«حالىق گازەتى»، 4 – ايدىڭ 1 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 4 - ايدىڭ 1 - كۇنى حالىق سارايىندا جاڭا زەللانديانىڭ پرەمەر مينيسترى ادەنمەن كەزدەستى.
شي جينپيڭ جاڭا زەللانديادا تاياۋدا تۋىلعان وق جاۋدىرۋ ايانىشتى وقيعاسى جونىندە جاڭا زەللانديا جاقتان تاعى دا شىنايى حال سۇرادى. شي جينپيڭ مىنالاردى اتاپ كورسەتتى: پرەمەر مينيستر حانىم ەل ىشىندە ەرەكشە ماڭىزدى كۇن تارتىپكە كەز كەلگەن جاعدايدا جۇڭگوعا كەلىپ ارنايى ساپاردا بولىپ وتىر، بۇل ءسىزدىڭ جانە جاڭا زەللانديا ۇكىمەتىنىڭ جۇڭگو - جاڭا زەللانديا قاتىناسىنا ايرىقشا ءمان بەرگەنىن تولىق ايگىلەدى. جۇڭگو ەجەلدەن جاڭا زەللانديانى ادال دوس جانە سەلبەستىك سەرىگى دەپ قاراپ كەلەدى. ديپلوماتيالىق قاتىناس ورناتقان 47 جىلدان بەرى جۇڭگو مەن جاڭا زەللانديا قاتىناسى جۇڭگونىڭ باتىستاعى دامىعان ەلدەرمەن قاتىناسىنىڭ الدىڭعى لەگىندە ءجۇرىپ، كوپتەگەن تۇڭعىشتى جاراتتى. قازىر ەكى ەل قاتىناسىنىڭ دامۋى جاڭا جاعدايعا كەز كەلىپ وتىر. ەكى جاق ءوزارا سەنۋ، ءوزارا تيىمدىلىك جاساۋ پرينسيبىندە تاباندى بولىپ، جۇڭگو مەن جاڭا زەللانديانىڭ جالپى بەتتىك ستراتەگيالىق ارىپتەستىك قاتىناسىنىڭ مازمۇنىن ۇزدىكسىز بايىتۋى، ەكى ەل قاتىناسىنىڭ تىڭ بەلەسكە كوتەرىلۋىن، اناعۇرلىم ىلگەرىلەۋىن جەبەۋى كەرەك. جۇڭگو جاڭا زەللانديامەن بىرگە قۇلشىنىپ، جۇڭگو - جاڭا زەللانديا قاتىناسىنىڭ جۇڭگونىڭ باتىس ەلدەرىمەن قاتىناسىندا ۇزدىكسىز الدا ءجۇرۋىن جەبەۋدى قالايدى.
