1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

شي جينپيڭ الەمدىك دامۋ جونىندەگى جوعارى جىكتەگىلەر كەڭەسىن باسقاردى ءارى ماڭىزدى ءسوز سويلەدى

日期:2022年06月25日
来源:新疆日报
【字体:

ىنتىماقتى، تەرەزەسى تەڭ، بىركەلكى، جالپىعا ءتيىمدى جوعارى ساپالى الەمدىك دامۋ سەرىكتەستىك قارىم - قاتىناسىن ورناتۋدى ىلگەرىلەتىپ، جالپىعا ءتيىمدى دە تەپە - تەڭ، سايكەسىمدى دە سيىسىمدى، سەلبەسىپ تەڭ يگىلىككە كەنەلەتىن، بىرگە گۇلدەنەتىن الەمدىك دامۋ جاڭا ءداۋىرىن بىرگە جاراتۋ كەرەك دەپ باسا دارىپتەدى

  6 - ايدىڭ 24 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن الەمدىك دامۋ جونىندەگى جوعارى جىكتەگىلەر كەڭەسىن باسقاردى ءارى «جوعارى ساپالى سەرىكتەستىك قارىم - قاتىناس ورناتىپ، الەمدىك دامۋدىڭ جاڭا ءداۋىرىن بىرگە جاراتايىق» دەگەن تاقىرىپتا ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  6 - ايدىڭ 24 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن الەمدىك دامۋ جونىندەگى جوعارى جىكتەگىلەر كەڭەسىن باسقاردى ءارى «جوعارى ساپالى سەرىكتەستىك قارىم - قاتىناس ورناتىپ، الەمدىك دامۋدىڭ جاڭا ءداۋىرىن بىرگە جاراتايىق» دەگەن تاقىرىپتا ماڭىزدى ءسوز سويلەدى. سۋرەتتە: كەڭەسكە قاتىناسقان ءار ەل باسشىلارىنىڭ ”بۇلتتىق توپتىق سۋرەتى“.

□ شينحۋا اگەنتتىگى تاراتقان

  شينحۋا اگەنتتىگىنىڭ 6 - ايدىڭ 24 - كۇنى بەيجيڭنەن بەرگەن حابارى (ءتىلشى ياڭ يجۇن). مەملەكەت ءتوراعاسى شي جينپيڭ 6 - ايدىڭ 24 - كۇنى كەشتە بەيجيڭدە بەينە ەكران تاسىلىمەن الەمدىك دامۋ جونىندەگى جوعارى جىكتەگىلەر كەڭەسىن باسقاردى ءارى ماڭىزدى ءسوز سويلەدى. الجيريانىڭ زۇڭتۇڭى تەبوۋىن، ارگەنتينانىڭ زۇڭتۇڭى فەرناندەز، ەگيپەتتىڭ زۇڭتۇڭى سيسي، يندونەزيانىڭ زۇڭتۇڭى جوكو، يراننىڭ زۇڭتۇڭى لايشي، قازاقستاننىڭ زۇڭتۇڭى توقايەۆ، رەسەيدىڭ زۇڭتۇڭى پۋتين، سەنەگالدىڭ زۇڭتۇڭى سالل، وڭتۇستىك افريكانىڭ زۇڭتۇڭى رامافوسا، وزبەكستاننىڭ زۇڭتۇڭى ميرزيويەۆ، برازيليانىڭ ورىنباسار زۇڭتۇڭى مۋراو، كامبودجانىڭ باس ءۋازىرى حۇڭسىن، ەفيوپيانىڭ زۇڭليى ابي، فيجيدىڭ زۇڭليى مۇباينيماراما، ءۇندىستاننىڭ زۇڭليى مودي، مالايزيانىڭ زۇڭليى يسمايل، تايلاندتىڭ زۇڭليى بايۇي قاتىناستى. ءار ەلدىڭ باسشىلارى ”جاڭا داۋىردەگى الەمدىك دامۋ سەرىكتەستىك قارىم - قاتىناسىن ورناتىپ، 2030 - جىلعا دەيىنگى باياندى دامۋ كەڭەستىك ءتارتىبىن قول ۇستاسا تياناقتاندىرايىق“ نەگىزگى تاقىرىبىن ارقاۋ ەتىپ، حالىقارالىق دامۋ سەلبەستىگىن كۇشەيتۋ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن جەدەل تياناقتاندىرۋ سياقتى كەلەلى ماسەلەلەر جونىندە ىشكەرىلەي پىكىر اۋىستىرىپ، دامۋ سەلبەستىگى ۇلى جوسپارىن بىرگە اقىلداسىپ، كەڭ كولەمدى ماڭىزدى ورتاق تانىمعا كەلدى.

