ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما قاتارلىلاردى بەكىتتى
جەرگىلىكتى ۇيىمدىق زاڭعا وزگەرىس ەنگىزۋ جونىندەگى قاۋلى ماقۇلداندى، شي جينپيڭ ءتوراعا بۇيرىعىنا قول قويىپ جاريالادى
14 - كەزەكتى مەملەكەتتىك حالىق قۇرىلتايىنىڭ ۋاكىلدەر سانى جانە سايلاۋ ماسەلەسى جونىندەگى قاۋلى قاتارلىلاردى ماقۇلدادى
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى، لي جانشۋ باسقاردى ءارى ءسوز سويلەدى
3 - ايدىڭ 11 - كۇنى 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى بەيجيڭ حالىق سارايىندا جابىلدى. پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى، لي جانشۋ جابىلۋ جيىنىن باسقاردى ءارى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
3 - ايدىڭ 11 - كۇنى 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى بەيجيڭ حالىق سارايىندا جابىلدى. ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ جابىلۋ جيىنىن باسقاردى ءارى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى ءتۇرلى كەڭەستىك تارتىپتەرىن تولىق اياقتاتقان سوڭ، 3 - ايدىڭ 11 - كۇنى تۇستەن بۇرىن بەيجيڭ حالىق سارايىندا جابىلدى. ءماجىلىس ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما قاتارلىلاردى بەكىتتى. ءماجىلىس جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا وزگەرىس ەنگىزۋ جونىندەگى قاۋلىنى ماقۇلدادى، مەملەكەت ءتوراعاسى شي جينپيڭ 110 - ءنومىرلى ءتوراعا بۇيرىعىنا قول قويىپ جاريالادى. ءماجىلىس 14 - كەزەكتى مەملەكەتتىك حالىق قۇرىلتايىنىڭ ۋاكىلدەر سانى جانە سايلاۋ ماسەلەلەرى جونىندەگى قاۋلىنى، شياڭگاڭ ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ءادىسىن جانە اۋمىن ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ءادىسىن ماقۇلدادى.
جابىلۋ جيىنىن ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ياڭ جىن - ۋ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
ماجىلىسكە قاتىناسۋعا ءتيىستى ۋاكىل 2951 ادام، قاتىناسقانى 2758 ادام، قاتىناسا الماعانى 193 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 9دا لي جانشۋ جيىننىڭ باستالعاندىعىن جاريالادى.
جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ ۇكىمەت قىزمەتىنەن بايانداما جونىندەگى قارارىن ماقۇلدادى. قاراردا مىنالار اتاپ كورسەتىلدى: ءماجىلىس بەلەستىك ءمان الاتىن 2021 - جىلعى مەملەكەتتىڭ دامۋدا قول جەتكىزگەن جاڭا دا كەلەلى تابىستارىن جوعارى باعالادى، مەملەكەتتىك كەڭەستىڭ قىزمەتتەرىن تولىق تۇراقتاندىردى، بايانداما ورتاعا قويعان 2022 - جىلعى ەكونوميكالىق، قوعامدىق دامۋدىڭ جالپى تۇلعالىق تالابىن، نىسانا - مىندەتتەرىن، ساياسات - شارالارىن جانە قىزمەت ورنالاستىرۋلارىن قۇپتاپ، وسى باياندامانى بەكىتۋدى ۇيعاردى.
جيىن داۋىسقا سالۋ ارقىلى جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا وزگەرىس ەنگىزۋ جونىندەگى قاۋلىنى ماقۇلدادى. 2022 - جىلى 3 - ايدىڭ 12 - كۇنىنەن باستاپ اتقارۋدى ۇيعاردى. «جۇڭحۋا حالىق رەسپۋبليكاسىنىڭ جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا» ۇيعارىمعا ساي سايكەستى وزگەرىس ەنگىزىلىپ، قايتادان جاريالاندى.
