ايماق، وبلىس، قالالاردىڭ زاڭ اتقارۋ ىستەرى ％69تى يەلەدى
انار بۇلت/ شينجياڭ گازەتىنىڭ ءتىلشىسى لي شيڭ 1 - ايدىڭ 14 - كۇنى ۇرىمجىدەن حابارلايدى. اكىمشىلىك زاڭ اتقارۋ بايلىعىن ونان ارى ءبىر تۇتاس سەپتەپ، ەكولوگيالىق ورتانى قورعاۋ سالاسىنداعى كوپ جاقتا، كوپ ساتىدا قايتالاپ زاڭ اتقارۋ ماسەلەسىن شەشىپ، زاڭ اتقارۋ ونىمدىلىگى مەن زاڭ بويىنشا اكىمشىلىك جۇرگىزۋ دەڭگەيىن اناعۇرلىم جوعارىلاتىپ، ەكولوگيالىق ورتانىڭ زاڭ بويىنشا قورعالۋىن ءتىپتى دە كۇشەيتۋ ءۇشىن، جۋىقتا رايونىمىز ەكولوگيالىق ورتانى قورعاۋدىڭ جالپىلىق اكىمشىلىك زاڭ اتقارۋ ىستەرى ءتىزىمىن (2020 - جىلعى نۇسقا) (تومەندە قىسقارتىلىپ ”ءتىزىم“ دەلىنەدى) باسىپ تاراتتى.
”ءتىزىم“ رايونىمىزدىڭ جەرگىلىكتى زاڭ ەرەجە شىعارۋ جانە ءبىر ءبولىم زاڭ، زاڭ ەرەجە، تارتىپتەردى شىعارۋ، ولارعا وزگەرىس ەنگىزۋ، كۇشىنەن قالدىرۋ، ءتۇسىندىرۋ احۋالىمەن بىرلەستىرە وتىرىپ، رايونىمىزداعى ەكولوگيالىق ورتا تاراۋلارىنىڭ زاڭ بويىنشا جۇرگىزەتىن اكىمشىلىك زاڭ اتقارۋ ىستەرىن ەگجەي - تەگجەيلىلەندىردى، تولىقتادى جانە كەمەلدەندىردى، جالپى تۇراقتاندىرىلعان اكىمشىلىك زاڭ اتقارۋ ىستەرى 178 ءتۇرلى بولىپ، اكىمشىلىك جازاعا تارتۋ ىستەرى 163 تۇرگە، اكىمشىلىك ماجبۇرلەۋ ىستەرى 15 تۇرگە جەتتى. مۇندا جاراتىلىستىق بايلىق، اۋىل شارۋاشىلىعى، اۋىل - قىستاق، سۋ يگىلىگى، ورمان شارۋاشىلىعى جانە جايلىم سياقتى تاراۋلاردان ەكولوگيالىق ورتا جالپىلىق اكىمشىلىك زاڭ اتقارۋ تاراۋلارىنىڭ كاسىپتىك جاۋاپكەرشىلىگىنە ەنگىزىلگەنى 8 ءتۇرلى بولىپ، زاڭ اتقارۋ مىندەت جاۋاپكەرشىلىگىنىڭ شەكاراسىن اناعۇرلىم ايقىنداپ، شەكاراسى ايقىن، سايكەستى، جوعارى ءونىمدى زاڭ اتقارۋ جاۋاپكەرشىلىك جۇيەسىن قالىپتاستىرۋدى ىلگەرىلەتتى.
”ءتىزىم“ 178 ءتۇرلى زاڭ اتقارۋ ءىسى سايكەس كەلەتىن ءىستىڭ اتىن، قىزمەت ۇقىق ءتۇرىن، اتقارۋ نەگىزىن، اتقاراتىن تۇلعانى جانە جاۋاپتى تۇلعانى ايقىنداپ، ەكولوگيالىق ورتا سالاسىندا ”مىندەتىن ادا ەتكەندەردىڭ ءتىزىم بويىنشا جاۋاپكەرشىلىگىن قۋزاستىرمايتىن، مىندەتىن ادا ەتپەگەندەردى ءتىزىم بويىنشا جاۋاپقا تارتاتىن“ اكىمشىلىك زاڭ اتقارۋ جاۋاپكەرشىلىك ءتۇزىمىن جالپى بەتتىك اتقارۋعا نەگىز ازىرلەپ، ەكولوگيالىق ورتا بويىنشا زاڭ اتقارۋدى اناعۇرلىم باعىتتامالىلىققا يە ەتتى. ايماق، وبلىس، قالالاردىڭ ءبىرىنشى جاۋاپكەرشىلىك دارەجەسىندەگى زاڭ اتقارۋ ىستەرى ％69تى يەلەدى، بۇل ەكولوگيالىق ورتانى قورعاۋ جالپىلىق زاڭ اتقارۋ رەفورماسىنىڭ ”زاڭ اتقارۋ كۇشتەرىن تومەنگە ءتۇسىرۋدى ىلگەرىلەتۋ“ جونىندەگى قاتىستى تالاپتارىنا ۇيلەسەدى، سونىمەن بىرگە ”تومەنگە بەرۋ، باسقارۋ، قىزمەت وتەۋ“ رەفورماسى قىزمەتىنىڭ جاعدايىنا دا تولىق ۇيلەستى.
اۆتونوميالى رايوندىق ەكولوگيالىق ورتانى قورعاۋ جالپىلىق اكىمشىلىك زاڭ اتقارۋ مەكەمەسىنىڭ جاۋاپتىسى مىنانى ءبىلدىردى: زاڭ اتقارۋ ىستەرى ءتىزىمىن باسقارۋ ءتۇزىمىن اتقارۋ − ەكولوگيالىق ورتانى قورعاۋ جالپىلىق اكىمشىلىك زاڭ اتقارۋ رەفورماسىن تەرەڭدەتۋدىڭ ماڭىزدى مازمۇنى، ەكولوگيالىق ورتا تاراۋلارىنىڭ زاڭ بويىنشا زاڭ اتقارۋ قىزمەتىن ورىستەتۋىنە نەگىز ازىرلەدى. ”ءتىزىم“ ەكولوگيالىق ورتا زاڭ اتقارۋ قىزمەتكەرلەرى تۇرعىسىنان ايتقاندا، ءارى زاڭ جالپىلاستىرۋ كىتابى، ءارى جاۋاپكەرشىلىك كۋالىگى. كەلەسى قادامدا رايونىمىز ”ءتىزىمدى“ ۇيرەنۋ، ۇگىتتەۋ، دايەكتىلەندىرۋ تەبىنىن ارتتىرىپ، ەكولوگياىق ورتا اكىمشىلىك زاڭ اتقارۋ ورەسىن ۇزدىكسىز جوعارىلاتىپ، باقىلاۋ - باسقارۋ تەبىنى مەن باقىلاۋ - باسقارۋ ونىمدىلىگىنە بىردەي ءمان بەرىپ، لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ جەڭىسىنە قول جەتكىزۋدى ىلگەرىلەتەدى.
