جۇمىستاندىرۋدى جەبەۋ سىندى ءىرى ءىستى العان بەتتەن قايتپاي جاقسى يگەرەمىز

− اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى راحمانجان داۋىتپەن سۇحبات

　　 جۇمىستاندىرۋ ەڭ ۇلكەن حالىق تۇرمىسى ينجەنەرياسى، حالىق تىلەگى ينجەنەرياسى، ءتۇبىرلى نەگىز ينجەنەرياسى. رايونىمىز ”13 - بەسجىلدىق“ مەزگىلىندە جۇمىستاندىرۋ ارقىلى حالىقتى يگىلىككە كەنەلتۋ جونىندە قانداي شارالار اتقاردى؟ قانداي ونىمدىلىكتەرگە قول جەتكىزدى؟ ”14 - بەسجىلدىق“ مەزگىلىندە رايونىمىز قاي جاقتاردان كۇش سالىپ، جۇمىستاندىرۋدى الدىمەن جۇرگىزۋدى ويداعىداي تياناقتاندىرىپ، اناعۇرلىم تولىق، اناعۇرلىم جوعارى ساپالى جۇمىستاندىرۋدى جۇزەگە اسىرادى؟ جۋىردا ءتىلشى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى راحمانجان داۋىتقا تىلشىلىك جاسادى.

　　بۇكىل رايونداعى جۇمىستانۋ جاعدايى جالپى تۇلعالىق جاقتان ورنىقتى بولدى

　　 ”ءبىز جۇمىستاندىرۋدى باستان - اياق ءبىرىنشى ورىنعا قويۋعا تاباندى بولىپ، جۇمىستاندىرۋدى الدىمەن جۇرگىزۋ ستراتەگياسىن جانە بەلسەندى جۇمىستاندىرۋ ساياساتىن اتقارىپ، جۇمىستاندىرۋدى كوپ ارنامەن، كوپ ءتۇرلى فورمامەن ورنىقتىردىق جانە كەڭەيتتىك، بۇكىل رايونداعى جۇمىستانۋ جاعدايى جالپى تۇلعالىق جاقتان ورنىقتى بولدى“. راحمانجان داۋىت بىلاي دەدى: رايونىمىز كاسىپ ارقىلى ادامدى الاڭسىز ەتۋ، كاسىپ ارقىلى ادامدى ورنىقتىرۋ، كاسىپ ارقىلى كەدەيلىكتەن ارىلتۋداي جۇمىستاندىرۋ جاڭا مەحانيزمىن نەگىزىنەن قالىپتاستىرىپ، قوعام ورنىقتىلىعى مەن باياندى تىنىشتىقتى ىلگەرىلەتۋدە بەلسەندى رول اتقاردى.

　　 ”13 - بەسجىلدىق“ مەزگىلىندە رايونىمىز جۇمىستاندىرۋ قىزمەتىن الدىمەن ويداعىداي جۇرگىزىلەتىن ءىس، ويداعىداي جۇرگىزىلەتىن ىرىقتى شايقاس، جۇرت تىلەگىنە قول جەتكىزەتىن، حالىق تىلەگىن ۇيىستىراتىن ستراتەگيالىق شارا ەتىپ، حالىق تۇرمىسىن قامتاماسىز ەتۋ جانە جاقسارتۋداعى ماڭداي الدى ءىرى ءىس جانە ەكونوميكالىق، قوعامدىق دامۋداعى الدىمەن ويلاساتىن نىسانا ەتىپ، اناعۇرلىم كورنەكتى ورىنعا قويىپ، اناعۇرلىم بەلسەندى جۇمىستاندىرۋ ساياساتىن اتقاردى. «جاڭا جاعدايداعى جۇمىستاندىرۋ، شارۋاشىلىق قۇرۋ قىزمەتىن ىشكەرىلەي جاقسى ىستەۋ جونىندەگى اتقارۋ پىكىرى»، «كەزەكتەگى جانە مۇنان كەيىنگى ءبىر مەزگىلدەگى جۇمىستاندىرۋ، شارۋاشىلىق قۇرۋ قىزمەتىن جاقسى ىستەۋ جونىندەگى اتقارۋ پىكىرى»، «<شينجياڭ ۇيعۇر اۆتونوميالى رايونىنىڭ ”13 - بەسجىلدىق“ جۇمىستاندىرۋدى جەبەۋ جوباسىن> باسىپ تاراتۋ جونىندەگى ۇقتىرۋ» سياقتى ساياساتتىق قۇجاتتاردى ىلگەرىندى - كەيىندى شىعارىپ، جۇمىستاندىرۋ قىزمەتىنىڭ ورتا، ۇزاق مەزگىلدىك جۇيەلىلەنگەن، تۇزىمدەنگەن دامۋ ارناسىن قالىپتاستىرۋدى ىلگەرىلەتتى.

