شي جينپيڭ ورتالىقتىڭ اۋىل - قىستاق قىزمەتى ماجىلىسىندە بىلاي دەپ باسا دارىپتەدى
اۋىل شارۋاشىلىعىندا قۋاتتى ەل قۇرۋ نىساناسىن كوزدەپ، اۋىل شارۋاشىلىعى، اۋىل - قىستاق قىزمەتىن شىنايى ويداعىداي يگەرۋ كەرەك
لي كىچياڭ باسقاردى، لي چياڭ، ۋاڭ حۋنيڭ، حان جىڭ، ساي چي، ديڭ شۋەشياڭ قاتىناستى
ورتالىقتىڭ اۋىل - قىستاق قىزمەتى ءماجىلىسى 12 - ايدىڭ 23 - كۇنىنەن 24 - كۇنىنە دەيىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
شينحۋا اگەنتتىگىنىڭ 12 - ايدىڭ 24 - كۇنى بەيجيڭنەن بەرگەن حابارى. ورتالىقتىڭ اۋىل - قىستاق قىزمەتى ءماجىلىسى 12 - ايدىڭ 23 - كۇنىنەن 24 - كۇنىنە دەيىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەپ بىلاي دەپ باسا دارىپتەدى: اۋىل - قىستاقتى گۇلدەندىرۋدى جاپپاي ىلگەرىلەتۋ، اۋىل شارۋاشىلىعىندا قۋاتتى ەل قۇرۋدى جەدەلدەتۋ − پارتيا ورتالىق كوميتەتىنىڭ جاپپاي سوتسياليستىك وسىزاماندانعان قۋاتتى مەملەكەت قۇرۋدى كوزدە ۇستاي وتىرىپ جاساعان ستراتەگيالىق ورنالاستىرۋى. مەملەكەتتى قۇدىرەتتەندىرۋدە الدىمەن، ءسوز جوق، اۋىل شارۋاشىلىعىن كۇشەيتۋ كەرەك، اۋىل شارۋاشىلىعى كۇشەيسە عانا مەملەكەت قۇدىرەتتەنەدى. اۋىل شارۋاشىلىعىندا قۋاتتى ەل بولمايىنشا، تۇتاس وسىزاماندانعان قۇدىرەتتى ەل بولماق ەمەس؛ اۋىل شارۋاشىلىعى، اۋىل - قىستاق وسىزاماندانباسا، سوتسياليستىك وسىزامانداندىرۋ دا جالپى بەتتىك بولمايدى. قايراتتانا ىسكە كىرىسىپ، اۋىل - قىستاقتى گۇلدەندىرۋدى وزەك ەتكەن اۋىل شارۋاشىلىعى، اۋىل - قىستاق، شارۋالار قىزمەتتەرىن ويداعىداي يگەرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى زور كۇشپەن ىلگەرىلەتىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ جولىندا قۇلشىنا كۇرەس جۇرگىزۋ كەرەك.
لي كىچياڭ ءماجىلىستى باسقاردى. لي چياڭ، ۋاڭ حۋنيڭ، حان جىڭ، ساي چي، ديڭ شۋەشياڭ ماجىلىسكە قاتىناستى.
