1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى

日期:2022年11月02日
来源:新疆日报
【字体:

 10 - ايدىڭ 31 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭ حالىق سارايىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى. سۋرەتتە: كەڭەستىڭ الدىندا، شي جينپيڭ حالىق سارايىنىڭ سولتۇستىك زالىندا رۋان فۋجۇڭعا ارناپ قارسى الۋ سالتىن وتكىزۋدە.

  □ سۋرەتتى شينحۋا اگەنتتىگىنىڭ ءتىلىشىسى ياۋ دا - ۋي تۇسىرگەن

  شينحۋا اگەنتتىگىنىڭ 10 - ايدىڭ 31 - كۇنى بەيجيڭنەن بەرگەن حابارى. 10 - ايدىڭ 31 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭ حالىق سارايىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى. ەكى جاق ءبىر اۋىزدان مىنالاردى ءبىلدىردى: ”16 ارىپتىك“ باعىت پەن ”ءتورت جاقسى بولۋ“ رۋحىن ۇستانىپ، ءداستۇرلى دوستىقتى بەكەمدەپ، ستراتەگيالىق بايلانىستى كۇشەيتىپ، ساياسي ءوزارا سەنىمدىلىكتى نىعايتىپ، الاۋىزدىقتاردى ۇيلەسىمدى باسقارىپ - تىزگىندەپ، جاڭا داۋىردەگى جۇڭگو مەن ۆيەتنامنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك.

  شي جينپيڭ رۋان فۋجۇڭنىڭ جۇڭگو كوممۋنيستىك پارتياسىنىڭ 20 - قۇرىلتايى اشىلىپ بولا بەرە جۇڭگودا رەسمي ساپاردا بولعاندىعىن قىزۋ قارسى الدى. شي جينپيڭ مىنالاردى ءبىلدىردى: تاياۋ جىلداردان بەرى باس شۋجي رۋان فۋجۇڭ جولداس ەكەۋىمىز ءتۇرلى تاسىلدەر ارقىلى تىعىز بايلانىستى ساقتاپ، جۇڭگو - ۆيەتنام قارىم - قاتىناسىنىڭ دامۋىنا جەتەكشىلىك ەتۋ جونىندە كوپتەگەن ماڭىزدى ورتاق تانىمعا كەلدىك، وسى ورتاق تانىمدار جاپپاي تياناقتانىپ، كورنەكتى ونىمدىلىككە قول جەتكىزدى.

  شي جينپيڭ جۇڭگو كوممۋنيستىك پارتياسى 20 - قۇرىلتايىنىڭ نەگىزگى جاعدايىن تانىستىرىپ، مىنالاردى ءبىلدىردى: جاڭا داۋىردەگى جۇڭگونىڭ پارتيا مەن مەملەكەت ىستەرىندە قول جەتكەن تاريحي تابىستارى جۇڭگوشا سوتسياليزم جولىنىڭ جۇڭگونىڭ ءىس جۇزىندىك جاعدايىنا ۇيلەسەتىندىگىن، جۇڭگو حالقىنىڭ تىلەگىن بەينەلەيتىندىگىن، ءداۋىردىڭ دامۋ تالابىنا ۇيلەسەتىندىگىن تولىق دالەلدەدى، وسى جولمەن دۇرىس، ىركىلىسسىز ءجۇرىپ عانا قويماي، ونىڭ ۇستىنە ورنىقتى، جاقسى ءجۇرىپ كەلەمىز. جاڭا ۇلى جورىقتا، ءسوز جوق، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن جەتەكشى ەتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتىپ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا ىنتىماقتاسا كۇرەس جۇرگىزىپ، ادامزاتتىڭ بەيبىتشىلىگى مەن دامۋى سىندى اسقاق ءىس ءۇشىن تىڭ دا اناعۇرلىم كەسەك ۇلەس قوسامىز. ءبىز ۆيەتنام كوممۋنيستىك پارتياسى 13 - قۇرىلتايىنان بەرى ۆيەتنام كوممۋنيستىك پارتياسىنىڭ بارشا ۆيەتنام حالقىن ىنتىماقتاستىرىپ جانە باستاپ، سوتسياليستىك قۇرىلىس جانە جاڭارتۋ ىستەرىندە ۇزدىكسىز تىڭ تابىستارعا قول جەتكىزگەندىگىن دە قۋانىشپەن كورىپ وتىرمىز. باس شۋجي رۋان فۋجۇڭ باستاعان ۆيەتنام كوممۋنيستىك پارتياسى ورتالىق كوميتەتىنىڭ باسشىلىعىندا، ۆيەتنام پارتياسى مەن ۇكىمەتىنىڭ ۆيەتنام كوممۋنيستىك پارتياسى 13 - قۇرىلتايىندا العا قويىلعان نىسانا - مىندەتتەردى، ءسوز جوق، ءساتتى ورىنداپ، ۆيەتنامنىڭ پارتيا قۇرىلعاندىعىنىڭ، مەملەكەت قۇرىلعاندىعىنىڭ 100 جىلدىعى نىساناسىن جۇزەگە اسىرۋعا بەرىك نەگىز قالايتىندىعىنا سەنەمىن.

