اڭگىمەلەۋشى: قاراقاش اۋدانى لانحاي كەپتەر شارۋاشىلىعىن دامىتۋ شەكتى سەرىكتەستىگىنىڭ تەحنيكالىق باس باقىلاۋشىسى ليۋ جياجيا
كاسىپ سالاسى ارقىلى كەدەيلەردى سۇيەمەلدەۋ نىسانىنا سۇيەنىپ، 2017 - جىلى قىزمەتتەستەرىممەن بىرگە ۇرىمجىدەن قاراقاش اۋدانىنا كەلىپ، وسى ارادان ەتتى كەپتەر ءوسىرۋ بازاسىن قۇردىق. بازانىڭ جەتەكشىلىگىندە 3 جىلدا 1700 نەشە ادام ورنىقتى جۇمىستاندى. ءبىزدى ماقتانىشقا بولەيتىنى مىناۋ: كۋرسقا قاتىناسۋ ارقىلى كوپتەگەن اۋىلداستار وسى زامانعى باعىمشىلىق تەحنيكاسىن يگەرىپ، ءبىر ونەردىڭ قىرىن ۇيرەنىپ الدى. كەزىندەگى قۇبا دالا قازىر جىلىنا 50 مىڭ جۇپ اسىل تۇقىمدى كەپتەر ءوسىرۋ، 80 مىڭ بالاپان كەپتەردى قولدان شىعارۋ قۋاتىنا يە بولدى. ”14 - بەسجىلدىق“ جوبا «ۇسىنىسىندا» بىلاي دەپ العا قويىلعان: كەدەيلىكتەن ارىلتۋدان قامال الۋ جەتىستىگىن بەكەمدەۋدى جانە ونى كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ كەرەك. اۋىل - قىستاقتى گۇلدەندىرۋدىڭ تامىرى ىشتەن تۋىندايتىن قوزعاۋشى كۇشتە. الداعى 5 جىلدا قىزمەتتەستەرىممەن بىرگە باعىمشىلىق بازاسى كولەمىن ۇزدىكسىز كەڭەيتىپ، جىلىنا 100 مىڭ بالاپان كەپتەردى قولدان شىعارۋعا كۇش سالامىن؛ تەحنيكالىق جاقتان باۋلۋدى مىقتى يگەرىپ، كاسىپ سالاسى تابىس ۇلەسىن جۇزەگە اسىرىپ، جەرگىلىكتى ورىننان كەم دەگەندە تاعى دا 2000 ادامنىڭ كىرىسىن ارتتىرىپ بايۋىنا جەتەكشىلىك ەتىپ، كوپشىلىكتىڭ تۇرمىسىنىڭ بارعان سايىن جاقسارۋىنا مۇمكىندىك جاسايمىن. ءوز باسىم قاراقاش اۋدانىنا تامىر تارتىپ، اۋىلداستارمەن بىرگە وسى نىسانانى جۇزەگە اسىرۋ جولىندا قۇلشىنا كۇرەس جۇرگىزەمىن.