جيىن داۋىسقا سالۋ ارقىلى 14 - كەزەكتى مەملەكەتتىك حالىق قۇرىلتايىنىڭ ۋاكىلدەر سانى جانە سايلاۋ ماسەلەلەرى جونىندەگى قاۋلىنى، شياڭگاڭ ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ءادىسىن جانە اۋمىن ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ءادىسىن ماقۇلدادى. 14 - كەزەكتى مەملەكەتتىك حالىق قۇرىلتايىنىڭ ۋاكىلدەر سانى جانە سايلاۋ ماسەلەلەرى جونىندەگى قاۋلىعا ساي، 14 - كەزەكتى مەملەكەتتىك حالىق قۇرىلتايىنىڭ ۋاكىلدەرى 2023 - جىلى 1 - ايدا سايلانادى.
جيىن 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ 2021 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2022 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قارارىن داۋىسقا سالىپ ماقۇلدادى، 2021 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2022 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى بەكىتۋدى ۇيعاردى، 2022 - جىلعى حالىق شارۋاشىلىعى مەن قوعامدىق دامۋ جوسپارىن بەكىتتى؛ داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ 2021 - جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ جاعدايى جانە 2022 - جىلعى ورتالىق پەن جەرگىلىكتى ورىن مەجە ەسەبى جونىندەگى قاراردى داۋىسقا سالىپ ماقۇلدادى، 2021 - جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ جاعدايى جانە 2022 - جىلعى ورتالىق پەن جەرگىلىكتى ورىن مەجە ەسەپ جوباسى جونىندەگى باياندامانى بەكىتۋدى ۇيعاردى، 2022 - جىلعى ورتالىقتىڭ مەجە ەسەبىن بەكىتتى.
جيىن 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جونىندەگى قارارىن داۋىسقا سالىپ ماقۇلدادى. قاراردا مىنالار اتاپ كورسەتىلدى: ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ وتكەن ءبىر جىلداعى قىزمەتىن تولىق تۇراقتاندىرىپ، باياندامادا ورتاعا قويىلعان الداعى ءبىر جىلداعى باستى مىندەتتەردى قۇپتاپ، وسى باياندامانى بەكىتۋدى ۇيعاردى.
جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ ەڭ جوعارى حالىق سوتى مەكەمەسىنىڭ قىزمەتىنەن بايانداما جونىندەگى قارارىن، ەڭ جوعارى حالىق پروكۋراتۋراسىنىڭ قىزمەتىنەن بايانداما جونىندەگى قارارىن ماقۇلداپ، وسى ەكى باياندامانى بەكىتۋدى ۇيعاردى.
ونان سوڭ لي جانشۋ ءسوز سويلەدى. ول بىلاي دەدى: 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى ءتۇرلى كەڭەستىك تارتىپتەرىن تولىق ورىندادى. ءماجىلىس ۇكىمەت قىزمەتىنەن باياندامانى جانە باسقا دا باياندامالاردى قاراپ بەكىتتى، جەرگىلىكتى ۇيىمدىق زاڭعا وزگەرىس ەنگىزۋ جونىندەگى قاۋلىنى، 14 - كەزەكتى مەملەكەتتىك حالىق قۇرىلتايىنىڭ ۋاكىلدەر سانى جانە سايلاۋ ماسەلەلەرى جونىندەگى قاۋلىنى، شياڭگاڭ ەرەكشە اكىمشىلىك رايونىنان، اۋمىن ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ سىندى ەكى ءادىستى قاراپ ماقۇلدادى. ءماجىلىس قول جەتكىزگەن جەتىستىكتەر جاپپاي سوتسياليستىك وسىزاماندانعان مەملەكەت قۇرۋدا، مەملەكەتتى باسقارۋ جۇيەسىن جانە باسقارۋ قابىلەتىن وسىزامانداندىرۋدى ىلگەرىلەتۋ جاڭا جورىعىندا پارتيا مەن مەملەكەت ىستەرىندە قول جەتكەن جاڭا دا كەلەلى تابىستاردى ايگىلەپ، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جىگەر - قايراتىن تاسقىنداتىپ، بىركەلكى اياق الىسپەن العا باساتىن باتىل بەكىمىن ونان ارى نىعايتتى.
