پارتيا ورتالىق كوميتەتىنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى شەشىمدەرىنىڭ، ورنالاستىرۋلارىنىڭ تياناقتانۋىن، ونىمدىلىك كورسەتۋىن ىلگەرىلەتۋ كەرەك
انار بۇلت/ شينجياڭ گازەتىنىڭ ءتىلشىسى لي ياڭ 1 - ايدىڭ 9 - كۇنى ۇرىمجىدەن حابارلايدى. 1 - ايدىڭ 7 - كۇنى تۇستەن بۇرىن اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى ءماجىلىس اشىپ، ورتالىقتىڭ اۋىل - قىستاق قىزمەتى ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ تالابى بويىنشا ۇيرەنۋ، دايەكتىلەندىرۋ قىزمەتىن ورنالاستىردى، جايعاستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ باستىعى لي پىڭشين ءماجىلىستى باسقاردى.
ءماجىلىس مىنالاردى اتاپ كورسەتتى: باسشىلىق گرۋپپاسىنداعى مۇشە ورىندار باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىمەن ساباقتاستىرا ۇيرەنىپ، ۇعىنىپ، اناعۇرلىم كەڭ وي ورىسپەن، اناعۇرلىم مىعىم بەكىممەن، اناعۇرلىم ناقتى شارالارمەن اۋىل - قىستاقتى گۇلدەندىرۋ قىزمەتتەرىن ويداعىداي جوبالاپ، ويداعىداي تياناقتاندىرىپ، پارتيا ورتالىق كوميتەتى شەشىمدەرى مەن ورنالاستىرۋلارىنىڭ تياناقتانۋىنا، تامىر تارتۋىنا شىنايى كەپىلدىك ەتىپ، اۆتونوميالى رايوندىق پارتكومنىڭ قىزمەت تالاپتارىنىڭ ناقتاپ تياناقتانۋىنا شىنايى كەپىلدىك ەتۋ كەرەك.
ءماجىلىس مىنالاردى تالاپ ەتتى: اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى باستان - اياق قىزمەتتەگى ەڭ ماڭىزدى ءتۇيىن ەتىپ، نەگىزگىسىن، ماڭىزدىسىن مىقتى يگەرىپ، ەگجەي - تەگجەيلى تياناقتاندىرىپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەۋدى جەدەلدەتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋعا كۇش سالىپ، كەدەيلىكتەن ارىلعان وڭىرلەردە وتكەرمەلى كەزەڭدە ساياساتتىڭ ورنىقتى بولۋىن ۇزدىكسىز ساقتاپ، قايتا كەدەيلەسۋدەن ساقتانۋدى قاداعالاۋ - ساقتاندىرۋ جانە يكەمدى كومەكتەسۋ - سۇيەمەلدەۋ مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن ارىلعاننان كەيىن دامي الۋىنا، ۇزدىكسىز دامۋىنا شىنايى كەپىلدىك ەتۋ كەرەك. اۋىل شارۋاشىلىعىنىڭ وسىزاماندانۋىن جەدەل ىلگەرىلەتۋگە كۇش سالىپ، استىق حاۋىپسىزدىگىن قامتاماسىز ەتۋ مەن ماڭىزدى اۋىل شارۋاشىلىعى ونىمدەرىمەن ءونىمدى قامداۋدى ماڭداي الدى ورىنعا قويىپ، استىق ءوندىرىسىن ورنىقتىرۋعا، ماقتا ءونىمىن ساپالىلاندىرۋعا، مال