شي جينپيڭ تۇڭعىش كەزەكتى جۇڭگو - اراب ەلدەرى باسشىلار ماجىلىسىنە قاتىناستى ءارى ارقاۋ ءسوز سويلەدى
ءوزارا قارايلاسۋ، تەرەزەسى تەڭ بولۋ، ءوزارا تيىمدىلىك جەتكىزۋ، سيىسىمدى بولۋ، ءوزارا ۇلگى الۋداي جۇڭگو - اراب ەلدەرى دوستىق رۋحىن اسقاقتاتىپ، جاڭا داۋىرگە بەت العان جۇڭگو - اراب ەلدەرى تاعدىرلاس ورتاق تۇلعاسىن قول ۇستاسا قۇرۋدى باسا دارىپتەدى
جەرگىلىكتى ۋاقىت 12 - ايدىڭ 9 - كۇنى تۇستەن كەيىن، تۇڭعىش كەزەكتى جۇڭگو - اراب ەلدەرى باسشىلار ءماجىلىسى ساۋد ارابياسىنىڭ استاناسى ريادتاعى ابدۇل ازيز پاتشا حالىقارالىق ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ باسشىلار ماجىلىسىنە قاتىناستى ءارى «جۇڭگو - اراب ەلدەرى دوستىق رۋحىن اسقاقتاتىپ، جاڭا داۋىرگە بەت العان جۇڭگو - اراب ەلدەرى تاعدىرلاس ورتاق تۇلعاسىن قول ۇستاسا قۇرايىق» دەگەن تاقىرىپتا ارقاۋ ءسوز سويلەدى.
□ سۋرەتتى شينحۋا اگەنتتىگى تاراتقان
جەرگىلىكتى ۋاقىت 12 - ايدىڭ 9 - كۇنى تۇستەن كەيىن، تۇڭعىش كەزەكتى جۇڭگو − اراب ەلدەرى باسشىلار ءماجىلىسى ساۋد ارابياسىنىڭ استاناسى ريادتاعى ابدۇل ازيز پاتشا حالىقارالىق ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ جانە ساۋد ارابياسىنىڭ پاتشا مۇراگەرى، قوسىمشا باس ءۋازىرى مۇحاممەد، ەگيپەتتىڭ زۇڭتۇڭى سيسي، يوردانيانىڭ پاتشاسى ابدۇللا II، باحرەيننىڭ پاتشاسى حاماد، كۆەيتتىڭ پاتشا مۇراگەرى ميشال، تۋنيستىڭ زۇڭتۇڭى سايىد، جيبۋتيدىڭ زۇڭتۇڭى گەللە، پالەستيننىڭ زۇڭتۇڭى ابباس، كاتاردىڭ ءامىرى تاميم، كومورونىڭ زۇڭتۇڭى ازالي، ماۆريتانيانىڭ زۇڭتۇڭى عازوۋاني، يراقتىڭ زۇڭليى سۋداني، ماروككونىڭ باس ءۋازىرى احەننوۋش، الجيريانىڭ زۇڭليى ابدۇراحمان، ليۆاننىڭ زۇڭليى ميكاتي قاتارلى اراب وداعىنا مۇشە 21 ەلدىڭ باسشىلارى، سونداي - اق اراب ەلدەرى وداعىنىڭ باس حاتشىسى گايت قاتارلى حالىقارالىق ۇيىمداردىڭ جاۋاپتىلارى باسشىلار ماجىلىسىنە قاتىناستى. شي جينپيڭ «جۇڭگو - اراب ەلدەرى دوستىق رۋحىن اسقاقتاتىپ، جاڭا داۋىرگە بەت العان جۇڭگو - اراب ەلدەرى تاعدىرلاس ورتاق تۇلعاسىن قول ۇستاسا قۇرايىق» دەگەن تاقىرىپتا ارقاۋ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر ني سى - ي، ۋ جۇڭمين). جەرگىلىكتى ۋاقىت 12 - ايدىڭ 9 - كۇنى تۇستەن كەيىن، تۇڭعىش كەزەكتى جۇڭگو - اراب ەلدەرى باسشىلار ءماجىلىسى ساۋد ارابياسىنىڭ استاناسى ريادتاعى ابدۇل ازيز پاتشا حالىقارالىق ءماجىلىس ورتالىعىندا وتكىزىلدى. باسشىلار ءماجىلىسى «تۇڭعىش كەزەكتى جۇڭگو - اراب ەلدەرى باسشىلار ءماجىلىسىنىڭ رياد جارناماسىن» جاريالادى، جۇڭگو - اراب ەلدەرى ەكى جاقتىڭ جاڭا داۋىرگە بەت العان جۇڭگو - اراب ەلدەرى تاعدىرلاس ورتاق تۇلعاسىن بار كۇشپەن قۇرۋعا ءبىر اۋىزدان قوسىلعاندىعىن جاريالادى.
