1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

شي جينپيڭ شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ماجىلىسىنە قاتىناستى ءارى ماڭىزدى ءسوز سويلەدى

日期:2022年09月19日
来源:新疆日报
【字体:

”شاڭحاي رۋحىن“ ۇستانىپ، ىنتىماقتى، سەلبەستىكتى كۇشەيتىپ، اناعۇرلىم بەرىك شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرۋدى ىلگەرىلەتۋدى باسا دارىپتەدى

  جەرگىلىكتى ۋاقىت 9 - ايدىڭ 16 - كۇنى مەملەكەت ءتوراعاسى شي جينپيڭ سامارحان حالىقارالىق ءماجىلىس ورتالىعىندا شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ماجىلىسىنە قاتىناستى ءارى ماڭىزدى ءسوز سويلەدى.

   سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  جەرگىلىكتى ۋاقىت 9 - ايدىڭ 16 - كۇنى مەملەكەت ءتوراعاسى شي جينپيڭ سامارحان حالىقارالىق ءماجىلىس ورتالىعىندا شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ماجىلىسىنە قاتىناستى ءارى ماڭىزدى ءسوز سويلەدى. سۋرەتتە: كەڭ كولەمدى كەڭەستىڭ الدىندا ماجىلىسكە قاتىناسقان تاراپتار توپتىق سۋرەتكە ءتۇستى.

  □ سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن

شينحۋا اگەنتتىگىنىڭ 9 - ايدىڭ 16 - كۇنى وزبەكستان سامارحاننان بەرگەن حابارى (تىلشىلەر ني سى - ي، سۇن حاۋ). جەرگىلىكتى ۋاقىت 9 - ايدىڭ 16 - كۇنى مەملەكەت ءتوراعاسى شي جينپيڭ سامارحان حالىقارالىق ءماجىلىس ورتالىعىندا شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ماجىلىسىنە قاتىناستى.

شاڭحاي سەلبەستىك ۇيىمىنىڭ كەزەكتى ءتوراعا ەلى وزبەكستاننىڭ زۇڭتۇڭى مىرزيويەۆ ءماجىلىستى باسقاردى، شاڭحاي سەلبەستىك ۇيىمىنا مۇشە ەلدەردەن رەسەي زۇڭتۇڭى پۋتين، قازاقستان زۇڭتۇڭى توقايەۆ، قىرعىزستان زۇڭتۇڭى جاپاروۆ، تاجىكستان زۇڭتۇڭى راحمون، ءۇندىستان زۇڭليى مودي، پاكيستان زۇڭليى شاھباز، باقىلاۋشى ەلدەردەن بەلورۋسسيا زۇڭتۇڭى لۋكاشەنكو، يران زۇڭتۇڭى لايشي، موڭعۇليا زۇڭتۇڭى كۇرۇلسۇك، ءتوراعا ەلدىڭ قوناعى تۇركمەنستان زۇڭتۇڭى سەردار بەردىمۇحامەتوۆ، ازەربايجان زۇڭتۇڭى اليەۆ، تۇركيا زۇڭتۇڭى ەردوعان جانە قاتىستى حالىقارالىق جانە وڭىرلىك ۇيىمداردىڭ ۋاكىلدەرى ماجىلىسكە قاتىناستى.

شي جينپيڭ ماجىلىستە «ءداۋىر اعىمىن يگەرىپ، ىنتىماقتى، سەلبەستىكتى كۇشەيتىپ، كوركەم بولاشاققا بىرگە جول اشايىق» دەگەن تاقىرىپتا ماڭىزدى ءسوز سويلەدى.