  شي جينپيڭ بىلاي دەپ باسا دارىپتەدى: قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. جۇڭگو، ۆيەتنام سياقتى سوتسياليستىك ەلدەر ءوز ەلىنىڭ ءىس جۇزىندىگىن تياناق ەتىپ، ءداۋىر اعىمىنا سايكەسىپ، ءساتتى تۇردە ءوز مەملەكەتىنىڭ جاعدايىنا ۇيلەسەتىن وسىزامانداندىرۋ جولىن تاۋىپ، سوتسياليزمنىڭ جالىندى ومىرشەڭدىك كۇشى كۇننەن - كۇنگە قاۋلاي ءتۇستى. سونىمەن بىرگە ادامزاتتىڭ العا باسۋ ىستەرىنىڭ دامۋى ۇزاق تا بۇراڭ بارىس، سوتسياليستىك مەملەكەتتىڭ دامۋى توتەنشە كۇردەلى حالىقارالىق ورتاعا جانە اۋىر حاۋىپ - قاتەر مەن سىن - سايىسقا ءدوپ كەلدى. جۇڭگو مەن ۆيەتنام ەكى پارتيا حالىقتى باقىتقا كەنەلتۋگە، ادامزاتتىڭ العا باسۋىن كوزدەۋگە تاباندى بولىپ، سوتسياليستىك وسىزامانداندىرۋ قۇرىلىسىن بار كۇشپەن ىلگەرىلەتىپ، ءارقانداي ادامنىڭ ءبىزدىڭ العا باسۋ قادامىمىزعا كەدەرگىلىك جاساۋىنا، ءارقانداي كۇشتىڭ ءبىزدىڭ دامۋىمىزدىڭ تۇزىمدىك نەگىزىن شايقالتۋىنا استە جول بەرمەۋ كەرەك.