  حالىق سارايىنىڭ جينسى زالىندا شىراقتار جارقىراپ، كەڭەسكە قاتىناسقان 18 ەلدىڭ مەملەكەت تۋىنىڭ تۋ قاتارى جارقىراپ تۇردى.

  كەشكى ساعات 8 مولشەرىندە، شي جينپيڭ كەڭەستىڭ باستالعاندىعىن جاريالادى. كەڭەسكە قاتىناسقان ءار ەل باسشىلارى بەينە ەكران قىسقا فيلمىن بىرگە كورىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ تاياۋ جىلداردان بەرگى سەلبەستىگىنىڭ ماڭىزدى ساتتەرىمەن قايتالاي قاۋىشتى. 18 ەلدىڭ باسشىلارىنىڭ ”بۇلتتىق توپتىق سۋرەتى“ ۇلكەن ەكراندا كورسەتىلگەندە مايداندا قىزۋ شاپالاق ءۇنى كوتەرىلدى.

  شي جينپيڭ «جوعارى ساپالى سەرىكتەستىك قارىم - قاتىناس ورناتىپ، الەمدىك دامۋدىڭ جاڭا ءداۋىرىن بىرگە جاراتايىق» دەگەن تاقىرىپتا ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: دامۋ − ادامزات قوعامىنىڭ ماڭگىلىك نەگىزگى تاقىرىبى. تىنباي دامىعاندا عانا، حالىقتىڭ الاڭسىز تۇرمىس، تىنىش قوعام جونىندەگى ارمانىن جۇزەگە اسىرۋعا بولادى. ۇزاق ۋاقىتتان بەرى، وركەندەپ كەلە جاتقان قالىڭ ەلدەر وزدەرىنىڭ مەملەكەت جاعدايىنا ۇيلەسەتىن دامۋ جولىن قاراستىرۋ، ەكونوميكالىق، قوعامدىق دامۋدى جۇزەگە اسىرۋ جولىندا قاجىماي - تالماي قۇلشىنىس جاساپ، جان سۇيىنەرلىكتەي جەتىستىككە قول جەتكىزدى. بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ەكونوميكاسى بۇكىل الەمنىڭ تەڭ جارتى ۇلەسىن يەلەدى، عىلىم - تەحنيكا، وقۋ - اعارتۋ، قوعام، مادەنيەت سياقتى سالالاردا دا باياندى دامۋعا قول جەتكىزدى. كەزەكتە، جاڭا تيپتى ايدارشا ۆيرۋس وكپە قابىنۋ ىندەتى بۇكىل الەمنىڭ تالاي جىلعى دامۋ جەتىستىگىن جالماپ بارادى، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىنىڭ تياناقتانۋ اياق الىسى كەدەرگىگە ۇشىراۋدا، وڭتۇستىك پەن سولتۇستىك جىلعاسى ۇزدىكسىز زورايىپ، استىق، ەنەرگيا حاۋىپسىزدىگىندە داعدارىس جارىققا شىقتى. سونىمەن بىرگە ءار ەل حالقىنىڭ بەيبىتشىلىككە تالپىنۋ، دامۋدى كوزدەۋ، سەلبەستىكتى جەبەۋ تىلەگى اناعۇرلىم كۇشەيىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ىنتىماقتاسا ءوزىن الۋەتتەندىرۋ ەرىك - جىگەرى ونان ارى بەكەمدەلىپ، جاڭا كەزەكتى عىلىم - تەحنيكا توڭكەرىسىنىڭ جانە كاسىپ سالاسى وزگەرىسىنىڭ ءار ەلگە اكەلگەن وراي ءورىسى اناعۇرلىم كەڭەيدى.