شي جينپيڭ بىلاي دەپ اتاپ كورسەتتى: بيىل شاڭحاي سەلبەستىك ۇيىمى ۋستاۆىنا قول قويىلعاندىعىنىڭ 20 جىلدىعىنا، مۇشە ەلدەردىڭ ۇزاق ۋاقىتتىق تاتۋ كورشىلىك، دوستىق سەلبەستىك شارتىنا قول قويىلعاندىعىنىڭ 15 جىلدىعىنا تۋرا كەلىپ وتىر. وسى ەكى تۇعىرنامالىق حۇجاتتى يدەيالىق نەگىز جانە ارەكەت باعدارناماسى ەتىپ، شاڭحاي سەلبەستىك ۇيىمى بىرتىندەپ ءساتتى تۇردە جاڭاشا حالىقارالىق ۇيىمداردىڭ ءوسىپ - جەتىلۋ، ۇلعايۋ جولىن تاۋىپ، ءبىر قىدىرۋ وي سالارلىق ءمان - ماڭىزعا يە ماڭىزدى تابىستى تاجىريبەلەر توپتادى، اتاپ ايتساق، ساياسي ءوزارا سەنىمدىلىككە تاباندى بولۋ، ءوزارا ءتيىمدى سەلبەستىككە تاباندى بولۋ، تەڭ تۇرعىدا مامىلە جاساۋعا تاباندى بولۋ، اشىق، سيىسىمدى بولۋعا تاباندى بولۋ، ادىلدىك پەن تۋراشىلدىققا تاباندى بولۋ. وسى 5 ءتۇيىندى تاجىريبە ءوزارا سەنۋ، ءوزارا پايدا جەتكىزۋ، تەپە - تەڭ بولۋ، كەڭەسۋ، الۋان ءتۇرلى وركەنيەتكە قۇرمەت ەتۋ، بىرگە دامۋعا ۇمتىلۋ سىندى ”شاڭحاي رۋحىن“ تولىق ايگىلەدى. اماليات ”شاڭحاي رۋحىنىڭ“ شاڭحاي سەلبەستىك ۇيىمىنىڭ دامۋىنىڭ، ۇلعايۋىنىڭ ومىرشەڭدىك كۇشى، ونان دا ماڭىزدىسى، شاڭحاي سەلبەستىك ۇيىمى، ءسوز جوق، ۇزاق ۋاقىت تاباندى بولۋعا ءتيىستى ءتۇبىرلى بويسۇنۋ ولشەمى ەكەندىگىن كورسەتتى. بۇدان بۇرىن ءبىز ”شاڭحاي رۋحىن“ امالياتتا ايگىلەۋدە وراسان زور تابىسقا قول جەتكىزدىك، بولاشاقتا دا ءبىز ”شاڭحاي رۋحىن“ ۇستانىپ، ۇدەرە العا تارتا بەرەمىز.

شي جينپيڭ بىلاي دەپ باسا دارىپتەدى: قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. ادامزات قوعامى جول ايىرىعىندا تۇر، بۇرىن بولماعان سىن - سايىسقا ءدوپ كەلدى. جاڭا جاعدايدا شاڭحاي سەلبەستىك ۇيىمى حالىقارالىق جانە وڭىرلىك ىستەردەگى ماڭىزدى سىندارلى كۇش رەتىندە، حالىقارالىق الماعايىپ وزگەرىستەرمەن جۇرەكتىلىكپەن بەتپە - بەت كەلىپ، ءداۋىر اعىمىن مىقتاپ يگەرىپ، ىنتىماقتى، سەلبەستىكتى ۇزدىكسىز كۇشەيتىپ، اناعۇرلىم بەرىك شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.

ءبىرىنشى، ءوزارا قولداۋدى كۇشەيتۋ. جوعارى جىكتەگىلەردىڭ بارىس - كەلىسى مەن ستراتەگيالىق بايلانىسىن كۇشەيتىپ، ءوزارا تۇسىنىستىك پەن ساياسي ءوزارا سەنىمدىلىكتى تەرەڭدەتىپ، ءبىر - ءبىرىمىزدىڭ حاۋىپسىزدىك پەن دامۋ مۇددەسىن قورعاۋ جولىنداعى قۇلشىنىستارىمىزعا قولداۋ كورسەتۋىمىز، ءارقانداي سىلتاۋمەن باسقا ەلدىڭ ىشكى ىسىنە كيلىگۋگە بىرگە قارسى تۇرىپ، ءوز ەلدەرىمىزدىڭ بولاشاعى مەن تاعدىرىن ءوز قولىمىزدا مىقتاپ ۇستاۋىمىز كەرەك.

