايدارشا ۆيرۋسپەن جۇعىمدالۋ ىندەتىنەن ساقتانۋ - تىزگىندەۋ جانە ناۋقاستاردى قۇتقارۋ - ەمدەۋ قىزمەتىنە ايرىقشا كوڭىل ءبولدى، ول الدىمەن حيلۇڭجياڭ ولكەسى حاربين مەديتسينا داشۋەسىنە قاراستى 1 - شيپاحانامەن بەينە ەكراندا بايلانىس جاساپ، ەمدەۋ قىزمەتكەرلەرىمەن جانە اۋرۋحانادا جاتقان ناۋقاستارمەن ىقىلاسپەن اڭگىمەلەسىپ، ساقتانۋ - تىزگىندەۋ شارالارى ساپالىلانىپ رەتتەلگەننەن كەيىنگى قىزۋ امبولاتورياسىنىڭ اۋرۋ كورۋ، سالماقتى ناۋقاستاردى قۇتقارۋ - ەمدەۋ، ءدارى - دارمەك دايىنداۋ جانە ناۋقاستاردىڭ دەنساۋلىعىنىڭ قالپىنا كەلۋى سياقتى جاعدايلاردى تاپتەشتەي سۇراپ ۇعىستى. شيپاحانا باستىعى شۇعىل اۋرۋلاردىڭ، سالماقتى ناۋقاستاردىڭ سانى ازايىپ كەلە جاتقاندىعىن، ناۋقاس بولمەلەرىنىڭ جانە توسەك - ورىندارىنىڭ جەتكىلىكتى ەكەندىگىن، ءدارى - دارمەكتەردىڭ تولىق دايىندالعاندىعىن ايتقاندا، شي جينپيڭ قاباعات ءسۇيىندى. ونان كەيىن شي جينپيڭ اۋرۋحانادا جاتقان ءبىر قارت ناۋقاسپەن ىقىلاسپەن اڭگىمەلەستى، ناۋقاستىڭ اۋرۋ جاعدايىنىڭ كورنەكتى جاقسارعاندىعىن، جۋىق ارادا اۋرۋحانادان شىعاتىندىعىن بىلگەندە، شي جينپيڭ ونىڭ دەنساۋلىعىنىڭ تەزىرەك قالپىنا كەلىپ، اۋرۋحانادان شىعۋىن، ۇيىنە بارىپ جاڭا جىلدى كوڭىلدى وتكىزۋىن تىلەدى. ول بىلاي دەپ اتاپ كورسەتتى: جاڭا تيپتى ايدارشا ۆيرۋسپەن جۇعىمدالۋ ىندەتى تۇتقيىل تۋىلعاننان بەرى، اسىرەسە، وسى رەتكى سۇراپىل ىندەت تاپ بەرگەندە، قالىڭ ەمدەۋ قىزمەتكەرلەرى ىندەتتەن ساقتانۋ - تىزگىندەۋ جانە كۇندەلىكتى ەمدەۋ سىندى ەكى شەپتە باستان - اياق شايقاس جاساپ، ۇزاق ۋاقىت جوعارى كۇشەمەلىلىكپەن شامادان تىس قىزمەت ىستەپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنا شىنايى كەپىلدىك ەتۋدە ەلەۋلى ۇلەس قوستى. شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ەمدەۋ قىزمەتكەرلەرىنە كوكتەم مەرەكەسى بايلانىسىمەن ىزگى تىلەك جولدادى. ول بىلاي دەپ باسا دارىپتەدى: تاياۋ 3 جىلدان بەرى ءبىز جاڭا تيپتى ايدارشا ۆيرۋسپەن جۇعىمدالۋ ىندەتىنە ”B تۇردەگى A باسقارۋدى“ قاتاڭ اتقاردىق، بۇل دۇرىس تالعام، تالاي رەتكى ۆيرۋستىڭ وزگەرۋ سوققىسىنا توتەپ بەرىپ، سالماقتى اۋرۋلار مولشەرى مەن قازا بولۋ مولشەرىن بارىنشا ازايتتىق، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن پارمەندى قورعادىق ءارى ىندەتتەن ساقتانۋ - تىزگىندەۋ شارالارىن ساپالىلاندىرۋ، ”B تۇردەگى B باسقارۋدى“ اتقارۋ ءۇشىن قىمباتتى ۋاقىت ۇتتىق. قازىر ىندەتتەن ساقتانۋ - تىزگىندەۋ جاڭا كەزەڭگە