شي جينپيڭ بىلاي دەپ اتاپ كورسەتتى: اۋىل شارۋاشىلىعىندا قۋاتتى ەل بولۋ − سوتسياليستىك وسىزاماندانعان قۇدىرەتتى ەل بولۋدىڭ نەگىزى، حالىقتىڭ تاماشا تۇرمىس قاجەتىن قاناعاتتاندىرۋ، جوعارى ساپالى دامۋدى جۇزەگە اسىرۋ، مەملەكەت حاۋىپسىزدىگى نەگىزىن بەكەمدەۋ تۇگەلدەي اۋىل شارۋاشىلىعىنىڭ دامۋىنان قول ۇزە المايدى. اۋىل شارۋاشىلىعىندا قۋاتتى ەل قۇرۋدا جۇڭگوشا ەرەكشەلىكتى ايگىلەپ، ەلىمىزدىڭ مەملەكەت جاعدايىن تياناق ەتىپ، ادام كوپ، جەر از بولۋ سىندى بايلىق ارتىقشىلىعىن، ەگىنشىلىك وركەنيەتىنىڭ تاريحي نەگىزىن، ادام مەن تابيعاتتىڭ جاراسىمدى قاتار ءومىر ءسۇرۋى سىندى ءداۋىر تالابىن تياناق ەتىپ، ءوز جولىمىزبەن ءجۇرۋىمىز كەرەك، شەتەلدىڭ وسىزاماندانعان اۋىل شارۋاشىلىعىندا قۋاتتى ەل بولۋ ۇلگىسىن جايدان - جاي كوشىرىپ قولدانا سالۋعا بولمايدى. ءوز كۇشىمىزگە سۇيەنىپ، اس كەسەمىزدى مىقتى ۇستاپ، قوس قاباتتى شارۋاشىلىق تۇزىلىسىنە سۇيەنىپ اۋىل شارۋاشىلىعىن دامىتىپ، ەكولوگيالىق، تومەن كومىر قىشقىل گازدى اۋىل شارۋاشىلىعىن دامىتىپ، ەگىنشىلىك وركەنيەتىن جالعاستىرىپ، بىرگە بايۋدى تىڭعىلىقتى ىلگەرىلەتۋىمىز كەرەك. كوز الدا اۋىل شارۋاشىلىعىندا قۋاتتى ەل قۇرۋ نىساناسىن كوزدەپ، اۋىل شارۋاشىلىعى، اۋىل - قىستاق، شارۋالار قىزمەتىن عىلمي جوبالاپ جانە ىلگەرىلەتىپ، جوعارى دەڭگەيدە جوبالاۋدى كۇشەيتىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ جوباسىن جاساۋ؛ بىرتىندەپ ىلگەرىلەپ، تىڭعىلىقتى ىستەپ، نەگىز قالايتىن، ۇزاق بولاشاققا پايدالى ىستەردى كوبىرەك ىستەۋ؛ جەرگىلىكتى جاعدايعا قاراي ىستەپ، ناقتى ونىمدىلىككە ءمان بەرىپ، بايلىق ارتىقشىلىعى مەن دامۋ كەزەڭىن تياناق ەتىپ، اۋىل شارۋاشىلىعى مەن اۋىل - قىستاقتىڭ دامۋىنداعى ەڭ شۇعىل، شارۋالاردىڭ اڭىسى ەڭ كۇشتى بولىپ وتىرعان ءىس جۇزىندىك ماسەلەلەردى شەشىپ، ءىس جۇزىندىكتەن قول ۇزەتىن بەت - بەدەل ينجەنەرياسىمەن اينالىسپاۋ كەرەك.
شي جينپيڭ بىلاي دەپ باسا دارىپتەدى: استىقپەن جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋدى قامتاماسىز ەتۋ قاشاندا اۋىل شارۋاشىلىعىندا قۋاتتى ەل قۇرۋداعى ماڭداي الدى ءىرى ءىس سانالادى. جاڭا كەزەكتى 100 ميلليارد جىڭدىق استىق ءوندىرىس قۋاتىن جوعارىلاتۋ ارەكەتىن اتقارىپ، اتقارۋ جوباسىن جەدەل جاساۋ كەرەك. ەگىستىك جەر مەن تۇقىم سىندى ەكى وزەكتى مىقتى يگەرىپ، ءبىر ميلليارد 800 ميلليون مۋ ەگىستىك جەردىڭ قىزىل سىزىعىن باتىل ساقتاپ، ماڭگىلىك نەگىزگى ەگىنجايلاردى تۇگەلدەي جوعارى ولشەمدى ەگىنجايلار ەتىپ بىرتىندەپ قۇرىپ شىعىپ، تۇقىم شارۋاشىلىعىن گۇلدەندىرۋ ارەكەتىن شىنايى يگەرە وتىرىپ ناقتى ونىمدىلىككە قول جەتكىزىپ، باستى تۇقىم سورتتارىن ءوز قولىمىزدا مىقتاپ يگەرۋىمىز كەرەك. استىق ەگەتىن شارۋالاردىڭ كىرىسىن قامتاماسىز ەتۋ مەحانيزمىن اقاۋسىزداندىرىپ، نەگىزگى ءوندىرىس وڭىرلەرىندە مۇددەلىك تولىقتاما بەرۋ مەحانيزمىن اقاۋسىزداندىرۋ كەرەك. استىق حاۋىپسىزدىگىن قامتاماسىز ەتۋدە ءونىمدى ارتتىرۋ مەن زياندى ازايتۋدىڭ ەكى جاعىنا دا تەڭ كۇش سالىپ، ازىق - تۇلىكتى ۇنەمدەۋدىڭ ءتۇرلى ارەكەتتەرىن ۇزدىكسىز تەرەڭدەتۋ كەرەك. ۇلكەن ازىق - تۇلىك كوزقاراسىن ورناتىپ، كوپ نەگىزدى ازىق - تۇلىكپەن قامداۋ جۇيەسىن ورناتىپ، ازىق - تۇلىك قاينارىن كوپ جولدارمەن اشۋ كەرەك. باعالاۋدى قاتايتىپ، جەر - جەردى استىق حاۋىپسىزدىگىن قامتاماسىز ەتۋ جاۋاپكەرشىلىگىن شىنايى ارقالاۋعا قۋزاۋ كەرەك.
شي جينپيڭ بىلاي دەپ اتاپ كورسەتتى: اۋىل - قىستاقتى گۇلدەندىرۋدى جاپپاي ىلگەرىلەتۋ − جاڭا داۋىردەگى اۋىل شارۋاشىلىعىندا قۋاتتى ەل قۇرۋدىڭ ماڭىزدى مىندەتى، ادام كۇشى ۇسىنىلىمى، زات كۇشىنىڭ ورنالاستىرىلۋى، قازىنا كۇشىمەن قامتاماسىز ەتۋدىڭ بارلىعىن تۇگەلدەي اۋىل - قىستاقتى گۇلدەندىرۋگە ويىستىرۋ كەرەك. كاسىپ سالاسى، دارىندى، مادەنيەت، ەكولوگيا، ۇيىم سىندى ”بەستى گۇلدەندىرۋدى“ جاپپاي ىلگەرىلەتىپ، ءبىر تۇتاس ورنالاستىرۋ جاساپ، سايكەستى ىلگەرىلەتىپ، ءتۇيىندى يگەرىپ، ولقىلىقتاردى تولىقتاۋ كەرەك. كاسىپ سالاسىن گۇلدەندىرۋ − اۋىل - قىستاقتى گۇلدەندىرۋدەگى ماڭىزدىنىڭ ماڭىزدىسى، كاسىپ سالاسى ارقىلى كومەكتەسۋ - سۇيەمەلدەۋ ساياساتىن تياناقتاندىرىپ، جەرگىلىكتى ەرەكشەلىككە يە ونىمدەرگە قاتىستى جۇمىستاردى ويداعىداي ىستەپ، اۋىل شارۋاشىلىعىنىڭ، اۋىل - قىستاقتاردىڭ ەرەكشە بايلىقتارىنا سۇيەنىپ، اۋىل شارۋاشىلىعىنىڭ كوپ ءتۇرلى فۋنكتسيالارىن اشۋ، اۋىل - قىستاقتىڭ كوپ نەگىزدى قۇنىن اشۋ ارقىلى ونىمدىلىككە قول جەتكىزىپ، 1 -، 2 -، 3 - كاسىپتەردى توعىستىرا دامىتۋ ارقىلى ونىمدىلىككە قول جەتكىزىپ، جەتەكشى كاسىپورىنداردى