ەلىمىزدىڭ اي بارلاۋ ينجەنەرياسىنىڭ نىساناسىن جۇزەگە اسىرۋ ءۇشىن جەڭىسپەن العا ىلگەرىلەيىك، دۇنيە ءجۇزى عارىش ىستەرىنىڭ دامۋىن ىلگەرىلەتۋ ءۇشىن ۇزدىكسىز قۇلشىنايىق
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ كەزدەسۋگە قاتىناستى
2 - ايدىڭ 20 - كۇنى پارتيا مەن مەملەكەت باسشىلارى شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار بەيجيڭدەگى حالىق سارايىندا اي بارلاۋ ينجەنەرياسى چاڭ - ى − 4 مىندەتىنىڭ زەرتتەۋىنە، سىناق ەتۋىنە قاتىناسقان قىزمەتكەرلەردىڭ ۋاكىلدەرىمەن كەزدەستى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
عارىشتى بارلاۋدىڭ ماڭگى شەگى جوق. ەلىمىزدىڭ قالىڭ عىلىم - تەحنيكا قىزمەتكەرلەرى، عارىش قىزمەتكەرلەرى اي بارلاۋ ينجەنەرياسىنىڭ باس نىساناسىن جۇزەگە اسىرۋ ءۇشىن جەڭىسپەن العا ىلگەرىلەپ، دۇنيە ءجۇزى عارىش ىستەرىنىڭ دامۋىن ىلگەرىلەتۋ ءۇشىن ۇزدىكسىز قۇلشىنىپ، ادامزاتتىڭ عارىشتى بەيبىت پايدالانۋى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن ءتىپتى دە كوپ جۇڭگو پاراساتىن، جۇڭگو جوباسىن، جۇڭگو كۇشىن قوسۋ كەرەك.
ۇلى ىستەردىڭ بارلىعى ارماننان باستالادى. ارمان − ومىرشەڭدىك كۇشتى تاسقىنداتۋدىڭ قاينارى. جۇڭحۋا ۇلتى ارمانعا قۇلاش سەرمەۋگە باتىل ۇلت. پارتيا ورتالىق كوميتەتىنىڭ اي بارلاۋ ينجەنەرياسىن اتقارۋ شەشىمىن جاساۋى − جۇڭحۋا ۇلتىنىڭ تالىقپاي تالپىنىپ كەلگەن اسپانعا ۇشىپ، ايمەن قاۋىشۋ ارمانىن جۇزەگە اسىرۋ ءۇشىن ەدى.
ۇلى ىستەردىڭ بارلىعى جاڭالىق اشۋدى نەگىز ەتەدى. جاڭالىق اشۋ كەلەشەكتى بەلگىلەيدى. دۇنيە جۇزىندەگى عىلىم - تەحنيكادا قۇدىرەتتى ەل قۇرۋدىڭ جولى قاشاندا داڭعىل بولا بەرمەيدى، تەك جاڭالىق اشقاندا عانا ۇتىمدى ورايدى يەلەۋگە بولادى.ۇلى ىستەردىڭ بارلىعى ناقتى ءىس تىندىرۋدا جاتادى. جاڭا ءداۋىر كۇرەس جاساۋشىلاردىڭ ءداۋىرى. جاڭا ءداۋىر − كۇرەس جاساۋ بارىسىندا ۇلى ىستەر تىندىراتىن، دارىندى تۇلعالايتىن ءداۋىر. ءبىز ءتىپتى دە كوپ عىلىم مايتالماندارىن، باستاماشى دارىندىلاردى، جاس تالانتتىلاردى جانە جاسامپاز قوسىنداردى جۇرەكتىلىكپەن اۋقىمنىڭ الدىنا شىعىپ، قاجىرلىلىقپەن العا ىلگەرىلەپ، ناقتى ىستەر تىندىرۋعا باستاۋىمىز قاجەت.