مەملەكەت ءتوراعاسى شي جينپيڭ جانە ساۋد ارابياسىنىڭ پاتشا مۇراگەرى، قوسىمشا باس ءۋازىرى مۇحاممەد، ەگيپەتتىڭ زۇڭتۇڭى سيسي، يوردانيانىڭ پاتشاسى ابدۇللا II، باحرەيننىڭ پاتشاسى حاماد، كۆەيتتىڭ پاتشا مۇراگەرى ميشال، تۋنيستىڭ زۇڭتۇڭى سايىد، جيبۋتيدىڭ زۇڭتۇڭى گەللە، پالەستيننىڭ زۇڭتۇڭى ابباس، كاتاردىڭ ءامىرى تاميم، كومورونىڭ زۇڭتۇڭى ازالي، ماۆريتانيانىڭ زۇڭتۇڭى عازوۋاني، يراقتىڭ زۇڭليى سۋداني، ماروككونىڭ باس ءۋازىرى احەننوۋش، الجىريانىڭ زۇڭليى ابدۇراحمان، ليۆاننىڭ زۇڭليى ميكاتي قاتارلى اراب ەلدەرى وداعىنا مۇشە 21 ەلدىڭ باسشىسى، سونداي - اق اراب ەلدەرى وداعىنىڭ باس حاتشىسى گايت قاتارلى حالىقارالىق ۇيىمداردىڭ جاۋاپتىلارى باسشىلار ماجىلىسىنە قاتىناستى.
شي جينپيڭ ماجىلىستە «جۇڭگو - اراب ەلدەرى دوستىعى رۋحىن اسقاقتاتىپ، جاڭا ءداۋىردى بەتكە العان جۇڭگو - اراب ەلدەرى تاعدىرلاس ورتاق تۇلعاسىن قول ۇستاسا قۇرايىق» دەگەن تاقىرىپتا ارقاۋ ءسوز سويلەدى.
شي جينپيڭ بىلاي دەپ اتاپ كورسەتتى: جۇڭگو مەن اراب ەلدەرىنىڭ دوستىعىنىڭ، اۋىس - كۇيىسىنىڭ تامىرى تەرەڭ، بايىرعى جىبەك جولىندا ءوزارا ءبىلىسىپ، ارالاسىپ، ۇلت ازاتتىعى كۇرەسى بارىسىندا تار جول، تايعاق كەشۋدى بىرگە باستان وتكىزىپ، ەكونوميكانىڭ جاھاندانۋ تولقىنىندا سەلبەستىك جاساپ تەڭ يگىلىككە كەنەلىپ، حالىقارالىق جاعدايدىڭ وزگەرىسى بارىسىندا ادامگەرشىلىكتى بەرىك ساقتاپ، ”ءوزارا قارايلاسۋ، تەرەزەسى تەڭ بولۋ، ءوزارا تيىمدىلىك جەتكىزۋ، سيىسىمدى بولۋ، ءوزارا ۇلگى الۋ“ سىندى جۇڭگو - اراب ەلدەرى دوستىعى رۋحىن ۇيىستىردى. ءوزارا قارايلاسۋ − جۇڭگو مەن اراب ەلدەرى دوستىعىنىڭ ايقىن ەرەكشەلىگى. جۇڭگو مەن اراب ەلدەرى ءوزارا سەنىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولدادى، ستراتەگيالىق سەرىكتەستىك قارىم - قاتىناسى اسا بەرىك. تەرەزەسى تەڭ بولۋ، ءوزارا تيىمدىلىك جەتكىزۋ − جۇڭگو مەن اراب ەلدەرى دوستىعىنىڭ سارقىلماس قوزعاۋشى كۇشى. جۇڭگو مەن اراب ەلدەرى ءوزارا تيىمدىلىك جەتكىزىپ، تەڭ يگىلىككە كەنەلىپ، وڭتۇستىك - وڭتۇستىك سەلبەستىگىنىڭ ۇلگىسىن ورناتتى. سيىسىمدى بولىپ، ءوزارا ۇلگى الۋ − جۇڭگو مەن اراب ەلدەرى دوستىعىنىڭ قۇن بەتالىسى. جۇڭگو مەن اراب ەلدەرى ءوزارا ءسۇيىنىپ، ءوزارا ۇيرەنىپ، ءوزارا ۇلگى الىپ، وركەنيەتتەردىڭ تىلدەسۋىن بىرگە دارىپتەپ، دۇنيە ءجۇزى وركەنيەتتەرىنىڭ كوپ تۇرلىلىگىن قورعادى.
