شينحۋا اگەنتتىگى، 3 – ايدىڭ 26 - كۇنى، پاريج (تىلشىلەر لي جيانمين، شاڭ ياڭ). مەملەكەت ءتوراعاسى شي جينپيڭ 3 - ايدىڭ 26 - كۇنى پاريجدەگى پرەمەر مينيستر سارايىندا فرانسيانىڭ پرەمەر مينيسترى فيليپپەن كەزدەستى.
شي جينپيڭ مىنالاردى اتاپ كورسەتتى: جۇڭگو مەن فرانسيانىڭ دوستىعى تەرەڭ، جۇڭگو – فرانسيا قاتىناسى كۇن سايىن دەرلىك العا باسۋدا. وسى رەتكى ساپار كەزىندە پرەزيدەنت ماكرون ەكەۋىمىز جۇڭگو مەن فرانسيانىڭ كەلەلى ويعا جانە ومىرشەڭدىك قۋاتقا اناعۇرلىم باي جالپى بەتتىك ستراتەگيالىق ارىپتەستىك قاتىناسىن قالىپتاستىرۋعا ءبىر اۋىزدان ماقۇل بولدىق. جۇڭگو فرانسيامەن بىرگە ەكى ەلدىڭ ديپلوماتيالىق قاتىناس ورناتقانىنىڭ 55 جىلدىعىن تىڭ وراي ەتىپ، ورتاق تانىمدى ناقتى تابىسقا اينالدىرىپ، ەكى ەل حالىقتارىنىڭ تىلەگىن بارىنشا ورىنداۋعا پەيىل.