شينحۋا اگەنتتىگىنىڭ 2 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 20 - كۇنى تۇستەن كەيىن بەيجيڭدەگى حالىق سارايىندا اي بارلاۋ ينجەنەرياسى چاڭ - ى − 4 مىندەتىنىڭ زەرتتەۋىنە، سىناق ەتۋىنە قاتىناسقان قىزمەتكەرلەردىڭ ۋاكىلدەرىمەن كەزدەستى. ول بىلاي دەپ باسا دارىپتەدى: عارىشتى بارلاۋدىڭ ماڭگى شەگى جوق. ەلىمىزدىڭ قالىڭ عىلىم - تەحنيكا قىزمەتكەرلەرى، عارىش قىزمەتكەرلەرى اي بارلاۋ ينجەنەرياسىنىڭ باس نىساناسىن جۇزەگە اسىرۋ ءۇشىن جەڭىسپەن العا ىلگەرىلەپ، دۇنيە ءجۇزى عارىش ىستەرىنىڭ دامۋىن ىلگەرىلەتۋ ءۇشىن ۇزدىكسىز قۇلشىنىپ، ادامزاتتىڭ عارىشتى بەيبىت پايدالانۋى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن ءتىپتى دە كوپ جۇڭگو پاراساتىن، جۇڭگو جوباسىن، جۇڭگو كۇشىن قوسۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ كەزدەسۋگە قاتىناستى.
حالىق سارايىنىڭ جينسى زالىندا شىراقتار سامالاداي جارقىراپ، جىلى مەيىرگە بولەنىپ تۇر. تۇستەن كەيىن ساعات 3تەن 30 مينۋت وتكەندە، شي جينپيڭ قاتارلى پارتيا مەن مەملەكەتتىڭ باسشى جولداستارى زەرتتەۋگە، سىناق ەتۋگە قاتىناسقان قىزمەتكەرلەر ۋاكىلدەرىنىڭ اراسىنا كەلدى، بۇكىل زالدا دۋ قول شاپالاق ءۇنى كوتەرىلدى. شي جينپيڭ كوپشىلىكپەن ىقىلاستى قول الىسىپ، ىقىلاستى اڭگىمەلەسىپ، ولاردىڭ قىزمەت جانە تۇرمىس جاعدايىن سۇرادى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.
دۋ قول شاپالاق ءۇنى ىشىندە، شي جينپيڭ ماڭىزدى ءسوز سويلەدى. ول، الدىمەن، ەلىمىزدىڭ عارىش ىستەرىنىڭ دامۋىنا تاريحي ۇلەس قوسقان بارلىق جولداستاردان شىنايى حال سۇراپ، چاڭ - ى − 4 مىندەتىنىڭ تولىعىمەن ءساتتى بولۋىنا كورنەكتى ۇلەس قوسقان زەرتتەۋگە، سىناق ەتۋگە قاتىناسقان بارلىق قىزمەتكەرلەردى قىزۋ قۇتتىقتادى. شي جينپيڭ بىلاي دەدى: سىزدەردىڭ عىلىم - تەحنيكانىڭ شىڭىنا شىعىپ، الەمنىڭ سىرىن بارلاۋدا سىڭىرگەن ەلەۋلى ەڭبەكتەرىڭىز بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن جاڭا داۋىردە قۇلشىنا كۇرەس جاساۋعا شابىتتاندىرۋدا، جاڭا ساپاردى باستاۋدا ماڭىزدى ۇلگىلىك مانگە يە. وتان مەن حالىق سىزدەرگە العىس ايتادى.
شي جينپيڭ بىلاي دەپ اتاپ كورسەتتى: 5 جىلدىڭ الدىندا، ءبىز چاڭ - ى − 3 مىندەتىنىڭ تولىق ءساتتى بولعاندىعىن قۇتتىقتادىق. 5 جىلدان كەيىن، وسىندا چاڭ - ى − 4 مىندەتىنىڭ تولىق تابىستى بولعاندىعىن قۇتتىقتاپ وتىرمىز. وسى رەتكى چاڭ - ى − 4 مىندەتى دەربەس جاڭالىق اشۋدان، سايكەسىپ جاڭالىق اشۋدان، اشىق جاڭالىق اشۋدان جازباي، ادامزاتتىڭ عارىش جابدىعىنىڭ تۇڭعىش رەت ايدىڭ ارعى بەتىندە شارلاۋ، بارلاۋ جۇرگىزۋىن جۇزەگە اسىرىپ، ايدىڭ ارعى بەتىنە تۇڭعىش بولىپ جۇڭگونىڭ ءىزىن قالدىردى، ول جاڭاشا تۇتاس مەملەكەتتىك ءتۇزىلىس ورناتۋعا ىزدەنىس جاساۋدىڭ تاعى ءبىر جاندى امالياتى.
