شي جينپيڭ پارتيا 20 - قۇرىلتايىنداعى گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ باسا دارىپتەدى
ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، جۇڭحۋا ۇلتىنىڭ ۇلى گۇلدەنۋى اتتى الىپ كەمەنىڭ تولقىن جارا العا ىلگەرىلەپ، جەلكەن جايا الىس ساپار شەگۋىن ىلگەرىلەتۋ كەرەك
10 - ايدىڭ 17 - كۇنى شي جينپيڭ جولداس پارتيا 20 - قۇرىلتايىنداعى گۋاڭشي ۋاكىلدەر ۇيىرمەسىنىڭ تالقىسىنا قاتىناستى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 10 - ايدىڭ 17 - كۇنى بەيجيڭنەن بەرگەن حابارى. شي جينپيڭ جولداس 10 - ايدىڭ 17 - كۇنى تۇستەن بۇرىن پارتيا 20 - قۇرىلتايىنداعى گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ باسا دارىپتەدى: پارتيا 20 - قۇرىلتايىنىڭ بايانداماسى پارتيا مەن مەملەكەت ىستەرىنىڭ العا باسۋ بەتالىسىن ونان ارى ايقىن كورسەتتى، پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جاڭا جورىقتا جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ساياسي جارناماسى جانە ارەكەت تۇعىرناماسى. پارتيا 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە وتكەن 5 جىلداعى قىزمەتتەردىڭ جانە جاڭا داۋىردەگى 10 جىلدىق ۇلى وزگەرىستىڭ كەلەلى ءمانىن مىقتاپ يگەرۋ، جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ءادىسناماسىن مىقتاپ يگەرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋ بورىشىن، مىندەتىن مىقتاپ يگەرۋ، وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ ماڭىزدى تالابىن مىقتاپ يگەرۋ، ىنتىماقتاسا كۇرەس جۇرگىزۋدىڭ داۋىرلىك تالابىن مىقتاپ يگەرۋ كەرەك. بۇكىل پارتيا، بۇكىل ەلدەگى ءار ۇلت حالقى پارتيا تۋى استىندا ”قۇرىشتاي بەرىك“ بولىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، جۇڭحۋا ۇلتىنىڭ ۇلى گۇلدەنۋى اتتى الىپ كەمەنىڭ تولقىن جارا العا ىلگەرىلەپ، جەلكەن جايا الىس ساپار شەگۋىن ىلگەرىلەتۋ كەرەك.
گۋاڭشي ۋاكىلدەر ۇيىرمەسىندەگى ليۋ نيڭ، لان تيانلي، جوۋ جيابين، جۋ شۋەلان، جىڭ جىميڭ قاتارلى 5 ۋاكىل ءىس جۇزىندىكپەن ۇشتاستىرىپ بايانداما جونىندە پىكىرلەرىن ايتىپ، جۇڭگو ۇلگىسىندەگى وسىزاماندانعان گۋاڭشي تاراۋىن قۇلشىنا جازۋ، جۇڭحۋا ۇلتى ورتاق تۇلعا تانىمىن بەرىك ورناتۋ، گۇيليننىڭ تاۋ - وزەنىن ويداعىداي قورعاۋ، ەرەكشە اۋىل شارۋاشىلىعى كاسىپ سالاسىن دامىتۋ، دەربەس جاڭالىق اشۋدى ۇزدىكسىز تەرەڭدەتۋ سياقتى ماسەلەلەر جونىندە جەكە - جەكە لەبىز ءبىلدىردى. كوپشىلىك بىلاي دەپ قارادى: پارتيا 20 - قۇرىلتايىنىڭ بايانداماسى ۇلتتىڭ گۇلدەنۋى مەن 100 جىلدىق وزگەرىس جاعدايىنىڭ بيىك تۇرعىسىندا تۇرىپ، الداعى 5 جىلداعى، اۋەلى، ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرىن جانە ءىرى باعىت - ساياساتتارىن عىلمي جوبالاپ، ءبىر قىدىرۋ جاڭا وي جەلىسىن، جاڭا ستراتەگيانى، جاڭا شارانى العا قويدى، ول ءبىزدىڭ جاپپاي سوتسياليستىك وسىزاماندانعان مەملەكەت قۇرۋىمىزعا، ەكىنشى 100 جىلدىق كۇرەس نىساناسىنا قاراي جورىق جاساۋىمىزعا جەتەكشىلىك ەتەتىن تۇعىرنامالىق حۇجات، بۇل باياندامانى ءبىر اۋىزدان قولدايمىز.