　　 رايونىمىز اۋىل - قىستاقتاعى ارتىق ەڭبەككۇشتەر، جوعارى مەكتەپتەن وقۋ تاۋىسقان وقۋشىلار، جۇمىستانۋدا قيىنشىلىعى بار ادامدار سياقتى ءتۇيىندى قاۋىمداردى جۇمىستاندىرۋدى كورنەكتىلەندىرە ويداعىداي يگەردى. ”13 - بەسجىلدىقتان“ بەرى بيىل 11 - ايدىڭ اياعىنا دەيىن بۇكىل رايونداعى قالا - قالاشىقتاردا 2 ميلليون 346 مىڭ 100 ادام جاڭادان جۇمىستانىپ، اۋىل - قىستاقتارداعى ارتىق ەڭبەككۇشتەر 14 ميلليون 319 مىڭ 300 ادام - رەت باسقا كاسىپكە ويىسىپ جۇمىستاندى، رايونعا قاراستى ادەتتەگى جوعارى مەكتەپتەردەن بيىل وقۋ تاۋىسقان وقۋشىلاردىڭ جىل اياعىنداعى جۇمىستانۋ مولشەرى تۇگەلدەي ％88تەن جوعارى بولىپ، قالا - قالاشىقتارداعى جۇمىستانۋدا قيىنشىلىعى بار ادامداردان 257 مىڭ 300 ادام جۇمىستانىپ، بىردە - ءبىر ادامى جۇمىستانباعان وتباسىلاردى يكەمدى جۇمىستاندىرۋدا باياندى مەحانيزم قالىپتاستى.

　　 جۇمىستاندىرۋ ارقىلى كەدەيلەردى سۇيەمەلدەۋ تەبىنىن ارتتىرۋ ءۇشىن، رايونىمىز قاشقار جانە حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى باسقا كاسىپكە ويىستىرىپ جۇمىستاندىرۋ، وڭتۇستىك شينجياڭنىڭ 4 ايماق، وبلىسىنداعى اۋىر كەدەي وڭىرلەردە جۇمىستاندىرۋ ارقىلى كەدەيلەردى سۇيەمەلدەۋ جانە اۆتونوميالى رايوننىڭ ساياحات كاسىبى ارقىلى جۇمىستاندىرۋدى جەبەۋ سىندى ءۇش 3 جىلدىق ارەكەت جوباسىن ىلگەرىندى - كەيىندى اتقارىپ، جەكە - جەكە 135 مىڭ ادامدى، 226 مىڭ ادامدى، 113 مىڭ ادامدى باسقا كاسىپكە ويىستىرىپ جۇمىستاندىرىپ، وڭتۇستىك شينجياڭنىڭ 4 ايماق، وبلىسىنداعى اۋىر كەدەي وڭىرلەردەگى كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋگە بار كۇشپەن قولداۋ كورسەتتى.

　　جۇمىستانۋدى ورنىقتىرۋدى اناعۇرلىم كورنەكتى ورىنعا قويدى

　　 ”التىنى ورنىقتىرۋ“ قىزمەتىن جاقسى ىستەۋدە، ”التىنى قامتاماسىز ەتۋ“ مىندەتىن تياناقتاندىرۋدا جۇمىستاندىرۋ ماڭداي الدى ورىنعا قويىلدى. راحمانجان داۋىت بىلاي دەدى: اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوننىڭ ”14 - بەسجىلدىق“ جوباسىنىڭ باعدارلاماسىنا ساي، رايونىمىزدىڭ ءىس جۇزىندىگىمەن ۇشتاستىرىپ، اۆتونوميالى رايوننىڭ ”14 - بەسجىلدىق“ جۇمىستانۋدى جەبەۋ جوباسىن جاساپ، كەزەڭدىك نىسانا - مىندەتتى بەلگىلەۋ، وزەكتى، قيىن تۇيىندەرگە قاراتىلعان ساياسات - شارالاردى ەگجەي - تەگجەيلىلەندىرۋ ارقىلى جۇمىستاندىرۋدى، شارۋاشىلىق قۇرۋدى جەبەۋ، حالىقتى يگىلىككە كەنەلتۋ ينجەنەرياسىن ۇزدىكسىز اتقارىپ، ”14 - بەسجىلدىق“ مەزگىلىندە اۆتونوميالى رايونىمىزدىڭ جۇمىستاندىرۋ، شارۋاشىلىق قۇرۋ قىزمەتىنىڭ تاعى دا تىڭ ساتىعا كوتەرىلۋىنە شىنايى كەپىلدىك ەتەمىز.