لي جانشۋ بىلاي دەپ اتاپ كورسەتتى: وسى كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى مىندەت وتەگەننەن بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەت ىستەرى ارشىنداي العا باسقان ءداۋىر جاعدايىندا، مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ قىزمەتىندە دە جاڭا ناتيجەگە قول جەتتى. بۇل، تۇبىرىنەن العاندا، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن جاپپاي دايەكتىلەندىرۋدىڭ ارقاسى، جاڭا كۇرەس ساپارىندا، ءسوز جوق، وسى شىت جاڭا ساياسي ءتۇزىم نازارياسىن ىشكەرىلەي ۇيرەنىپ جانە مۇقيات دايەكتىلەندىرىپ، جۇڭگوشا سوتسياليستىك ساياسيدى دامىتۋ جولىمەن مىزعىماي ءجۇرۋ كەرەك؛ پارتيانىڭ جالپى بەتتىك باسشىلىعى سىندى وسى نەگىزگى زاڭنىڭ وزەكتى پرينسيبىنە تاباندى بولۋدىڭ ارقاسى، مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ نەگىزگى زاڭنىڭ اتقارىلۋىن باقىلاۋداعى ەڭ ءتۇبىرلىسى پارتيانىڭ جەتەكشى يدەياسىنان، پارتيانىڭ باسشىلىق ورنىنان اۋىتقىماۋعا شىنايى كەپىلدىك ەتۋ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا جانە حالىقتىڭ وزىنە قوجايىن بولۋىنا، مەملەكەتتى زاڭمەن باسقارۋدىڭ جاپپاي جۇزەگە اسۋىنا شىنايى كەپىلدىك ەتۋ بولىپ تابىلادى؛ مەملەكەتتىڭ بارلىق بيلىگى حالىققا ءتان بولۋعا تاباندى بولۋدىڭ ارقاسى، حالىق قۇرىلتايى ءتۇزىمىنىڭ جالپى بارىستىق حالىق دەموكراتياسىن جۇزەگە اسىرۋدىڭ ماڭىزدى تۇزىمدىك دانەكەرى رولىن تولىق ساۋلەلەندىرىپ، حالىقتىڭ وزىنە قوجايىن بولۋىن مەملەكەتتىڭ ساياسي ءومىرى مەن قوعامدىق ومىرىندە تياناقتاندىرۋعا كەپىلدىك ەتۋ كەرەك؛ ۇقىقتى زاڭ بويىنشا دۇرىس جۇرگىزۋدىڭ، قىزمەت جاۋاپكەرشىلىگىن وتەۋدىڭ ءارى ”حالىق ۇكىمەتى، باقىلاۋ - تەكسەرۋ كوميتەتى، حالىق سوتى مەكەمەسى، حالىق پروكۋراتۋراسىنىڭ“ ءتۇرلى ىستەردى جوعارى ونىمدىلىكپەن ىلگەرىلەتۋىن قولداۋدىڭ، سونىمەن بىرگە اكىمشىلىك ۇقىقتىڭ، باقىلاۋ ۇقىعىنىڭ، سوت ۇقىعىنىڭ، پروكۋراتۋرا ۇقىعىنىڭ زاڭ بويىنشا دۇرىس جۇرگىزىلۋىنە شىنايى كەپىلدىك ەتۋىنىڭ ارقاسى؛ مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى كۇش سالا ىلگەرىلەتۋدىڭ ارقاسى، حالىق قۇرىلتايى ءتۇزىمىنىڭ ەرەكشەلىگى مەن ابزالدىلىعىن تولىق ساۋلەلەندىرىپ، حالىق قۇرىلتايى ءتۇزىمىنىڭ جانە اينالىم مەحانيزمىنىڭ اناعۇرلىم كەمەلدەنۋىن، اناعۇرلىم تۇلعالانۋىن ىلگەرىلەتىپ، مەملەكەتتىڭ سوتسياليزم جولىن بويلاي العا باسۋىنا ءونىمدى كەپىلدىك ەتۋ كەرەك.