شي جينپيڭ ۋاكىلدەرمەن ىشكەرىلەي تالقى ورىستەتتى، تالقى الاڭى قىزۋ بەينەگە شومدى. ۋاكىلدەردىڭ ءسوزىن مۇقيات تىڭداعاننان كەيىن، شي جينپيڭ مىنالاردى ءبىلدىردى: گۋاڭشي ۋاكىلدەر ۇيىرمەسىنىڭ ۋاكىلى رەتىندە تالقىعا قاتىناسقاندىعىما وتە قۋانىشتىمىن ءارى وسىندا وتىرعان ۋاكىلدەر مەن گۋاڭشي جۋاڭزۋ اۆتونوميالى رايونىنداعى 2 ميلليون 500 مىڭنان استام پارتيا مۇشەسىنە، 57 ميلليون ءار ۇلت كادرلارى مەن بۇقاراسىنا شىنايى سالەم جولدايمىن.
شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى، گۋاڭشي جۋاڭزۋ اۆتونوميالى رايوندىق پارتكوم مەن ۇكىمەت پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، بۇكىل رايونداعى ءار ۇلت حالقىن ىنتىماقتاستىرىپ جانە باستاپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ، ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، 100 جىلدىق وزگەرىس جاعدايى مەن عاسىرلىق ىندەت ارالاسىپ قاباتتاسقان قاتاڭ سىناقتا كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي قول جەتكىزىپ، بۇكىل ەلمەن بىرگە جاپپاي دوڭگەلەك داۋلەتتى قوعام ورناتتى، جالپىلىق ناقتى قۋاتى تىڭ ساتىعا كوتەرىلىپ، رەفورما جاساۋ، ەسىك اشۋ جاپپاي تەرەڭدەپ، ەكولوگيالىق ورتا ءۇرتىس جاقسارىپ، حالىقتىڭ تۇرمىسى كورنەكتى جوعارىلاپ، قالا مەن اۋىلدىڭ بەت - بەينەسى كۇن سايىن جاڭارىپ، اي سايىن تۇلەجىپ، پارتيانى قاتاڭ باسقارۋ ىشكەرىلەي ىلگەرىلەپ، ۇلتتارى ىنتىماقتى، قوعامى ورنىقتى، شەكارا ءوڭىرى تىنىش بولىپ، گۋاڭشيدىڭ بايتاق دالاسىندا كەرەمەت تاريحي زور وزگەرىستەر تۋىلدى. وسى ناتيجەلەر پارتيانىڭ ۇلت ساياساتى مەن ۇلتتىق وڭىرلىك اۆتونوميا ءتۇزىمىنىڭ وتانىمىزدىڭ وڭتۇستىك وڭىرىندەگى تابىستى امالياتىن ايگىلەدى، بۇل ەلىمىزدىڭ جاڭا داۋىردەگى 10 جىلدىق ۇلى وزگەرىسىنىڭ جاندى دا ىقشام كارتيناسى.
شي جينپيڭ بىلاي دەپ باسا دارىپتەدى: وتكەن 5 جىل جانە جاڭا داۋىردەن بەرگى 10 جىل پارتيا مەن مەملەكەتتىڭ دامۋ بارىسىنداعى اسا وزگەشە، ايرىقشا ەرەكشە جىلدار بولدى. ءىستى باستان كەشپەسەڭ قيىندىعىن بىلمەيسىڭ، قاراماققا قاراپايىم بولعانىمەن ءىس جۇزىندە وتە جاپالى. وسى 10 جىلدا كۇرمەۋى كوپ كونە ماسەلەلەردى شەشىپ، جاڭا دامۋ جولىنداعى بوگەتتەردى ارىلتىپ، سىن - سايىستاردان سۇرىنبەي ءوتىپ، پارتيا مەن مەملەكەت ىستەرىندە ءبىر قىدىرۋ سەرپىلىستىك ىلگەرىلەۋشىلىكتەر جۇزەگە اسىپ، ءبىر قىدىرۋ بەلگى سيپاتتى جەتىستىكتەرگە قول جەتتى. اماليات پارتيا 18 - قۇرىلتايىنان بەرگى پارتيا ورتالىق كوميتەتىنىڭ كەلەلى باعىت - ساياساتتارى مەن قىزمەت ورنالاستىرۋلارىنىڭ بۇكىلدەي دۇرىس ەكەندىگىن، جۇڭگوشا سوتسياليزم جولىنىڭ جۇڭگونىڭ ءىس جۇزىندىگىنە ۇيلەسەتىندىگىن، جۇڭگو حالقىنىڭ تىلەگىن بەينەلەيتىندىگىن، ءداۋىردىڭ دامۋ تالابىنا سايكەسەتىندىگىن، وسى جولمەن دۇرىس، ىركىلىسسىز ءجۇرىپ عانا قويماي، ونىڭ ۇستىنە ورنىقتى، جاقسى جۇرگەندىگىن دالەلدەدى. ءبىز تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، جاڭا ەمتيحان تاپسىرۋ جولىندا تاريح پەن حالىققا جاڭا دا ۇزدىك جاۋاپناما بەرۋىمىز كەرەك.