شي جينپيڭ بىلاي دەپ باسا دارىپتەدى: قازىر دۇنيە ءجۇزى تىڭ اۋمالى - توكپەلى وزگەرىس مەزگىلىنە ءوتتى، ورتا شىعىس وڭىرىندە تەرەڭ وزگەرىستەر تۋىلۋدا. اراب حالقىنىڭ بەيبىتشىلىك پەن دامۋدى تالاپ ەتكەن ءۇمىت - تىلەگى اناعۇرلىم كوكەي تەستى بولىپ، ادىلدىككە، تۋراشىلدىققا تالپىنعان ءۇنى اناعۇرلىم كۇشەيدى. جۇڭگو مەن اراب ەلدەرى ستراتەگيالىق سەرىكتەر رەتىندە، جۇڭگو - اراب ەلدەرى دوستىعى رۋحىن ۇزدىكسىز جالعاستىرىپ جانە اسقاقتاتىپ، ىنتىماقتى، سەلبەستىكتى كۇشەيتىپ، اناعۇرلىم تىعىز جۇڭگو − اراب ەلدەرى تاعدىرلاس ورتاق تۇلعاسىن قۇرىپ، ەكى جاق حالىقتارىنا اناعۇرلىم مول قۇت - ىرىس اكەلىپ، ادامزاتتىڭ العا باسۋ ىستەرىن جەبەۋى كەرەك.
− ءبىز دەربەس، وزىنە - ءوزى قوجايىن بولۋعا تاباندى بولىپ، ورتاق مۇددەنى قورعاۋىمىز كەرەك. جۇڭگو جاق اراب ەلدەرىنىڭ ءوز ەلدەرىنىڭ مەملەكەت جاعدايىنا ۇيلەسەتىن دامۋ جولىن دەربەس قاراستىرىپ، بولاشاق تاعدىرىن ءوز قولىندا مىقتاپ ۇستاۋىن قولدايدى، اراب ەلدەرى جاقپەن ستراتەگيالىق ءوزارا سەنىمدىلىكتى تەرەڭدەتۋدى قالايدى، ءبىر - ءبىرىنىڭ مەملەكەتتىڭ يەلىك ۇقىعىن، تەرريتوريا تۇتاستىعىن، ۇلتتىق نامىسىن قورعاۋىن باتىل قولدايدى. ەكى جاق ىشكى ىسكە كيلىكپەۋ پرينسيبىنە تاباندى بولىپ، شىن مانىندەگى كوپ جاقتىلىقتى امالياتتا ايگىلەپ، بارشا وركەندەپ كەلە جاتقان ەلدەردىڭ ورىندى ۇقىق - مۇددەسىن قورعاۋى كەرەك.
