جەرگىلىكتى ۋاقىت 12 - ايدىڭ 8 - كۇنى تۇستەن كەيىن مەملەكەت ءتوراعاسى شي جينپيڭ ريادتاعى پاتشا ورداسىندا ساۋد ارابياسىنىڭ پاتشاسى سالمانمەن كەزدەستى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 12 - ايدىڭ 8 - كۇنى ريادتان بەرگەن حابارى (تىلشىلەر ۋ جۇڭمين، ليۋ حۋا). جەرگىلىكتى ۋاقىت 12 - ايدىڭ 8 - كۇنى تۇستەن كەيىن مەملەكەت ءتوراعاسى شي جينپيڭ ريادتاعى پاتشا ورداسىندا ساۋد ارابياسىنىڭ پاتشاسى سالمانمەن كەزدەستى.
شي جينپيڭ بىلاي دەپ اتاپ كورسەتتى: اراعا 6 جىل سالىپ، ساۋد ارابياسىنا تاعى ساپارلاي كەلگەنىمە ەرەكشە قۋانىشتامىن. ساۋد ارابياسىنا الدىڭعى رەتكى ساپارىم كۇنى كەشەگىدەي ەسىمدە. مەن جۇڭگو - ساۋد ارابياسى قارىم - قاتىناسىن دامىتۋ جونىندە جاساسقان ماڭىزدى ورتاق تانىمداردىڭ بارلىعىنىڭ قازىر ناقتى سەلبەستىك جەتىستىگىنە اينالىپ جاتقاندىعىن كورىپ قۋاندىم. جۇڭگو مەن ساۋد ارابياسى سەلبەستىگىنىڭ بولاشاعى نۇرلى. جۇڭگو جاق ساۋد ارابياسىن كوپ ۇيەكتى دۇنيە جۇزىندەگى ماڭىزدى كۇش دەپ قارايدى، ساۋد ارابياسىمەن جان - جاقتى ستراتەگيالىق سەرىكتەستىك قارىم - قاتىناستى دامىتۋعا ايرىقشا ءمان بەرەدى. جۇڭگو جاق ساۋد ارابياسى جاقپەن ستراتەگيالىق بايلانىستى ۇزدىكسىز كۇشەيتىپ، ءار سالاداعى سەلبەستىكتى تەرەڭدەتىپ، ەكى ەلدىڭ دامۋ مۇددەسىنە قىزمەت ەتۋدى، دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋدى قالايدى.
سالمان مىنالاردى ءبىلدىردى: ءتوراعا شي جينپيڭنىڭ ساۋد ارابياسىنا تاعى دا ساپارلاي كەلگەندىگىن قىزۋ قارسى الامىن، ءسىزدىڭ 2016 - جىلعى ساۋد ارابياسىنداعى تابىستى ساپارىڭىز ەسىمنەن كەتپەيدى. سوڭعى جىلدارى، ساۋد ارابياسى مەن جۇڭگو ەكى ەلدىڭ ستراتەگيالىق ۇشتاسۋى مەن ءارقايسى سالاداعى سەلبەستىگى تۇگەلدەي تاماشا ىلگەرىلەۋشىلىككە قول جەتكىزدى، ەكى جاق كوپتەگەن ماسەلەلەردە تۇگەلدەي ماڭىزدى ورتاق تانىمعا يە، جۇڭگو جاقتىڭ مۇددەسى ساۋد ارابياسىنىڭ دا مۇددەسى. مەن جۇڭگومەن قارىم - قاتىناستى دامىتۋعا ايرىقشا ءمان بەرەمىن، ءتوراعا شي جينپيڭمەن بىرگە قۇلشىنىپ، ساۋد ارابياسى مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز العا دامۋىن ىلگەرىلەتىپ، دوس ەكى ەل حالقىن باقىتقا كەنەلتۋدى قالايمىن، بۇل ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن جانە تىنىشتىعىن جۇزەگە اسىرۋعا دا ءتيىمدى.
ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن ساۋد ارابياسى پاتشالىعىنىڭ جان - جاقتى ستراتەگيالىق سەرىكتەستىك قارىم - قاتىناسى كەلىسىمىنە» ءوز قولدارىمەن قول قويدى، ءار 2 جىلدا ءبىر رەت ەكى ەلدە كەزەكپەن مەملەكەت باسشىلارى ديدارلاسۋىن وتكىزىپ تۇرۋعا قوسىلدى.
ديڭ شۋەشياڭ، ۋاڭ ي جوعارىداعى قيمىلدارعا قاتىناستى.
