قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك

شي جينپيڭ ”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىن ەكسكۋرسيالاعاندا بىلاي دەپ باسا دارىپتەدى

قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك

لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ كورمەنى ەكسكۋرسيالادى

　　9 - ايدىڭ 27 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار بەيجيڭ كورمە سارايىندا ”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىن ەكسكۋرسيالادى.

　　□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　شينحۋا اگەنتتىگىنىڭ 9 - ايدىڭ 27 - كۇنى بەيجيڭنەن بەرگەن حابارى. پارتيا 20 - قۇرىلتايى اشىلۋ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 27 - كۇنى بەيجيڭ كورمە سارايىنا بارىپ، ”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىن ەكسكۋرسيالادى. ول بىلاي دەپ باسا دارىپتەدى: پارتيا 18 - قۇرىلتايىنان بەرى، پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ۇزاق ۋاقىتتان بەرى شەشىلمەي كەلە جاتقان كوپتەگەن قيىن ماسەلەلەردى شەشىپ، ۇزاق بولاشاققا ساياتىن كوپتەگەن ءىرى، كەلەلى ىستەردى تىندىرىپ، ساياسي، ەكونوميكا، يدەولوگيا، تابيعات دۇنيەسى سياقتى جاقتاردان كەلگەن حاۋىپ - قاتەرلەردىڭ، سىن - سايىستاردىڭ سىنىنان ءوتىپ، پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىستەر تۋدىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش ازىرلەدى. 10 جىلدان بەرگى ستراتەگيا سيپاتتى شارالاردى، وزگەرىس سيپاتتى امالياتتاردى، سەرپىلىس سيپاتتى ىلگەرىلەۋشىلىكتەردى، بەلگى سيپاتتى جەتىستىكتەردى كەڭ كولەمدە ۇگىتتەپ، 10 جىلدان بەرگى ۇلى وزگەرىستەردىڭ پارتيا تاريحىنداعى، جاڭا جۇڭگو تاريحىنداعى، رەفورما جاساۋ، ەسىك اشۋ تاريحىنداعى، سوتسياليزمنىڭ دامۋ تاريحىنداعى، جۇڭحۋا ۇلتىنىڭ دامۋ تاريحىنداعى بەلەستىك ءمانىن ۇگىتتەپ، بۇكىل پارتيانى، بۇكىل ەلدەگى ءار ۇلت حالقىن تاريح سەنىمىن بەكەمدەپ، تاريحي ىرىقتىلىقتى نىعايتىپ، قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن جازىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋگە ىنتالاندىرۋ كەرەك.

　　لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ كورمەنى ەكسكۋرسيالادى.

　　تۇستەن كەيىن ساعات 3تەن 45 مينۋت وتكەندە، شي جينپيڭ قاتارلى باسشى جولداستار بەيجيڭ كورمە سارايىنا بارىپ، كورمە زالىنا كىرىپ كورمەنى ەكسكۋرسيالادى. كورمە ”جاڭا داۋىردە ەكپىندەي ىلگەرىلەۋ“ سىندى نەگىزگى تاقىرىپتى تىعىز ارقاۋ، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋىن نەگىزگى جەلى ەتە وتىرىپ، نازاردى جاڭا ءداۋىردىڭ 10 جىلىنداعى پارتيا مەن مەملەكەت ىستەرىنىڭ ۇلى تابىستارىنا، ۇلى وزگەرىستەرىنە شوعىرلاندىرىپ، ىستەرىمىز دامۋىنىڭ جاڭا جاعدايىن، جاڭا بەينەسىن كورسەتۋمەن بىرگە، وزگەرىستەردىڭ توركىنىندەگى كۇش - قۋات پەن قوزعاۋشى كۇشتى دە ۇعىندىردى؛ جاڭا داۋىردەگى جۇڭگو كوممۋنيستەرىنىڭ ساياسي باستاماشىلىعىن، يدەيالىق جەتەكشىلىگىن ايگىلەۋمەن بىرگە، قالىڭ حالىق بۇقاراسىنىڭ ءبىر نيەتپەن ىنتىماقتاسقان، ءىس تىندىرىپ، ناتيجە شىعارعان تاماشا كەلبەتىن دە بەينەلەدى. كورمەدە العى زال، ورتالىق جالپىلىق كورمە رايونى، جەرگىلىكتى ورىندار كورمە رايونى، بولاشاققا نازار كورمە رايونى، سىرتقى كورمە رايونى جانە ىقپالداستىق كورمە رايونى سىندى 6 كورمە رايونى ورنالاستىرىلدى، اۋدانى 30 مىڭ شارشى مەتردەن استام، وندا سۋرەت، ناقتى زات، مودەل سياقتى 6000 تۇرلىدەن استام كورمە فاكتورى پايدالانىلىپ، تۇرعىسى كوپ، باي مازمۇندى بولدى.

　　ەلىمىزدىڭ عىلىم - تەحنيكا ورەسىنىڭ جانە جاساۋ قۋاتىنىڭ شارىقتاي دامىعاندىعىن ايگىلەيتىن دەربەس زەرتتەپ جاساعان شەشۋشى ونىمدەردىڭ ناقتى زاتتارى، مودەلدەرى، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ جۇيەسىنىڭ كۇن سايىن كەمەلدەنگەندىگىن بەينەلەيتىن وردەندەر، مەدالدار، مەملەكەت دارەجەلى كەلەلى باسپادان شىعارۋ نىسانى «گۇلدەنۋ جازبالار قامباسى»، كەدەيلىكتەن ارىلۋدان قامال الۋ جانە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ تاريحي بەلەستەرىن جاندى تۇردە قايتا كورسەتكەن ناقتى زاتتار، كەستەلەر، سۋرەتتەر، ”5 ءتۇرلى ءتاسىل نەگىزىندەگى“ عارىش، كەڭىستىك، جەر سايكەستى ءبىر تۇلعالاندىرىلعان ەكولوگيالىق ورتانى ستەرەولدى الىستان سەزىپ باقىلاۋ - ولشەۋ جۇيەسىنىڭ ەلىكتەمە قۇم تاباعى، قارۋ - جابدىق مودەلدەرى، جالپى تۇلعالىق مەملەكەت حاۋىپسىزدىگى كوزقاراسىنىڭ تەرەڭ مازمۇنىن، پارتيا ىشىندەگى زاڭ - ەرەجە، ءتۇزىم قۇرىلىسىنىڭ جەتىستىكتەرىن بەينەلەگەن كورمە تاقتالارى، ناقتى زاتتار، بەيجيڭ - تيانجين - حىبەيدىڭ سايكەستى دامۋ جەتىستىكتەرىن ايگىلەگەن ستەرەولدى ەلەكتروندىق كارتا، جوبا قۇرىلىسى، رەليستى قاتىناس جانە عىلىم - تەحنيكادا جاڭالىق اشۋ سياقتى جاقتارداعى جارقىن تۇيىندەردى، جەتىستىكتەردى كورسەتكەن گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ قۇم تاباعى... ءبىر - بىرلەگەن ناقتى زاتتار، مودەلدەر، جاندى بەينەجازبالار، سۋرەتتەر، كەستەلەر شي جينپيڭ قاتارلى باسشى جولداستاردىڭ نازارىن وزىنە بۇردى. ولار ءالسىن - ءالى ايالداپ كورىپ، تۇسىندىرمەنى تىڭداپ، قاتىستى جاعدايلاردى سۇراستىردى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ بەيجيڭدەگى مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى قاتارلىلار كورمەنى ەكسكۋرسيالادى.