ەكىنشى، حاۋىپسىزدىك سەلبەستىگىن كەڭەيتۋ. ءار جاقتىڭ الەمدىك حاۋىپسىزدىك باستاماسىن تياناقتاندىرۋعا بىرگە ات سالىسىپ، ورتاق، كەشەندى، سەلبەسەتىن، باياندى حاۋىپسىزدىك كوزقاراسىن ۇستانىپ، تەڭگەرىمدى، ءونىمدى، باياندى حاۋىپسىزدىك جۇلگەسىن ورناتۋدى ىلگەرىلەتۋىن قارسى الامىز. ”ءۇش ءتۇرلى كۇشكە“، ەسىرتكى اتكەزشىلىگىنە، ينتەرنەتتىك جانە مەملەكەت اتتاعان ۇيىمدىق قىلمىستارعا قاتاڭ سوققى بەرىپ، ساندى مالىمەت حاۋىپسىزدىگى، بيولوگيالىق حاۋىپسىزدىك، سىرتقى عارىش كەڭىستىگى حاۋىپسىزدىگى سياقتى ءداستۇرلى ەمەس حاۋىپسىزدىك سىن - سايىستارىنا ءونىمدى توتەپ بەرۋىمىز كەرەك. جۇڭگو جاق الداعى 5 جىلدا مۇشە ەلدەرگە زاڭ اتقارۋشى 2000 قىزمەتكەر باۋلىپ بەرىپ، جۇڭگو − شاڭحاي سەلبەستىك ۇيىمىنىڭ لاڭكەستىككە قارسى تۇرۋ باعىتىنداعى كاسىبي ماماندار باۋلۋ بازاسىن قۇرىپ، ءار جاقتىڭ زاڭ اتقارۋ قابىلەتى قۇرىلىسىن كۇشەيتۋدى قالايدى.

ءۇشىنشى، ناقتى سەلبەستىكتى تەرەڭدەتۋ. جۇڭگو جاق ءار جاقپەن بىرگە الەمدىك دامۋ باستاماسىنىڭ وسى وڭىردە تياناقتانىپ تامىر تارتۋىن ىلگەرىلەتىپ، ءار ەلدىڭ باياندى دامۋدى جۇزەگە اسىرۋىنا دەم بەرۋدى قالايدى. وسى رەتكى باسشىلار ماجىلىسىندە ماقۇلدانعان حالىقارالىق ەنەرگيا حاۋىپسىزدىگىن، استىق حاۋىپسىزدىگىن قورعاۋ جونىندەگى مالىمدەمەلەردى ويداعىداي تياناقتاندىرۋىمىز كەرەك. جۇڭگو جاق وركەندەپ كەلە جاتقان ەلدەردىڭ قاجەت ەتەتىندەرىنە استىق سياقتى جاقتاردان قۇنى ءبىر ميلليارد 500 ميلليون يۋاندىق شۇعىل ادامگەرشىلىك كومەك بەرەدى. ساۋدا جانە قارجى قوسۋ، نەگىزدىك قۇرىلعى قۇرىلىسى، قامداۋ تىزبەگىن قورعاۋ، عىلىم - تەحنيكادا جاڭالىق اشۋ، جاساندى زەردە سياقتى سالالارداعى سەلبەستىك حۇجاتتارىن ويداعىداي تياناقتاندىرىپ، ”ءبىر بەلدەۋ، ءبىر جولدى“ بىرگە قۇرۋ باستاماسىن ءار ەلدىڭ دامۋ ستراتەگيالارىمەن جانە وڭىرلىك سەلبەستىك باستاماسىمەن ۇشتاستىرۋدى ۇزدىكسىز كۇشەيتۋىمىز كەرەك. جۇڭگو جاق كەلەر جىلى ۇيىمىمىزدىڭ دامۋ سەلبەستىگى بويىنشا مينيسترلەردىڭ ءديدارلاسۋىن، كاسىپ سالاسى تىزبەگى، قامداۋ تىزبەگى تالقى مىنبەرىن وتكىزىپ، جۇڭگو − شاڭحاي سەلبەستىك ۇيىمى ۇلكەن ساندى مالىمەت سەلبەستىك ورتالىعىن قۇرىپ، بىرگە دامۋدىڭ جاڭا قوزعالتقىشىن قالىپتاستىرادى. جۇڭگو جاق ءار جاقپەن عارىش سالاسىندا سەلبەستىك ورىستەتۋدى، ءار جاقتىڭ اۋىل شارۋاشىلىعىن دامىتۋ، ۇلاسۋ - تۇتاسۋ قۇرىلىسى، اپات زيانىن ازايتۋ، اپاتتان قۇتقارۋ سياقتى ىستەرىنە قولداۋ كورسەتۋدى قالايدى.