  شي جينپيڭ بىلاي دەپ باسا دارىپتەدى: بۇل سىن - سايىسقا تولى ءداۋىر ءارى ۇمىتكە تولى ءداۋىر. ءبىز دۇنيە ءجۇزىنىڭ دامۋ اۋقىمىن جىعا تانىپ، سەنىمدى بەكەمدەپ، ىسكە كىرىسىپ، جۇدىرىقتاي جۇمىلىپ، كۇش - قايرات توپتاپ، الەمدىك دامۋدى ىلگەرىلەتىپ، جالپىعا ءتيىمدى دە تەپە - تەڭ، سايكەسىمدى دە سيىسىمدى، سەلبەسىپ بىرگە يگىلىككە كەنەلەتىن، بىرگە گۇلدەنەتىن دامۋ ارناسىن بىرگە قالىپتاستىرۋىمىز كەرەك.

  ءبىرىنشى، ءبىز دامۋدى جەبەيتىن حالىقارالىق ورتاق تانىمدى بىرگە ۇيىستىرۋىمىز كەرەك. ءار ەل حالقىنىڭ بارلىعى تاماشا تۇرمىس كەشىرە العاندا عانا، گۇلدەنۋ سوندا عانا باياندى بولادى، حاۋىپسىزدىك سوندا عانا قامتاماسىزدىققا يە بولادى، ادامدىق ۇقىقتىڭ سوندا عانا نەگىزى بولادى. دامۋدى حالىقارالىق كەڭەستىك تارتىپتە وزەكتى ورىنعا قويىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرىپ، بارلىق ادام دامۋعا باسا ءمان بەرەتىن، ءار ەل سەلبەستىكتى بىرگە كوزدەيتىن ساياسي ورتاق تانىم قالىپتاستىرۋ كەرەك.

  ەكىنشى، ءبىز دامۋعا پايدالى حالىقارالىق ورتانى بىرگە قالىپتاستىرۋىمىز كەرەك. قورعامپازدىق ءوزىن - ءوزى قۇرساۋلاعاندىق، ”شاعىن شەڭبەر“ قۇرۋ تەك ءوزىن وقشاۋ حالگە تۇسىرەدى، جوعارى شەكتىك جازالاۋ باسقاعا زيان سالىپ، ءوزىن سورلاتادى، بايلانىستى ءۇزىپ، قامداۋدى توقتاتۋ ىسكە اسپايدى، ۇزاققا بارمايدى. شىن پەيىل، ادال نيەتپەن دامۋدى كوزدەپ، ءبىرجاعادان باس، ءبىر جەڭنەن قول شىعارا وتىرىپ دامۋدى جەبەپ، اشىق دۇنيە ءجۇزى ەكونوميكاسىن قۇرىپ، اناعۇرلىم ءادىل، ۇيلەسىمدى الەمدىك باسقارۋ جۇيەسى مەن ءتۇزىم ورتاسىن ورناتۋ كەرەك.

  ءۇشىنشى، ءبىز الەمدىك دامۋدىڭ جاڭا قوزعاۋشى قۋاتتارىن بىرگە جەتىلدىرۋىمىز كەرەك. عىلىم - تەحنيكا مەن تۇزىمدە جاڭالىق اشۋدى ىلگەرىلەتىپ، تەحنيكا وتكەرمەلەۋدى جانە بىلىمنەن بىرگە يگىلىكتەنۋدى جەدەلدەتىپ، وسى زامانعى كاسىپ سالاسىنىڭ دامۋىن ىلگەرىلەتىپ، سيفر جىلعاسىن تولتىرىپ، تومەن كومىر قىشقىل گازىنا بۇرىلىس جاساۋدى تەزدەتىپ، اناعۇرلىم قۋاتتى، جاسىل، اقاۋسىز الەمدىك دامۋدى جۇزەگە اسىرۋدى ىلگەرىلەتۋ كەرەك.