لي جانشۋ بىلاي دەپ اتاپ كورسەتتى: وسى كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى مىندەت وتەگەننەن بەرى، ءاربىر ۋاكىل پارتيا مەن حالىقتىڭ ماڭىزدى تاپسىرماسىن ارقالاپ، ءماجىلىستىڭ قاراۋىنا بەلسەنە قاتىناسىپ، جوعارى ساپالى، تارتىمدى كەڭەستىك جوبالار مەن ۇسىنىستار قويىپ، ماڭىزدى زاڭداردىڭ جاسالۋىنا، وزگەرىس ەنگىزىلۋىنە تۇرلىشە تۇرعىدا ات سالىسىپ، پارتيا مەن مەملەكەت ىستەرىنىڭ دامۋىنا ماڭىزدى ۇلەس قوستى. ماڭگى بوساڭسىمايتىن، ماڭگى بويكۇيەزدىككە سالىنبايتىن رۋحاني كۇيدى ساقتاپ، ۋاكىلدىك قىزمەت مىندەتىن مۇقيات اتقارىپ، اركىم ءوز قىزمەت ورنىندا تىڭ دا اناعۇرلىم زور ناتيجە جاراتۋى كەرەك.
لي جانشۋ بىلاي دەدى: بيىل پارتيا مەن مەملەكەت ىستەرىنىڭ دامۋ بارىسىنداعى ەرەكشە ماڭىزدى ءبىر جىل. ورتالىقتىڭ حالىق قۇرىلتايى قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، حالىق قۇرىلتايى ءتۇزىمىنىڭ مەملەكەت ءتۇزىمى مەن مەملەكەتتى باسقارۋ جۇيەسىندەگى جاڭا بورىشىن، جاڭا مىندەتىن جەتە تانىپ، پارتيانىڭ جالپى بەتتىك باسشىلىعىنا تاباندى بولىپ، نەگىزگى زاڭدى جاپپاي اتقارىپ، جۇڭگوشا سوتسياليستىك زاڭ جۇيەسىن جەدەل كەمەلدەندىرىپ، ”حالىق ۇكىمەتى، باقىلاۋ - تەكسەرۋ كوميتەتى، حالىق سوتى مەكەمەسى، حالىق پروكۋراتۋراسى“ قىزمەتىن زاڭ بويىنشا باقىلاپ، جالپى بارىستىق حالىق دەموكراتياسىن دامىتىپ، حالىقتىڭ وزىنە قوجايىن بولۋىنا كەپىلدىك ەتىپ، حالىق قۇرىلتايى قىزمەتىنىڭ ساپاسى مەن دەڭگەيىن جاپپاي جوعارىلاتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
تۇستەن بۇرىن ساعات 9دان 42 مينۋتتا لي جانشۋ جۇڭحۋا حالىق رەسپۋبليكاسى 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى جابىلدى دەپ جاريالادى. ءماجىلىس ايبىندى مەملەكەت انىمەن اياقتادى.
ديڭ شۋەشياڭ، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىلەلاڭجيە، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىن - يىڭ، شيا باۋلۇڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ، سونداي - اق ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين قاتارلىلار دا ءتوراعالار مىنبەسىنەن ورىن الدى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ءماجىلىستى سىرتتاي تىڭدادى.
شەتەلدەردىڭ جۇڭگوداعى ەلشىلەرى ءماجىلىستى سىرتتاي تىڭدادى.
