”14 - بەسجىلدىق“ مەزگىلىندە
رايونىمىز قونىستانۋ ساپاسىن جاپپاي جوعارىلاتادى
انار بۇلت/شينجياڭ گازەتىنىڭ ءتىلشىسى ۋاڭ يۇيجاۋ 1 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنەن ۇعىسۋىمىزشا، ”14 - بەسجىلدىق“ مەزگىلىندە رايونىمىز حالىق بۇقاراسىنىڭ تۇرعىن ءۇي شارت - جاعدايى مەن قونىستانۋ ورتاسىن ۇزدىكسىز جاقسارتىپ، قونىستانۋ ساپاسىن جاپپاي جوعارىلاتادى ەكەن.
رايونىمىز تۇرعىن ءۇي جونىندەگى ءتۇرلى قولداۋ ساياساتتارىن جالپى بەتتىك تياناقتاندىرىپ، بۇقارانىڭ تۇرعىن ءۇي شارت - جاعدايىن ونان ارى جاقسارتادى. تۇرعىن ءۇي بازارىن جانە تۇرعىن ۇيمەن قامتاماسىز ەتۋ جۇيەسىن اقاۋسىزداندىرىپ، كەمەلدەندىرىپ، قورا - جايدىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، ءۇيدى ينتەرنەت جەلىسىندە قول قويىپ ەستەلىككە الدىرۋ جۇيەسىن نەگىز ەتكەن قورا - جاي بازارىن باقىلاۋ جۇيەسىن اقاۋسىزداندىرىپ، كەمەلدەندىرەدى. پارتيا قۇرىلىسى ارقىلى قوجالىق باسقارۋ تۇزىلىسىندە جاڭالىق اشۋعا جەتەكشىلىك ەتىپ، قوجالىق قىزمەت وتەۋدىڭ شارپۋ سالىستىرماسىن جوعارىلاتىپ، قىزمەت وتەۋدى ولشەمدەندىرۋ، ماركالاندىرۋ قۇرىلىسىن ىلگەرىلەتەدى. تۇرعىن ءۇي الەۋمەتتىك قورى تۇزىمىنە رەفورما جاساپ، تۇرعىن ءۇي الەۋمەتتىك قورىن باسقارۋعا قىزمەت وتەۋ دەڭگەيىن جوعارىلاتادى.
رايونىمىز ادامدى وزەك ەتكەن جاڭاشا قالا - قالاشىقتاندىرۋ قۇرىلىسىن ىلگەرىلەتىپ، تاريحي مادەنيەتتى قورعاۋدى كۇشەيتىپ، قالانىڭ بەت - بەينەسىن سومداپ، قالانىڭ ەرەكشەلىگىن ايگىلەيدى. حاۋىپسىز، اقاۋسىز، قۇرىلعىلارى كەمەلدى، باسقارۋى ءتارتىپتى بولعان كەمەلدى قونىستانۋ الەۋمەتتىك اۋماعىن قۇرۋدى ىلگەرىلەتەدى. اۋداندار جانە ماڭايىنداعى قالا - قالاشىقتاردىڭ نەگىزدىك قۇرىلعىلارىنداعى ولقىلىقتاردى ءتۇيىندى تۇردە تولىقتاپ، قالا - قالاشىقتاردىڭ قالا ىستەرىندەگى الەۋمەتتىك نەگىزدىك قۇرىلعىلارى قۇرىلىسىنىڭ ورەسىن ۇزدىكسىز جوعارىلاتادى. سول جەردىڭ جاعدايىنا قاراي ۇلپا قالا قۇرىپ، قالانىڭ تاسقىننان ساقتانۋ، ىركىلگەن سۋدى سارقۋ قابىلەتىن كۇشەيتەدى.
سونىمەن قاتار، رايونىمىز اۋىل - قىستاق قۇرىلىسى ارەكەتىن ىلگەرىلەتۋدى جەدەلدەتىپ، اۋىل - قىستاقتى گۇلدەندىرۋ ستراتەگياسىن اتقارۋدى قوزعاۋشى كۇش ەتىپ، اۋدان كولەمىندە ءتۇيىندى قالاشىق قۇرىلىسىن بەلسەنە جەتىلدىرىپ، شاعىن قالا - قالاشىق قۇرىلىسىنىڭ جوعارى ساپالى دامۋىنا جەتەكشىلىك ەتەدى. كورىكتى، قونىستانۋعا جايلى بولۋدان ۇلگى كورسەتۋ قىستاعىن قۇرۋ قىزمەتىن بەلسەنە ىلگەرىلەتەدى. جاسىل شارۋا ۇيلەرىن سالۋ ءادىسى مەن تەحنيكاسىن جالپىلاستىرۋ ارقىلى اۋىل - قىستاقتاعى تومەن كىرىستەگى قاۋىم ءۇشىن حاۋىپسىز تۇرعىن ۇيمەن قامتاماسىز ەتۋ مەحانيزمىن ورناتادى.
