زەردەلى سوت، پروكۋراتۋرا جوعارى ءونىمدى، حالىققا قولايلى بولدى
”13 - بەسجىلدىق“ مەزگىلىندە، رايونىمىزداعى ءار دارەجەلى سوت مەكەمەلەرى، پروكۋراتۋرا مەكەمەلەرى ”ينتەرنەت + اكىمشىلىك قىزمەت وتەۋ“ قۇرىلىسىن ۇزدىكسىز ىلگەرىلەتتى، ءتۇرلى ونىمدىلىگى جوعارى، حالىققا قولايلى زەردەلى قولدانىلىمدار تولاسسىز جارىققا شىعىپ، حالىق بۇقاراسىنىڭ ءادىليالىق قىزمەت وتەۋگە بولعان جاڭا تىلەكتەرىن، جاڭا تالاپتارىن قاناعاتتاندىرىپ قانا قالماستان، حالىق ءۇشىن ءادىليا جۇرگىزۋدى، ءادىليانى ءادىل جۇرگىزۋدى پارمەندى عىلىم - تەحنيكالىق تىرەكپەن قامتاماسىز ەتتى.
عىلىم - تەحنيكا قۋات ۇستەپ، ونىمدىلىكتى جوعارىلاتتى
ساۋان اۋداندىق حالىق پروكۋراتۋرا مەكەمەسى 3 - پروكۋراتۋرا ءبولىمىنىڭ ورىنباسار مەڭگەرۋشىسى مىڭ شان تىنتۋىرمەن اقىرىن عانا تۇرتكەن ەدى، اۆتوكولىكتى قاتەرلى جۇرگىزۋ قىلمىسىنا ساياتىن ءبىر دەلونىڭ شاعىم قاعازى، سونداي - اق قاتىستى زاڭدىق حۇجاتتار مەن ەلەكتروندى دەلو توپتاماسى اۆتونوميالى رايوندىق ساياسي - زاڭ ورگاندارىنىڭ تاراۋ اتتاعان ۇلكەن ساندى مالىمەت دەلو ءبىتىرۋ تۇعىرى ارقىلى ساۋان اۋداندىق حالىق سوتى مەكەمەسىنە جولداندى. تەز ارادا، سوت مەكەمەسىنىڭ قىزمەتكەرلەرى تۇعىر ارقىلى بۇل دەلونى ءساتتى قابىلداپ الدى.
2016 - جىلدان باستاپ اۆتونوميالى رايوندىق جوعارى حالىق سوتى مەكەمەسى بۇكىل رايونداعى سوت مەكەمەلەرىندە ءتورت دارەجەلى ارناۋلى تورمەن قامتۋدى جۇزەگە اسىردى، جوعارى حالىق سوتى مەكەمەسىنەن وكىلەتتى حالىق سوتىنا دەيىن جالپى بارىستىق كاسىپتىك جۇمىس جۇرگىزۋدى، دەلو ءبىتىرۋدى جۇزەگە اسىردى. ەلەكتروندى پروكۋراتۋرا ىستەرى قۇرىلىسى ارقىلى بۇكىل شينجياڭداعى پروكۋراتۋرا ورگاندارى اۆتونوميالى رايوننىڭ اكىمشىلىك زاڭ اتقارۋدىڭ قىلمىستىق ىستەر ادىلياسىمەن ينفورماتسيانى ۇشتاستىرۋ، بىرگە يگىلىكتەنۋ تۇعىرىن قۇرىپ، ءارقايسى مۇشە ورىندار اراسىندا ساندى مالىمەتتەردى اۋىستىرۋ ارناسىن اشتى.
