ءبىر ءتۇرلى سۇيىسپەنشىلىك بار، ول تۋىسقاندىق مەيىرىم دەپ اتالادى، ءبىر ءتۇرلى قولداۋ بار، ول قالتقىسىز كومەك دەپ اتالادى.
حابارعا نەگىزدەلگەندە، سوڭعى كۇندەرى، نان، كورلا المۇرتى سياقتىلاردى قامتىعان ىندەتكە قارسى اتتانۋ زاتتىق ماتەريالدارى بايىنعولين موڭعۇل اۆتونوميالى وبلىسىنان اسقار تاۋلاردان اسىپ، اساۋ وزەندەردەن ءوتىپ، حىبەيگە ىلگەرىندى - كەيىندى جەتكىزىلىپ جاتتى. اۋىل ءيىسى بۇرقىراعان شينجياڭنىڭ وسى ەرەكشە ونىمدەرى قىمبات بولماعانىمەن، ءبىراق، شينجياڭداعى ءار ۇلت كادر - بۇقاراسىنىڭ حىبەي حالقىنا دەگەن شىنايى سۇيىسپەنشىلىگىن جەتكىزدى.
تيانشاندا تۇرىپ حىبەيگە تىلەكتەس بولدى. بەينەت پەن زەينەتتى بىرگە وتكەرگەن وسىنداي تۋىسقاندىق مەيىر تالايدان بەرى جالعاسىپ كەلەدى. شينجياڭعا كومەكتەسكەن 19 ولكە، قالانىڭ ءبىرى حىبەيدان 1998 - جىلى تۇڭعىش توپتاعى شينجياڭعا كومەكتەسەتىن كادرلار، دارىندىلار بايىنعولين وبلىسىنا كەلگەننەن باستاپ، 20 نەشە جىل ۋاقىت ىشىندە، حىبەيدىڭ تولاسسىز ادام كۇشى، قازىنا كۇشى، زاتتىق كۇشى قولداۋى شينجياڭنىڭ جاراسىمدىلىعىنا، ورنىقتىلىعىنا، گۇلدەنىپ دامۋىنا كورنەكتى ۇلەس قوسىپ كەلدى. قازىرگى كۇندە بايىنعولين وبلىسىنىڭ بايتاق ءوڭىرىن ارالاعانىڭىزدا، ”حىبەيدىڭ“ اتىمەن اتالعان شيپاحانالاردى، مەكتەپتەردى، شاعىن اۋماقتاردى بارلىق جەردەن كەزدەستىرۋگە بولادى؛ حىبەيدان شينجياڭعا كومەككە كەلگەن كادرلاردىڭ شينجياڭدى ەكىنشى مەكەندەرىنە بالاپ، جەرگىلىكتى كادر - جۇرتشىلىعىمەن قول ۇستاسا زەينەت پەن بەينەتتى تەڭ كورگەن، تاماشا تۇرمىستى جاراتقان كورىنىستەرىن بارلىق جەردەن كورۋگە بولادى، مىنە بۇل ”جۇڭحۋا ۇلتى بەرەكەلى شاڭىراعىنىڭ“ جاندى بەينەسى. حىبەي حالقىنىڭ باۋىرلاستىق سۇيىسپەنشىلىگىن شينجياڭداعى ءار ۇلت كادر - بۇقاراسى كوكەيلەرىندە بەرىك ساقتاپ، ەرەكشە العىس سەزىمدە بولدى.
اعا - ىنىلەر ءبىر - بىرىنە كوڭىل ءبولۋ كەرەك، ويتكەنى ولاردىڭ تامىرى ءبىر. وسى جولعى ىندەت تۋىلعاننان بەرى جىبەي حالقىنىڭ باستان وتكەرگەن ازابى مەن بەينەتىن شينجياڭداعى ءار ۇلت كادر - بۇقاراسى شىنايى سەزىنىپ وتىر؛ بۇكىل مەملەكەتتىڭ ىندەتكە قارسى اتتانۋ كەلەلى جاعدايى ءۇشىن، حىبەي حالقىنىڭ ۇلەس قوسىپ، قۇربان بەرگەندىگىنە شينجياڭداعى ءار ۇلت كادرلارى، بۇقاراسى ايرىقشا ءسۇيىندى. ارالارى شالعاي بولسا دا قولدارىنان كەلگەنشە حىبەي حالقىنا بىرەر ءىس تىندىرىپ بەرۋ تيانشان ۇلاندارىنىڭ ورتاق تىلەگى ەدى. وسى توپتاعى ىندەتكە قارسى اتتانۋ زاتتىق ماتەريالدارىنىڭ اراسىنداعى 5000 نەشە ساندىق ناندى بايىنعولين وبلىسى 100 ناۋبايدى ۇيىمداستىرىپ، ۇستەمە جۇمىس ىستەپ 2 كۇندە جاۋىپ دايىنداعان بولاتىن.
تونار ىستىق، تيانشان ۇلاندارىنىڭ ىقىلاسى ءتىپتى دە ىستىق. ەتەنە تامىرلاس اعا - ءىنى، اپەكە - سىڭلىلەر تار جول، تايعاق كەشۋدى بىرگە وتكەرىپ، ءبىر - بىرىنە قول ۇشىن بەرگەندە، كەشىپ وتە المايتىن ليۋشاحى وزەنى، اسا المايتىن جالىن تاۋ جوق ەكەندىگىنە، اپاتتا ۇلى جۇڭحۋا ۇلتىنىڭ ماڭگى اسقاق تۇراتىندىعىنا سەنەمىز.