الۋەتتەندىرىپ، كاسىپ سالاسى تىزبەگىن تولىقتاپ، كاسىپ فورمالارىن وركەندەتىپ، ماركا جاراتىپ، اۋىل - قىستاق كاسىپ سالاسىنىڭ دەڭگەيىن تۇتاس تىزبەك بويىنشا جوعارىلاتۋدى ىلگەرىلەتىپ، بازار باسەكەسىنە قابىلەتتىلىك پەن باياندى دامۋ قابىلەتىن كۇشەيتۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ − اۋىل - قىستاقتى گۇلدەندىرۋدى جاپپاي ىلگەرىلەتۋدىڭ تومەنگى شەك مىندەتى، جاۋاپكەرشىلىكتى ۇزدىكسىز قاتايتىپ، ناقتىلاندىرىپ، كەدەيلىكتەن ارىلعان حالىق پەن كەدەيلىكتەن ارىلعان وڭىرلەرگە ارنالعان كومەكتەسۋ - سۇيەمەلدەۋ ساياساتىن ويداعىداي ۇشتاستىرىپ، شارالاردى تىڭعىلىقتى تياناقتاندىرىپ، قىستاق بويىنشا، اۋىل بويىنشا قايتا كەدەيلەسۋ جايتىنىڭ تۋىلۋىنان باتىل ساقتانۋ كەرەك. شارۋالاردىڭ كىرىسىن ارتتىرۋدى اۋىل شارۋاشىلىعى، اۋىل - قىستاق، شارۋالار قىزمەتىنىڭ وزەكتى مىندەتى ەتۋگە تاباندى بولىپ، شارۋالاردىڭ كىرىس ارتتىرۋ، بايۋ ارنالارىن مۇمكىندىكتىڭ بارىنشا كەڭەيتۋ كەرەك.
شي جينپيڭ بىلاي دەپ باسا دارىپتەدى: عىلىم - تەحنيكا مەن رەفورما سىندى قوس جەتەككە سۇيەنىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ كەرەك. دۇنيە ءجۇزى اۋىل شارۋاشىلىعى عىلىم - تەحنيكاسىنىڭ الدىڭعى لەگىن ءجىتى قاداعالاپ، ەلىمىز اۋىل شارۋاشىلىعىنىڭ عىلىم - تەحنيكالىق دەڭگەيىن زور كۇشپەن جوعارىلاتىپ، جوعارى دەڭگەيدەگى اۋىل شارۋاشىلىعى عىلىم - تەحنيكاسىندا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋدى جەدەلدەتۋ كەرەك. جاڭالىق اشۋ جۇيەسىنىڭ جالپى تۇلعالىق رولىن كۇش سالا جوعارىلاتىپ، اركىم بەت - بەتىنە كەتۋ، تومەن دەڭگەيدە قايتالاۋشىلىق، كادەگە جاراتۋ مولشەرى جوعارى بولماۋ سياقتى كورنەكتى ماسەلەلەردى ويداعىداي شەشۋ كەرەك. اۋىل شارۋاشىلىعىنداعى شەشۋشى، وزەكتى تەحنيكالاردان قامال الۋدى جەتەكشى، كاسىپ سالاسىنىڭ شۇعىل قاجەتىن باعدار ەتىپ، نازاردى تاعاندىق تەحنيكا، وزەكتى تۇقىم قاينارى، شەشۋشى اۋىل شارۋاشىلىعى ماشينا - جابدىقتارى سياقتى سالالارعا شوعىرلاندىرىپ، بۇكىل مەملەكەت بويىنشا جۇمىلاتىن جاڭاشا ءتۇزىلىس باسىمدىعىن ساۋلەلەندىرىپ، ءار دارەجەلى، ءار ءتۇرلى باسىمدىققا يە عىلمي زەرتتەۋ بايلىقتارىن بىرىكتىرىپ، كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن كۇشەيتىپ، اۋىل شارۋاشىلىعى عىلىم - تەحنيكاسىندا جاڭالىق اشۋدىڭ ساتىلىق دەڭگەيى ايقىن، جۇمىس ءبولىسى بويىنشا سەلبەسەتىن، لايىقتى باسەكەلەسەتىن جۇيەسىن ورناتۋ كەرەك. مەملەكەتتىڭ اۋىل شارۋاشىلىعى عىلىم - تەحنيكا ستراتەگيالىق كۇشىن قالىپتاستىرىپ، اۋىل شارۋاشىلىعى سالاسىنداعى ەلەۋلى جاڭالىق اشۋ تۇعىرلارى قۇرىلىسىن قولداۋ كەرەك. اۋىل - قىستاق رەفورماسىن تەرەڭدەتۋدە، ءسوز جوق، شارۋالار مەن جەردىڭ قاتىناسىن ويداعىداي ءبىر جاقتى ەتۋ سىندى نەگىزگى جەلىنى ۇزدىكسىز مىقتى يگەرىپ، كوللەكتيۆ مەنشىك ءتۇزىمى نەگىزىن كۇشەيتۋدى، شارۋالاردىڭ كوللەكتيۆ مۇشەسىندىك ۇقىعىن قامتاماسىز ەتۋ مەن جۇزەگە اسىرۋدى بايلىق فاكتورىن جانداندىرۋمەن بىرلىككە كەلتىرىپ، اۋىل - قىستاق كوللەكتيۆ بايلىعى مەن مال - مۇلكىنىڭ ۇقىعىن ويداعىداي ءبولۋ مەن ۇقىق قۇزىرەتىن كەمەلدەندىرۋ ءىسىن ويداعىداي ىستەپ، قالىڭ شارۋالاردى رەفورما بارىسىندا اناعۇرلىم كوپ جەتىستىكتەردەن يگىلىكتەندىرۋ كەرەك. كوتەرمەگە الۋ مەرزىمىن تاعى 30 جىل ۇزارتۋدىڭ ءتۇرلى قىزمەتتەرىن تىڭعىلىقتى ويداعىداي ىستەپ، باسىم كوپ ساندى شارۋا وتباسىلاردىڭ بۇرىنعى كوتەرمەگە الۋ ۇقىعىنىڭ تۇراقتىلىعىن ساقتاۋعا، كوتەرمەگە الۋدى ءساتتى ۇزارتۋىنا شىنايى كەپىلدىك ەتۋ كەرەك. لايىقتى كولەمدەگى تيجاراتتى دامىتىپ، وتباسىلىق ەگىس الاڭى، شارۋالار سەلبەستىك كووپەراتيۆى سياقتى جاڭاشا تيجارات تۇلعالارىن دامىتۋدى قولداپ، اۋىل شارۋاشىلىعىنىڭ قوعامدانعان قىزمەت وتەۋ جۇيەسىن جەدەل اقاۋسىزداندىرىپ، ۇساق شارۋا وتباسىلارىنا ويداعىداي قىزمەت وتەۋ، ولاردى ويداعىداي جەتەكتەۋ كەرەك. اۋىل - قىستاق قورا - جايلىق جەر ءتۇزىمى رەفورماسىن تۇيىندە سىناق ەتۋدى ورنىقتى، بايىپتى ىلگەرىلەتىپ، اۋىل - قىستاقتاعى كوللەكتيۆتىك تيجارات سيپاتتى قۇرىلىسقا پايدالانىلاتىن جەرلەردى بازارعا سالۋدى تۇيىندە سىناق ەتۋدى تەرەڭدەتىپ، جەردىڭ ارتقان قۇن پايداسىن ءبولۋ مەحانيزمىن كەمەلدەندىرۋ كەرەك. قالا مەن اۋىلداعى فاكتورلاردىڭ تەڭ تۇرعىدا اۋىسۋىنا، قوس باعىتتا جىلجۋىنا كەدەرگى بولاتىن تۇزىمدىك بوگەسىندەردى الاستاپ، دامۋ فاكتورلارىنىڭ، ءتۇرلى قىزمەت وتەۋلەردىڭ اۋىل - قىستاققا كوبىرەك ءتۇسۋىن جەبەپ، الدىمەن اۋدان كولەمىندە قالا مەن اۋىلدىڭ ەكى نەگىزدى قۇرىلىمىن جويۋ كەرەك.