− ءبىز نازاردى ەكونوميكالىق دامۋعا شوعىرلاندىرىپ، سەلبەسىپ تەڭ يگىلىككە كەنەلۋدى جەبەۋىمىز كەرەك. دامۋ ستراتەگيالارىن ۇشتاستىرۋدى كۇشەيتىپ، ”ءبىر بەلدەۋ، ءبىر جولدى“ جوعارى ساپالى بىرگە قۇرۋ كەرەك. ەكونوميكا - ساۋدا، ەنەرگيا، نەگىزدىك قۇرىلعى قۇرىلىسى سياقتى ءداستۇرلى سەلبەستىكتەردى بەكەمدەپ، جاسىل، تومەن كومىر قىشقىل گازى، سالاماتتىق، ەمدەۋ، قارجى قوسۋ، فينانس سياقتى جاڭا ارتۋ ۇيەكتەرىن كۇشەيتىپ، اۆياتسيا - عارىش، سيفرلى ەكونوميكا، يادرو ەنەرگياسىنان بەيبىت پايدالانۋ سياقتى جاڭا سالالاردا ءورىس اشىپ، استىق حاۋىپسىزدىگى، ەنەرگيا حاۋىپسىزدىگى سياقتى ەلەۋلى سىن - سايىستارعا ويداعىداي توتەپ بەرۋ كەرەك. جۇڭگو جاق اراب ەلدەرى جاقپەن بىرگە الەمدىك دامۋ باستاماسىن تياناقتاندىرىپ، وڭتۇستىك - وڭتۇستىك سەلبەستىگىنىڭ باياندى دامۋدى جۇزەگە اسىرۋىنا جەتەكشىلىك ەتۋدى قالايدى.
− ءبىز ءوڭىردىڭ بەيبىتشىلىگىن قورعاپ، ورتاق حاۋىپسىزدىكتى جۇزەگە اسىرۋىمىز كەرەك. جۇڭگو جاق اراب ەلدەرى جاقتىڭ قولامتالى، قيىن ماسەلەلەردى اراب اقىل - پاراساتىن قولدانىپ ساياسي جولمەن شەشۋدى ىلگەرىلەتىپ، ورتاق، جالپى بەتتىك، سەلبەسەتىن، باياندى ورتا شىعىس حاۋىپسىزدىگى جۇلگەسىن ورناتۋىن قولدايدى. جۇڭگو جاق حالىقارالىق قوعامدى ورتا شىعىس حالقىنىڭ قوجايىندىق ورنىنا قۇرمەت ەتۋگە، ورتا شىعىستىڭ حاۋىپسىزدىگىنە، ورنىقتىلىعىنا وڭ ەنەرگيا ۇستەۋگە ۇندەيدى. جۇڭگو جاق اراب ەلدەرى جاقتىڭ الەمدىك حاۋىپسىزدىك باستاماسىنا ات سالىسۋىن قارسى الادى، ۇزدىكسىز تۇردە ورتا شىعىستىڭ بەيبىتشىلىگىن، تىنىشتىعىن جەبەۋگە جۇڭگو پاراساتىن قوسۋدى قالايدى.
− ءبىز وركەنيەتتەردىڭ اۋىس - كۇيىسىن كۇشەيتىپ، تۇسىنىستىكتى، سەنىمدىلىكتى نىعايتۋىمىز كەرەك. ادامداردىڭ بارىس - كەلىسىن كەڭەيتىپ، گۋمانيتارلىق سەلبەستىكتى تەرەڭدەتىپ، ەل باسقارۋ تاجىريبەسى جونىندە اۋىس - كۇيىس ورىستەتۋ كەرەك. ”ءىسلامنان قورقۋ دەرتىنە“ بىرگە قارسى تۇرىپ، ۇشقارىلىقتى الاستاۋ سەلبەستىگىن ورىستەتىپ، لاڭكەستىكتى بەلگىلى ۇلتپەن، بەلگىلى دىنمەن بايلانىستىرۋعا قارسى تۇرۋ كەرەك. بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى تۇتاس ادامزاتتىڭ ورتاق قۇندىلىقتارىن اسقاقتاتىپ، جاڭا داۋىردەگى وركەنيەتتەردىڭ اۋىس - كۇيىسىنىڭ، ءوزارا ۇلگى الۋىنىڭ ۇلگىسىن ورناتۋ كەرەك.