شي جينپيڭ بىلاي دەپ اتاپ كورسەتتى: پارتيانىڭ جاسامپاز نازارياسىن ۇيرەنۋدە، دايەكتىلەندىرۋدە ونىڭ دۇنيەگە كوزقاراسى مەن ءادىسناماسىن ءتۇسىنىپ، يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولۋ جانە ودان ويداعىداي پايدالانۋ كەرەك. پارتيا 20 - قۇرىلتايىنىڭ بايانداماسىندا بىلاي دەپ باسا دارىپتەلدى: حالىقتى بارىنەن جوعارى قويۋعا تاباندى بولۋ، سەنىمدى، دەربەس بولۋعا تاباندى بولۋ، ءتۇبىرلى پرينسيپتەن اينىماي جاڭالىق اشۋعا تاباندى بولۋ، ماسەلەنى باعدار ەتۋگە تاباندى بولۋ، جۇيە كوزقاراسىنا تاباندى بولۋ، دۇنيەگە كەڭ پەيىل بولۋعا تاباندى بولۋ كەرەك. وسى 6 تارماقتى ۇيرەنۋ، دايەكتىلەندىرۋ بارىسىندا مۇقيات ءتۇسىنىپ، سول ارقىلى پارتيانىڭ جاسامپاز نازارياسىنىڭ قاعيداسىن، زاڭدىلىعىن، فيلوسوفياسىن ىشكەرىلەي ءتۇسىنىپ، ەمەۋرىنىن ءبىلىپ، ونان دا ماڭىزدىسى، ءمانىن ۇعىنىپ، سولاي ەكەنىن ءبىلىپ، ونان دا ماڭىزدىسى، نە ءۇشىن سولاي ەكەنىن ۇعىنىپ، پارتيانىڭ جاسامپاز نازارياسىن پارتيا مەن مەملەكەت قىزمەتىنىڭ ءار جاعىندا، تۇتاس بارىسىندا شىنايى دايەكتىلەندىرۋ، تياناقتاندىرۋ كەرەك.
شي جينپيڭ بىلاي دەپ باسا دارىپتەدى: جاڭا داۋىرگە وتكەننەن بەرى پارتيانىڭ سوتسياليستىك وسىزاماندانعان مەملەكەت قۇرۋ جونىندەگى تانىمى ۇزدىكسىز تەرەڭدەپ، ستراتەگياسى ۇزدىكسىز تولىسىپ، امالياتى ۇزدىكسىز بايىپ، جۇڭگو ۇلگىسىندەگى وسىزامانداندىرۋدى ءساتتى ىلگەرىلەتتى جانە كەڭەيتتى. پارتيا 20 - قۇرىلتايىنىڭ بايانداماسىندا جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى مەن ماندىك تالابى بايىمدالدى. جۇڭگو ۇلگىسىندەگى وسىزامانداندىرۋ جۇڭگونىڭ بايتاق دالاسىنا تامىر تارتتى، جۇڭگونىڭ ءىس جۇزىندىك جاعدايىنا ۇيلەسەدى. ءبىز باستان - اياق مەملەكەت پەن ۇلتتىڭ دامۋىن ءوز كۇشىمىزدىڭ تۇيىنىنە قويىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرىپ، سەنىمدى بەكەمدەپ، ءتۇبىرلى پرينسيپتەن اينىماي جاڭالىق اشىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ تاراۋىن قۇلشىنا جازۋىمىز كەرەك.
