1-ايدىڭ 17-كۇنى تاڭەرتەڭگى ساعات 9دان 40 مينۋت وتكەندە، ەكى تاسىمال اۆتوكولىگى شىجياجۋاڭنىڭ شيگۋچىڭ جوعارعى قارقىندى تاس جولىنان قالاعا كىردى، اۆتوكولىككە شىلان، المۇرت، وراۋىش تور، بال جانە الما سياقتىلار لىق تيەلگەن، جالپى قۇنى 567 مىڭ يۋان كەلەدى. بۇل شينجياڭ ءوندىرىس-قۇرىلىس بيڭتۋانى 2-شىسى 31-تۋانىنىڭ شىجياجۋاڭعا كومەككە اتاعان زاتتىق ماتەريالدارى، جاقىن ارادا ىندەتتەن ساقتانۋ - تىزگىندەۋدىڭ ءبىرىنشى شەپتەگىلەردىڭ قولىنا جەتكىزىلەدى.
”ءبىز 1-ايدىڭ 13-كۇنى شينجياڭنان جولعا شىقتىق.“ تاسىمال اۆتوكولىگى شوفەرىنىڭ ءبىرى لۇي گاڭ بىلاي دەدى: ادەتتەگى اۆتوكولىك قارقىنى بويىنشا ەسەپتەگەندە، مەجەمەن 4000 كيلومەتر جول باستىق، كۇندى تۇنگە جالعاپ جۇردىك دەسەك تە بولادى، شارشامادىق دەسەك وندا وتىرىك بولار. الايدا، زاتتىق ماتەريالداردى تەزدەن شىجياجۋاڭعا جەتكىزۋ ءۇشىن، ءبىز ارىپ - شارشاعانعا قاراماي، كۇنىنە بەس تە التى ساعات قانا ۇيىقتادىق، قارىنىمىز اشسا دايىن كەسپە جەدىك، ”ىشكى موڭعۇلعا قار جاۋىپ، كولىكتىڭ جىلدامدىعىنا ىقپال جەتكىزبەسە، بۇدان دا تەز ءجۇرۋشى ەدىك“، لۇي گاڭ بىلاي دەدى: شىجياجۋاڭعا كەلۋدەن بۇرىن، ىشتەي الاڭدادىم، الايدا، شىجياجۋاڭ قالا حالقىنىڭ ورتاق قۇلشىنۋىندا شىجياجۋاڭ قالاسى بۇل رەتكى ىندەتتەن ساقتانۋ - تىزگىندەۋ شايقاسىندا، ءسوزسىز، جەڭىسكە جەتەتىنىنە سەنەمىن، ”شىجياجۋاڭ، قايراتتان!“
”شينجياڭ ءوندىرىس - قۇرىلىس بيڭتۋانى 2-شىسى 31-تۋانى حالقىنىڭ شىجياجۋاڭعا بەرگەن قالتقىسىز كومەگىنە ەرەكشە العىس بىلدىرەمىز.“ بۇل توپتاعى كومەككە اتالعان زاتتىق ماتەريالداردى تاپسىرىپ العان شىجياجۋاڭ قالالىق دامۋ جانە رەفورما كوميتەتى باعىتتامالى كومەكتەسۋ كەڭسەسىنىڭ ورىنباسار باستىعى ساۋ جينشى بىلاي دەدى: بۇلار تەك قانا قاراپايىم زاتتىق ماتەريالدار ەمەس، ونان دا ماڭىزدىسى، شىجياجۋاڭعا اكەلىنگەن اعايىندار ارا دوستىق كوڭىل جانە كوكتەم شۋاعىنداي جىلۋلىققا تولى مەيىر، بۇل زاتتار ءسوزسىز بۇكىل قالانى جوعارىدان تومەنگە دەيىن جۇمىلا وتىرىپ بار كۇشپەن ىندەتتەن ساقتانۋ - قورعانۋدان قامال الۋ شايقاسىن جەڭىسىنە جەتۋىنە شابىت بەرەدى. ”جاقىندا، بۇل زاتتىق ماتەريالداردى شىجياجۋاڭ قالالىق قىزىل كرەسىت قوعامى ارقىلى ىندەتتەن ساقتانۋ - تىزگىندەۋدىڭ ءبىرىنشى شەپتەگىلەردىڭ قولىنا جەتكىزىپ بەرەمىز“.
شىجياجۋاڭ قالاسى شينجياڭ ءوندىرىس - قۇرىلىس بيڭتۋانى 2-شىسى 31-تۋانىنا باعىتتامالى كومەكتەسەتىن قالا، كوپ جىلداردان بەرى، 31-تۋانىنىڭ ەكونوميكالىق، قوعامدىق دامۋىنا اسا زور قولداۋ كورسەتتى ءارى كومەكتەستى.
جاقىنداعى كۇندەردە، شىجياجۋاڭ قالاسىنىڭ قاتاڭ ىندەت جاعدايى 31-تۋانداعى قالىڭ جۇمىسشى - قىزمەتشى، بۇقارانىڭ نازارىن اۋداردى. شىجياجۋاڭنىڭ ىندەتتەن ساقتانۋ-تىزگىندەۋ قىزمەتىن ورىستەتۋىنە كومەكتەسۋ ءۇشىن، بۇل تۋان شىجياجۋاڭ قالاسىنا وسى زاتتىق ماتەريالداردى كومەككە اتادى.
31-تۋان پارتكومنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى گاۋ يانرۇڭ بىلاي دەپ تانىستىردى: بۇل رەتكى كومەككە اتاعان زاتتىق ماتەريالداردىڭ ەرەكشە ماعىناسى بار، المۇرت ۆيرۋستان اۋلاق بولۋعا، بال ساقتانۋ - تىزگىندەۋ شارالارىنىڭ قاتاڭ بولۋىنا، شىلان ىندەتتى ەرتەرەك جەڭىپ شىعۋعا، الما امان - ەسەن، تىنىشتىققا، وراۋىش تور ەكى جەر حالقى ىنتىماعىنىڭ جالعاسۋىنا ۋاكىلدىك ەتەدى.