  ءتورتىنشى، ءبىز الەمدىك دامۋ سەرىكتەستىك قارىم - قاتىناسىن بىرگە ورناتۋىمىز كەرەك. سەلبەسكەندە عانا ۇلكەن ءىس تىندىرۋعا بولادى، يگى ءىس تىندىرۋعا بولادى، باياندى ءىس تىندىرۋعا بولادى. دامىعان ەلدەر بورىشىن وتەۋلەرى كەرەك، وركەندەپ كەلە جاتقان ەلدەر سەلبەستىكتى تەرەڭدەتۋلەرى كەرەك، وڭتۇستىك پەن سولتۇستىك ەكى جاق ءبىر بەتالىسپەن ءجۇرىپ، ىنتىماقتى، تەرەزەسى تەڭ، بىركەلكى، جالپىعا ءتيىمدى الەمدىك دامۋ سەرىكتەستىك قارىم - قاتىناسىن بىرگە قۇرۋى، ءارقانداي ءبىر ەلدى، ءارقانداي ءبىر ادامدى قاتاردان قالدىرماۋى كەرەك. بىرلەسكەن مەملەكەتتەر ۇيىمىنىڭ الەمدىك دامۋ سەلبەستىگى بارىسىندا ءبىر تۇتاس جوسپارلاپ سايكەستىرۋ رولىن ساۋلەلەندىرۋىنە قولداۋ كورسەتىپ، ساۋدا - ونەركاسىپشىلەر سالاسىن، قوعامدىق توپتاردى، مەديالاردى، اقىل - پاراسات قويمالارىن الەمدىك دامۋ سەلبەستىگىنە ات سالىسۋعا ىنتالاندىرۋ كەرەك.

  شي جينپيڭ بىلاي دەپ باسا دارىپتەدى: جۇڭگو ەجەلدەن بەرى وركەندەپ كەلە جاتقان ەلدەر ۇلكەن شاڭىراعىنىڭ ءبىر مۇشەسى. جۇڭگو الداعى جەردە ناقتى شارا قولدانىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن ۇزدىكسىز قولدايدى.

  − جۇڭگو الەمدىك دامۋ سەلبەستىگىنە بايلىق ۇسىنىلىمىن ارتتىرىپ، وڭتۇستىك − وڭتۇستىك سەلبەستىگى كومەك قورىن بىرىكتىرىپ، ”الەمدىك دامۋ جانە وڭتۇستىك − وڭتۇستىك سەلبەستىگى قورى“ دارەجەسىنە كوتەرىپ، جۇڭگو − بىرلەسكەن مەملەكەتتەر ۇيىمى بەيبىتشىلىك جانە دامۋ قورىنا ۇسىنىلىمدى ارتتىرىپ، الەمدىك دامۋ باستاماسى سەلبەستىگىن ورىستەتۋگە قولداۋ كورسەتەدى.

  − جۇڭگو ءار جاقپەن ءتۇيىندى سالالارداعى سەلبەستىكتى قول ۇستاسا ىلگەرىلەتىپ، دامۋ بايلىعىن جۇمىلدىرىپ، الەمدىك كەدەيلىكتى ازايتۋ، كەدەيلىكتەن ارىلتۋ سەلبەستىگىن تەرەڭدەتىپ، استىق ءوندىرىسى مەن قامداۋ قۋاتىن جوعارىلاتىپ، تازا ەنەرگيا سەرىكتەستىك قارىم - قاتىناسىن ىلگەرىلەتەدى؛ ۆاكسينانى جاسامپازدىقپەن زەرتتەپ اشۋدى جانە بىرلەسىپ ءوندىرۋدى كۇشەيتەدى؛ قۇرلىق پەن تەڭىز - مۇحيت ەكولوگياسىن قورعاۋ جانە ودان باياندى پايدالانۋدى جەبەيدى؛ جالپى حالىقتىڭ سيفرلىق ساپاسى مەن شەبەرلىگىن جوعارىلاتىپ، ونەركاسىپتەنۋدىڭ تيبىن جاڭالاپ، دارەجەسىن ءوسىرۋدى تەزدەتىپ، سيفرلى ءداۋىردىڭ ۇلاسۋىن، تۇتاسۋىن ىلگەرىلەتىپ، ءار ەلدىڭ دامۋىنا جاڭا قوزعاۋشى كۇش ۇستەيدى.

