سۋديالار نەگىزگى ساتىعا بارىپ، سول جەردىڭ وزىندە داۋ - شارلاردى شەشتى
رايونىمىز اۋىل - قىستاقتاردا، الەۋمەتتىك اۋماقتاردا 1486 سۋديا قىزمەت كەڭسەسىن قۇردى
انار بۇلت/ شينجياڭ گازەتىنىڭ ءتىلشىسى ياڭ شۋحان 1 - ايدىڭ 17 - كۇنى ۇرىمجىدەن حابارلايدى. ”سۋديا وسىلاي تۇسىندىرگەننەن سوڭ، بارىنە كوزىمىز جەتتى!“. 1 - ايدىڭ 9 - كۇنى ماناس اۋدانى ماناس قالاشىعىنىڭ سۋديا قىزمەت كەڭسەسىنەن شىققاننان كەيىن، تۇرعىن ءۇيدى جالعا بەرۋ داۋ - شارىنان قايشىلىق تۋىلعان ماناس اۋدانىنىڭ تۇرعىنى ياڭ مەن جاڭ قول ۇستاسىپ تاتۋلاستى.
بىلتىر 3 - ايدا اۆتونوميالى رايوندىق جوعارى حالىق سوتى مەكەمەسى بۇكىل رايونداعى سوت مەكەمەلەرىنىڭ ءاربىر اۋىل - قالاشىقتا كەمىندە ءبىر حالىققا قولايلى قىزمەت وتەۋ ءتۇيىنىن نەمەسە ءبىر سۋديا قىزمەت كەڭسەسىن قۇرۋىن العا قويدى. ءبىر جىلعا تاياۋ ۋاقىتتان بەرى، بۇكىل رايونداعى ءار دارەجەلى سوت مەكەمەلەرى جەدەل ارەكەتتەنىپ، داۋ - شارلاردى شەشۋدىڭ ءبىر بەكەتتىك كوپ نەگىزدى مەحانيزمى قۇرىلىسىن ىشكەرىلەي ىلگەرىلەتۋ، سۋديا قىزمەت كەڭسەسى تۇعىرىن بەلسەنە قۇرۋ، ارىز - شاعىم ءتۇپ توركىنىن جونگە سالۋدى كۇشەيتۋ ارقىلى ءادىليا قىزمەت وتەۋىن اۋىل - قىستاقتارعا، الەۋمەتتىك اۋماقتارعا جەتكىزدى، نەگىزگى ساتىعا قاراي كەڭەيتتى. قازىرگە دەيىن، بۇكىل رايوننىڭ جەر - جەرىندە 1486 سۋديا قىزمەت كەڭسەسى قۇرىلدى.
كورلا قالاسىنىڭ قوسارىق اۋىلىنداعى گۇلزيرا ياسىن سۋديا قىزمەت كەڭسەسى كورلا قالالىق حالىق سوتى مەكەمەسىنىڭ سۋدياسى گۇلزيرا ياسىننىڭ اتىمەن اتالعان. بىلتىر 4 - ايدىڭ 18 - كۇنى رەسمي ماڭدايشالىق ىلىنگەننەن بەرى گۇلزيرا بۇقارانىڭ ارىز - تىلەگىن ۇعىسىپ، ”ءنول قاشىقتىق“ تاپسىرىستىق قىزمەت وتەۋدى ۇسىنىپ، جەر ۇقىعى قاراستىلىعى، وتباسى داۋ - شارى، حالىق اراسىنداعى الىم - بەرىم سياقتى قايشىلىقتاردى، داۋ - شارلاردى نەگىزگى ساتىدا شەشتى.
كورلا عانا ەمەس، سۋديا قىزمەت كەڭسەسى بۇكىل شينجياڭنىڭ جەر - جەرىندە قۇرىلدى. نيە اۋداندىق حالىق سوتى مەكەمەسى بۇكىل اۋداننىڭ 7 اۋىل - قالاشىعىندا جانە ءبىر ءمالى باسقارماسىندا سۋديا قىزمەت كەڭسەسىن قۇرىپ، حالىق بۇقاراسىنا بەتپە - بەت ءادىليالىق قىزمەت وتەدى؛ چەرچەن اۋداندىق حالىق سوتى مەكەمەسى 13 اۋىل - قالاشىقتا سۋديا قىزمەت كەڭسەسىن قۇرىپ، قوعامدىق قايشىلىقتاردىڭ، داۋ - شارلاردىڭ تۋىلۋىنان تۋ باستان ساقتاندى جانە ونى ازايتتى...
”سۋديا قىزمەت كەڭسەسى ءادىليالىق قىزمەت وتەۋدى ءۇيىمىزدىڭ جانىنا جەتكىزدى، توتەنشە جاقسى بولدى!“ 1 - ايدىڭ 5 - كۇنى كورلا قالاسى قانىقاتام اۋىلىنىڭ بازار قىستاعىنداعى 70 جاستاعى قىستاق تۇرعىنى ايشام امەت سۋديا قىزمەت كەڭسەسىندەگى كوتەرمەگە الىپ بايلانىس جاسايتىن سۋديانىڭ راقايلاستىرۋىندا، 2 جىل بويى قايتارىلىپ بەرىلمەگەن قارىز اقشاسىن الدى.
اۋىل - قىستاقتاعى ءۇي تۇسەتىن جەردى ساۋدالاۋعا بولا ما، جوق پا؟ نوپوسى قىستاقتىكى ەمەس، الايدا وسى قىستاقتا تۇرمىس كەشىرىپ كەلگەن بولسا، نوپوسىن اۋىستىرىپ اكەلۋگە بولا ما، جوق پا سياقتى ماسەلەلەر جونىندە كەڭەس بەرۋدەن كورشىلەر ارا ۇساق - تۇيەك ىستەردەن كيكىلجىڭ تۋىلۋ، اۋىل - قىستاق قۇرىلىسىندا ۇقىققا قول سۇعۋ داۋ - شارى تۋىلۋ سياقتىلارعا دەيىن، بۇكىل رايوننىڭ جەر - جەرىندەگى سۋديا قىزمەت كەڭسەلەرىندەگى كوتەرمەگە الىپ بايلانىس جاسايتىن سۋديالار كۇندەلىكتى زاڭ جالپىلاستىرۋ، زاڭدى ءتۇسىندىرۋ ۇگىت - لەكسياسىن جاساۋ قىزمەتىن ويداعىداي ىستەۋگە ءمان بەرۋمەن بىرگە، ءادىليا جاراستىرۋشىلارىمەن، قىستاق كادرلارىمەن بىرلەسىپ، ءاربىر قىستاق تۇرعىنىنا زاڭ قاعيدالارىن سابىرلىلىقپەن ءتۇسىندىرىپ، سول جەردە قايشىلىقتاردى، داۋ - شارلاردى شەشتى.
