شي جينپيڭ شياڭگاڭعا باردى

شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا قاتىناسادى ءارى شياڭگاڭدى كوزدەن كەشىرەدى

شي جينپيڭ شياڭگاڭعا باردى

شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى قاتارلىلار جوعارى قارقىندى تەمىر جول شيجيۋلۇڭ ۆوكزالىنا بارىپ قارسى الدى

　　6 - ايدىڭ 30 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ارناۋلى پويەزبەن شياڭگاڭعا باردى، 7 - ايدىڭ 1 - كۇنى وتكىزىلەتىن شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا قاتىناسادى ءارى شياڭگاڭدى كوزدەن كەشىرەدى. سۋرەتتە: شي جينپيڭ مەن حانىمى پىڭ لييۋان قارسى الۋعا كەلگەن جۇرتشىلىققا قول بۇلعاپ قۇرمەت ءبىلدىردى.

　　□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　شينحۋا اگەنتتىگىنىڭ 6 - ايدىڭ 30 - كۇنى شياڭگاڭنان بەرگەن حابارى (تىلشىلەر جۋ جيچاي، چىن جيانشيڭ). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 30 - كۇنى تۇستەن كەيىن ارناۋلى پويەزبەن شياڭگاڭعا باردى، 7 - ايدىڭ 1 - كۇنى وتكىزىلەتىن شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا قاتىناسادى ءارى شياڭگاڭدى كوزدەن كەشىرەدى.

　　ساعات 15تەن 10 مينۋت شاماسىندا شي جينپيڭ وتىرعان ارناۋلى پويەز جوعارى قارقىندى تەمىر جول شياڭگاڭ شيجيۋلۇڭ ۆوكزالىنا باياۋ كىردى. شي جينپيڭ مەن حانىمى پىڭ لييۋان ۆاگوننان شىققاندا، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى مەن جۇبايى لين جاۋبو الدارىنان قارسى الدى. قارسى الۋ سالتىندا شياڭگاڭ ساقشى وركەسترى شات مەرەيلى قارسى الۋ مۋزيكاسىن ورىندادى، قايرات - جىگەرى تاسقىنداعان ءبي ارىستانى شاتتانا بيگە باسىپ، نەشە ءجۇز شياڭگاڭدىق جاس ءوسپىرىم جانە ءار سالا بۇقارا ۋاكىلى مەملەكەت تۋىن، ەرەكشە اكىمشىلىك رايوننىڭ رايون تۋىن جانە گۇلدەردى بۇلعاپ، قىزۋ قارسى الاتىندىقتارىن ءبىلدىردى. شي جينپيڭ مەن پىڭ لييۋان قارسى الۋعا كەلگەن جۇرتشىلىققا قول بۇلعاپ قۇرمەت ءبىلدىردى.

　　شي جينپيڭنىڭ وسى رەت شياڭگاڭعا بارۋىنا ەل ءىشى - سىرتى ايرىقشا نازار اۋداردى، جۇڭگولىق، شەتەلدىك تىلشىلەر سول جەردە كۇتىپ تۇردى. شي جينپيڭ سۇحباتتاسۋ اۋماعىنا بارىپ، سول جەردەگى تىلشىلەرمەن امانداستى. ول مىنالاردى ءبىلدىردى: ەرتەڭ − شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ كۇنى، بۇكىل ەلدەگى ءار ۇلت حالقى شياڭگاڭدىق باۋىرلاستارمەن بۇل قۋانىشتى ءىستى بىرگە قۇتتىقتايدى. مەن شياڭگاڭدىق باۋىرلاستاردى قىزۋ قۇتتىقتايمىن جانە تاماشا تىلەك تىلەيمىن.