شي جينپيڭ بىلاي دەپ باسا دارىپتەدى: اۋىل - قىستاقتى وسىزامانداندىرۋ − اۋىل شارۋاشىلىعىندا قۋاتتى ەل قۇرۋدىڭ ىشكى تالابى جانە قاجەتتى شارتى، قونىسقا جايلى، كاسىپكە ىڭعايلى جاراسىمدى دا كورىكتى اۋىل - قىستاق قۇرۋ اۋىل شارۋاشىلىعىندا قۋاتتى ەل قۇرۋدىڭ تيەسىلى ءمانى. اۋىل شارۋاشىلىعىن وسىزامانداندىرۋ مەن اۋىل - قىستاقتى وسىزامانداندىرۋدى ءبىر تۇلعالاندىرا ىلگەرىلەتىپ، اۋىل - قىستاقتىڭ سىرتىنان ىشىنە دەيىن، سىرتقى كەلبەتى مەن رۋحى سايما - ساي جان - جاقتى دامۋىن جۇزەگە اسىرۋ كەرەك. ”اۋىل - قىستاقتىڭ وسى زامانعى تۇرمىس شارت - جاعدايىن نەگىزىنەن ازىرلەۋى“ نىساناسىن كوزدەپ، اۋىل - قىستاق قۇرىلىسى ارەكەتىن ويداعىداي ۇيىمداستىرىپ اتقارۋ، اسىرەسە، ىندەتتەن ساقتانۋ، قارتتاردى كۇتىمدەۋ، وقۋ - اعارتۋ، ەمدەۋ سياقتى جاقتارداعى الەۋمەتتىك قىزمەت وتەۋ قۇرىلعىلارى قۇرىلىسىن جەدەلدەتىپ، اۋىل - قىستاق نەگىزدىك قۇرىلعىلارىنىڭ كەمەلدىلىگىن، الەۋمەتتىك قىزمەت وتەۋدىڭ قولايلىلىعىن، قونىس ورتاسىنىڭ جايلىلىعىن جوعارىلاتىپ، شارۋالاردىڭ ءوز جەرىندە - اق وسى زامانعى وركەنيەتتى تۇرمىس كەشىرۋىنە مۇمكىندىك جاساۋ كەرەك. پارتيا ۇيىمىنىڭ باسشىلىعىنداعى ءوزىن - ءوزى باسقارۋ، زاڭمەن باسقارۋ، مورالمەن باسقارۋ ءوزارا ۇشتاستىرىلعان اۋىل - قىستاق باسقارۋ جۇيەسىن كەمەلدەندىرىپ، اۋىل - قىستاقتىڭ ومىرشەڭدىك كۇشىن قاۋلاتۋ ءارى ورنىقتى دا ءتارتىپتى ەتۋ كەرەك. اۋىل - قىستاقتىڭ رۋحاني وركەنيەت قۇرىلىسىن كۇشەيتىپ، زاڭمەن باسقارۋ تاربيەسىن كۇشەيتىپ، ەسكى سالت - سانانى وزگەرتۋدى ىلگەرىلەتىپ، شارۋالاردى جۇمىستارىن زاڭ بويىنشا بىتىرۋگە، ىسكە جولىققاندا زاڭعا جۇگىنۋگە، ماسەلەنى شەشۋدە زاڭنان پايدالانۋعا، قايشىلىقتاردى جويۋدا زاڭعا سۇيەنۋگە، قىستاق قاعيداسىنا، حالىق كەلىسىمىنە سانالى بويسۇنۋعا جەتەكتەۋ كەرەك.