　　”14 - بەسجىلدىق“ مەزگىلىندە رايونىمىز جاڭا داۋىردەگى پارتيانىڭ شينجياڭدى جاپپاي جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەي وتىرىپ، جۇمىستانۋدى ورنىقتىرۋدى اناعۇرلىم كورنەكتى ورىنعا قويىپ، جۇمىستاندىرۋدى الدىمەن ويلاستىرۋ ساياساتىن زور كۇشپەن اتقارىپ، اناعۇرلىم تولىق، اناعۇرلىم ساپالى جۇمىستاندىرۋعا ءتيىمدى بولعان جەبەۋ مەحانيزمىن اقاۋسىزداندىرىپ، جاقىن جەردەن جۇمىستاندىرۋدى، جەرگىلىكتى ورىندا جۇمىستاندىرۋدى جانە ءتارتىپتى سىرتقا شىعارىپ جۇمىستاندىرۋدى ورگانيكالى ۇشتاستىرۋعا تاباندى بولىپ، جۇمىستاندىرۋ قابىلەتىن كۇشەيتۋگە، قالا - قالاشىقتاردا جۇمىستاندىرۋدى كەڭەيتۋگە جانە كاسىپورىنداردا جۇمىستاندىرۋعا، جۇمىستانۋدىڭ ورنىقتىلىعىن جوعارىلاتۋعا بارىنشا كۇش سالىپ، جان - جاقتىلى الەۋمەتتىك جۇمىستاندىرۋعا قىزمەت وتەۋ جانە ومىرلىك شەبەرلىككە باۋلۋ ءتۇزىمىن كۇشەيتىپ، جوعارى مەكتەپتەردەن وقۋ تاۋىسقان وقۋشىلار، اۋىل - قىستاقتارداعى ارتىق ەڭبەككۇشتەر، جۇمىستانۋى قيىن ادامدار سياقتى قاۋىمداردىڭ كوپ ارنا، كوپ فورما ارقىلى جۇمىستانۋىن، شارۋاشىلىق قۇرۋىن ءبىر تۇتاس جوسپارلاپ، بارلىق ادامعا قاجىرلىلىقپەن، ەڭبەكپەن ءوزىن دامىتۋ ورايىن بەرىپ، ءار ۇلت بۇقاراسىنىڭ تابىس سەزىمىن، باقىت سەزىمىن جانە رازى بولۋ سالىستىرماسىن ۇزدىكسىز جوعارىلاتادى.

　　 ”رايونىمىز بازار، ۇكىمەت بىرگە كۇش سالۋعا ۇزدىكسىز تاباندى بولىپ، دەربەس كاسىپ تاڭداۋ، بازاردىڭ جۇمىستاندىرۋدى رەتتەۋى، ۇكىمەتتىڭ جۇمىستاندىرۋدى جەبەۋى ءوزارا ۇشتاسقان مەحانيزمدى اقاۋسىزداندىرىپ، قوعامداعى ءارقايسى كۇشتەردى جۇمىستاندىرۋ قىزمەتىن تىزە قوسا وتىرىپ ويداعىداي ىستەۋگە جۇمىلدىرادى“، - دەدى راحمانجان داۋىت.

　　اناعۇرلىم جان - جاقتى، اناعۇرلىم ساپالى جۇمىستاندىرۋدى جۇزەگە اسىرامىز

　　 راحمانجان داۋىت مىنالاردى ءبىلدىردى: ”14 - بەسجىلدىق“ مەزگىلىندە رايونىمىز ەكونوميكانى دامىتۋداعى جۇمىستاندىرۋ باعدارىنا تاباندى بولىپ، جۇمستاندىرۋ ساياساتى مەن ماكرولىق ەكونوميكالىق ساياساتتى ءبىر تۇتاس جوسپارلاۋ قىزمەتى مەحانيزمىن قۇرىپ، ەكونوميكالىق دامۋدىڭ جۇمىس ورىندارىن دايىنداۋ قابىلەتىن ۇزدىكسىز كۇشەيتىپ، اناعۇرلىم جان - جاقتى، اناعۇرلىم ساپالى جۇمىستاندىرۋدى جۇزەگە اسىرادى.