شي جينپيڭ بىلاي دەپ اتاپ كورسەتتى: جۇڭگو - اراب ەلدەرى تاعدىرلاس ورتاق تۇلعاسىن قۇرۋدى جانە «جۇڭگو - اراب ەلدەرى جان - جاقتى سەلبەستىك جوسپارى باعدارلاماسىن» تياناقتاندىرۋدى ءبىرىنشى قادام ەتىپ، بولاشاقتاعى 3 جىلدان 5 جىلعا دەيىنگى ۋاقىتتا جۇڭگو جاق اراب ەلدەرى جاقپەن بىرگە دامۋ، استىق حاۋىپسىزدىگى، دەنساۋلىق ساقتاۋ - سالاماتتىق، جاسىل جاڭالىق اشۋ، ەنەرگيا حاۋىپسىزدىگى، وركەنيەتتەردىڭ تىلدەسۋى، جاستاردىڭ جەتىلۋى، حاۋىپسىزدىك - ورنىقتىلىق سىندى 8 سالادا ”8 ۇلكەن ورتاق ارەكەتتى“ ىلگەرىلەتۋدى قولداپ، ەرتەرەك ناتيجەگە قول جەتكىزۋدى قالايدى.
شي جينپيڭ بىلاي دەپ باسا دارىپتەدى: پالەستين ماسەلەسى ورتا شىعىستىڭ بەيبىتشىلىگىنە، ورنىقتىلىعىنا سايادى. پالەستين حالقى ۇشىراعان تاريحي ادىلەتسىزدىكتى مەرزىمسىز سوزا بەرۋگە بولمايدى، ۇلتتىڭ زاڭدى ۇقىق - مۇددەسىن ايىرباسقا سالۋعا بولمايدى، دەربەس مەملەكەت قۇرۋ تىلەگىن تەرىستەۋگە بولمايدى. حالىقارالىق قوعام ”ەكى ەل جوباسى“ سەنىمىن بەكەمدەپ، ”جەردى بەيبىتشىلىككە ايىرباستاۋ“ پرينسيبىندە بەرىك تاباندى بولىپ، بەيبىتشىلىككە شاقىرۋعا، كەلىسسوزدى جەبەۋگە باتىلدىقپەن كۇش سالىپ، پالەستين ماسەلەسىنىڭ ەرتەرەك ادىلدىكپەن شەشىم تابۋىن جەبەۋگە ءتيىس. جۇڭگو جاق پالەستين جاققا ۇزدىكسىز ادامگەرشىلىك كومەگىن بەرىپ، پالەستين جاقتىڭ حالىق تۇرمىسى قۇرىلىسى نىساندارىن اتقارۋىن قولدايدى.
شي جينپيڭ ەڭ سوڭىندا بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ 20 - قۇرىلتايى جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتۋ مىندەتى مەن جولىن ايقىندادى. جۇڭگو جاق دۇنيە ءجۇزىنىڭ بەيبىتشىلىگىن قورعاۋعا تاباندى بولىپ، ورتاق دامۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، جۇڭگونىڭ جاڭا دامۋى ارقىلى اراب ەلدەرىن قامتىعان ءار ەلگە تىڭ وراي ازىرلەيدى. وسى رەتكى باسشىلار ماجىلىسىندە، جۇڭگو مەن اراب ەلدەرى ەكى جاعى جاڭا ءداۋىردى بەتكە العان جۇڭگو - اراب ەلدەرى تاعدىرلاس ورتاق تۇلعاسىن بار كۇشپەن قۇرۋدى ءبىر اۋىزدان قۇپتادى، بۇل − جۇڭگو مەن اراب ەلدەرى قارىم - قاتىناسىنىڭ ءداۋىر بولگىش ەسكەرتكىشى. جۇڭگو جاق وسىنى جاڭا باستاما ەتىپ، اراب ەلدەرى جاقپەن بىرگە جۇڭگو - اراب ەلدەرى دوستىعى رۋحىن اسقاقتاتىپ، جۇڭگو - اراب ەلدەرى سەلبەستىگىنىڭ اناعۇرلىم كەڭ بولاشاعىن اشۋدى، جۇڭگو مەن اراب ەلدەرى قارىم - قاتىناسىنىڭ اناعۇرلىم نۇر - شۇعىلالى كەلەشەگىن اشۋدى قالايدى!