شي جينپيڭ بىلاي دەپ اتاپ كورسەتتى: پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە باسشىلىق ەتۋ پرينسيبىنە بۇلجىماي تاباندى بولىپ، باسشىلىق ءتۇزىلىسى مەن قىزمەت مەحانيزمىن اقاۋسىزداندىرىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ ءۇشىن پارمەندى كەپىلدىك ازىرلەۋ كەرەك. بەس دارەجەلى شۋجيلەر اۋىل - قىستاقتى گۇلدەندىرۋدى يگەرۋگە تاباندى بولۋ، اۋداندىق پارتكوم شۋجيى ”الدىڭعى شەپتەگى باس قولباسشى“ مىندەتىن ويداعىداي وتەۋ كەرەك. اۋىل شارۋاشىلىعىنا قاتىستى كادرلاردى باۋلۋ سەرپىنىن كۇشەيتىپ، اۋىل شارۋاشىلىعى، اۋىل - قىستاق، شارۋالار قىزمەتى قابىلەتىن جوعارىلاتىپ، قىزمەت ستيلىن جاقسارتىپ، ساياسيدا توسەلگەن، جاڭا ءداۋىر تالابىنا ۇيلەسەتىن، اۋىل شارۋاشىلىعىندا قۋاتتى ەل قۇرۋعا باسشىلىق ەتۋ قابىلەتى بار اۋىل شارۋاشىلىعى، اۋىل - قىستاق، شارۋالار قىزمەتى كادرلار قوسىنىن تۇلعالاۋ كەرەك. جەرگىلىكتى ورىننان باۋلۋ مەن سىرتتان ەنگىزۋدى ءوزارا ۇشتاستىرۋعا تاباندى بولىپ، قىستاق پارتيا ۇيىمىنىڭ شۋجيلەرىن جانە جاڭاشا اۋىل شارۋاشىلىعى تيجارات تۇلعالارى جەتەكشىلەرىن باۋلۋدى ءتۇيىندى كۇشەيتىپ، شارۋالاردىڭ ساپاسىن، دەڭگەيىن جان - جاقتى جوعارىلاتىپ، اۋىل دارىندىلارىن ويداعىداي تاربيەلەۋ، ولاردان ۇتىمدى پايدالانۋ؛ ءبىر توپ دارىندى ەنگىزىپ، داشۋە بىتىرگەن وقۋشىلاردى اۋىلعا كەلۋگە، قابىلەتتىلەردى اۋىلعا ورالۋعا، شارۋا جۇمىسكەرلەردى اۋىلعا قايتۋعا، كاسىپورىنشىلاردى اۋىلعا كەلۋگە تارتىپپەن جەتەكتەپ، ولاردىڭ الاڭسىز بولۋىنا كومەكتەسىپ، ولاردىڭ تۇراقتاپ تۇرۋىنا، شارۋاشىلىق قۇرۋىنا مۇمكىندىك جاساۋ كەرەك. قىستاق پارتيا ۇيىمىنىڭ باسشىلىعىنداعى قىستاق دارەجەلى ۇيىمدىق جۇيەنى اقاۋسىزداندىرىپ، اۋىل - قىستاق نەگىزگى ساتى پارتيا ۇيىمىن پارتيانىڭ باسشىلىعىن ءونىمدى تۇردە جۇزەگە اسىراتىن پارمەندى جاۋىنگەرلىك قامال ەتىپ قۇرىپ شىعۋ كەرەك.
لي كىچياڭ ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزىن پارتيا 20 - قۇرىلتايىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، جاپپاي سوتسياليستىك وسىزاماندانعان قۇدىرەتتى ەل قۇرۋ جالپى جاعدايىن، كەلەلى جاعدايىن كوزدە ۇستاي وتىرىپ، اۋىل شارۋاشىلىعىندا قۋاتتى ەل قۇرۋدىڭ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋدىڭ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءبىر قىدىرۋ كەلەلى نازاريالىق جانە امالياتتىق ماسەلەلەرىن جۇيەلى ءتۇسىندىرىپ، كەزەكتەگى جانە الداعى ءبىر مەزگىلدەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ نىسانالارىن، مىندەتتەرىن، ستراتەگيالىق تۇيىندەرىن جانە نەگىزگى جۇمىس باعىتىن ايقىندادى، اسا ماڭىزدى جەتەكشى مانگە يە. مۇقيات ۇيرەنىپ، ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ءماجىلىستىڭ نەگىزگى تاقىرىبىمەن جانە قىزمەت امالياتىمەن ۇشتاستىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ويداعىداي دايەكتىلەندىرۋ، تياناقتاندىرۋ كەرەك.
