«حالىق گازەتى»، 4 – ايدىڭ 1 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 4 - ايدىڭ 1 - كۇنى حالىق سارايىندا «اقساقالدار قوعامى» ۋاكىلدەر ۇيىرمەسىندەگىلەرمەن كەزدەستى.
شي جينپيڭ مىنالاردى اتاپ كورسەتتى: دۇنيە ءجۇزى عاسىردا بولماعان زور وزگەرىس كەزەڭىندە تۇر. حالىقارالىق سەلبەستىكتىڭ بولاشاعى، دۇنيە جۇزىلىك سىن - سايىستىڭ شىعار جولى، ادامزات قوعامىنىڭ بولاشاعى كوپتەگەن ارداگەردى ويعا سالىپ وتىر. ءبىز ادامزاتتىڭ تاعدىرلاس ورتاق تۇلعاسى تانىمىن ورناتىپ، ادامزاتقا ورتاق جەر شارى مەكەنىن ويداعىداي قۇرۋدى، قورعاۋدى قۋاتتايمىز. ادامزاتتىڭ ۇزاق بولاشاعى جونىنەن ءار ەل ورتاق جاۋاپكەرلىك ارقالاپ وتىر. جۇڭگو − دامۋ ۇستىندەگى ءىرى ەل، ءبىراق ءبىز وتەۋگە ءتيىستى حالىقارالىق جاۋاپكەرلىكتەن قاشقالاقتامايمىز. جۇڭگو سەلبەسىپ تەڭ يگىلىككە كەنەلۋگە ۇمتىلىپ، وزىندىك دامۋدى جۇزەگە اسىرۋمەن بىرگە، قالىڭ دامۋ ۇستىندەگى ەلدىڭ بىرگە العا باسۋىنا دا كومەكتەسەدى. جۇڭگو باستان - اياق دۇرىس ادىلەت - مۇددە كوزقاراسىن ۇستانىپ، ءوزى كەدەي كەزدە دە افريكا ەلدەرىنە قالتقىسىز كومەك بەردى. ءبىزدىڭ «ءبىر بەلدەۋ، ءبىر جول» سەلبەستىك دارىپتەمەسىن العا قويۋداعى ماقساتىمىز ءار ەلمەن بىرگە ءوزارا تيىمدىلىك جەتكىزىپ، تەڭ يگىلىككە كەنەلۋ.
