3 - ايدىڭ 8 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە فرانسيانىڭ زۇڭتۇڭى ماكرونمەن، گەرمانيانىڭ زۇڭليى شولتسپەن بەينە ەكران باسشىلار ءماجىلىسىن وتكىزدى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
3 - ايدىڭ 8 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە فرانسيانىڭ زۇڭتۇڭى ماكرونمەن، گەرمانيانىڭ زۇڭليى شولتسپەن بەينە ەكران باسشىلار ءماجىلىسىن وتكىزدى.
سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
شينحۋا اگەنتتىگىنىڭ 3 - ايدىڭ 8 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 8 - كۇنى تۇستەن كەيىن بەيجيڭدە فرانسيانىڭ زۇڭتۇڭى ماكرونمەن، گەرمانيانىڭ زۇڭليى شولتسپەن بەينە ەكران باسشىلار ءماجىلىسىن وتكىزدى.
شي جينپيڭ بىلاي دەپ اتاپ كورسەتتى: قازىرگى تاڭداعى دۇنيە جۇزىندە 100 جىلدىق وزگەرىس پەن عاسىرلىق ىندەت قاباتتاسىپ، كوپتەگەن الەمدىك سىن - سايىستاردى الا كەلدى، بۇل الەمدىك سەلبەستىكتى قاجەت ەتەدى. جۇڭگو مەن ەۆروپانىڭ بەيبىتشىلىكتى كوزدەۋ، دامۋعا تالپىنۋ، سەلبەستىكتى جەبەۋ جاقتارىندا كوپتەگەن ورتاق تىلەكتەرى بار. ءبىز جاۋاپكەرشىلىك ارقالاپ، اۋمالى - توكپەلى دۇنيە جۇزىنە اناعۇرلىم كوپ ورنىقتىلىق پەن تۇراقتىلىق ۇستەۋىمىز كەرەك. ەكى جاق تىلدەسۋدى كۇشەيتىپ، سەلبەستىك جاساۋعا تاباندى بولىپ، جۇڭگو - ەۆروپا قارىم - قاتىناسىنىڭ ورنىقتى، باياندى بولۋىن ىلگەرىلەتۋ كەرەك. جۇڭگونىڭ دامۋى جۇڭگو مەن ەۆروپا سەلبەستىگىنە اناعۇرلىم كەڭ ءورىس اشادى. ەكى جاق ءوزارا پايدا جەتكىزىپ، تەڭ يگىلىككە كەنەلۋ پرينسيبىن ۇزدىكسىز ۇستانىپ، جاسىل، سيفرلى سەرىكتەستىك قارىم - قاتىناستى جانە ءارقايسى سالاداعى ناقتى سەلبەستىكتى ۇزدىكسىز تەرەڭدەتۋى كەرەك. ەكى جاق كوپ جاقتىلىققا ۇزدىكسىز تاباندى بولىپ، كەلەلى الەمدىك سيپاتتى كەڭەستىك ءتارتىپتى ىلگەرىلەتۋى كەرەك.
ماكرون، شولتس مىنالاردى ءبىلدىردى: جۇڭگو جاقتىڭ بەيجيڭ قىسقى وليمپيادا سپورت جارىسىن تابىسپەن وتكىزگەندىگىن قۇتتىقتايمىز. قازىرگى تاڭدا دۇنيە ءجۇزى كوپتەگەن سىن - سايىستارعا ءدوپ كەلۋدە، سىڭار ەزۋلىككە باسۋ جاعدايدى ءتىپتى دە شيەلەنىستىرەدى. ەۆروپا جاق جۇڭگونىڭ دۇنيە ءجۇزى ىستەرىندە ساۋلەلەندىرگەن ماڭىزدى دا بەلسەندى رولىنا باسا ءمان بەرەدى، جۇڭگو جاقپەن تىعىز سەلبەستىك جاساپ، كليمات وزگەرىسى، الەۋمەتتىك دەنساۋلىق ساقتاۋ سياقتى كەلەلى الەمدىك سىن - سايىستاردى شەشۋگە بىرگە قۇلشىنۋدى قالايدى. ەۆروپا جاق جۇڭگو جاقپەن بىرگە ەۆروپا - جۇڭگو باسشىلارى كەڭەسىن ويداعىداي وتكىزىپ، فرانسيا − جۇڭگو، گەرمانيا − جۇڭگو جانە ەۆروپا − جۇڭگو قارىم - قاتىناسىن ۇزدىكسىز العا قاراي دامىتۋدى قالايدى.
ەكى جاق ءتۇيىندى تۇردە كەزەكتەگى ۋكراينا جاعدايى جونىندە پىكىر الماستىردى.
ماكرون، شولتىس كەزەكتەگى ۋكراينا جاعدايىنا بولعان كوزقاراستارى مەن تۇرعىلارىن تانىستىرىپ، مىنالاردى ءبىلدىردى: ەۆروپا دۇنيە جۇزىلىك 2 - سوعىستان بەرگى ەڭ اۋىر داعدارىسقا ءدوپ كەلۋدە، فرانسيا، گەرمانيا ماسەلەنى كەلىسسوز ارقىلى شەشىپ، بەيبىتشىلىككە وراي بەرۋدى قولدايدى. جۇڭگو جاقتىڭ ادامگەرشىلىك جاعدايى جونىندە دارىپتەمە العا قويعاندىعىنا العىس ايتامىز، جۇڭگو جاقپەن بايلانىستى، سايكەسۋدى كۇشەيتىپ، تاتۋلاستىرىپ، كەڭەسۋدى جەبەپ، جاعدايدىڭ ونان ارى شيەلەنىسىپ، ءتىپتى دە اۋىر ادامگەرشىلىك داعدارىسىنىڭ تۋىلۋىنىڭ الدىن الۋدى قالايمىز.