حۋ چۇنحۋا قورىتىندى ءسوز سويلەگەندە مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى − اۋىل شارۋاشىلىعىندا قۋاتتى ەل قۇرۋدىڭ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋدىڭ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ عىلمي باعدارناماسى جانە ارەكەت تۇعىرناماسى. باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن جان - جاقتى ۇيرەنىپ، دايەكتىلەندىرىپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ نەگىزگى جۇمىس مىندەتتەرىن باتىلدىقپەن ويداعىداي ورىنداپ، استىق جانە ماڭىزدى اۋىل شارۋاشىلىعى ونىمدەرى ءوندىرىسىن كۇش سالا ويداعىداي يگەرىپ، كەدەيلىكتەن ارىلتۋدان قامال الۋ جەتىستىكتەرىن ويداعىداي بەكەمدەپ، كەڭەيتىپ، قونىسقا جايلى، كاسىپكە ىڭعايلى جاراسىمدى دا كورىكتى اۋىل - قىستاق قۇرىلىسىن تىڭعىلىقتى ىلگەرىلەتىپ، شارۋالاردىڭ كىرىسىن ارتتىرىپ بايۋ ارناسىن كەڭەيتىپ، اۋىل - قىستاقتى باسقارۋدى كۇشەيتۋ جانە جاقسارتۋ كەرەك. بەس دارەجەلى شۋجيلەردىڭ بىرگە يگەرۋىنە تاباندى بولىپ، جەر - جەردىڭ ءىس جۇزىندىك جاعدايىن نەگىزگە الىپ، اۋىل شارۋاشىلىعىنىڭ، اۋىل - قىستاقتىڭ زاڭدىلىعى بويىنشا جۇمىس ىستەپ، شارۋالاردىڭ تىلەگىنە جانە العاشقى جاسامپازدىق رۋحىنا قۇرمەت ەتىپ، قىزمەت ونىمدىلىگىن ۇزدىكسىز جوعارىلاتۋ كەرەك. قازىر اۋىل - قىستاقتا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى ءتۇيىندى تۇردە ويداعىداي يگەرىپ، قاراستى جەر جاۋاپكەرشىلىگىن قاتاڭ تياناقتاندىرىپ، اۋىلعا قايتقان جۇمىسكەرلەردىڭ جانە جوعارى، ورتا تەحنيكۋم وقۋشىلارىنىڭ ىندەتتەن ساقتانۋىنا قىزمەت وتەۋدى كۇشەيتىپ، اۋىل - قىستاقتاعى قارتتار، بالالار، ناۋقاستار، مۇگەدەكتەر، جۇكتى ايەلدەر سياقتى ءتۇيىندى قاۋىمعا قاراتىلعان ەمدەۋ قامتاماسىزدىعىن كۇشەيتىپ، اۋىل - قىستاق تۇرعىندارىنىڭ دەنساۋلىعى مەن قالىپتى ءوندىرىس، تۇرمىس ءتارتىبىن ەڭ جوعارى شەكتە ويداعىداي قورعاۋ كەرەك.
ءماجىلىس «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 2023 - جىلعى اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءتۇيىندى قىزمەتتەرىن ويداعىداي ىستەۋ جونىندەگى پىكىرىن (تالقىلاناتىن نۇسقا)» تالقىلادى.
ءبىر ءبولىم جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى قاتىستى باسشى جولداستار قاتارلىلار ماجىلىسكە قاتىناستى.
ورتالىق اۋىل - قىستاق قىزمەتى باسشىلىق گرۋپپاسىنىڭ مۇشەلەرى، ءارقايسى ولكە، اۆتونوميالى رايون، توتە قاراستى قالالاردىڭ جانە جوسپارى ايىرىم جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى باستى جاۋاپتى جولداستار جانە اۋىل شارۋاشىلىعى، اۋىل - قىستاق قىزمەتىن مىندەتىنە الىپ باسقاراتىن جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، قاتىستى فينانس قۇرىلىمدارىنداعى جانە كاسىپورىندارداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ءارقايسى ولكە، رايون، قالالاردا بولىمشە ءماجىلىس ورنى ورنالاستىرىلدى.