ساۋد ارابياسىنىڭ پاتشا مۇراگەرى، قوسىمشا باس ءۋازىرى مۇحامەد ساۋد ارابياسىنىڭ پاتشاسى سالماننىڭ اتىنان ءار ەل باسشىلارىنىڭ تۇڭعىش كەزەكتى اراب ەلدەرى - جۇڭگو باسشىلار ماجىلىسىنە قاتىناسقاندىعىن قارسى الدى ءارى باسشىلار ءماجىلىسىنىڭ تولىق تابىستى بولعاندىعىن قۇتتىقتادى.
ماجىلىسكە قاتىناسقان اراب ەلدەرى جاقتىڭ باسشىلارى شي جينپيڭ سويلەگەن ماڭىزدى سوزگە، سونداي - اق ورتاعا قويعان ”8 ۇلكەن ورتاق ارەكەتكە“ بەلسەندىلىكپەن ءۇن قوستى. ولار مىنالاردى ءبىلدىردى: اراب ەلدەرىنىڭ جۇڭگومەن دوستىق قارىم - قاتىناسى ءوزارا قۇرمەتتەۋ، تەڭ تۇرعىدا سەلبەسۋ، ءوزارا تيىمدىلىك جەتكىزىپ، تەڭ يگىلىككە كەنەلۋ نەگىزىندە ورناعان. اراب ەلدەرى جاق جۇڭگونىڭ قول جەتكىزگەن ۇلى تابىستارى مەن حالىقارادا اتقارعان ماڭىزدى رولىنا ايرىقشا ءمان بەرەدى، جۇڭگو جاق ورتاعا قويعان ”ءبىر بەلدەۋ، ءبىر جولدى“، الەمدىك دامۋ باستاماسىن، الەمدىك حاۋىپسىزدىك باستاماسىن ايرىقشا القايدى، جۇڭگو جاقتىڭ ءوڭىردىڭ قولامتالى ماسەلەلەرىن ساياسي جولمەن شەشۋدى ىلگەرىلەتۋ ءۇشىن ورتاعا قويعان ماڭىزدى دارىپتەمەسىن ءارى پالەستين حالقىنىڭ زاڭدى ۇقىق - مۇددەسىن باستان - اياق قولداپ، حالىقارادا ادىلدىگىن، تۋراشىلدىعىن ايتقاندىعىن توتەنشە قۇپتايدى. قازىر دۇنيە ءجۇزى بولشەكتەنىپ قارسىلاسۋ قاتەرىنە ءدوپ كەلدى، سىڭار جاقتىلىق، زورەكەرلىك ءالى دە ورىن تەۋىپ وتىر، اراب ەلدەرى مەن جۇڭگونىڭ ستراتەگيالىق سەرىكتەستىك قارىم - قاتىناسىن تەرەڭدەتۋ ادىلدىكتى، تۋراشىلدىقتى اناعۇرلىم ويداعىداي جۇزەگە اسىرۋعا، دۇنيە ءجۇزىنىڭ بەيبىتشىلىگىن، گۇلدەنۋىن، دامۋىن قورعاۋعا ءتيىمدى. وسىنداي كەزدە اراب ەلدەرى - جۇڭگو باسشىلار ءماجىلىسى دەر كەزىندە اشىلىپ، اراب ەلدەرى مەن جۇڭگونىڭ قارىم - قاتىناسىنىڭ جوعارى دەڭگەيىن ايگىلەدى ءارى اراب ەلدەرى - جۇڭگو سەلبەستىك تالقى مىنبەرىنىڭ جالعاسۋى مەن دامۋى بولىپ تابىلادى. اراب ەلدەرى جاق وسى رەتكى باسشىلار ءماجىلىسى ارقىلى اراب ەلدەرى مەن جۇڭگونىڭ دوستىعىن، ءوزارا سەنىمدىلىگىن ىشكەرىلەي بەكەمدەپ، ءار سالاداعى ءوزارا تيىمدىلىك جەتكىزەتىن سەلبەستىكتەردى جاپپاي جوسپارلاپ جانە كۇشەيتىپ، جاڭا ءداۋىردى بەتكە العان