1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

جاقىن كورىنىستەر | ”سەندەر بەينە كىشكەنتاي قالامشا سياقتىسىڭدار، تولىقسىپ، شىمىرلانا ەسەيىپ - ەرجەتۋلەرىڭدى تىلەيمىن“

日期:2022年07月25日
来源:新疆日报
【字体:

  ”جىل سايىن وسى ۋاقىتتا وقۋشىلارمەن بىرلىكتە اعاش ەككەنىمە ايرىقشا قۋانىشتىمىن.“ باس شۋجي شي جينپيڭ ءۇرتىس 10 جىل كوكتەم سايىن ءوز قولىمەن اعاش ەگىپ كەلەدى. اعاش ەگۋ ارەدىگىندە ول قاسىنداعى پيونەرلەرمەن ۇنەمى ىقىلاسپەن اڭگىمەلەسەتىن.

  2019 - جىلى 4 - ايدىڭ 8 - كۇنى، باس شۋجي شي جينپيڭ بەيجيڭ قالاسى تۇڭجوۋ رايونى يۇڭشۇن قالاشىعىنداعى اعاش ەگۋ تۇيىنىنە كەلىپ اعاش ەكتى. قيمىل اياقتاعاننان كەيىن، سول جەردەگى بالالار شاتتانا باس شۋجيدى قاۋمالاي جيىلدى.

  بالالاردى كورىپ، باس شۋجيدىڭ جۇزىنەن شاتتىق پەن باۋىرمالدىقتىڭ نۇرى شالقىدى: ”بۇدان كەيىن اعاش ەگۋگە ءجيى كەلەمىن! سەندەر بەينە كىشكەنتاي قالامشا سياقتىسىڭدار، تولىقسىپ، شىمىرلانا ەسەيىپ - ەرجەتۋلەرىڭدى تىلەيمىن!“ ”سىرتتا ارەكەت جاساۋدى، ساباقتان سىرتقى قيمىلدى كۇشەيتىپ، ’رۋحاني جاقتان وركەنيەتتى، تۇلعا جاقتان شىمىر بولۋ كەرەك‘“.

  سىلدىراپ اققان ءمولدىر بۇلاقتاي جىلى لەبىزدەر، ”كىشكەنتاي قالامشالاردىڭ“ جان دۇنيەلەرىنە ءنار بەردى.

  ”شي اتا ءبىزدى ەرتىپ اعاش ەكتى، ءبىزدى كىشكەنتايىمىزدان كوپ ەڭبەك ەتۋگە، قورشاعان ورتانى قورعاۋعا، كىشكەنتاي جاۋاپكەر ازامات بولۋعا ۇندەدى.“ سول جىلى بەيجيڭ قالاسى تۇڭجوۋ رايونى گۇڭيۋان باستاۋىش مەكتەبىندە وقىپ جۇرگەن سۇڭ جىشۋەن شي اتانىڭ ىقىلاستى تاپسىرماسىن ەستە بەرىك ساقتادى، قازىر ورتالاۋ مەكتەپكە شىققان ول، ەكولوگيالىق ورتانى ايالاۋدى كۇندەلىكتى تۇرمىسىنا ءسىڭىردى.

  2015 - جىلى، باس شۋجي شي جينپيڭ ماڭىزدى نۇسقاۋ بەرىپ، اعاش ەككەندە، ”باستاۋىش مەكتەپ وقۋشىلارىن تۇتاس قالا كولەمىنەن تاڭداماي، جاقىن ماڭنان بىرنەشە كلاستى قاتىناسۋعا ۇيىمداستىرىپ، بىردە - ءبىر بالانى قاعىس قالدىرماۋ كەرەك. بالالار تۋادا شيراقى بولادى، اعاش ەگىپ ءجۇرىپ ويىن قۋسا دا ەشتەڭە ەتپەيدى، باستىسى، ولاردىڭ ەڭبەكتى ءسۇيۋ، قورشاعان ورتانى كورىكتەندىرۋ تانىمىن جەتىلدىرۋ كەرەك“ دەپ تالاپ ەتكەن.

  سول جىلى، اعاش ەگۋ ءتۇيىنى بولعان بەيجيڭ قالاسى چاۋياڭ رايونى سۇنحى اۋىلىنا، ۋاڭجيڭداعى نانحۋ جۇڭيۋان باستاۋىش مەكتەبى 5 - جىلدىعىنىڭ 3 كلاسىنداعى 100دەن استام وقۋشى سۋ شەلەكتەرىن وزدەرى الا بارىپ، مىندەتتى اعاش ەگۋ قيمىلىنا قاتىناستى.

  بالالاردىڭ اعاش ەگىپ جاتقانىن كورگەن باس شۋجي ايرىقشا قۋانىپ، قاسىنداعى اق قابىقتى قاراعايدى نۇسقاپ، بالالارعا كۇلىمسىرەي: ”ءبىز اعاشتى بىرگە ەگەيىك“،- دەدى.

  ”قولدارىڭدى ابايلاڭدار.“ ”اقىرىن، اقىرىن، اياقتارىڭا كۇرەك ءتيىپ كەتپەسىن“ . بالالاردىڭ يكەمى كەلمەي تۇرعانىن كورگەن باس شۋجي ىقىلاسپەن ەسكەرتىپ وتىردى.

