«حالىق گازەتى»، 3 – ايدىڭ 19 - كۇنى، بەيجيڭ (ءتىلشى شۇي جۇن). جۇڭگو زاڭ عىلىمى قوعامىنىڭ 8 – رەتكى مەملەكەتتىك قۇرىلتايى 3 – ايدىڭ 19 – كۇنى تۇستەن بۇرىن حالىق سارايىندا اشىلدى. شي جينپيڭ، لي كىچياڭ، لي جانشۋ، ۋاڭ حۋنيڭ قاتارلى پارتيا مەن مەملەكەت باسشىلارى قۇرىلتايعا قاتىناسىپ قۇتتىقتادى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي – زاڭ كوميتەتىنىڭ شۋجيى گو شىڭكۇن پارتيا ورتالىق كوميتەتىنىڭ تاپسىرۋىمەن «مەملەكەتتى جاپپاي زاڭمەن جونگە سالۋدىڭ جاڭا ساپارىندا تىڭ جاۋاپكەرلىك ارقالاپ، تىڭ ىسكەرلىك كورسەتەيىك» دەگەن تاقىرىپتا ارناۋ ءسوز جاريالادى. گو شىڭكۇن اۋەلى قۇرىلتايدىڭ اشىلعانىن قىزۋ قۇتتىقتايتىنىن ءبىلدىرىپ، بۇكىل ەلدەگى زاڭ عىلىمى، زاڭ قىزمەتكەرلەرىنەن شىنايى حال سۇرادى.
گو شىڭكۇن سوزىندە بىلاي دەدى: پارتيانىڭ 18 – قۇرىلتايىنان بەرى پارتيا ورتالىق كوميتەتى مەملەكەتتى جاپپاي زاڭمەن جونگە سالۋدى «ءتورتتى جاپپاي ورىنداۋ» ستراتەگيالىق ورنالاستىرۋىنا ەنگىزىپ، پارتيانىڭ مەملەكەتتى جاپپاي زاڭمەن جونگە سالۋداعى ورتالىقتانعان ءبىر تۇتاس باسشىلىعىن كۇشەيتىپ، زاڭدى عىلمي شىعارۋ، زاڭ اتقارۋدا ءادىل بولۋ، ءادىليادا ءادىل بولۋ، جالپى حالىق زاڭعا بويسۇنۋ، زاڭمەن جونگە سالىناتىن جۇڭگو قۇرىلىسىن ءبىر تۇتاس جوسپارلاپ ىلگەرىلەتۋدە تاريحي ناتيجەگە قول جەتكىزىپ، سوتسياليستىك زاڭمەن جونگە سالۋ كەمەلدى زاڭ ارقىلى شەبەرلىكپەن جونگە سالۋدىڭ تىڭ ورىسىنە ورنىقتى قادام تاستادى. ءار دارەجەلى زاڭ عىلىمى قوعامى زاڭ عىلىمى، زاڭ قىزمەتكەرلەرىن ەڭبەك كورسەتىپ، ناتيجە جاراتۋعا ىنتىماقتاستىرا باستاپ، سوتسياليستىك زاڭمەن جونگە سالىناتىن مەملەكەت قۇرىلىسىنا ماڭىزدى ۇلەس قوستى.