شارۋاشىلىعىن جەبەۋگە، جەمىس شارۋاشىلىعىن كەمەلدەندىرۋگە، وزىندىك ەرەكشەلىكتەگى شارۋاشىلىقتى گۇلدەندىرۋگە تاباندى بولىپ، تۇقىم مەن ەگىستىك جەر سىندى 2 ءتۇيىندى ماسەلەنى مىقتى يگەرىپ، عىلىم - تەحنيكالىق قىزمەت وتەۋدى كۇشەيتىپ، كاسىپ سالالارىنىڭ توعىسۋىن جەبەپ، اۋىل شارۋاشىلىعىنىڭ ساپاسىن، ونىمدىلىگىن جانە باسەكەلىك قۋاتىن شىن مانىندە جوعارىلاتۋ كەرەك. اۋىل - قىستاق قۇرىلىسى قيمىلدارىن ويداعىداي اتقارۋعا كۇش سالىپ، سۋ يگىلىگىن وزەك ەتكەن اۋىل - قىستاق نەگىزدىك قۇرىلعى قۇرىلىسىن كۇشەيتىپ، قونىس ورتاسى ساپاسىن جاقسارتىپ، الەۋمەتتىك قىزمەت وتەۋ دەڭگەيىن جوعارىلاتىپ، اۋىل - قىستاق رەفورماسىن تەرەڭدەتىپ، كوپ تۇيىندە جاڭالىق اشىپ، اۋىل شارۋاشىلىعى مەن اۋىل - قىستاقتاردىڭ دامۋ قوزعاۋشى كۇشى مەن ومىرشەڭدىك كۇشىن قاۋلاتۋ كەرەك. ”14 - بەسجىلدىق“ جوبانى ويداعىداي جاساۋعا كۇش سالىپ، ”13 - بەسجىلدىقتاعى“ تابىستاردى جان - جاقتى قورىتىندىلاپ، ساياسات رەفورماسى بەتالىسىن يگەرىپ، اۋىل شارۋاشىلىعى، اۋىل - قىستاق ”14 - بەسجىلدىق“ دامۋ جوباسىن عىلمي جاساۋ كەرەك. پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جاپپاي باسشىلىعىن كۇشەيتۋگە كۇش سالىپ، 5 دارەجەلى شۋجيلەر اۋىل - قىستاقتى گۇلدەندىرۋگە جاۋاپتى بولۋ تالابىن تياناقتاندىرىپ، اۋىل - قىستاقتاردىڭ گۇلدەنۋىن باعالاۋ مەحانيزمىن اقاۋسىزداندىرىپ، اۋىل - قىستاقتاردىڭ گۇلدەنۋىن جاپپاي ىلگەرىلەتۋدى پارمەندى كەپىلمەن قامتاماسىز ەتۋ كەرەك.
ءماجىلىس مىنانى باسا دارىپتەدى: اۋىل - قىستاقتا ىندەتتەن ساقتانۋ - تىزگىندەۋ جۇمىسىن باستان - اياق بايسالدىلىقپەن اۋەلگىدەي مىقتى يگەرىپ، جيىلۋ سيپاتىنداعى قيمىلداردى زاڭ بويىنشا عىلمي، ءدال باسقارىپ، تىزگىندەپ، ىندەتتىڭ قايتا ورشۋىنەن باتىل ساقتانۋ كەرەك. ماڭىزدى اۋىل شارۋاشىلىعى ونىمدەرىمەن قامداۋعا كەپىلدىك ەتۋ قىزمەتىن جاقسى ىستەپ، قىستا ”كوجە قاتىقپەن“ پارمەندى قامتاماسىزداندىرۋعا شىنايى كەپىلدىك ەتۋ كەرەك. قىستا ەگىن، مال شارۋاشىلىق وندىرىسىنە تەحنيكالىق جاقتان قىزمەت وتەۋدى نىعايتىپ، ءوندىرىس حاۋىپسىزدىگى كىناراتتارىن ءبىر - بىرلەي تەكسەرۋدى كۇشەيتىپ، اۋىل شارۋاشىلىعى ءوندىرىسىنىڭ حاۋىپسىزدىگى مەن اۋىل - قىستاق قوعامدىق جالپى جاعدايىنىڭ ورنىقتىلىعىنا شىنايى كەپىلدىك ەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى.
