دامۋ - رەفورما قىزمەتىندە ۇزدىكسىز جاڭا جاعداي اشايىق
انار بۇلت/ شينجياڭ گازەتىنىڭ ءتىلشىسى شى شين 1 - ايدىڭ 9 - كۇنى ۇرىمجىدەن حابارلايدى. 1 - ايدىڭ 9 - كۇنى اۆتونوميالى رايوننىڭ دامۋ - رەفورما قىزمەتى ءماجىلىسى اشىلىپ، ”13 - بەسجىلدىق“ مەزگىلدەگى جانە 2020 - جىلعى دامۋ - رەفورما قىزمەتىن قورىتىندىلادى، قايىرىلا قارادى، ”14 - بەسجىلدىق“ مەزگىلدەگى جانە 2021 - جىلعى دامۋ - رەفورما مىندەتتەرىن ورنالاستىردى، جايعاستىردى.اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى ءارى ءسوز سويلەدى. اۆتونوميالى رايوننىڭ ورىنباسار ءتوراعاسى ليۋ سۋشى ءماجىلىستى باسقاردى.
ءماجىلىس مىنالاردى اتاپ كورسەتتى: ”13 - بەسجىلدىق“ مەزگىلىندە شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان ناتيجەلەرگە قول جەتكىزدى، اسىرەسە، 2020 - جىلى ءتۇرلى سىن - سايىستار الدىندا، تۇتاس رايوننىڭ دامۋ - رەفورما جۇيەسى ءتۇرلى قىزمەت مىندەتتەرىن ءبىرشاما جاقسى ورىنداپ، ەكونوميكانىڭ قالپىنا كەلۋى مەجەدەگىدەن جاقسى بولدى.
ءماجىلىس مىنالاردى باسا دارىپتەدى: بيىل − ”قوس 100 جىلدىق“ كۇرەس نىساناسىنىڭ توعىساتىن جانە جاڭالاناتىن جىلى، ”14 - بەسجىلدىقتىڭ“ باستالاتىن جىلى، پارتيامىز قۇرىلعاندىعىنىڭ 100 جىلدىعى، تۇتاس رايوننىڭ دامۋ - رەفورما قىزمەتىن ويداعىداي جاقسى ىستەۋدىڭ ءمانى زور، جاۋاپكەرشىلىگى اۋىر. جەر - جەر، تاراۋلار جانە دامۋ - رەفورما جۇيەسى يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، جاڭا دامۋ كەزەڭىن تياناق ەتىپ، جاڭا دامۋ ۇستانىمىنا تاباندى بولىپ، جاڭا دامۋ ارناسىمەن توعىسىپ، قارجى قوسۋدى كەڭەيتىپ تۇتىنۋدى جەبەۋ، وسى زامانعى نەگىزدىك قۇرىلعى تىرەكتىك جۇيەسىن قۇرۋ، ەرەكشە، باسىمدىققا يە كاسىپ سالاسىن جەتىلدىرۋ، زورايتۋ، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋ سياقتى ءتۇرلى قىزمەتتەردى بار كۇشپەن ويداعىداي ىستەپ، ”14 - بەسجىلدىقتىڭ“ باستاماسىن جاقسى اشۋعا، جاقسى قادام تاستاۋعا شىنايى كەپىلدىك ەتىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋ كەرەك.
ءماجىلىس مىنالاردى تالاپ ەتتى: تۇتاس رايوننىڭ دامۋ - رەفورما جۇيەسى ساياسي دەڭگەيدى جوعارىلاتىپ، قابىلەت دەڭگەيىن ءوسىرىپ، باتىل جاۋاپكەرشىلىك ارقالاپ، ىسكەرلىك كورسەتىپ، قىزمەت وتەۋ تانىمىن كۇشەيتىپ، دامۋ - رەفورما قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋى كەرەك.