”13 - بەسجىلدىق“ مەزگىلىندە رايونىمىز ساياسي - زاڭ ورگاندارىنىڭ تاراۋ اتتاعان ساندى مالىمەت دەلو ءبىتىرۋ تۇعىرىن قۇرىپ، تاراۋلار اراسىنداعى «ينفورماتسيا وقشاۋ ارالىن» تالقانداپ، بارلاۋ، قولعا الۋدى بەكىتۋ، شاعىم ايتۋ، سوتتاۋ سياقتى جالپى ءادىليا بۋىنىنىڭ تۇتاسۋىن جۇزەگە اسىردى، قوعام حاۋىپسىزدىگى، پروكۋراتۋرا، سوت، ءادىليا قاتارلى ورىندار اراسىنداعى ەلەكتروندى دەلو توپتاماسى، زاڭدىق حۇجاتتار دەر كەزىندە، تەز جەتكىزىلىپ، جالپى بارىس ينتەرنەتتە اينالىم قالىپتاستىرىپ، دەلولاردى قايتا باستان تۇرعىزۋ، قايتا باستان سكانەرلەۋ، ەلەكتروندى توپتاما جاساۋ سياقتى جاعدايلاردىڭ الدى الىنىپ، دەلو ءبىتىرۋ ونىمدىلىگى مەن دەلو ءبىتىرۋ ساپاسى زور دارەجەدە جوعارىلادى.
ۇلاستىرۋ، تۇتاستىرۋ بۇقاراعا قولايلىلىق اكەلدى
جاقىندا قاشقار ايماقتىق ورتا حالىق سوتى مەكەمەسى ”ينتەرنەت بۇلت تەرگەۋ“ جۇيەسىن قولدانىپ، قاشقارداعى ءمالىم سەرىكتەستىك پەن ءمالىم توپ شەكتى سەرىكتەستىگىنىڭ قۇرىلىس ينجەنەرياسىن جۇرگىزۋ توقتامى جونىندەگى داۋ - شارىن ينتەرنەت جەلىسىندە سوت اشىپ قارادى. ەكى جاقتىڭ ماقۇلدىعىن العان سوڭ، سوتتى ۇستىنە الۋشى سۋديا ەكى جاقتى دەر كەزىندە ينتەرنەت جەلىسىندە جاراستىردى، ءمالىم توپ سەرىكتەستىگى جاۋاپكەرشىلىگىن ۇستىندە وتەدى.
بۇقاراعا ءۇيىنىڭ ىرگەسىندەگى پروكۋراتۋرا مەكەمەسىن تۇلعالاۋ ءۇشىن بىلتىر جىل سوڭىندا اۆتونوميالى رايوندىق حالىق پروكۋراتۋرا مەكەمەسىنىڭ اقسۋ بولىمشە پروكۋراتۋرا مەكەمەسى ”e پروكۋراتۋرا اقسۋ“ ءبىر بەكەتتىك الاقانداعى قىزمەت وتەۋ تۇعىرىن وزدەرى زەرتتەپ اشتى، تۇعىردا ادۆوكاتتاردىڭ دەلو ماتەريالىن قاراۋى، دەلولاردى تەكسەرۋ، 12309 قىزمەت وتەۋ ىستىق لەنياسى سياقتى 10 ءتۇرلى يقۋات قامتىلعان، تالاي جىلدان بەرگى ادۆوكاتتاردىڭ دەلو ماتەريالدارىن قاراۋ قيىنعا سوعۋ، بۇقاراعا قىزمەت وتەۋدەگى ”شاپقىلاۋ كوپ، ونىمدىلىگى تومەن بولۋ“ سياقتى ماسەلەلەردى شەشتى. ىسكە قوسىلعاننان بەرى بۇل تۇعىر 8500 رەتتەن استام تارتىپتىك ينفورماتسيا تەكسەرۋ - سۇراۋ سالۋ قابىلدادى.