شي جينپيڭ بىلاي دەپ باسا دارىپتەدى: اماليات بىزگە ۇلى ىستەردىڭ بارلىعى ارماننان باستالاتىندىعىن ءتۇسىندىردى. ارمان − ومىرشەڭدىك كۇشتى تاسقىنداتۋدىڭ قاينارى. جۇڭحۋا ۇلتى ارمانعا قۇلاش سەرمەۋگە باتىل ۇلت. پارتيا ورتالىق كوميتەتىنىڭ اي بارلاۋ ينجەنەرياسىن اتقارۋ شەشىمىن جاساۋى − جۇڭحۋا ۇلتىنىڭ تالىقپاي تالپىنىپ كەلگەن اسپانعا ۇشىپ، ايمەن قاۋىشۋ ارمانىن جۇزەگە اسىرۋ ءۇشىن. اي بارلاۋدىڭ ءاربىر باتىل بولجالى، ءار رەتكى ءساتتى اتقارىلۋى تۇگەلدەي ادامزاتتىڭ پلانەتا قابىلەتىن تانۋىنىڭ جانە ودان پايدالانۋىنىڭ تولىق كورىنىسى. سوتسياليستىك وسى زامانعى قۇدىرەتتى ەل قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ساپارىندا، ءار كاسىپ سالاسى، ءار ادام تۇگەلدەي ارمان ارقالاپ، ەرلىكپەن كۇرەس جاساۋى، قادامدى نىق باسىپ ءبىر ءىستى ءبىر ىسكە جالعاپ، قۇلشىنا تالپىنۋ مەن ۇزدىكسىز كۇرەس جاساۋ بارىسىندا ارماندى جۇزەگە اسىرۋ كەرەك.
شي جينپيڭ بىلاي دەپ اتاپ كورسەتتى: اماليات بىزگە ۇلى ىستەردىڭ بارلىعى جاڭالىق اشۋدى نەگىز ەتەتىندىگىن ءتۇسىندىردى. جاڭالىق اشۋ كەلەشەكتى بەلگىلەيدى. دۇنيە جۇزىندەگى عىلىم - تەحنيكادا قۇدىرەتتى ەل قۇرۋدىڭ جولى قاشاندا داڭعىل بولا بەرمەيدى، تەك جاڭالىق اشقاندا عانا ۇتىمدى ورايدى يەلەۋگە بولادى. وسى رەتكى مىندەت كوپ ءتۇرلى جاڭالىق اشۋدى جۇزەگە اسىرىپ، حالىقاراداعى، ەل ىشىندەگى ءبىر قىدىرۋ اق تاڭداقتى تولتىرىپ، دەربەس جاڭالىق اشۋدا جۇرەكتىلىكپەن الدىمەن ءجۇرۋ، شەبەرلىكپەن ىرىقتى شايقاس جاساۋ رۋحىن تولىق ايگىلەدى. ءبىز دۇنيە ءجۇزى عىلىم - تەحنيكاسىنىڭ دامۋ اۋقىمىن تەرەڭدەي يگەرىپ، عىلىم رۋحىن ساۋلەلەندىرىپ، ستراتەگيالىق، نەگىزدىك، وزىق دەڭگەيلى سالالاردى كوزدەپ، ولىقىلىقتاردى تولىقتاۋدى، دامۋعا ىلەسۋدى، ەلدەن وزىپ ورنالاستىرۋ جاساۋدى قاتار ىلگەرىلەتۋدەن جازباي، شەشۋشى، وزەكتى تەحنيكادا ەلەۋلى قامال الۋدى قۇلشىنا جۇزەگە اسىرىپ، مەملەكەتتىڭ جاڭالىق اشۋ جۇيەسىنىڭ تۇتاس تۇلعالىق ونىمدىلىگىن جوعارىلاتىپ، عىلىم - تەحنيكالىق ناقتى قۋاتى مەن جاڭالىق اشۋ قابىلەتىن ۇزدىكسىز كۇشەيتىپ، دۇنيە جۇزىندەگى جوعارى دەڭگەيلى تەحنيكا سالاسىندا ماڭىزدى ورىندى يەلەۋىمىز كەرەك.
شي جينپيڭ بىلاي دەپ باسا دارىپتەدى: اماليات بىزگە ۇلى ىستەردىڭ بارلىعى ناقتى ءىس تىندىرۋمەن ءساتتى بولاتىندىعىن ءتۇسىندىردى. جاڭا ءداۋىر كۇرەس جاساۋشىلاردىڭ ءداۋىرى. جاڭا ءداۋىر − كۇرەس جاساۋ بارىسىندا ۇلى ىستەر تىندىراتىن، دارىندى تۇلعالايتىن ءداۋىر. ءبىز ءتىپتى دە كوپ عىلىم مايتالماندارىن، باستاماشى دارىندىلاردى، جاس تالانتتىلاردى جانە جاسامپاز قوسىنداردى جۇرەكتىلىكپەن اۋقىمنىڭ الدىنا شىعىپ، قاجىرلىلىقپەن العا ىلگەرىلەپ، ناقتى ىستەر تىندىرۋ ارقىلى تىڭ ناتيجە جاراتۋعا، ۇلى ىستەردى ىلگەرىلەتۋ بارىسىندا ءومىر قۇنىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اناعۇرلىم بەرىك نەگىز قالاۋدان تالىقپاۋعا، تىڭ دا اناعۇرلىم زور ۇلەس قوسۋعا ىنتالاندىرۋىمىز كەرەك.
