شي جينپيڭ مەملەكەتتىك قوعام حاۋىپسىزدىگى جۇيەسىندەگى قاھارمان ۇلگىلەردى، ەڭبەك كورسەتكەن كوللەكتيۆتەردى ماداقتاۋ - سيلاۋ جينالىسىنا قاتىناسقان ۋاكىلدەرمەن كەزدەستى
لي كىچياڭ، ۋاڭ حۋنيڭ كەزدەسۋگە قاتىناستى
5 - ايدىڭ 25 - كۇنى، پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ قاتارلىلار بەيجيڭ حالىق سارايىندا مەملەكەتتىك قوعام حاۋىپسىزدىگى جۇيەسىندەگى قاھارمان ۇلگىلەردى، ەڭبەك كورسەتكەن كوللەكتيۆتەردى ماداقتاۋ - سيلاۋ جينالىسىنا قاتىناسقان ۋاكىلدەرمەن كەزدەستى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 5 - ايدىڭ 25 - كۇنى بەيجيڭنەن بەرگەن حابارى. مەملەكەتتىك قوعام حاۋىپسىزدىگى جۇيەسىندەگى قاھارمان ۇلگىلەردى، ەڭبەك كورسەتكەن كوللەكتيۆتەردى ماداقتاۋ - سيلاۋ جينالىسى 5 - ايدىڭ 25 - كۇنى تۇستەن بۇرىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناسقان ۋاكىلدەرمەن ىستىق ىقىلاسپەن كەزدەستى، ولاردى قىزۋ قۇتتىقتادى، بۇكىل ەلدەگى قالىڭ قوعام حاۋىپسىزدىگى حالىق ساقشىلارىنان، كومەكشى ساقشىلاردان شىنايى حال سۇرادى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ حۋنيڭ كەزدەسۋگە قاتىناستى.
تۇستەن بۇرىن ساعات 10نان 30 مينۋت وتكەندە، شي جينپيڭ قاتارلىلار حالىق سارايىنىڭ جينسى زالىنا كىرگەندە، بۇكىل زالدان دۋ قول شاپالاق ءۇنى كوتەرىلدى. شي جينپيڭ قاتارلىلار ۋاكىلدەرگە قول بۇلعاپ قۇرمەت ءبىلدىردى، كوپشىلىكپەن ىقىلاسپەن اڭگىمەلەستى ءارى ەستەلىك سۋرەتكە ءتۇستى.
گو شىڭكۇن كەزدەسۋگە قاتىناستى ءارى ماداقتاۋ - سيلاۋ جينالىسىندا ءسوز سويلەدى. ول مىنالاردى اتاپ كورسەتتى: بۇكىل ەلدەگى قوعام حاۋىپسىزدىگى ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتياعا ادال بولۋ، حالىققا قىزمەت وتەۋ، زاڭدى ءادىل اتقارۋ، تارتىپتە قاتاڭ بولۋ جالپى تالابىن ادالدىقپەن امالياتتا ايگىلەپ، قاھارمان ۇلگىلەردىڭ رۋحىنان ۇيرەنىپ جانە ونى اسقاقتاتىپ، حاۋىپ - قاتەردەن ساقتانۋ، حاۋىپسىزدىككە كەپىلدىك ەتۋ، ورنىقتىلىقتى قورعاۋ ءتۇرلى قىزمەتتەرىن بار كۇشپەن ويداعىداي ىستەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الۋىمىز كەرەك.
جينالىستا جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ مەملەكەتتىك ۇلگىلى قوعام حاۋىپسىزدىگى ورىندارىن ماداقتاۋ - سيلاۋ جونىندەگى قاۋلىسى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، قوعام حاۋىپسىزدىگى مينيسترلىگىنىڭ مەملەكەتتىك ەرەكشە دارەجەلى تاڭداۋلى حالىق ساقشىلارىن ماداقتاۋ - سيلاۋ جونىندەگى قاۋلىسى، قوعام حاۋىپسىزدىگى مينيسترلىگىنىڭ مەملەكەتتىك قوعام حاۋىپسىزدىگى جۇيەسىندەگى تاڭداۋلى ورىنداردى، تاڭداۋلى حالىق ساقشىلارىن جانە مەملەكەتتىك قوعام حاۋىپسىزدىگى ورگاندارىنداعى حالىقتى ءسۇيۋ ۇلگىلەرىن ماداقتاۋ - سيلاۋ جونىندەگى بۇيرىعى وقىلدى، سونداي - اق سيلانعان كوللەكتيۆتەردىڭ جانە جەكەلەردىڭ ۋاكىلدەرىنە سيلىق تاراتىلدى. مەملەكەتتىك قوعام حاۋىپسىزدىگى جۇيەسىندەگى 982 وزات ورىن، 1485 وزات جەكە ماداقتالىپ - سيلاندى. مەملەكەتتىك ۇلگىلى قوعام حاۋىپسىزدىگى ورىندارىنىڭ ۋاكىلى، بەيجيڭ قالالىق قوعام حاۋىپسىزدىگى مەكەمەسى فاڭشان بولىمشە مەكەمەسى بەيجيڭ − شياڭگاڭ − اۋمىن جوعارى قارقىندى تاس جولى دوۋديان قوعام حاۋىپسىزدىگى تەكسەرۋ پۋنكتىنىڭ باستىعى جاڭ كۋ، مەملەكەتتىك ەرەكشە دارەجەلى تاڭداۋلى حالىق ساقشىلارىنىڭ ۋاكىلى، فۋجيان ولكەسى فۋجوۋ قالالىق قوعام حاۋىپسىزدىگى مەكەمەسى قىلمىستىق ىستەر بارلاۋ تارماق اترەتى 6 - ۇلكەن اترەتىنىڭ باستىعى گاۋ جان جينالىستا ءسوز سويلەدى.
ديڭ شۋەشياڭ، چىن شي، شياۋ جيە كەزدەسۋگە قاتىناستى، جاۋ كىجى كەزدەسۋگە قاتىناستى ءارى ءماجىلىستى باسقاردى.