　　ءبىر جاعىنان، رايونىمىز ەكونوميكا دامۋىنىڭ جاڭا قوزعاۋشى قۋاتىن تەز جەتىلدىرىپ، جۇمىستاندىرۋعا باۋراۋ قابىلەتى كۇشتى ەڭبەككۇش شوعىرلى كاسىپ سالالارىن بەلسەنە دامىتادى؛ ەندى ءبىر جاعىنان، جىبەك جولى ەكونوميكالىق بەلدەۋى وزەكتى رايون قۇرىلىسى مەن كاسىپ سالاسىنىڭ تيبىن جاڭالاپ، دارەجەسىن جوعارىلاتۋدى ۇشتاستىرىپ، عىلىم - تەحنيكالىق قامتىمدىلىعى جوعارى ستراتەگيالىق سيپاتتى جاڭا گۇلدەنگەن كاسىپ سالالارىنىڭ، وسى زامانعى قىزمەت وتەۋ كاسىبىنىڭ، سونداي - اق ءتۇرلى جاڭا كاسىپ كۇيلەرىنىڭ، جاڭا فورمالاردىڭ تەز دامۋىن قولداپ، جۇمىستاندىرۋدىڭ جاڭا كەڭىستىگىن ۇزدىكسىز كەڭەيتەدى.

     ەڭبەكشىلەردىڭ جۇمىستانۋ قابىلەتىن جوعارىلاتۋ ءۇشىن، “13 - بەسجىلدىق“ مەزگىلىندە رايونىمىز شەبەرلىكتى ارتتىرۋ ارەكەتىن زور كۇشپەن اتقارىپ، 5 ميلليون 549 مىڭ 200 ادام رەت شەبەرلىككە باۋلۋدى ورىستەتتى. “14 - بەسجىلدىق“ مەزگىلىندە رايونىمىز قامداۋ مەن قاجەتسىنۋدى سايكەستىرۋدى اناعۇرلىم دالمە - ءدال ۇشتاستىرىپ، جۇمىستاندىرۋدى باعدار ەتىپ، شەبەرلىككە باۋلۋ كۋرستارىن نەمەسە شارۋاشىلىق قۇرۋ كۋرستارىن زور كۇشپەن ورىستەتىپ، ساپالى، جوعارى ءونىمدى، دالمە - ءدال كاسىپتىك باۋلۋ كۋرستارىمەن قامداۋدى قۇلشىنا جۇزەگە اسىرىپ، جاسامپاز، قولدانىلمالى، ىسكەر دارىندىلاردى باۋلۋدى كۇشەيتىپ، ەڭبەكشىلەردىڭ تۇلعالىق ساپاسىن ءوسىرىپ، تەحنيكالىق، ىسكەر دارىندىلاردىڭ جەتكىلىكسىز بولۋ جاعدايىن ءونىمدى باسەڭدەتەدى.

　　 رايونىمىز جۇمىستاندىرۋعا قىزمەت وتەۋدى اناعۇرلىم كەمەلدەندىرىپ، ءتۇيىندى وڭىرلەردى، ءتۇيىندى قاۋىمدى جانە قيىنشىلىعى بار قاۋىمدى جۇمىستاندىرۋدى كورنەكتىلەندىرىپ، جۇمىستاندىرۋ ارقىلى حالىققا تيىمدىلىك جەتكىزۋ ساياساتىن ناقتى، ەگجەي - تەگجەيلى تياناقتاندىرادى؛ جۇمىستاندىرۋدى جەبەيتىن ءتۇيىندى قىزمەتتەر مەن دامۋ باعدارىن توڭىرەكتەي وتىرىپ، جۇمىستاندىرۋدى ينفورمالاتسيالاندىرۋ قۇرىلىسى ورەسىن جەدەل ىلگەرىلەتىپ، جالپى بارىسى ءبىر تۇلعالانعان جۇمىستاندىرۋعا قىزمەت وتەۋ ينفورماتسيا تۇعىرىن قۇرىپ، جۇمىستاندىرۋدى، شاراۋشىلىق قۇرۋدى جونگە سالۋ جۇيەسىن ينفورماتسيالانعان تىرەكپەن قامدايدى.

　　 ”14 - بەسجىلدىق“ مەزگىلىندە ءبىز جۇمىستاندىرۋ قۇرىلىمى اناعۇرلىم كەمەلدەنگەن، شارۋاشىلىق قۇرۋ ورتاسى ۇزدىكسىز ساپالىلانعان، جۇمىستاندىرۋ قابىلەتى كورنەكتى جوعارىلاعان جۇمىستاندىرۋ جاعدايىن قالىپتاستىرۋعا قۇلشىنىپ، ەڭبەكشىلەردىڭ جاقسى ەڭبەكپەن اينالىسۋىنا، تۇرمىستارىنىڭ بارىنشا جاقسارۋىنا مۇمكىندىك جاسايمىز“، - دەدى راحمانجان داۋىت.