  − جۇڭگو حالىقارالىق دامۋ جونىندەگى ءبىلىم، تاجىريبە اۋىس - كۇيىسى تۇعىرىن ورناتىپ، الەمدىك دامۋدى جەبەۋ ورتالىعىن قۇرىپ، الەمدىك دامۋ ءبىلىم تورىن ورناتىپ، ەل باسقارۋ تاجىريبەسى جونىندە اۋىس - كۇيىس ورىستەتەدى؛ دۇنيە جۇزىلىك جاستار دامۋى تالقى مىنبەرىن وتكىزىپ، الەمدىك جاستار دامۋ ارەكەت جوسپارىن بىرگە باستاپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋعا ەڭ كەڭ كولەمدى كۇش - قۋات ۇيىستىرادى.

  شي جينپيڭ بىلاي دەپ اتاپ كورسەتتى: ”نيەت پەن مۇرات توعىسسا، ورىندالمايتىن ءىس جوق“. ءبىز سەنىمدى بەكەمدەپ، جوعارى ساپالى سەرىكتەستىك قارىم - قاتىناس ورناتۋدىڭ دۇرىس بەتالىسىن بويلاي قول ۇستاسا ەكپىندەي ىلگەرىلەپ، گۇلدەنگەن، دامىعان جاڭا ءداۋىردى بىرگە جاراتايىق.

  كەڭەسكە قاتىناسقان باسشىلار جەكە - جەكە ءسوز سويلەدى. ولار مىنالاردى ءبىلدىردى: جۇڭگو جاقتىڭ باستاماسىنا ءارى وسى رەتكى الەمدىك دامۋ جونىندەگى جوعارى جىكتەگىلەر كەڭەسىن ۇيىمداستىرعاندىعىنا العىس ايتامىز، ءتوراعا شي جينپيڭنىڭ الەمدىك دامۋ سەلبەستىگى جونىندەگى تەرەڭ بايىمداۋىن بارىنشا القايمىز. كەزەكتە حالىقارانىڭ بەيبىتشىلىك جانە دامۋ ىستەرى قاتاڭ سىن - سايىسقا ءدوپ كەلۋدە. بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەر اناعۇرلىم ءادىل، بىركەلكى حالىقارالىق ءتارتىپ ورناتاتىن، بەيبىتشىلىكتى، حاۋىپسىزدىكتى، تەپە - تەڭدىكتى، دامۋدى جەبەيتىن شەشۋشى كۇش، ىنتىماقتى، سەلبەستىكتى كۇشەيتىپ، حالىقارالىق قوعامنىڭ دامۋ ماسەلەسىن وزەكتى ورىنعا قويۋىن ىلگەرىلەتىپ، كوپ ساندى وركەندەپ كەلە جاتقان ەلدەردىڭ قاجەتى مەن تىلەگىنە ۇيلەسەتىن اناعۇرلىم كوركەم دۇنيە ءجۇزىن قۇرۋدى ىلگەرىلەتۋ كەرەك. وسى رەتكى كەڭەس ءدال ءساتى تۇسكەن كەزگە تۋرا كەلدى، ءمانى زور، حالىقارالىق دامۋ سەلبەستىگى جونىندە جاڭا ورتاق تانىمعا كەلىپ، وركەندەپ كەلە جاتقان ەلدەردىڭ ورتاق مۇددەسىن قورعاۋعا پايدالى بولىپ، دۇنيە ءجۇزىنىڭ بەيبىتشىلىگىن قورعاۋعا، ورتاق دامۋدى جەبەۋگە جاڭا قوزعاۋشى كۇش ۇستەيدى.