  10 جىلدان بەرى، يۇڭديڭ وزەن بويى، تۋانچىڭ كول ماڭى، داشيڭ شينچىڭ قالاسى سەيىل - سەرۋەن باقشاسى سىندى جەرلەردە باس شۋجيدىڭ بالالارمەن بىرگە ەڭبەك ەتكەن، اڭگىمەلەسكەن مەيىرگە تولى بەينەلەرى ەستەلىك بولىپ قالعان.

  بالالاردىڭ قالامشا ەگىپ جاتقانىن كورگەن باس شۋجي ىقىلاستى قامقورلىقپەن: ”10 جىلدان كەيىن، 20 جىلدان كەيىن، بۇل جەرگە قايتا كەلىپ ءوز قولدارىڭمەن ەككەن قالامشالاردىڭ بوي تارتقانىن كورۋلەرىڭە بولادى، بۇل توتەنشە ماعىنالى ءىس“،- دەدى.

  اعاش ەككەندە، باس شۋجي ەڭبەك ىستەي ءجۇرىپ بالالاردىڭ ۇيرەنۋ، تۇرمىس جاعدايلارىن ىقىلاسپەن سۇراپ، ولارعا ” كىشكەنتايىنان جاسىل جامىلعىنى ءسۇيۋ، جاسىل جامىلعى وتىرعىزۋ، جاسىل جامىلعىنى قورعاۋ تانىمىن، ەكولوگيالىق قورشاعان ورتا تانىمىن، ۇنەمشىل، ۇقىپتى بولۋ تانىمىن جەتىلدىرۋدى“ تاپسىردى.

  ءبىر جولى اعاش ەككەندە، پيونەرلەرمەن بىرگە ەگىلگەن قالامشالارعا شەلەكپەن سۋ قۇيىپ جاتقان باس شۋجي بالالارعا: ”ءبىزدىڭ قالامشالارعا بىرگە سۋ قۇيۋىمىز، ءىس جۇزىندە سەندەرگە دە ونەگە بولۋىمىز، بۇل باۋلۋ دەلىنەدى، اتاپ ايتقاندا جاس ۇرپاقتاردى باۋلۋ بولىپ تابىلادى.“ ”كىشكەنتايىنان وڭاپ وتىرۋ كەرەك.“

  ىقىلاستى قامقورلىق، ىقىلاستى ءتالىم، باس شۋجي شي جينپيڭنىڭ ”كوكەيگە قونىمدى“ ەكولوگيالىق وركەنيەت ەڭبەك ساباعى، بالالاردىڭ جۇرەگىنە تامىر تارتتى.

  وقۋشى ياڭ تيانچيڭ: ”دايىن استىڭ يەسى بولۋدىڭ ءجون ەمەس ەكەنىن ءتۇسىندىم، ءبىز ءوزىمىزدىڭ قوس قولىمىزبەن بولاشاقتى جاراتۋىمىز ءتيىس. اعاش ەگۋ دۇنيە ءجۇزىن ءتىپتى دە كورىكتەندىرىپ، اۋانى ءتىپتى دە تازارتا تۇسەدى“،- دەدى.

   وقۋشى فاڭ شى - ي: ”مەن ەرجەتكەن كەزدە، شي اتامەن بىرگە ەككەن كىشكەنتاي اعاشتار دا جەتىلىپ بايتەرەككە اينالادى“،- دەدى.

  ……

  ...

  باۋلىعان ادام كەلەشەك يەسى.

  2021 - جىلى, اعاش ەگۋ قيمىلى اياقتاعاننان كەيىن، ءبىر توپ پيونەرلەر قاۋمالاي قورشاپ، ايىرىلۋعا قيماي تۇردى. باس شۋجي سۇيكىمدى، جارقىن ءجۇزدى بالالارعا قاراپ:”ءبىز قازىردەن وسى عاسىردىڭ ورتا شەنىنە دەيىن، جۇڭگوشا ەرەكشەلىككە يە سوتسياليستىك قۇدىرەتتى مەملەكەت قۇرىپ شىعامىز، 30 جىل بار. سەندەر قازىر 10 جاستاسىڭدار، سول كەزدە 40 جاسقا كەلەسىڭدەر. ەل تىرەگىنە اينالاسىڭدار!“ دەپ شىنايى تاپسىردى.

  ”تۇتاس قوعامدا اسىرەسە جاستار مەن ورەندەردىڭ جۇرەگىنە ەكولوگيالىق وركەنيەت تۇقىمىن سەبۋدى ىلگەرىلەتۋ“ ”بولىمسىز بولسا دا جاقسىلىق ىستەۋدەن قاشپاي، كىشكەنتاي ىستەردەن باستاپ ىستەپ، پارتيا مەن حالىقتىڭ قاجەتىنەن شىعاتىن جارامدى دارىندى بولىپ جەتىلۋگە قۇلشىنۋ“... 2022 - جىلى، باس شۋجي شي جينپيڭنىڭ وسىناۋ جالىندى جىگەر قاۋلاعان قۇنارلى توپىراقتا تۇرىپ ايتقان سوزدەرى تەرەڭ ءارى ماعىنالى.