  جۇڭگو - ۆيەتنام قارىم - قاتىناسىن ونان ارى دامىتۋ جونىندە شي جينپيڭ بىلاي دەپ اتاپ كورسەتتى: ەكى جاق سوتسياليزمنىڭ العا باسۋ بەتالىسىنا تاباندى بولۋى كەرەك. سوتسياليزم ىستەرى جانە جۇڭگو − ۆيەتنام قارىم - قاتىناسى جونىنەن العاندا، دۇرىس ساياسي بەتالىسقا تاباندى بولۋ ءبىرىنشى ورىندا تۇرادى. ەكى پارتيا ورتالىق كوميتەتىنىڭ باسشىلىق كوللەكتيۆى بايلانىستى، بارىس - كەلىستى كۇشەيتىپ، ەكى جاقتى قارىم - قاتىناستاعى كەلەلى ماسەلەلەر جونىندە دەر كەزىندە پىكىر اۋىستىرۋى كەرەك. ەكى پارتيانىڭ ورتالىق كوميتەتى مەن جەرگىلىكتى تاراۋلارى ەكى جاق جوعارى جىكتەگىلەرىنىڭ ورتاق تانىمىن دايەكتىلەندىرىپ، تياناقتاندىرىپ، اۋىس - كۇيىستى، ءوزارا ۇلگى الۋدى كۇشەيتىپ، سەلبەستىك ونىمدىلىگىن جوعارىلاتۋ كەرەك. جاڭا جاعدايدا جۇڭگو مەن ۆيەتنام ەكى پارتيا پارتيانى باسقارۋ، ەل باسقارۋ تاجىريبەلەرىن اۋىستىرۋدى جانە ءوزارا ۇلگى الۋدى كۇشەيتىپ، ەكى ارميانىڭ جوعارى جىكتەگىلەرىنىڭ بايلانىسى مەن ستراتەگيالىق تىلدەسۋىن ساقتاپ، زاڭ اتقارۋ، حاۋىپسىزدىك سەلبەستىكتەرىنىڭ جەتىستىكتەرىن كەڭەيتىپ، ءوز ەلدەرىنىڭ ساياسي حاۋىپسىزدىگى مەن قوعام ورنىقتىلىعىن ويداعىداي قورعاۋ كەرەك. ەكى جاق سوتسياليستىك ەكونوميكالىق نەگىزدى بەكەمدەۋى كەرەك. جۇڭگو جاق ۆيەتنام جاقپەن بىرگە دامۋ ستراتەگيالارىن ۇشتاستىرۋدى جەدەلدەتىپ، ەكى ەلدىڭ ۇلاسۋ - تۇتاسۋىن ىلگەرىلەتىپ، ورنىقتى كاسىپ سالاسى تىزبەگى، قامداۋ تىزبەگى جۇيەسىن بىرگە ورناتىپ، الەۋەتى مىعىم، بەت - بەدەلى جاقسى تەحنيكا شوعىرلانعان كاسىپورىنداردى ۆيەتنامعا بارىپ قارجى قوسۋعا شابىتتاندىرىپ، ەكى ەلدىڭ ەمدەۋ - دەنساۋلىق ساقتاۋ، جاسىل دامۋ، سيفرلى ەكونوميكا، كليمات وزگەرىسىنە توتەپ بەرۋ سياقتى سالالارداعى سەلبەستىگىن تەرەڭدەتۋدى قالايدى. ەكى جاق ءداستۇرلى دوستىقتى اسقاقتاتۋى كەرەك. جاڭا جاعدايدا ەكى جاق بولاشاقتى كوزدەي وتىرىپ، تاباندىلىقپەن ەڭبەك ەتىپ، اعا بۋىن باسشىلار دەن قويا جەتىلدىرگەن ”جولداس ۇستىنە باۋىرلاس بولۋداي“ ءداستۇرلى دوستىقتى جالعاستىرىپ، ساۋلەلەندىرىپ، حالىقتار ارا دوستىق بارىس - كەلىستى كۇشەيتىپ، ەكى ەل جاس بۋىنىنىڭ ءوزارا تانىسۋىن، ءبىلىسۋىن، ەتەنە جاقىنداسۋىن كۇشەيتىپ، اقپارات، ۇگىت سالاسىنداعى سەلبەستىكتى تەرەڭدەتىپ، ەكى جاقتى قارىم - قاتىناسقا تاماشا قوعامدىق پىكىر ورتاسىن ازىرلەۋ كەرەك.

  شي جينپيڭ بىلاي دەپ باسا دارىپتەدى: جۇڭگو جاق شىعىس وڭتۇستىك ازيا ەلدەرى وداعىن توڭىرەكتىك ديپلوماتيانىڭ الدىمەن ەسكەرىلەتىن بەتالىسى جانە ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ ءتۇيىندى ءوڭىرى دەپ قارايدى، ۆيەتنامنىڭ شىعىس وڭتۇستىك ازيا ەلدەرى وداعىنداعى ورنى مەن رولىنا باسا ءمان بەرەدى، ۆيەتنام جاقپەن قول ۇستاسا وتىرىپ بەيبىتشىلىك، تىنىشتىق، گۇلدەنۋ، كوركەمدىك، دوستىق سىندى ”5 ۇلكەن مەكەن“ قۇرىلىسىن جەدەلدەتىپ، شىعىس ازيا ءوڭىرى ەكونوميكاسىنىڭ ءبىر تۇلعالانۋىن ىلگەرىلەتۋدى ءۇمىت ەتەدى. جۇڭگو جاق شىعىس وڭتۇستىك ازيا ەلدەرى وداعىمەن بىرگە، ناعىز كوپ جاقتىلىقتى امالياتتا ايگىلەپ، اشىق وڭىرشىلدىككە تاباندى بولىپ، وڭىرلىك جاعداي مەن حالىقارالىق ءتارتىپتىڭ بەيبىت، تۇراقتى، ءادىل، ۇيلەسىمدى باعىتقا قاراي دامۋىن بىرگە جەبەپ، ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتۋدى قالايدى.