ءوتتى، ءالى دە قيىن كەزدە تۇرمىز، الايدا شۋاقتى كۇندەر الدىمىزدا، تاباندىلىق كورسەتسەك، جەڭىسكە جەتەمىز! كەزەكتە ساقتانۋ - تىزگىندەۋدىڭ ءتۇيىنى جۇعىمدالۋدان ساقتانۋدان مەديتسينالىق قۇتقارۋ - ەمدەۋ جاعىنا قاراي ويىستى، ماڭىزدى ءتۇيىنى − سالاماتتىقتى قامتاماسىز ەتۋ، سالماقتى اۋرۋدان ساقتانۋ. شيپاحانانىڭ ارقالاعان مىندەتى اناعۇرلىم اۋىر بولىپ وتىر. ەمدەۋ بايلىعىن اناعۇرلىم مولايتىپ، ەمدەۋ قىزمەت وتەۋىمەن قامداۋدى كۇشەيتىپ، ءدارى - دارمەكتى مول دايىنداۋ، اسىرەسە، سالماقتى اۋرۋلاردى قۇتقارۋ - ەمدەۋ بويىنشا توتەپ بەرۋگە ويداعىداي دايىندالىپ، قالىپتى ەمدەۋ ءتارتىبىن قامتاماسىز ەتۋ كەرەك. ەمدەۋ قىزمەتكەرلەرىنىڭ وزىندىك قورعانۋىن جانە ولارعا كوڭىل ءبولۋدى، قامقورلىق جاساۋدى كۇشەيتىپ، ولاردىڭ سالاماتتىعىنا شىنايى كەپىلدىك ەتۋ كەرەك. ءار دارەجەلى پارتكومدار مەن ۇكىمەتتەر حالىقتى بارىنەن جوعارى قويۋعا، ءومىردى بارىنەن جوعارى قويۋعا باستان - اياق تاباندى بولىپ، عىلمي ساقتانۋ - ەمدەۋگە، دالمە - ءدال شارا قولدانۋعا تاباندى بولىپ، ءتۇيىندى قۇرىلىمداردىڭ، ءتۇيىندى ورىنداردىڭ، ءتۇيىندى قاۋىمنىڭ ساقتانۋ - تىزگىندەۋىن شىنايى ويداعىداي ىستەپ، ءتۇرلى ەمدەۋ بايلىقتارىن ءبىر تۇتاس جوسپارلاپ، بۇقارانىڭ ەمدەلۋ، ءدارى - دارمەكتەن پايدالانۋ قاجەتىن ويداعىداي قامتاماسىز ەتۋ، اۋىل - قىستاق وڭىرلەرىنىڭ ىندەتتەن ساقتانۋ - تىزگىندەۋدەگى ولقىلىقتارىن تولىقتاۋ كەرەك.

  بەينە ەكران بايلانىس كوزى فۋجيان ولكەسى فۋجوۋ قالالىق قوعامدىق يگىلىك ورنىنا تۋرالاندى، يگىلىك ورنىنداعى قارتتار مەن كۇتۋشى قىزمەتكەرلەر باس شۋجيگە جاپا - تارماعاي امانداستى، شي جينپيڭ كوپشىلىكتىڭ مەرەكەسىنە قۇتتى بولسىن ايتتى. ول يگىلىك ورنىنىڭ تۇرمىس جانە ەمدەۋ شارت - جاعدايىن، ىندەتتەن ساقتانۋ - تىزگىندەۋ جانە قارتتاردىڭ ۆاكسينا ەكتىرۋ جاعدايىن تاپتەشتەي سۇراپ ۇعىستى، سونداي - اق يگىلىك ورنىنداعى قارتتارمەن دەنساۋلىق جاعدايى، كۇندەلىكتى تۇرمىسى جونىندە كەڭەس قۇرىپ، ولارعا جاقسىراق كۇتىنۋدى تاپسىردى. بۇل ارانىڭ تاعام تۇرلەرىنىڭ مول، ءدارى - دارمەك زاپاسىنىڭ جەتكىلىكتى ەكەندىگىن، نەگىزدىك اۋرۋى بار قارتتاردىڭ سالاماتتىعىن كۇندەلىكتى باقىلاۋدى كۇشەيتكەندىگىن، مەرەكە الدىندا مەرەكەلىك زاتتاردى جەتكىلىكتى دايىنداعاندىعىن بىلگەندە، شي جينپيڭ قاباعات قۋاندى. قارتتار وزدەرى ويعان ”福“ ءارىبى قاعاز قيماسىن الىپ، باس شۋجيگە شىن پەيىلدەرىمەن ىزگى تىلەك ءبىلدىردى، شي جينپيڭ العىس ايتتى.