　　شي جينپيڭ بىلاي دەپ اتاپ كورسەتتى: مەن شياڭگاڭعا نازار اۋدارىپ، شياڭگاڭدى كوكەيىمنەن شىعارماي كەلەمىن، مەنىڭ جۇرەگىم مەن ورتالىق ۇكىمەتتىڭ جۇرەگى قاشاندا شياڭگاڭدىق باۋىرلاستارمەن بىرگە. وتكەن ءبىر مەزگىلدە شياڭگاڭ تالاي رەتكى قاتاڭ سىننان ءوتىپ، تالاي رەتكى حاۋىپ - قاتەردى، سىن - سايىستى جەڭدى، بوران - شاشىندى باستان كەشىرگەننەن كەيىن، شياڭگاڭ لاۋلاعان ورتتە قايتا تۇلەپ، شارىقتاعان تىرشىلىك لەبىن كورسەتتى. اماليات ”ءبىر ەل، ەكى ءتۇزىمنىڭ“ قۋاتتى ومىرشەڭدىك كۇشكە يە ەكەندىگىن، شياڭگاڭنىڭ ۇزاق ۋاقىت گۇلدەنۋىنە، ورنىقتىلىعىنا شىنايى كەپىلدىك ەتەتىن، شياڭگاڭدىق باۋىرلاستاردىڭ قۇت - ىرىسىن قورعايتىن جاقسى ءتۇزىم ەكەندىگىن دالەلدەدى.

　　شي جينپيڭ بىلاي دەپ باسا دارىپتەدى: قاجىماي - تالماي جالعاستىرساڭ، تاماشا كەلەشەكتەن ءۇمىت زور. ”ءبىر ەل، ەكى تۇزىمگە“ مىزعىماستان تاباندى بولساق، شياڭگاڭنىڭ بولاشاعى، ءسوز جوق، اناعۇرلىم كوركەم بولادى، شياڭگاڭ، ءسوز جوق، جۇڭحۋا ۇلتىنىڭ ۇلى گۇلدەنۋىنە تىڭ دا اناعۇرلىم زور ۇلەس قوسا الادى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى شىن يۋەيۋە، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك كەڭەس شياڭگاڭ، اۋمىن ىستەرى كەڭسەسىنىڭ مەڭگەرۋشىسى شيا باۋلۇڭ قاتارلى ساپارلاستارى بىرگە باردى.

　　مەملەكەتتىك ساياسي كەڭەستىڭ ورىنباسار ءتوراعاسى لياڭ جىنيىڭ، شياڭگاڭ ەرەكشە اكىمشىلىك رايونىنىڭ ەندى مىندەتكە وتىراتىن اكىمى لي جياچاۋ، شياڭگاڭ ەرەكشە اكىمشىلىك رايونى سوڭعى تەرگەۋ سوتى مەكەسىنىڭ باس سۋدياسى جاڭ جۇينىڭ، قازىنا مەكەمەسىنىڭ باستىعى چىن ماۋبو، زاڭ ىستەرى مەكەمەسىنىڭ باستىعى جىڭ روحۋا، زاڭ شىعارۋ كەڭەسىنىڭ ءتوراعاسى لياڭ جۇنيان، اكىمشىلىك كەڭەستىڭ ۇكىمەتتىك ەمەس مۇشەلەرىن شاقىرۋشى چىن جىسى قاتارلىلار ۆوكزالعا بارىپ قارسى الدى.

　　ورتالىق ۇكىمەتتىڭ شياڭگاڭداعى بايلانىس كەڭسەسىنىڭ مەڭگەرۋشىسى لو حۇينيڭ، ورتالىق ۇكىمەتتىڭ شياڭگاڭداعى مەملەكەت حاۋىپسىزدىگىن قورعاۋ مەكەمەسىنىڭ باستىعى جىڭ يانشيۇڭ، سىرتقى ىستەر مينيسترلىگىنىڭ شياڭگاڭداعى ارنايى قىزمەتكەر مەكەمەسىنىڭ ارناۋلى قىزمەتكەرى ليۋ گۋاڭيۋان، جۇڭگو حالىق ازاتتىق ارمياسىنىڭ شياڭگاڭداعى اسكەري ءبولىمىنىڭ سىليڭيۋانى پىڭ جيڭتاڭ، جىڭۋيى لاي رۋشين قاتارلىلار دا ۆوكزالعا بارىپ قارسى الدى.