  رۋان فۋجۇڭ مىنالاردى ءبىلدىردى: باس شۋجي شي جينپيڭنىڭ مەنى ۆيەتنام جاقتىڭ باسشىلارىن باستاپ، جۇڭگو كوممۋنيستىك پارتياسى 20 - قۇرىلتايىنان كەيىن مەملەكەت باسشىسى دارەجەلى ۋاكىلدەر ۇيىرمەسى رەتىندە العاشقى بولىپ جۇڭگوعا ساپارلاي كەلۋگە ۇسىنىس ەتكەندىگىنە ەرەكشە العىس ايتامىن، مەن دە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى بولىپ قايتا سايلانعاننان كەيىنگى العاشقى مەملەكەتتىك ساپارىمدا جۇڭگوعا كەلەمىن دەپ باس شۋجي شي جينپيڭ جولداسقا بەرگەن ۋادەمدى ورىندادىم. مەن ۆيەتنام پارتياسى، ۇكىمەتى جانە حالقى اتىنان جۇڭگو كوممۋنيستىك پارتياسى 20 - قۇرىلتايىنىڭ تابىستى وتكىزىلگەندىگى جونىندە جۇڭگو پارتياسىنا، ۇكىمەتىنە جانە حالقىنا قىزۋ قۇتتىقتاۋ بىلدىرەمىن، باس شۋجي شي جينپيڭ جولداستىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى دا سايلانعاندىعىن قىزۋ قۇتتىقتايمىن، بۇل وتكەن 10 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگو قول جەتكىزگەن وراسان زور دامۋ تابىستارى مەن اسقاق حالىقارالىق بەدەلىن جۇڭگو پارتياسى مەن حالقىنىڭ ايرىقشا مويىنداعاندىعىن جانە وعان نىق سەنىم ارتىپ وتىرعاندىعىن تولىق ايگىلەدى. جۇڭگو كوممۋنيستىك پارتياسىنىڭ قول جەتكىزگەن تابىستارى دۇنيە جۇزىندەگى وركەندەپ كەلە جاتقان ەلدەرگە، اسىرەسە، سوتسياليزم جولىمەن جۇرەتىن ەلدەرگە باعالى تاجىريبە ازىرلەپ بەردى. ءبىز شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا، جۇڭگونىڭ، ءسوز جوق، جۇڭگو كوممۋنيستىك پارتياسى 20 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرىپ، ءوڭىر ءۇشىن جانە دۇنيە ءجۇزى ءۇشىن تىڭ دا بەلسەندى ۇلەس قوساتىندىعىنا كامىل سەنەمىز.

