«حالىق گازەتى»، 3 – ايدىڭ 24 - كۇنى، فرانسيانىڭ نيسى قالاسى (تىلشىلەر دۋ شاڭزى، چىن شياۋحاڭ). مەملەكەت ءتوراعاسى شي جينپيڭ 3 – ايدىڭ 24 – كۇنى فرانسيانىڭ نيسى قالاسىنا جەتتى، سوڭىنان اۆتوكولىكپەن موناكوعا بارىپ، موناكو كىنازدىگىندەگى مەملەكەتتىك ساپارىن باستادى.
سول جەر ۋاقىتى بويىنشا تۇسكى ساعات 12 مولشەرىندە شي جينپيڭ وتىرعان ارناۋلى ۇشاق نيسى اۋەجايىنا جەتتى. شي جينپيڭ مەن حانىمى پىڭ لييۋاندى موناكو ۇكىمەتىنىڭ باسشىسى، مەملەكەت ىستەرى ءازىرى تايىر، موناكونىڭ سىرتقى قاتىناس جانە سەلبەستىك ءۋازىرى تونري قىزۋ قارسى الدى. فرانسيانىڭ سىرتقى ىستەر مينيسترى لەدريان دا اۋەجايعا بارىپ قارسى الدى. شي جينپيڭ مەن پىڭ لييۋان قىزىل كىلەمدى بويلاي الدىعا ءجۇردى، قۇرمەت قاراۋىلى قىزىل كىلەمنىڭ ەكى جاعىندا ءبولىنىپ قاتارعا تۇرىپ، قۇرمەتپەن قاراپ تۇردى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى ساپارلاستارى وسى ۇشاقپەن بىرگە باردى.
جۇڭگونىڭ فرانسياداعى باس ەلشىسى، قوسىمشا موناكو كىنازدىگىندەگى باس ەلشىسى جاي جۋان دا اۋەجايعا بارىپ قارسى الدى.شي جينپيڭ يتالياداعى مەملەكەتتىك ساپارىن اياقتاتقان سوڭ موناكوعا اتتانعان بولاتىن. موناكوداعى ساپارىن اياقتاتقان سوڭ شي جينپيڭ فرانسياداعى مەملەكەتتىك ساپارىن نيسى قالاسىنان باستايدى.