بۇقارانى از شاپقىلاتۋ ءۇشىن ”13 - بەسجىلدىق“ مەزگىلىندە شينجياڭنىڭ سوت، پروكۋراتۋرا جۇيەسى عىلىم - تەحنيكالىق تاسىلدەردەن تولىق پايدالانىپ، سوت، پروكۋراتۋرا قىزمەتى مەن عىلىم - تەحنيكا اراسىندا ”اقىل - پاراسات جالىنىن“ لاۋلاتتى. اۆتونوميالى رايوندىق جوعارى حالىق سوتى مەكەمەسىنىڭ ”بۇلت تەرگەۋ“ جۇيەسى تەرگەۋ، جاراستىرۋ، سونداي - اق اتقارۋدى ينتەرنەت جەلىسىنە شىعاردى. ءۇرىمجى قالاسى، بۇراتالا موڭعۇل اۆتونوميالى وبلىسى سياقتى جەرلەردىڭ ورتا حالىق سوتى مەكەمەلەرى ىلگەرىندى - كەيىندى ينتەرنەت جەلىسىندە تەرگەۋ جۇرگىزۋ ولشەمىن شىعاردى؛ اۆتونوميالى رايوندىق حالىق پروكۋراتۋرا مەكەمەسى اقسۋ بولىمشە پروكۋراتۋرا مەكەمەسىنىڭ دەربەس زەرتتەپ اشقان ”پروكۋراتۋرا جۇمىستارى ارناسى“ الاقانداعى قىزمەت ىستەۋ تۇعىرى قىزمەت وتەۋ بارىسىن ساپالىلاندىردى... عىلىم - تەحنيكالىق سوتىنىڭ كەڭىنەن قولدانىسقا تۇسۋىنەن زەردەلى پروكۋراتۋرا جۇيەسىنىڭ تولىق قامتىمىنا دەيىن حالىق بۇقاراسى ءتىپتى دە قولايلى، تەز، ساپالى ءادىليالىق قىزمەت وتەۋگە يە بولىپ، قوعامنىڭ ءادىلياعا دەگەن كوپ نەگىزگى قاجەتى قاناعاتتاندى.
ينفورماتسيا قۇرىلىسى رەفورمانى جەبەدى
”13 - بەسجىلدىق“ مەزگىلىندە اۆتونوميالى رايوندىق جوعارى حالىق سوتى مەكەمەسى حالىق سوتى مەكەمەسىنىڭ جاراستىرۋ تۇعىرى، جىلجىمالى ميكرو سوتى سياقتىلارعا سۇيەنىپ، داۋگەردىڭ ينتەرنەت جەلىسىندە دەلو اشۋ، شاعىم ايتۋ، جاراستىرۋ قىزمەتتەرىنە جەتەكشىلىك ەتتى. 2016 - جىلى 3 - دارەجەلى سوت مەكەمەلەرىنىڭ 12368 قوس ءتىلدى شاعىم ايتۋعا قىزمەت وتەۋ ىستىق لەنياسى جالپى بەتتىك پايدالانۋعا بەرىلىپ، دەلونىڭ ءتۇيىندى كەلتە حاتىنىڭ ناقتى ۋاقىتتا جەتكىزىلۋىن جۇزەگە اسىردى. 5 جىلدا تۇتاس رايونىمىزداعى ەلەكتروندى ارحيۆتى ينتەرنەتتە كەزكەلگەن ۋاقىتتا وقي الۋدى جۇزەگە اسىردى، ساندى مالىمەتتىڭ تولىمدىلىعى، قامتىمدىلىعى جەكە - جەكە ％99.54 جانە ％98.41كە جەتتى.
5 جىلدا تۇتاس شينجياڭداعى پروكۋراتۋرا ورگاندارى ءتۇيىندى تۇردە تۇتاس شينجياڭدا ەلەكتروندى پروكۋراتۋرا ىستەرى ارناۋلى ينجەنەرياسىن تياناقتاندىرىپ، تۇتاس شينجياڭ ەلەكتروندى دەلو توپتاما جۇيەسى تۇعىرى، تۇتاس شينجياڭ زەردەلى كومەكشى دەلۋ ءبىتىرۋ جۇيەسى، تۇتاس شينجياڭ پروكۋراتۋرا كوميتەتتەرى قولدانىلمالى جۇيەسى سياقتى 29 تۇعىر مەن نىساندى قۇردى.
رەفورما جاساۋ، جاڭالىق اشۋدىڭ استارىندا حالىق ءۇشىن ءادىليا جۇرگىزۋ، ءادىليا حالىققا قولايلى بولۋ ۇستانىمىنىڭ امالياتتا ايگىلەنۋى جاتىر. بۇل كۇندەرى شينجياڭنىڭ سوت، پروكۋراتۋرا جۇيەسىنىڭ ءتۇرلى ينفورماتسيا قۇرىلىستارى ءتىپتى دە بيىك ورەگە، ءتىپتى دە تەرەڭ قاباتقا قاراي ارشىندى قادام تاستاۋدا.