  رۋان فۋجۇڭ بىلاي دەدى: مەن باس شۋجي شي جينپيڭنىڭ ەكى پارتيا، ەكى ەل قارىم - قاتىناسىن دامىتۋ جونىندەگى ماڭىزدى ۇسىنىسىن بۇكىلدەي قۇپتايمىن. ۆيەتنام جۇڭگومەن قارىم - قاتىناسىن ايرىقشا قاستەرلەيدى جانە وعان باسا ءمان بەرەدى، جۇڭگومەن دوستىق سەلبەستىكتى دامىتۋدى سىرتقى ساياساتتا ماڭداي الدى باسىم ورىنعا قويىپ، ”16 ارىپتىك“ باعىت پەن ”تورتتە جاقسى بولۋ“ رۋحى بويىنشا ۆيەتنام مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتۋگە تاباندى بولادى، ءبىر جۇڭگو ساياساتىن باتىل اتقارىپ، ”تايۋاندى دەربەستەندىرۋدى“ كوزدەيتىن ءارقانداي فورماداعى بولشەكتەۋشىلىك ارەكەتتەرگە باتىل قارسى تۇرادى، تايۋانمەن ءارقانداي رەسمي قارىم - قاتىناستى دامىتپايدى. ۆيەتنام جاق ءارقانداي ەلدىڭ ۆيەتنامدا اسكەري بازا قۇرۋىنا رۇقسات ەتپەيدى، ءارقانداي اسكەري وداققا قاتىناسپايدى، ءارقانداي ەلگە قارۋلى كۇش قولدانبايدى، قانداي دا ءبىر ەلمەن بىرلەسىپ ەكىنشى ءبىر ەلگە قارسى تۇرمايدى. ۆيەتنام جاق جۇڭگو جاقپەن بىرگە جوعارى جىكتەگىلەردىڭ بارىس - كەلىسىن ساقتاۋ ارقىلى ءوزارا ءتۇسىنىسۋدى كۇشەيتىپ، ساياسي ءوزارا سەنىمدىلىكتى بەكەمدەۋدى قالايدى. پارتيا ارالىق قارىم - قاتىناستىڭ ستراتەگيالىق جەتەكشىلىك رولىن ساۋلەلەندىرىپ، ەكى پارتيانىڭ نازاريا اۋىس - كۇيىسىن تەرەڭدەتەدى. ەكى ەلدىڭ قازىرگى سەلبەستىك مەحانيزمدەرىنىڭ ونىمدىلىگىن، اسىرەسە، ۆيەتنام مەن جۇڭگونىڭ ەكى جاقتى سەلبەستىگىنە جەتەكشىلىك ەتۋ كوميتەتىنىڭ رولىن ساۋلەلەندىرىپ جانە جوعارىلاتىپ، ”ەكى ءدالىز، ءبىر شەڭبەر“ مەن ”ءبىر بەلدەۋ، ءبىر جول“ باستاماسىنىڭ ونان ارى ۇشتاسۋىن ىلگەرىلەتەدى. ەكى ەلدىڭ ەكونوميكالىق سەلبەستىگىنىڭ ونىمدىلىگىن جوعارىلاتۋدى ونان ارى ىلگەرىلەتىپ، ءار سالادا جاڭا جارقىن تۇيىندەر قالىپتاستىرادى. حالىقتار ارا اۋىس - كۇيىستى قورعاپ، ۆيەتنام - جۇڭگو قارىم - قاتىناسىنىڭ حالىق رايى نەگىزىن تەرەڭدەتەدى ءارى باياندى قوزعاۋشى كۇش قالىپتاستىرادى. قۇرلىقتاعى شەكارانىڭ بەيبىتشىلىگى مەن تىنىشتىعىن ساقتاپ، تەڭىزدەگى بەيبىتشىلىك پەن ورنىقتىلىقتى قورعاپ، تەڭىزگە قاتىستى ماسەلەنىڭ ەكى ەلدىڭ جالپى تۇلعالىق قارىم - قاتىناسىنىڭ دامۋىنا ىقپال جاساۋىنا جول بەرمەيدى. ۆيەتنام كوممۋنيستىك پارتياسىنىڭ 13 - قۇرىلتايى مەن جۇڭگو كوممۋنيستىك پارتياسىنىڭ 20 - قۇرىلتايىن بەلگى ەتىپ، ۆيەتنام مەن جۇڭگو ەكى جاقتىڭ قارىم - قاتىناسى شەشۋشى جاڭا كەزەڭگە ءوتتى، ۆيەتنام جاق جۇڭگو جاقپەن بىرگە ۆيەتنام مەن جۇڭگونىڭ تاتۋ كورشىلىك دوستىعىن جانە جان - جاقتى ستراتەگيالىق سەلبەستىك سەرىكتەستىك قاتىناسىن تىڭ دەڭگەيگە كوتەرۋدى قالايدى.

  كەڭەستەن كەيىن، شي جينپيڭ مەن رۋان فۋجۇڭ ەكى جاقتىڭ ساياسي پارتيا، ەكونوميكا - ساۋدا، قورشاعان ورتانى قورعاۋ، مادەنيەت - ساياحات، ءادىليا، كەدەن، جەرگىلىكتى ورىندار سياقتى سالالارداعى سەلبەستىك حۇجاتتارعا قول قويۋىنا بىرگە كۋا بولدى.

  كەڭەستىڭ الدىندا، شي جينپيڭ حالىق سارايىنىڭ سولتۇستىك زالىندا رۋان فۋجۇڭعا ارناپ قارسى الۋ سالتىن وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتىستى قيمىلدارعا قاتىناستى.

  سول كۇنى كەشتە شي جينپيڭ رۋان فۋجۇڭعا ارناپ قارسى الۋ قوناعاسىن وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتىناستى. شي جينپيڭ رۋان فۋجۇڭعا جاڭادان ساياسي بيۋرونىڭ تۇراقتى مۇشەسى بولعان جولداستاردى ءبىر - بىردەن تانىستىردى. رۋان فۋجۇڭ ساياسي بيۋرونىڭ تۇراقتى مۇشەلەرىن شىن جۇرەكتەن قۇتتىقتاپ، ۆيەتنام كوممۋنيستىك پارتياسى ورتالىق كوميتەتىنىڭ جۇڭگو كوممۋنيستىك پارتياسى ورتالىق كوميتەتىنىڭ جاڭا كەزەكتى باسشىلىق كوللەكتيۆىمەن قول ۇستاسا قۇلشىنىپ، ەكى پارتيانىڭ، ەكى ەلدىڭ دوستىق سەلبەستىگىنىڭ تىڭ تابىستارعا قول جەتكىزۋىن، تىڭ بيىككە كوتەرىلۋىن ىلگەرىلەتۋدى قالايتىندىعىن ءبىلدىردى.