شي جينپيڭ بىلاي دەپ اتاپ كورسەتتى: شەكسىز الەمدى شارلاۋ − تۇتاس ادامزاتتىڭ ورتاق ارمانى. جۇڭگو عارىش ىستەرى حالىقارالىق سەلبەستىكتى بەلسەندىلىكپەن ىلگەرىلەتىپ، كوپتەگەن ەلدەرمەن جانە حالىقارالىق ۇيىمدارمەن مول ونىمدىلىككە يە سەلبەستىكتەر ورىستەتتى، چاڭ - ى − 4 مىندەتىنىڭ تولىق تابىستى بولۋىندا مىندەتكە ات سالىسقان كوپتەگەن ەلدەردىڭ ۇلەسى قامتىلعان. ءبىز دۇنيە جۇزىندەگى ءار ەلمەن بىرگە اقىلداسۋدان، بىرگە قۇرۋدان، ورتاقتاسۋدان جازباي، نەگىزدىك عىلمي زەرتتەۋدەگى حالىقارالىق اۋىس - ءتۇيىستى كۇشەيتىپ، ءىرى عىلىم جوسپارى، ينجەنەرياسى جانە ورتالىعى قۇرىلىسىن ىلگەرىلەتىپ، جاڭالىق اشۋ قابىلەتىندە اشىق سەلبەسۋدى كەڭەيتىپ، ادامزاتتىڭ عىلىم ىستەرىنىڭ دامۋىن جەبەۋدى قالايمىز.
جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جانە ورتالىق اسكەري ىستەر كوميتەتىنىڭ قاتىستى باسشى جولداستارى كەزدەسۋگە قاتىناستى.
چاڭ - ى − 4 مىندەتىندە 2 رەت ۇشىرۋ جۇرگىزىلگەن، 2018 - جىلى 5 - ايدىڭ 21 - كۇنى «چۋەچياۋ» وتكەرمە سەرىگى ۇشىرىلدى؛ «يۇيتۋ 2» شارلاۋ جابدىعى مەن قونۋ جابدىعىنان قۇرالعان چاڭ - ى − 4 بارلاۋ جابدىعى 2018 - جىلى 12 - ايدىڭ 8 - كۇنى شيچاڭ جاساندى سەرىك ۇشىرۋ ورتالىعىنان اۋەگە كوتەرىلىپ، 2019 - جىلى 1 - ايدىڭ 3 - كۇنى ايدىڭ ارعى بەتىندەگى الدىن الا تاڭدالعان اۋماققا ءساتتى قوندى، كوپتەگەن مەملەكەت مەن حالىقارالىق ۇيىم قاتىناسقان عىلمي بارلاۋ مىندەتى ىركەس - تىركەس ورىستەتىلدى. چاڭ - ى − 4 مىندەتىنىڭ تولىق تابىستى بولۋى ادامزات تاريحىندا تۇڭعىش رەت عارىش جابدىعىن ايدىڭ ارعى بەتىندە باياۋ قوندىرۋدى جانە شارلاۋ - بارلاۋ جۇرگىزۋدى جۇزەگە اسىردى، جەر شارى مەن ايدىڭ ارعى بەتى اراسىندا تۇڭعىش رەت باقىلاۋ - مەڭگەرۋ حابارلاسۋىن جۇزەگە اسىرىپ، ايدىڭ ارعى بەتىندە دۇنيە ءجۇزىنىڭ ايدى بارلاۋ تاريحىندا ءبىرىنشى بولىپ ءىز قالدىرىپ، ايدىڭ ارعى بەتىنىڭ بايىرعى زاماننان بەرى اشىلماي كەلگەن ءتىلسىم سىرىن اشىپ، ادامزاتتىڭ الەمنىڭ سىرى جونىندەگى ىزدەنىسىنىڭ جاڭا پاراعىن باستادى.