ءتورتىنشى، گۋمانيتارلىق اۋىس - كۇيىستى كۇشەيتۋ. وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، مەديالار، راديو - تەلەۆيزيا سياقتى سالالارداعى سەلبەستىكتى تەرەڭدەتىپ، جاستاردىڭ اۋىس - كۇيىس لاگەرى، ايەلدەر تالقى مىنبەرى، حالىقتىق دوستىق تالقى مىنبەرى، ءداستۇرلى مەديتسينا تالقى مىنبەرى سياقتى ماركالى قيمىلداردى ۇزدىكسىز ويداعىداي وتكىزىپ، شاڭحاي سەلبەستىك ۇيىمى تاتۋ كورشىلىك، دوستىق سەلبەستىك كوميتەتى سياقتى حالىقتىق قۇرىلىمداردىڭ ءتيىستى رولىن ساۋلەلەندىرۋىن قولداۋىمىز كەرەك. جۇڭگو جاق جۇڭگو − شاڭحاي سەلبەستىك ۇيىمى قار - مۇز سپورتىنان ۇلگى كورسەتۋ رايونىن قۇرادى، كەلەر جىلى كەدەيلەردى ازايتۋ جانە باياندى دامۋ تالقى مىنبەرىن، دوس قالالار تالقى مىنبەرىن وتكىزەدى، الداعى 3 جىلدا ۇيىمىمىزداعى ەلدەردىڭ بۇقاراسى ءۇشىن 2000 شەل وپەراتسياسىن تەگىن جاساپ، ادام كۇشى بايلىعىن تاربيەلەۋ باعىتىندا 5000 ادامدىق سان ازىرلەيدى.

بەسىنشى، كوپ جاقتىلىققا تاباندى بولۋ. بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاپ، بۇكىل ادامزاتقا ورتاق قۇندىلىقتاردى اسقاقتاتىپ، تەكە - تىرەس پەن توپشىلدىق ساياسيدان اۋلاق بولۋىمىز كەرەك. ۇيىمىمىزدىڭ بىرلەسكەن مەملەكەتتەر ۇيىمى سياقتى حالىقارالىق جانە وڭىرلىك ۇيىمدارمەن بارىس - كەلىسىن كەڭەيتىپ، ناعىز كوپ جاقتىلىققا تاباندى بولىپ، الەمدىك باسقارۋدى كەمەلدەندىرىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن قول ۇستاسا ىلگەرىلەتۋىمىز كەرەك.

شي جينپيڭ بىلاي دەپ باسا دارىپتەدى: ازيا - ەۆروپا قۇرلىعىنىڭ بەيبىتشىلىگى مەن دامۋىن قورعاۋ وسى ءوڭىردىڭ، ءتىپتى، دۇنيە جۇزىندەگى ءار ەلدىڭ ورتاق تىلەگى، شاڭحاي سەلبەستىك ۇيىمى وسى ءۇشىن ماڭىزدى مىندەت ارقالاپ وتىر. ۇيىمىمىزدىڭ دامۋىن، مۇشەلەرىن كەڭەيتۋىن ىلگەرىلەتىپ، ۇيىمىمىزدىڭ بەلسەندى ىقپالىن ساۋلەلەندىرۋ ازيا - ەۆروپا قۇرلىعىنىڭ، سونداي - اق دۇنيە ءجۇزىنىڭ باياندى بەيبىتشىلىگى مەن بىرگە گۇلدەنۋىن قورعاۋ ءۇشىن وڭ ەنەرگيا ۇستەپ، تىڭ ومىرشەڭدىك كۇش تۋىنداتادى. جۇڭگو جاق مۇشەلەرىمىزدى كەڭەيتۋ قىزمەتىن بەلسەنە، ورنىقتى، ويداعىداي ىستەۋدى قولدايدى، ورايدى مىقتى يگەرىپ، ورتاق تانىم ۇيىستىرىپ، سەلبەستىكتى تەرەڭدەتىپ، ازيا − ەۆروپا قۇرلىعىنىڭ كوركەم بولاشاعىنا بىرگە جول اشۋىمىز كەرەك.

