مەملەكەتتىك كەڭەستىڭ زۇڭليى لي كىچياڭ 4 - ايدىڭ 1 - كۇنى تۇستەن بۇرىن حالىق سارايىندا جاڭا زەللانديانىڭ پرەمەر مينيسترى ادەنمەن كەڭەس وتكىزدى.
لي كىچياڭ جاڭا زەللانديادا تاياۋدا وق جاۋدىرۋ ايانىشتى وقيعاسى تۋىلىپ، اۋىر ءولىم - ءجىتىم بولعانى جونىندە ادەننەن تاعى دا شىنايى حال سۇرادى. ادەن بۇعان العىس ايتتى.
لي كىچياڭ مىنانى ءبىلدىردى: ەكى ەل قاتىناسى ورنىقتى دامۋ جاعدايىن جالعاستىرىپ كەلەدى. ەكى جاق ءوزارا قۇرمەت ەتۋ، تەڭ تۇرعىدا مامىلە جاساۋ رۋحى بويىنشا ساياسي سەنىمدىلىكتى ۇزدىكسىز كۇشەيتتى، ناقتى سەلبەستىكتى تەرەڭدەتتى، گۋمانيتارلىق اۋىس - كۇيىستى كەڭەيتتى، ەكى جاق مۇددەسىنىڭ ەڭ زور ورتاق ءتۇيىنىن قاراستىرىپ، جۇڭگو مەن جاڭا زەللانديانىڭ جالپى بەتتىك ستراتەگيالىق ارىپتەستىك قاتىناسىنىڭ ۇزدىكسىز دامۋىن ىلگەرىلەتتى. بۇل ەكى ەل حالىقتارىنىڭ ءتۇبىرلى مۇددەسىنە ۇيلەسىپ قانا قالماستان، ازيا – تىنىق مۇحيت رايونىنىڭ بەيبىتشىلى، دامۋ، ورنىقتىلىق ىستەرىنە دە ءتيىمدى.