  ول بىلاي دەپ باسا دارىپتەدى: كەزەكتە ۆيرۋس ءالى دە ۇزدىكسىز وزگەرۋدە، وسى رەتكى ىندەتتىڭ ۋىتى ازايعانىمەن، تارالۋى اناعۇرلىم تەز، جۇعىمدالعىشتىعى اناعۇرلىم كۇشتى بولىپ، قارتتارعا قاتەرى وتە زور بولدى، مەن قارت دوستارعا ايرىقشا كوڭىل بولەمىن، نازار اۋدارامىن. قارتتار كەزەكتەگى ىندەتتەن ساقتانۋ - تىزگىندەۋدە بارىنەن ماڭىزدى ورىندا تۇرادى، قارتتار ءۇيى، يگىلىك ورنى سياقتى قۇرىلىمدارداعى ادامداردى قورعاۋ جانە سالاماتتىق باسقارۋ شارالارىن باسقا ورىنداردان قاتايتىپ، توپتاسۋ سيپاتتى ىندەت تۋىلۋدان قاتاڭ ساقتانۋ كەرەك. قارتتار ءۇيى، يگىلىك ورنى سياقتىلار ەمدەۋ قۇرىلىمدارىمەن سايكەسۋدى كۇشەيتىپ، ۆاكسينا ەگۋدى تەزدەتىپ، ساقتانۋ - تىزگىندەۋ جانە قۇتقارۋ - ەمدەۋ مەحانيزمىن كەمەلدەندىرىپ، سالماقتى اۋرۋلاردى دەر كەزىندە قۇتقارۋعا، ەمدەۋگە شىنايى كەپىلدىك ەتۋى كەرەك. شي جينپيڭ بىلاي دەپ اتاپ كورسەتتى: ۇلكەندەردى قۇرمەتتەپ، قارتتاردى ايالاۋ − جۇڭحۋا ۇلتىنىڭ تاڭداۋلى ءداستۇرى جانە تاماشا ءمورالى. ءبىر قوعامنىڭ باقىتتى بولعان - بولماعاندىعىنا باعا بەرۋدە قارتتاردىڭ باقىتتى بولعان - بولماعاندىعىنا قاراۋ اسا ماڭىزدى. ەلىمىز قوعامىنىڭ قارتتانۋ دەڭگەيى بارعان سايىن جوعارىلاۋدا، ءسوز جوق، قارتتاردىڭ ءومىرىنىڭ سوڭعى شاقتارىن باقىتتى وتكىزۋىنە مۇمكىندىك جاساۋ كەرەك، قارتتاردى كۇتۋ ىستەرى مەن قارتتاردى كۇتۋ كاسىپ سالاسىن زور كۇشپەن دامىتىپ، ۇكىمەت قۇرعان قارتتاردى كۇتۋ قۇرىلىمدارى مەن قارتتاردى كۇتۋ جاعىنداعى جالپىعا بىردەي قىزمەت وتەۋدى دامىتۋ، اسىرەسە، ەرەكشە قيىنشىلىعى بار، ەڭ تومەنگى تۇرمىسى قامتاماسىز ەتىلەتىن، جاسى ۇلعايعان، قاۋقاردان ايرىلعان قارتتاردى ەڭ تومەنگى شەكتەن تۇسىرمەي قامتاماسىز ەتۋدى كۇشەيتۋ كەرەك. مادەنيەت، دەنە تاربيە قيمىلدارىن لايىقتى ۇيىمداستىرىپ، ورىستەتىپ، قارتتاردىڭ رۋحاني مادەنيەت تۇرمىسىن بايىتىپ، قارت دوستاردىڭ كوكتەم مەرەكەسىن كوڭىلدى، اقاۋسىز، بەرەكەلى وتكىزۋىنە مۇمكىندىك جاساۋ كەرەك.

  شينجياڭنىڭ تاكلاماكان شولىندەگى جۇڭگو مۇناي - تابيعي گاز توبى شەكتى سەرىكتەستىگىنىڭ تارىم مۇناي الابى − ەلىمىزدىڭ قۇرلىقتاعى ءۇشىنشى ۇلكەن مۇناي - تابيعي گاز الابى ءارى ەلىمىزدىڭ ”تابيعي گازدى باتىستان شىعىسقا جەتكىزۋدەگى“ نەگىزگى گاز قاينارى. بۇل وڭتۇستىك شينجياڭنىڭ جانە تومەنگى جەلى بويىنداعى 15 ولكە، اۆتونوميالى رايون، قالانى حالىق تۇرمىسىنا پايدالانىلاتىن تابيعي گازبەن قامتاماسىز ەتەدى. شي جينپيڭ تارىم مۇناي الابى سەرىكتەستىگى لۇننان مۇناي - تابيعي گاز ساقتاۋ - جەتكىزۋ ورتالىعى تابيعي گازدى باتىستان شىعىسقا جەتكىزۋ 1 - پۋنكتى كىلا تابيعي گاز جيناۋ وڭىرىمەن جەلىدە بايلانىس جاسادى. مەرەكە كەزىندە كەزەكپەن دەمالا الاسىزدار ما؟ سىزدەر مەرەكەنى سىرتتا وتكىزەسىزدەر، مەرەكەلىك زاتتاردى دايىنداپ الدىڭىزدار ما؟ كوكتەم مەرەكەسى كەزىندە ءوندىرىس حاۋىپسىزدىگىن قالاي مىقتى يگەرىپ، تابيعي گازبەن ورنىقتى قامداۋعا قالاي شىنايى كەپىلدىك ەتەسىزدەر؟ شي جينپيڭ ەگجەي - تەگجەيلى سۇرادى، جۇمىس باسىنداعى قىزمەتكەرلەر ءبىر - بىرلەپ جاۋاپ بەردى. باس شۋجي ولارعا جۇمىس ورىندارىن جاقسى ساقتاپ، تابيعي گازبەن ويداعىداي قامداپ، حالىق بۇقاراسىنىڭ كوكتەم مەرەكەسىن كوڭىلدى، بەرەكەلى وتكىزۋىن قامتاماسىز ەتۋدى تاپسىردى. شي جينپيڭ بىلاي دەپ باسا دارىپتەدى: ەنەرگيا حاۋىپسىزدىگى − ەلىمىزدىڭ ەكونوميكالىق، قوعامدىق دامۋ جالپى جاعدايىنا قاتىستى ەڭ ماڭىزدى حاۋىپسىزدىكتەردىڭ ءبىرى. كەزەكتە ەلىمىز قىس ماۋسىمىنداعى ەنەرگيا پايدالانۋدىڭ ەڭ جوعارى مەزگىلىندە تۇر. جەر - جەر، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات تياناقتاندىرىپ، بۇكىل ەل ”ءبىر تۇتاس جۇيە“ دەگەنگە تاباندى بولىپ، جونەلتۋدى دەن قويا ۇيىمداستىرىپ، كومىرمەن، ەلەكترمەن، مۇنايمەن، گازبەن قامداۋدى قامتاماسىز ەتۋ، باعانى ورنىقتىرۋ قىزمەتىن كۇش سالا ويداعىداي ىستەپ، ەرەكشە سۋىق اعىس اۋا رايىنا توتەپ بەرۋگە ويداعىداي دايىندالىپ، حالىق تۇرمىسىنا جۇمسالاتىن ەنەرگيانىڭ تومەنگى شەگىن ساقتاپ، بۇقارانىڭ قىستى جىلى وتكىزۋىنە شىنايى كەپىلدىك ەتۋى كەرەك. ورتالىق كاسىپورىندارى − ەنەرگيامەن قامداۋدى قامتاماسىز ەتۋدىڭ ”تىرەگى“، ساياسي دەڭگەيدى اناعۇرلىم جوعارىلاتىپ، جاۋاپكەرشىلىك سەزىم مەن بورىشتىلىق سەزىمدى كۇشەيتىپ، كوپ شارانى قاتار قولدانىپ، بار كۇشپەن ءونىم مولشەرىن ارتتىرىپ، قامداۋدى قامتاماسىز ەتىپ، ەكونوميكالىق، قوعامدىق دامۋعا جۇمسالاتىن ەنەرگيا قاجەتىنە شىنايى كەپىلدىك ەتۋى كەرەك.

  جىڭجوۋ شىعىس ۆوگزالى − ەلىمىزدەگى ەڭ ۇلكەن جوعارى جىلدامدىقتى تەمىر جول ۆوگزالدارىنىڭ ءبىرى، بيىل كوكتەمگى تاسىمال كەزىندە جولاۋشى جونەلتۋ مولشەرى مەجەمەن 3 ميلليون 370 مىڭ ادامعا جەتەدى. شي جينپيڭ بەينە ەكران بايلانىسى ارقىلى تەمىر جول جولاۋشى تاسىمالى كادرلارىنا، جۇمىسشى - قىزمەتكەرلەرىنە امانداستى، ولاردان حال سۇرادى. شىعىس ۆوگزالدىڭ ءبىرىنشى ايالداماسىندا جىڭجوۋ شىعىس ۆوگزالىنىڭ باستىعى پويەز ۆوگزالىنىڭ كوكتەمگى تاسىمال جالپى جاعدايىنان مالىمەت بەردى. شي جينپيڭ تاعى: پويەز ۆوگزالىندا قازىر ءار كۇنگى جولاۋشى مولشەرى قانشا؟ ىندەتتەن ساقتانۋ شارالارىنىڭ تياناقتانۋى قالاي؟ كوكتەمگى تاسىمالدا اماندىق باسقارۋ جونىندە نەندەي شارا قولداندىڭىزدار؟ - دەپ تاپتەشتەي سۇراپ، ولارعا ورنالاستىرۋدى دەن قويا ۇيىمداستىرىپ، حاۋىپسىزدىك تومەنگى شەگىن قاتاڭ ساقتاپ، جولاۋشىلاردىڭ امان - ەسەن جولاۋشىلاۋىنا شىنايى كەپىلدىك ەتۋدى تاپسىردى. بەكەت الاڭقىسىنداعى جولاۋشىلار باس شۋجيدى كورىپ، جاپا - تارماعاي كامەرا الدىنا كەلىپ، باس شۋجيگە امانداستى. شي جينپيڭ ولاردان: مەرەكە وتكىزۋ ءۇشىن ۇيلەرىڭىزگە قايتىپ بارا جاتىرسىزدار ما، الدە ساياحاتقا شىقتىڭىزدار ما؟ - دەپ تاپتەشتەي سۇراپ، ولارعا ساپار حاۋىپسىزدىگىنە كوڭىل ءبولۋدى ايتتى. شي جينپيڭ بىلاي دەپ اتاپ كورسەتتى: كوكتەمگى تاسىمال − حالىق بۇقاراسىنىڭ ءتول مۇددەسىنە قاتىستى، ەكونوميكالىق دامۋ مەن قوعام ورنىقتىلىعىنا قاتىستى ءىرى ءىس. بيىلعى كوكتەمگى تاسىمال − ىندەتتەن ساقتانۋ - تىزگىندەۋ جاڭا كەزەڭگە وتكەننەن كەيىنگى تۇڭعىش كوكتەمگى تاسىمال، جولاۋشىلار اعىنى زور مولشەردە قايتا ارتتى. قاتىناس - تاسىمال تاراۋلارى پارتيا ورتالىق كوميتەتىنىڭ تالاپتارىن بۇلجىتپاي دايەكتىلەندىرىپ، تياناقتاندىرىپ، قاتىناۋدى قامتاماسىز ەتۋ، ىركىلىسسىزدىكتى قامتاماسىز ەتۋ قابىلەتىن جوعارىلاتىپ، حالىق بۇقاراسىنىڭ امان - ەسەن، ساۋ - سالەمەت جولاۋشىلاۋىنا شىنايى كەپىلدىك ەتىپ، ءتۇيىندى زاتتىق ماتەريالدار تاسىمالىنىڭ ىركىلىسسىز، ءتارتىپتى بولۋىنا شىنايى كەپىلدىك ەتۋى كەرەك. تومەنگى شەكتە ويلاۋعا تاباندى بولىپ، ەرەكشە سۇركەيلى اۋا رايى جونىندەگى باقىلاۋ - ولشەۋدى جانە ساقتاندىرۋدى كۇشەيتىپ، حاۋىپسىزدىك كومەسكى كىناراتتارىن ءبىر - بىرلەپ تەكسەرىپ جونگە سالۋدى ىشكەرىلەي ورىستەتىپ، اۋىر، ەرەكشە ءىرى حاۋىپسىزدىك شىرعالاڭدارىنىڭ تۋىلۋىن باتىل تەجەۋ كەرەك. سالىستىرمالى شوعىرلى تۇردە ساپار شەگەتىن جۇمىسكەرلەر اعىنىنا، وقۋشىلار اعىنىنا قىزمەت كورسەتۋدى، جەتەكشىلىك ەتۋدى كۇشەيتىپ، ولاردىڭ مەرەكەدەن بۇرىن اۋىلىنا امان - ەسەن قايتۋىنا، مەرەكەدەن كەيىن قىزمەت ورنىنا، مەكتەبىنە ءساتتى ورالۋىنا شىنايى كەپىلدىك ەتۋ كەرەك. ءتۇرلى ساقتانۋ - تىزگىندەۋ بەلگىلەمەلەرىن قاتاڭ تياناقتاندىرىپ، ايقاسپالى جۇعىمدالۋ ىقتيمالدىعىن بارىنشا ازايتىپ، جولاۋشىلاردىڭ دەنساۋلىعىن قامتاماسىز ەتۋ كەرەك. شي جينپيڭ بىلاي دەپ باسا دارىپتەدى: ۇزاق ۋاقىتتان بەرى قاتىناس - تاسىمال جۇيەسىندەگى كادرلار مەن جۇمىسشى - قىزمەتكەرلەر باس الماي قاجىرلىلىقپەن ىستەپ، جاۋاپكەرشىلىك ارقالاپ ۇلەس قوسىپ، زور ەڭبەك ءسىڭىردى. كوكتەم مەرەكەسى كەزىندە جولداستاردىڭ كوبى قىزمەت ورىندارىنان تاپجىلمادى. شي جينپيڭ پارتيا ورتالىق كوميتەتى اتىنان قاتىناس - تاسىمال جۇيەسىندەگى كادرلارعا، جۇمىسشى - قىزمەتكەرلەرگە كوكتەم مەرەكەسى بايلانىسىمەن ىزگى تىلەك جولدادى ءارى جولاۋشىلاردىڭ ساپارىنا ساتتىلىك تىلەدى.

