انار بۇلت/ شينجياڭ گازەتىنىڭ ءتىلشىسى يۋان لەي 1 - ايدىڭ 15 - كۇنى ۇرىمجىدەن حابارلايدى. 1 - ايدىڭ 15 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 110 - رەتكى ۇنەمىلىك ىستەر ءماجىلىسىن باسقارىپ اشىپ، ەگىستىك جەردىڭ ”استىقتان باسقاعا پايدالانىلۋىنان“ ساقتانىپ استىق ءوندىرىسىن ورنىقتىرۋ، اكىمشىلىك زاڭ اتقارۋدا ”ءۇش ءتۇرلى ءتۇزىمدى“، ەنەرگيا جۇمساۋدا ”قوس تىزگىندەۋدى“ اتقارۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: استىق مەملەكەتتىڭ تاعدىرىنا، حالىق تۇرمىسىنا سايادى، استىق حاۋىپسىزدىگى مەملەكەت حاۋىپسىزدىگىنىڭ ماڭىزدى نەگىزى، ەگىستىك جەر استىق ءوندىرۋدىڭ نەگىزى. ەگىستىك جەردىڭ ”استىقتان باسقاعا پايدالانىلۋىنان“ ساقتانىپ استىق ءوندىرىسىن ورنىقتىرۋدىڭ ماڭىزدىلىعىن، كوكەي تەستىلىگىن تولىق تانىپ، ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ ستراتەگياسىن اتقارىپ، استىق ءوندىرىسى قۋاتىن كۇشەيتۋدى ماڭداي الدى نىسانا ەتىپ، باستى ازىق - تۇلىكتىك اۋىل شارۋاشىلىق ونىمدەرىمەن قامداۋدى قامتاماسىز ەتۋدى ءتۇيىندى مىندەت ەتىپ، وڭىرلەردەگى ەگىستىك جەردەن پايدالانۋدى باسقارۋدى كۇشەيتىپ، تۇقىمدىق استىقتى نەگىز ەتكەن ەگىمشىلىك قۇرىلىمىن رەتتەۋدى ىلگەرىلەتۋدى جەدەلدەتىپ، ەگىستىك جەردىڭ ”استىقتان باسقاعا پايدالانىلۋ“ نىسايىن باتىل تەجەپ، استىق ءوندىرىس قۋاتىن كۇشەيتۋ نەگىزىن بار كۇشپەن بەكەمدەپ، شينجياڭنىڭ استىق حاۋىپسىزدىگى ىرىقتىلىق ۇقىعىن شىن مانىندە مەڭگەرۋ كەرەك.
ءماجىلىس مىنالاردى باسا دارىپتەدى: اكىمشىلىك زاڭ اتقارۋدا جاريالاۋ ءتۇزىمى، زاڭ اتقارۋدىڭ تۇتاس بارىسىن ەستەلىككە الۋ ءتۇزىمى، كەلەلى زاڭ اتقارۋ شەشىمىن زاڭ - ءتۇزىم جاعىنان تەكسەرۋ ءتۇزىمى سىندى ”ۇش ءتۇرلى ءتۇزىمدى“ جاپپاي اتقارۋ − پارتيا 18 - قۇرىلتايىنان بەرى مەملەكەتتى زاڭمەن جونگە سالۋدى جاپپاي تياناقتاندىرۋدىڭ، زاڭمەن جونگە سالاتىن ۇكىمەت قۇرىلىسىن جەدەلدەتۋدىڭ ماڭىزدى شاراسى، اكىمشىلىك زاڭ اتقارۋ ورەسىن جاپپاي جوعارىلاتۋدىڭ، ۇكىمەتتىڭ جونگە سالۋ قابىلەتىن وسىزامانداندىرۋدى جۇزەگە اسىرۋدى جەبەۋدىڭ ماڭىزدى تۇتقاسى. نازاردى ”دالمە - ءدال“ بولۋعا شوعىرلاندىرۋعا، تالاپتى ”قاتاڭ“ قويۋعا، ونىمدىلىك ”ويداعىداي“ بولۋعا كۇش سالىپ، زاڭ اتقارۋ قوسىنىنىڭ ساپاسىن ۇزدىكسىز جوعارىلاتىپ، اكىمشىلىك زاڭ اتقارۋ ارەكەتىن جۇيەگە ءتۇسىرىپ، اكىمشىلىك زاڭ اتقارۋ جاۋاپكەرلىك ءتۇزىمىن جانە جاۋاپكەرشىلىگىن قۋزاستىرۋ ءتۇزىمىن تياناقتاندىرۋدى ىلگەرىلەتىپ، ينفورماتسيالاندىرۋ قۇرىلىسىن ورنىقتى ىلگەرىلەتىپ، اكىمشىلىك زاڭ اتقارۋ قيمىلدارىن ءدال ۋاعىندا، كەزەڭدىك، جۇيەلى باسقارۋدى جۇزەگە اسىرىپ، قاتاڭ، جۇيەلى، ءادىل، وركەنيەتتى زاڭ اتقارۋعا شىنايى كەپىلدىك ەتىپ، حالىق بۇقاراسىنىڭ زاڭدى ۇقىق - مۇددەسىن شىن مانىندە قامتاماسىزداندىرىپ، ۇكىمەتتىڭ الەۋمەتتىك سەنىمدىلىگىن قورعاۋ كەرەك.ءماجىلىس تاعى باسقا دا ىستەردى اقىلداستى.
