رايونىمىز ەمدەۋ قامسىزداندىرۋ قىزمەت وتەۋىن جاقسارتتى، ساپالىلاندىردى
زەردەلىلەندىرىپ باسقارۋدى قارتتارعا ءتىپتى دە ۇيلەستىردى
جۋىقتا اۆتونوميالى رايوننىڭ ەمدەۋ قامسىزداندىرۋ مەكەمەسى «ەمدەۋ قامتاماسىزدىعىن باسقارۋ، قىزمەت وتەۋ قىزمەتىن جاقسارتىپ، قارتتاردىڭ زەردەلى تەحنيكانى قولدانۋ قيىنشىلىعىن شىن مانىندە شەشۋ جونىندەگى حابارلاندىرۋىن» تاراتىپ، ءارقايسى ءبىر تۇتاس جوسپارعا الىنعان وڭىردەگى ەمدەۋ قامسىزداندىرۋ تاراۋلارىنان ءداستۇرلى قىزمەت وتەۋ مەن زەردەلى جاڭالىق اشۋدى ءوزارا ۇشتاستىرىپ، قارتتار سياقتى قاۋىمنىڭ زەردەلى تەحنيكانى قولدانۋ جاعىنداعى كورنەكتى قيىنشىلىقتارىن شىن مانىندە شەشىپ، اناعۇرلىم كەمەلدى، اناعۇرلىم ەتەنە، اناعۇرلىم تىكە، قولايلى قىزمەت وتەۋمەن قامداۋدى تالاپ ەتتى.
«حابارلاندىرۋدا» مىنالار تالاپ ەتىلدى: ءارقايسى ءبىر تۇتاس جوسپارعا الىنعان وڭىرلەردەگى ەمدەۋ قامسىزداندىرۋ تاراۋلارى حالىقتى بارىنەن جوعارى قويۋعا تاباندى بولىپ، بۇقارانى كوكەيلەرىندە ساقتاپ، بۇقارامەن ەتەنە بولىپ، زەردەلىلەندىرىپ باسقارۋدى قارتتارعا ۇيلەستىرىپ، ءداستۇرلى قىزمەت وتەۋ ءتاسىلىن ۇزدىكسىز جاقسارتىپ، ەمدەۋ قامتاماسىزدىعى قىزمەت وتەۋىندە ورىن تەۋىپ وتىرعان قامسىزداندىرۋ اقىسىن تاپسىرۋ قولايسىز بولۋ، ءداستۇرلى قىزمەت وتەۋ ءتاسىلى ىركىلىسسز بولماۋ، قارتتار سياقتى قاۋىمعا ينتەرنەت جەلىسىندە قىزمەت وتەۋدىڭ ۇيلەسپەۋى، ەسەپتەن كوتەرۋدى قولما - قول ىستەۋدىڭ قولايسىز بولۋى، قىزمەت وتەۋ قۋاتىن جوعارىلاتۋ كەرەكتىگى سياقتى ماسەلەلەردى كۇش سالا شەشىپ، ەمدەۋدى قامسىزداندىرۋعا قىزمەت وتەۋدى جاقسارتۋدىڭ، دەڭگەيىن ءوسىرۋدىڭ باياندى مەحانيزمىن قالىپتاستىرۋ كەرەك.
تالاپ بويىنشا، ءارقايسى ەمدەۋ قامسىزداندىرۋ تاراۋلارى قىزمەت وتەۋ ءتاسىلىن ساپالىلاندىرۋدا، ءتۇرلى اكىمشىلىك ىستەردەن قىزمەت وتەۋ جۇمىستارىن ءبىتىرۋ جاعدايىندا، قارتتار سياقتى قاۋىم جونىنەن ۇعىنىقتى ءداستۇرلى قىزمەت وتەۋ تاسىلىنەن ءبىر ءتۇرىن ساقتاپ قالۋى كەرەك، ينتەرنەت جەلىسىندە بىتىرۋگە بولاتىندى سىلتاۋراتىپ، تەرەزەلىك قابىلداۋدان باس تارتۋعا بولمايدى؛ ەمدەۋ قامسىزداندىرۋىن بىتىرەتىن زالدى جانە تەرەزەنى باسقارۋدى كۇشەيتىپ، قىزمەت وتەۋ تۇيىندەرىن لايىقتى ورنالاستىرىپ، جەتەكشىلىك ەتەتىن قىزمەتكەر سەپتەپ، كەڭەس بەرۋ، جول نۇسقاۋ سياقتى قىزمەت وتەۋمەن جانە كومەكتەسۋمەن قامداپ، ينتەرنەت قولدانا بىلمەيتىن، زەردەلى قول تەلەفون ىستەتە المايتىن قارتتار جانە ءجۇرىپ - تۇرۋى قولايسىز ادامدار، جۇكتى ايەلدەر سياقتى قوعام مۇشەلەرىنىڭ ەرەكشە قاجەتىن تولىق ويلاستىرىپ، ىركىلىسسىز قۇرىلعىلاردى كەمەلدەندىرىپ، ەرەكشە قاۋىمعا قىزمەت وتەۋ قاجەتىن قاناعاتتاندىرۋ كەرەك؛ ءداستۇرلى قىزمەت وتەۋ ءتاسىلىن ساپالىلاندىرىپ، ”ءبىر بەكەتتىك“ قىزمەت وتەۋدى، ”كومەكتەسىپ ءبىتىرۋ، ۋاكىلاتان ءبىتىرۋ“ قىزمەت وتەۋىن جالپىلاستىرىپ، قارتتار سياقتى قاۋىمعا ىركىلىسسىز ارنا اشىپ، الدىمەن جۇمىسىن ءبىتىرىپ بەرىپ، كۇنى بۇرىن ۋادەلەسۋ قىزمەت وتەۋىمەن، توتەنشە جاعدايدا قىزمەت وتەۋمەن قامداۋ كەرەك؛ قامسىزداندىرۋعا قاتىناسقان قارتتار ەمدەلۋ قىزمەت وتەۋ جۇمىستارىن بىتىرگەن كەزدە، ەمدەلۋ ادەتىنە نەگىزدەلىپ، ەمدەۋ قامسىزداندىرۋى ەلەكتروندى كۋالىگىن نەمەسە قوعامدىق قامسىزداندىرۋ كارتچكاسىن ىستەتۋدى ءوزى تاڭداۋىنا بولادى.
بۇدان سىرت، ءارقايسى ەمدەۋ قامسىزداندىرۋ تاراۋلارى وتباسىنداعىلاردىڭ، تۋىس - تۋعان، دوس - جاراندارىنىڭ قارتتارعا ۋاكىلاتان جۇمىس ءبىتىرۋ ارناسىن ىركىلىسسىزدەندىرىپ، مەملەكەتتىك ەمدەۋ قامسىزداندىرۋىنا قىزمەت وتەۋ تۇعىرىنىڭ APP ينتەرنەت جەلىسىنە شىعارىلعان ەلەكتروندى كۋالىكتىڭ جاقىندار ەسەپ ءتۇرى فۋنكتسياسىن جالپىلاستىرۋ، قولدانۋ كەرەك، قارتتاردىڭ قاتىستى جۇمىستارىن تۋىستارى ۋاكىلاتان بىتىرۋىنە بولادى.