  شينفادي اۋىل شارۋاشىلىعى ونىمدەرى تولايىم بازارى − بەيجيڭ قالاسىنداعى ماڭىزدى ”كوجە قاتىق“، ”جەمىس - جيدەك“ قاينارى. شي جينپيڭ بەينە ەكران ارقىلى تولايىم بازارىندا جۇمىس ورىندارىنان تاپجىلماعان ساۋداگەرلەرگە جانە مەرەكەلىك زات ساتىپ الۋعا كەلگەن بۇقاراعا ىقىلاسپەن امانداسىپ، ولاردان حال سۇرادى. كوكونىس 1 - رايونىنىڭ ءۇستى اشىق ساۋدا اۋماعىندا ساۋداگەرلەر مەن سول ورىنداعى بۇقارا قىزۋ شاپالاق سوعىپ، باس شۋجيگە امانداستى. بازار جاۋاپتىسىنىڭ قامداۋدى قامتاماسىز ەتۋ جانە زات اينالىمى جاعدايى جونىندەگى تانىستىرۋىن تىڭداعاننان كەيىن، شي جينپيڭ وسى بىرنەشە كۇندەگى بازار اينالىم جاعدايىنىڭ قانداي بولعاندىعىن، بيىل ساۋداگەرلەردىڭ ساۋدا - ساتتىعىنىڭ قانداي بولعاندىعىن، بيىلعى تولايىم باعانىڭ قانداي بولعاندىعىن تاپتەشتەي سۇرادى. كوكونىس باعاسىنىڭ تۇراقتى بولعاندىعىن، تۇرلەرىنىڭ جەتكىلىكتى دە تولىق ەكەندىگىن بىلگەندە، شي جينپيڭ قاباعات ءسۇيىندى. ول بىلاي دەپ اتاپ كورسەتتى: اس − ادامنىڭ ارقاۋى. ”كوجە قاتىق“، ”استىق“، ”جەمىس - جيدەك“ سان مىڭداعان وتباسىنا سايادى، ەڭ نەگىزگى حالىق تۇرمىسى. مەرەكە - مەيرام وتكىزگەندە حاۋىپسىزدىكتى ۇمىتۋعا بولمايدى. تولايىم بازارى ءارى زات قاينارىن مولايتۋ، تۇرلەردى كوبەيتۋ، ساپاعا كەپىلدىك ەتۋ جاعىنا كۇش سالۋى، ءارى ازىق - تۇلىكتى تەكسەرۋ جانە بازاردى باسقارۋ جاعىنا كۇش سالىپ، استاناداعى قالا تۇرعىندارىنىڭ الاڭسىز تاماقتانۋىنا، جايلى تاماقتانۋىنا مۇمكىندىك جاساۋى كەرەك. اۋىل شارۋاشىلىعى ونىمدەرى بازارىندا ادام اعىنى، زات اينالىمى ءجيى بولادى، ىندەتتەن ساقتانۋ - تىزگىندەۋدەگى ءتۇيىندى ورىن، ادام اعىنىن، زات اينالىمىن لايىقتى رەتتەپ، مەڭگەرىپ، ىندەتتى قاداعالاۋدى، تەكسەرۋدى كۇشەيتىپ، بازار ورتاسىنىڭ تازالىعىن جاقسى ىستەپ، ىندەت حاۋىپ - قاتەرىن بارىنشا زور قۇلشىنىسپەن تومەندەتۋ كەرەك. شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر ”استىققا“ ولكە باستىعى جاۋاپتى بولۋ ءتۇزىمىن، ”كوجە قاتىققا“ قالا باستىعى جاۋاپتى بولۋ ءتۇزىمىن ويداعىداي تياناقتاندىرىپ، استىق، ماي، ەت، جۇمىرتقا، ءسۇت، جەمىس - جيدەك، كوكونىس، ساڭىراۋقۇلاق سياقتى ماڭىزدى حالىق تۇرمىسى تاۋارلارىن ءوندىرۋ - ساتۋدى، قامداۋدى قامتاماسىز ەتۋدى كۇشەيتىپ، زات جەتكىزۋدى ىركىلىسسىزدەندىرىپ، مەرەكەلىك بازار قامداۋىن مولايتىپ، سانى جەتكىلىكتى، ءتۇرى مول، ساپاسى سەنىمدى، باعاسى ورنىقتى بولۋىنا شىنايى كەپىلدىك ەتىپ، حالىق بۇقاراسىنىڭ كوكتەم مەرەكەسىن كوڭىلدى، الاڭسىز وتكىزۋىنە مۇمكىندىك جاساۋى كەرەك.