شي جينپيڭ بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى، پارتيا ورتالىق كوميتەتى ”10 جىلدا شىڭدالۋ“ تاباندىلىعىمەن پارتيانى جاپپاي قاتاڭ باسقارۋدى ىلگەرىلەتىپ، ”مىڭداعان ادامدى رەنجىتسە دە، ءبىر ميلليارد 400 ميلليون حالىقتىڭ ءۇمىتىن اقتاۋ“ بورىشىن ارقالاۋ ارقىلى تاريحتا بولىپ كورمەگەن شىرىكتەسۋگە قارسى كۇرەستى ىلگەرىلەتىپ، وزىنە - ءوزى توڭكەرىس جاساۋدىڭ ”كەشەندى شاراسىن“ جۇرگىزدى. پارتيانى جاپپاي قاتاڭ باسقارۋ ماڭگى توقتالمايدى، پارتيانىڭ وزىنە - ءوزى توڭكەرىس جاساۋى ماڭگى توقتالمايدى، ءبىز پارتيانىڭ وزىنە - ءوزى توڭكەرىس جاساۋىن تاباندىلىقپەن ىلگەرىلەتىپ، پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتىپ، پارتيانى باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالدىرۋىمىز كەرەك.
شي جينپيڭ بىلاي دەپ باسا دارىپتەدى: ىنتىماقتاسقاندا عانا جەڭىسكە جەتۋگە بولادى، كۇرەس جۇرگىزگەندە عانا تابىسقا جەتۋگە بولادى. پارتيانىڭ 18 - قۇرىلتايىنان بەرى، پارتيامىز حالىققا مىقتاپ ارقا سۇيەپ، ەكونوميكانى ورنىقتىرىپ، دامۋدى جەبەپ، كەدەيلىكتى جەڭىپ، دوڭگەلەك داۋلەتتى قوعام ورناتىپ، ىندەتتى تىزگىندەپ، اۋىر اپاتقا قارسى اتتانىپ، وزگەرىس جاعدايىنا توتەپ بەرىپ، داعدارىستى شەشىپ، قاراماققا قامال الۋعا بولمايتىن قيىن وتكەلدەردەن، قاتەرلەردەن، كەدەرگىلەردەن قامال الىپ، جۇرتتى قايران قالدىرارلىق ءومىر كەرەمەتتەرىن جاراتتى. كەزەكتەگى ەڭ ماڭىزدى مىندەت − بىلەك سىبانا قايراتتانا ىستەپ، پارتيانىڭ 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى نىق قاداممەن ناقتى ارەكەتكە اينالدىرىپ، ناقتى ونىمدىلىككە قول جەتكىزۋ.
شي جينپيڭ گۋاڭشيدەگى ءار دارەجەلى پارتكومدار مەن ۇكىمەتتەردەن ءار ۇلت كادرلارى مەن بۇقاراسىن ىنتىماقتاستىرىپ جانە باستاپ، پارتيا 20 - قۇرىلتايىنىڭ رۋحىن جەتەكشى ەتىپ، جاڭا دامۋ ۇستانىمىن ىشكەرىلەي امالياتتا ايگىلەپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شەكاراداعى ۇلتتىق وڭىرلەردىڭ جوعارى ساپالى دامۋىن ىلگەرىلەتۋدە اناعۇرلىم زور ىسكەرلىك كورسەتىپ، جاڭا دامۋ ارناسىنا قىزمەت وتەۋ جانە ونىمەن توعىسۋ جاعىندا اناعۇرلىم زور ناتيجەگە قول جەتكىزىپ، جاسىل دامۋدى ىلگەرىلەتۋ جاعىندا اناعۇرلىم زور ىلگەرىلەۋشىلىكتى جۇزەگە اسىرىپ، مەملەكەت حاۋىپسىزدىگىن قورعاۋ جاعىندا اناعۇرلىم زور ۇلەس قوسىپ، پارتيانى جاپپاي قاتاڭ باسقارۋدى ىلگەرىلەتۋ جاعىندا اناعۇرلىم زور ونىمدىلىككە قول جەتكىزىپ، جاڭا داۋىردەگى ايبىندى دا كورىكتى گۋاڭشي قۇرۋدىڭ جاڭا جاعدايىن قۇلشىنا اشۋدى ءۇمىت ەتتى.