  ءار ەل باسشىلارى جۇڭگو جاق ورتاعا قويعان الەمدىك دامۋ باستاماسى مەن الەمدىك حاۋىپسىزدىك باستاماسىن القاپ ءارى قولداپ، ءبىر اۋىزدان بىلاي دەپ قارادى: دامۋ حاۋىپسىزدىكتىڭ نەگىزى، حاۋىپسىزدىك دامۋدىڭ العى شارتى، جۇڭگو جاقتىڭ باستاماسى قالىڭ وركەندەپ كەلە جاتقان ەلدەردىڭ ءجىتى قاداعالاعان ىستەرىنە جانە قاجەتىنە ۇيلەسەدى، حالىقارالىق ورتاق تانىمدى ۇيىستىرۋعا، دامۋ بايلىعىن جۇمىلدىرىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋدى تەزدەتۋگە پايدالى، كەدەيلىكتى ازايتۋ، ىندەتكە قارسى اتتانۋ، استىق حاۋىپسىزدىگى، ەنەرگيا حاۋىپسىزدىگى سياقتى سالالاردا سەلبەستىكتى كۇشەيتىپ، الەمدىك دامۋ باستاماسىن وڭىرلەردىڭ دامۋ جوباسىمەن ۇشتاستىرۋدى كۇشەيتىپ، كەدەيلىك، تەڭسىزدىك جانە دامۋ سالاسىنداعى سىن - سايىسقا بىرگە توتەپ بەرۋدى ءۇمىت ەتەمىز. ءار جاق سىڭار جاقتى جازالاۋدان تۋىنداعان ۇنامسىز سىرتقا كەڭەيۋ اسەرىنە جانە ونىڭ ءالسىز وركەندەپ كەلە جاتقان ەلدەرگە تۋدىرعان اۋىر زاردابىنا قاتاڭ ءجىتى نازار اۋدارىپ، بىلاي دەپ باسا دارىپتەدى: ناعىز كوپ جاقتىلىقتى امالياتتا ايگىلەپ، بىرلەسكەن مەملەكەتتەر ۇيىمى ۆستاۋىنىڭ باس ماقساتى مەن پرينسيبىن قورعاپ، ادىلدىكتى، تۋراشىلدىقتى ۇستانىپ، الەمدىك باسقارۋ جۇيەسىن وزگەرتۋدى ىلگەرىلەتۋ كەرەك. بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەر سايكەسۋدى، سەلبەسۋدى كۇشەيتىپ، حالىقارالىق ىستەردەگى ۋاكىلدىك سيپاتى مەن ءسوز سويلەۋ ۇقىعىن كۇشەيتىپ، حالىقارالىق ەكونوميكا، فينانس جۇيەسىنىڭ ورنىقتى، اقاۋسىز اينالىمىن بىرگە قورعاپ، دۇنيە ءجۇزى ەكونوميكاسىنىڭ ورنىقتى جاندانۋىن جانە باياندى دامۋىن ىلگەرىلەتىپ، ىنتىماقتى، تەرەزەسى تەڭ، بىركەلكى، جالپىعا ءتيىمدى الەمدىك دامۋ سەرىكتەستىك قارىم - قاتىناسىن قول ۇستاسا ورناتۋ كەرەك.

  كەڭەستە ءتوراعا مالىمدەمەسى جاريالانىپ، كەڭەسكە قاتىناسقان ءار جاقتىڭ الەمدىك دامۋ جونىندەگى ساياسي ورتاق تانىمى جاپپاي باياندالىپ، الەمدىك دامۋ باستاماسىنىڭ ءتۇيىندى سالالارىن توڭىرەكتەي وتىرىپ، ناقتى سەلبەستىك شارالارى العا قويىلدى.

  ديڭ شۋەشياڭ، ۋاڭ ي، حى ليفىڭ قاتارلىلار كەڭەسكە قاتىناستى.