  سىچۋان ولكەسى ميانياڭ قالاسى بەيچۋان چياڭزۋ اۆتونوميالى اۋدانى شى - ي قىستاعى − ۋىنچۋان جەر سىلكىنىسىنەن كەيىن قايتا كوركەيگەن قىستاق، بۇگىنگى تاڭدا بۇل قىستاق مەملەكەتتىك وركەنيەتتى قىستاققا اينالدى. بۇل ارانىڭ تاۋى جاسىل، سۋى تۇنىق، بۇلتتارى جەر باۋىرلاي شۋدالانعان، ”تۇيدەك بۇلت ۇستىندەگى تاۋلى قىستاق“ دەپ اتالعان، پيپا، تايزى شايى سياقتى وزگەشە اۋىل شارۋاشىلىعى ونىمدەرى وتە جاقسى دامىعان، مادەنيەت قيمىلدارى جاندانىپ، اۋىل - قىستاق ساياحاتى وركەندەگەن، ءار ۇلت بۇقاراسى تاتۋ - ءتاتتى ءوتىپ، بار الاپ گۇلدەنىپ - كوركەيگەن بەينەگە شومعان. ۇلكەن ەكراننان ءداستۇرلى ۇلتتىق كيىم كيگەن چياڭزۋ بۇقاراسىنىڭ ءبىر اراعا باس قوسىپ، ءان ايتىپ، ءبي بيلەگەن، جۇزدەرىنەن باقىت كۇلكىسى ەسكەن كورىنىسى كورىندى. شي جينپيڭ بەينە ەكران بايلانىسى ارقىلى اۋىلداستاردىڭ، ساياحاتشىلاردىڭ كوكتەم مەرەكەسىنە قۇتتى بولسىن ايتتى، بۇكىل ەلدەگى شارۋا دوستارعا، اۋىل - قىستاقتى گۇلدەندىرۋدىڭ ءبىرىنشى شەبىندە كۇرەس جاساپ جاتقان جولداستارعا كوكتەم مەرەكەسى بايلانىسىمەن ىزگى تىلەك جولدادى. شي جينپيڭ قىستاق كادرلارىمەن، ساياحاتشىلارمەن بىرگە قىستاقتىڭ كىرىس جاعدايى، كوكتەم مەرەكەسىندە قىستاققا ساياحاتتاي كەلگەندەردىڭ از - كوپتىگى سياقتى ماسەلەلەر جونىندە ءبىر - بىرلەپ پىكىر اۋىستىردى. قىستاق تۇرعىندارى باس شۋجيگە كورىكتى جاراتىلىستىق كورىنىسكە، وزگەشە ۇلتتىق سالت - ساناعا سۇيەنگەن شى - ي قىستاعىنىڭ اۋىل شارۋاشىلىعى ونىمدەرى مەن شارۋالار شاتتىعى ساياجايى ساياحاتىنىڭ شالقي تۇسكەندىگىن ايتتى ءارى باس شۋجيدى قىستاققا كەلىپ قوناق بولۋعا ىقىلاسپەن ۇسىنىس ەتتى. شي جينپيڭ قۋانىشتى تۇردە بىلاي دەدى: جاڭا داۋىردەگى اۋىل - قىستاقتى گۇلدەندىرۋدە وزگەشە اۋىل شارۋاشىلىعى ونىمدەرى مەن اۋىل - قىستاق ساياحاتىن جاقسى ىستەۋ كەرەك، سىزدەر وتە جاقسى ۇلگىسىزدەر. سىزدەردىڭ ۇزدىكسىز قۇلشىنىپ، العا ۇمتىلۋ ارقىلى اۋىل - قىستاقتى گۇلدەندىرۋ بارىسىندا جاڭا دا اناعۇرلىم زور ناتيجەگە قول جەتكىزىپ، بىرگە بايۋعا بىرگە قادام تاستاپ، تۇرمىستارىڭىزدىڭ شالقي ءتۇسۋىن ءۇمىت ەتەمىن. شي جينپيڭ بىلاي دەپ باسا دارىپتەدى: ىندەتتەن ساقتانۋ - تىزگىندەۋ شاراسى ساپالىلانىپ رەتتەلگەننەن كەيىن، مەنىڭ قاتتى الاڭدايتىنىم اۋىل - قىستاق جانە قالىڭ شارۋا دوستار بولدى. اۋىل - قىستاقتاردىڭ ەمدەۋ شارت - جاعدايى سالىستىرمالى ءالسىز، ساقتانۋ - تىزگىندەۋ قيىندىعى زور، مىندەتى اۋىر. كەدەيلىكتەن ارىلتۋدان قامال الۋداعى سياقتى، ”5 دارەجەلى شۋجيلەر“ اۋىل - قىستاقتىڭ ساقتانۋ - تىزگىندەۋىن يگەرۋگە تاباندى بولىپ، اۋدان، اۋىل، قىستاق سىندى 3 دارەجە قاراستى جەر جاۋاپكەرشىلىگىن ايرىقشا ۇستىنە الىپ، اۋىلىنا ورالعان جۇمىسكەرلەرگە جانە جوعارى - ورتا تەحنيكۋم وقۋشىلارىنا ىندەتتەن ساقتانۋ جاعىنداعى قىزمەت وتەۋدى كۇشەيتىپ، اۋىل - قىستاقتاعى قارتتار، نارەستەلەر، اۋرۋلار، مۇگەدەكتەر، جۇكتى ايەلدەر سياقتى ءتۇيىندى قاۋىمنىڭ ەمدەۋ قامتاماسىزدىعىن كۇشەيتىپ، شارۋا قاۋىمىنىڭ دەنساۋلىعىن جانە قالىپتى ءوندىرىس - تۇرمىس ءتارتىبىن بارىنشا ويداعىداي قورعاپ، بۇقارانىڭ كوكتەم مەرەكەسىن امان - ەسەن وتكىزۋىنە شىنايى كەپىلدىك ەتۋ كەرەك.