اراب ەلدەرى - جۇڭگو تاعدىرلاس ورتاق تۇلعاسىن قۇرىپ، اراب ەلدەرى مەن جۇڭگونىڭ ستراتەگيالىق سەرىكتەستىك قارىم - قاتىناسىن تىڭ دا اناعۇرلىم جوعارى دەڭگەيگە كوتەرىپ، اراب ەلدەرى مەن جۇڭگونىڭ ورتاق مۇددەسىنە اناعۇرلىم ويداعىداي قىزمەت وتەپ، اراب ەلدەرى مەن جۇڭگو حالىقتارىنىڭ ورتاق ارمان - تالاپتارىن جۇزەگە اسىرۋدى ءۇمىت ەتەدى، وسى رەتكى باسشىلار ءماجىلىسىنىڭ، ءسوز جوق، اراب ەلدەرى مەن جۇڭگونىڭ قارىم - قاتىناسى تاريحىنداعى ماڭىزدى ەسكەرتكىش بولاتىندىعىنا سەنەمىز. اراب ەلدەرى جاق دەربەس، وزىنە - ءوزى قوجايىن بولۋعا تاباندى بولىپ، ءبىر جۇڭگو پرينسيبىندە بەرىك تۇرادى، جۇڭگو جاقتىڭ وزەكتى مۇددەسىنە قاتىستى ماسەلەدە جۇڭگو جاقتى ۇزدىكسىز باتىل قولداپ، جۇڭگوعا باعىتتالعان ءارقانداي جاۋلاسۋ ارەكەتىنە قارسى تۇرۋدى قالايدى. اراب ەلدەرى جاق جۇڭگو جاقتىڭ وسى رەتكى باسشىلار ءماجىلىسىنىڭ جەتىستىكتەرىن ويداعىداي تياناقتاندىرىپ، ”8 ۇلكەن ورتاق ارەكەتتى“ ىلگەرىلەتىپ، ”ءبىر بەلدەۋ، ءبىر جولدى“ ۇزدىكسىز بىرگە قۇرىپ، حالىقارالىق، وڭىرلىك ىستەردە تىلدەسۋدى، سايكەسۋدى كۇشەيتىپ، كليمات وزگەرىسى، استىق حاۋىپسىزدىگى، ەنەرگيا حاۋىپسىزدىگى سياقتى ورتاق سىن - سايىسقا سەلبەسىپ توتەپ بەرىپ، گۋمانيتارلىق اۋىس - كۇيىستى كۇشەيتىپ، وركەنيەتتەردىڭ تىلدەسۋىن جەبەپ، تۇتاس ادامزاتتىڭ بەيبىتشىلىگى مەن ورتاق دامۋىن جەبەۋگە بەلسەندى ۇلەس قوسۋىن ءۇمىت ەتەدى.
باسشىلار ءماجىلىسى «جۇڭحۋا حالىق رەسپۋبليكاسى مەن اراب ەلدەرىنىڭ جان - جاقتى سەلبەستىك جوسپارى باعدارلاماسىن» جانە «بەيبىتشىلىك پەن دامۋدى بەتكە العان جۇڭگو - اراب ەلدەرى ستراتەگيالىق سەرىكتەستىك قارىم - قاتىناسىن تەرەڭدەتۋ حۇجاتىن» جاريالادى.
جۇڭگو جاقتىڭ قاتىستى تاراۋلارى اراب ەلدەرى جاقپەن، سونداي - اق اراب ەلدەرى وداعى حاتشىلار باسقارماسىنا، شىعاناقتاعى اراب ەلدەرى سەلبەستىك كوميتەتىنە قاراستى قۇرىلىمدارمەن ”ءبىر بەلدەۋ، ءبىر جولدى“ بىرگە قۇرۋ، ەنەرگيا، استىق، قارجى قوسۋ، جاسىل، حاۋىپسىزدىك، عارىش سياقتى سالالار بويىنشا كوپتەگەن سەلبەستىك حۇجاتتارىنا قول قويدى جانە قول جەتكىزدى.
ديڭ شۋەشياڭ، ۋاڭ ي، حى ليفىڭ قاتارلىلار ماجىلىسكە قاتىناستى.