شي جينپيڭ بىلاي دەپ اتاپ كورسەتتى: بيىل جىل باسىنان بەرى جۇڭگو ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋعا تاباندى بولىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى دەڭگەيدە قورعاۋمەن بىرگە، ەكونوميكالىق، قوعامدىق دامۋدىڭ نەگىزگى اۋقىمىن دا ەڭ جوعارى دەڭگەيدە ورنىقتىردى. جۇڭگو ەكونوميكاسىنىڭ سەرپىمدىلىگى كۇشتى، كومەسكى كۇشى جەتكىلىكتى، مۇمكىندىگى كەڭ، ۇزاق ۋاقىت جاقسارۋ نەگىزگى اۋقىمى وزگەرمەيدى، دۇنيە ءجۇزى ەكونوميكاسىنىڭ ورنىعۋىنا، قالپىنا كەلۋىنە قۋاتتى قوزعاۋشى كۇش ازىرلەپ، ءار ەلگە اناعۇرلىم كەڭ بازار ورايىن ۇسىنادى. ەندى ءبىر ايدان كەيىن، ءبىز جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىن اشىپ، جۇڭگونىڭ رەفورما جاساۋدا، دامۋدا قول جەتكىزگەن كەلەلى تابىستارى مەن قىمباتتى تاجىريبەلەرىن جالپى بەتتىك قورىتىندىلاپ، جاڭا داۋىردەگى جاڭا جورىقتا جۇڭگو ىستەرىن دامىتۋدىڭ جاڭا تالاپتارىن، حالىق بۇقاراسىنىڭ جاڭا ءۇمىت - تىلەگىن جالپى بەتتىك يگەرىپ، ارەكەت تۇعىرناماسىن جانە كەلەلى باعىت - ساياساتتاردى جاسايمىز. ءبىز جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز بەلسەنە ىلگەرىلەتىپ، جۇڭگونىڭ تىڭ دامۋى ارقىلى دۇنيە جۇزىنە جاڭا وراي اكەلىپ، دۇنيە ءجۇزىنىڭ بەيبىتشىلىگى مەن دامۋىنا جانە ادامزات وركەنيەتىنىڭ العا باسۋىنا اقىل - پاراساتىمىز بەن كۇش - قۋاتىمىزدى ارنايمىز.

شي جينپيڭ سوڭىندا بىلاي دەپ باسا دارىپتەدى: جول الىس بولعانىمەن، باعىتتان اۋىتقىماساق دىتتەگەن جەرىمىزگە جەتەمىز. ءبىز ”شاڭحاي رۋحىن“ بارىنشا اسقاقتاتىپ، شاڭحاي سەلبەستىك ۇيىمى دامۋىنىڭ نىق قاداممەن الىسقا جەتۋىن ىلگەرىلەتىپ، بەيبىت، ورنىقتى، گۇلدەنگەن، كورىكتى، تاماشا مەكەندى بىرگە قۇرايىق!

مۇشە ەلدەردىڭ باسشىلارى «شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ سامارحان جارناماسىنا» قول قويدى جانە ونى جاريالادى. ماجىلىستە حالىقارالىق استىق حاۋىپسىزدىگىن، حالىقارالىق ەنەرگيا حاۋىپسىزدىگىن قورعاۋ، كليمات وزگەرىسىنە توتەپ بەرۋ، قامداۋ تىزبەگىنىڭ حاۋىپسىزدىگىن، ورنىقتىلىعىن، كوپ نەگىزدەنۋىن قورعاۋ سياقتى كوپتەگەن مالىمدەمەلەر جانە حۇجاتتار جاريالاندى، يراننىڭ شاڭحاي سەلبەستىك ۇيىمىنا كىرۋ مىندەتتەمەلەرى جونىندەگى ەسكەرتپە حات، بەلورۋسسيانى مۇشەلىككە قابىلداۋ ءتارتىبىن باستاۋ، ەگيپەتتىڭ، ساۋد ارابياسىنىڭ، كاتاردىڭ جاڭا تىلدەسۋ سەرىكتەسى بولۋىن بەكىتۋ، باحرەيىننىڭ، مالديۆتىڭ، اراب بىرىككەن امىرلىگىنىڭ، كۆەيتتىڭ، بيرمانىڭ جاڭا تىلدەسۋ سەرىكتەسى بولۋىنا قوسىلۋ، مۇشە ەلدەردىڭ تاتۋ كورشىلىك، دوستىق ۇزاق ۋاقىتتىق سەلبەستىك شارتىنىڭ الداعى 5 جىلداعى اتقارۋ باعدارلاماسىن بەكىتۋ سياقتى ءبىر قىدىرۋ قارارلارعا قول قويىلدى. ءماجىلىس ءۇندىستاننىڭ 2022 - جىلدان 2023 - جىلعا دەيىنگى شاڭحاي سەلبەستىك ۇيىمىنىڭ كەزەكتى ءتوراعا ەلى مىندەتىن وتكىزىپ الۋىن ۇيعاردى.

ديڭ شۋەشياڭ، ياڭ جيەچى، ۋاڭ ي قاتارلىلار ماجىلىسكە قاتىناستى.