  وسىدان كەيىن جەر - جەردەگى نەگىزگى ساتى كادرلارى مەن بۇقارانىڭ شاتىرلاعان شاپالاق ءۇنى مەن الاقايلاعان داۋىسى ىشىندە شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: ”ءار رەت مەرەكە تاياعاندا اۋىلداعى تۋىس - تۋعاندارعا دەگەن ساعىنىش كۇشەيەدى“. كوكتەم مەرەكەسىنىڭ قۋانىشتى كۇنىندە، نەگىزگى ساتىداعى كادرلار مەن بۇقارانى بۇرىنعىدان ارى ويلايمىن. وتكەن جىلدارداعى وسى كەزدەردە مەن نەگىزگى ساتىعا بارىپ ارالاپ، كوپشىلىكپەن اڭگىمە دۇكەنىن قۇرىپ، كوپشىلىكتىڭ تاعى نەندەي قيىنشىلىعى بار ەكەنىن كورىپ، كوپشىلىكتىڭ جاڭا جىلدا قانداي ويلارى بار ەكەنىن ۇعىسىپ، كوپشىلىكتىڭ كوكتەم مەرەكەسىن قارسى العان قۋانىشىنا ورتاقتاسۋشى ەدىم. بيىل بەينە ەكراندا بايلانىس جاساۋ ءتاسىلىن قولدانىپ، بۇرىنعىدان دا كوپ جەرلەردى كوردىم، شىعىس پەن باتىس، وڭتۇستىك پەن سولتۇستىك بارلىق جەردى كوردىم، ارامىزدى ەكران ءبولىپ تۇرعانىمەن، مەن بۇكىل ەلدىڭ جەر - جەرىندەگى قويۋ مەرەكەلىك رايدى باياعىداي سەزىندىم، كوپشىلىكتىڭ باقىتى مەن قۋانىشىن سەزىندىم، مەنىڭ جۇرەگىم كوپشىلىكتىڭ، بۇكىل ەلدەگى ءار ۇلت حالقىنىڭ جۇرەگىمەن قاي - قاشان دا بىرگە بايلانىسقان! وسى ورايدا مەن پارتيا ورتالىق كوميتەتى اتىنان كوپشىلىككە شىنايى امانداسامىن، قىزمەت ورنىندا تاپجىلماي قاجىرلىلىقپەن ەڭبەك ەتىپ جاتقان جولداستاردان ىقىلاسپەن حال سۇرايمىن!

  شي جينپيڭ بىلاي دەپ اتاپ كورسەتتى: جاڭا جىلعا قاراعان ءتۇن مەن كوكتەم مەرەكەسى − جۇڭحۋا ۇلتىنىڭ ءداستۇرلى مەرەكەسى، جالپى قاۋىمنىڭ باس قوساتىن، ەسكى جىلدى ۇزاتىپ، جاڭا جىلدى قارسى الاتىن قۋانىشتى كۇنى. مەنىڭ ەڭ ۇلكەن تىلەگىم − كوپشىلىكتىڭ كوكتەم مەرەكەسىن شات - شادىمان وتكىزۋى. ءار دارەجەلى پارتكومدار مەن ۇكىمەتتەر مەرەكە كەزىندەگى ەلەكترمەن قامداۋدى، گازبەن قامداۋدى، جىلۋمەن قامداۋدى شىنايى قامتاماسىز ەتىپ، ”كوجە قاتىقتى“، ”استىقتى“، ”جەمىس - جيدەكتى“ ويداعىداي يگەرىپ، ازىق - تۇلىك حاۋىپسىزدىگىن باقىلاۋ - باسقارۋدى كۇشەيتۋى، اسىرەسە، جاڭا كەزەڭدەگى ىندەتتەن ساقتانۋ - تىزگىندەۋ شارالارىن ويداعىداي تياناقتاندىرىپ، توسىن ۋاقيعالاردان جانە حاۋىپسىزدىك شىرعالاڭدارىنان ساقتانىپ، بۇكىل ەلدەگى ءار ۇلت حالقىنىڭ شات مەرەيگە تولى، الاڭسىز، بەرەكەلى كوكتەم مەرەكەسىن وتكىزۋىنە شىنايى كەپىلدىك ەتۋى كەرەك.

  شي جينپيڭ بىلاي دەپ باسا دارىپتەدى: وتكەن ءبىر جىل وتە وزگەشە بولدى ءارى وڭاي بولعان جوق، ءبىز بىرگە قۇلشىنىپ، ءتۇرلى قيىنشىلىقتار مەن سايىستاردى جەڭدىك، ءار شەپتەگىلەردىڭ بارلىعى جاڭا ناتيجەگە قول جەتكىزدى. كوپشىلىكتىڭ بارلىعى ۇلەس قوستى، ءاربىر ادام كەرەمەت بولدى. جاڭا ءبىر جىل پارتيا 20 - قۇرىلتايىنىڭ رۋحىن جاپپاي دايەكتىلەندىرەتىن، تياناقتاندىراتىن باستاما جىل. كوپشىلىكتىڭ سەنىمدى بەكەمدەپ، رۋحتى سەرپىلتىپ، ءبىر جاعادان باس، ءبىر جەڭنەن قول شىعارىپ قايراتتانا ىستەپ، جاڭا ءبىر جىلدا اناعۇرلىم زور ىسكەرلىك كورسەتۋىن، اناعۇرلىم زور تابىسقا كەنەلۋىن ءۇمىت ەتەمىن.

  ليۋ گوجۇڭ، سۇن چۇنلان، حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار امانداسۋدا، حال سۇراۋدا بىرگە بولدى.