شي جينپيڭ بىلاي دەپ باسا دارىپتەدى: كەزەكتە ۋكراينا جاعدايى ادامدى الاڭداتادى، جۇڭگو جاق ەۆروپا قۇرلىعىندا سوعىس ءورتىنىڭ قايتا تۇتانعاندىعىنا قاتتى اشىنادى. جۇڭگو جاق ءار ەلدىڭ يەلىك ۇقىعىنا، تەرريتوريا تۇتاستىعىنا تۇگەلدەي قۇرمەت ەتۋ، بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيبىنە تۇگەلدەي بويسۇنۋ، ءار ەلدىڭ حاۋىپسىزدىككە دەگەن ورىندى كوڭىل بولۋىنە ءمان بەرۋ، داعدارىستى بەيبىت شەشۋگە پايدالى ءارقانداي قۇلشىنىستى قولداۋ كەرەكتىگىن دارىپتەيدى. شۇعىل جاعدايدىڭ اسقىنۋىنىڭ، اۋەلى، مەڭگەرۋسىز كەتۋىنىڭ الدىن الۋ قازىرگى كەزەك كۇتتىرمەيتىن مىندەت. جۇڭگو جاق فرانسيانىڭ، گەرمانيانىڭ ۋكراينا جاعدايىن راقايلاستىرۋدا جاساعان قۇلشىنىسىن القايدى، فرانسيا جاقپەن، گەرمانيا جاقپەن جانە ەۆروپا جاقپەن بايلانىستى جانە سايكەسۋدى ساقتاپ، ىسكە قاتىستى ءارقايسى جاقتىڭ قاجەتىنە نەگىزدەلە وتىرىپ، حالىقارالىق قوعاممەن بىرگە بەلسەندى رول اتقارۋدى قالايدى.
شي جينپيڭ بىلاي دەپ باسا دارىپتەدى: ءبىز رەسەي مەن ۋكراينانىڭ بەيبىت كەلىسسوزگە كەلۋىنە ورتاق قولداۋ كورسەتىپ، ەكى جاقتىڭ كەلىسسوز جاعدايىن قورعاپ، قيىنشىلىقتاردى جەڭە وتىرىپ كەلىسسوز وتكىزىپ، ناتيجەگە قول جەتكىزىپ، بەيبىتشىلىككە كەلۋىن ىلگەرىلەتۋىمىز كەرەك. ءبىز مۇمكىندىكتىڭ بارىنشا سابىر ساقتاۋعا ۇندەپ، كولەمدى ادامگەرشىلىك داعدارىسىنىڭ تۋىلۋىنىڭ الدىن الۋىمىز كەرەك. جۇڭگو جاق ۋكراينانىڭ ادامگەرشىلىك جاعدايى جونىندە 6 ءتۇرلى باستامانى العا قويدى، ۋكرايناعا ادامگەرشىلىك زاتتىق ماتەريالدارىمەن ونان ارى كومەك كورسەتۋدى قالايدى. ءبىز بىرگە قۇلشىنۋ ارقىلى داعدارىستان تۋىنداعان ۇنامسىز ىقپالدى ازايتۋىمىز كەرەك. قاتىستى جازالاۋ الەمنىڭ فينانس، ەنەرگيا، قاتىناس، قامداۋ تىزبەگىنىڭ ورنىقتىلىعىنا سوققى بولىپ ءتيىپ، ىندەت جاعدايىندا اۋىر جۇك ارقالاپ العا تارتىپ كەلە جاتقان دۇنيە ءجۇزى ەكونوميكاسىنا كەسىرىن تيگىزەدى، بۇل ءارقايسى جاققا ءتيىمسىز. ءبىز ورتاق، كەشەندى، سەلبەسەتىن، باياندى حاۋىپسىزدىك كوزقاراسىن بەلسەنە دارىپتەۋىمىز كەرەك. جۇڭگو جاق فرانسيا، گەرمانيا ەكى ەلدىڭ ەۆروپانىڭ ءوز مۇددەسىن نەگىز ەتىپ، ەۆروپانىڭ باياندى حاۋىپسىزدىگىن ويلاپ، ستراتەگيادا وزىنە سۇيەنۋگە تاباندى بولىپ، بىركەلكى، ءونىمدى، باياندى ەۆروپا حاۋىپسىزدىك جۇلگەسىن ورناتۋدى ىلگەرىلەتۋىنە قولداۋ كورسەتەدى. جۇڭگو جاق ەۆروپانىڭ، رەسەيدىڭ، امەريكانىڭ جانە سولتۇستىك اتلانت مۇحيت شارتى ۇيىمىنىڭ تەڭ تۇرعىدا تىلدەسۋ وتكىزۋىن كورۋگە دە پەيىل.
ەكى جاق تاعى يران يادرو ماسەلەسى جونىندە پىكىر اۋىستىردى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار ماجىلىسكە قاتىناستى.
