جونگە سالۋ قابىلەتى ءونىمدى تۇردە جوعارىلادى

　　قول تەلەفون ارقىلى تەكسەرىلمەيتىن اۆتوموبيلدەردىڭ تەكسەرۋ بەلگىسىن الۋعا ءوتىنىش بەرە الادى، وزدىگىنەن قابىلداۋ تەرمينال اپپاراتىندا بىرنەشە مينۋتتىڭ ىشىندە ازاماتتىق كۋالىكتى تولىقتاپ بىتىرە الادى، كورشىلەر ارا داۋ - شاردى الەۋمەتتىك اۋماقتىڭ وزىندە جاراستىرۋعا بولادى...

　　”13 - بەسجىلدىق“ كەزىندە بۇكىل رايون زاڭمەن جونگە سالۋ قۇرىلىسىن ىشكەرىلەي ورىستەتىپ، مەملەكەتتى زاڭمەن جونگە سالۋدى، شينجياڭدى زاڭمەن جونگە سالۋدى تەرەڭدەتۋدىڭ امالياتى ارقىلى زاڭمەن جونگە سالۋ قۇرىلىسىنىڭ ناتيجەلەرىن تەكسەرىپ، شارالاردى جاڭالاپ، عىلىم - تەحنيكالىق كۇش ۇستەدى، نەگىزگى ساتىنىڭ رولىن كۇش سالا ساۋلەلەندىرىپ، قوعامدى جونگە سالۋ قابىلەتى مەن جونگە سالۋ دەڭگەيىن ءونىمدى تۇردە جوعارىلاتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.

قوعام حاۋىپسىزدىگى سالاسىنداعى ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتتى

　　”قازىر قاتىناس شىرعالاڭىن ءبىر جاقتى ەتكەندە بىرنەشە فوتو سۋرەت ءتۇسىرىپ، قول تەلەفون كنۋپكالارىن بىرنەشە رەت تۇرتسەك بولعانى بىتىرۋگە بولادى“. 11 - ايدىڭ 30 - كۇنى قار جاۋىپ جول تايعاق بولۋ سەبەبىنەن جەڭىل قاتىناس شىرعالاڭىنا ۇشىراعان ءۇرىمجى قالاسىنىڭ تۇرعىنى فان جىگاڭ ”قاتىناس باسقارۋ 12123“ نىڭ جەڭىل قاتىناس شىرعالاڭدارىن تەز ءبىر جاقتى ەتۋ بويىنشا قىزمەت وتەۋ يقۋاتى ارقىلى قاتىستى ىستەردى ءبىتىرىپ، ”الاقانداعى قىزمەت وتەۋدىڭ“ قولايلىلىعىن، ونىمدىلىگىن سەزىندى.

　　سوڭعى جىلدارى ەكونوميكانىڭ، قوعامنىڭ شاپشاڭ دامۋىنا بايلانىستى شينجياڭدا ادام، اۆتوكولىك، جول سياقتى قاتىناس فاكتورلارى جوعارى دەڭگەيدە ارتتى، 2020 - جىلى 10 - ايعا دەيىن بۇكىل رايوندا بار موتورلى كولىك سانى 5 ميلليون 370 مىڭعا جەتتى، مۇنىڭ ىشىندە اۆتوموبيل سانى 4 ميلليون 730 مىڭعا، جۇرگىزۋشىلەر سانى 6 ميلليون 970 مىڭعا جەتتى، حالىق بۇقاراسىنىڭ قاتىناس باسقارۋ قىزمەتىنە تالابى ۇزدىكسىز جوعارىلادى. قاتىناس باسقارۋ جاڭا شارالارى اتقارىلعان سوڭ، تەك ءۇرىمجىنىڭ وزىندە 775 مىڭ جەكە كولىك 6 جىل تەكسەرىلمەۋ ساياساتىنان يگىلىكتەنەتىن بولدى، 887 مىڭ موتورلى كولىك 10 جىل ىشىندە 2 رەت قانا تەكسەرۋ تەكشەسىنە شىعارىلۋداي قولايلىلىقتان يگىلىكتەندى.

　　”13 - بەسجىلدىق“ كەزىندە رايونىمىزدىڭ قوعام حاۋىپسىزدىگى قاتىناس باسقارۋ تاراۋى اۆتوكولىكتەردى تەكسەرۋ، شوفەرلىك ەمتيحانىن بەرۋ، ءنومىر تاقتاسىن باسقارۋ سياقتى رەفورمالاردى جولعا قويۋ نەگىزىندە 5 توپتا 54 ءتۇرلى ”تومەنگە بەرۋ، باسقارۋ، قىزمەت وتەۋ“ رەفورماسى شاراسىن العا قويىپ، ”قاتىناس باسقارۋ 12123“ APP جۇيەسىنەن پايدالانىپ، بۇقاراعا جۇمىستاردى ۇيدەن شىقپاي - اق ءبىتىرۋ قىزمەت وتەۋىن ۇسىندى، قوعام حاۋىپسىزدىگى قاتىناس باسقارۋ بويىنشا قىزمەت وتەۋ تەرەزەسى ”ءبىر تەرەزەدە ءبىر تۇتاس ءبىتىرۋدى“، ”ءبىر كۋالىكپەن ءبىتىرۋدى“ تياناقتاندىرىپ، ”ءبىر رەت كەزەكتە تۇرۋدى، ءبىر رەت قابىلداۋدى، ءبىر رەتتە ءبىتىرۋدى“ جۇزەگە اسىردى.

　　سونىمەن بىرگە، رايونىمىزداعى ءار دارەجەلى قوعام حاۋىپسىزدىگى ورگاندارى ”ينتەرنەت + قوعام حاۋىپسىزدىگى اكىمشىلىك ىستەر قىزمەت وتەۋى“ قۇرىلىسىن بەلسەنە ىلگەرىلەتىپ، ”ينتەرنەت + نوپوس تاۋەلدىلىگى كاسىبى“ باسقارۋ ۇلگىسىنە جاڭالىق ەنگىزدى. قازىرگە دەيىن بۇكىل رايوننىڭ قوعام حاۋىپسىزدىگى ورگاندارىنىڭ باسقارۋ سالاسىنداعى 124 ءتۇرلى ”ەڭ كوپ بولعاندا ءبىر رەت بارۋ“ حالىققا قولايلىلىق جاساۋ شاراسى جانە 21 ءتۇرلى نوپوس تاۋەلدىلىگى كاسىبى، 42 ءتۇرلى قاتىناس باسقارۋ قىزمەت وتەۋى، 8 ءتۇرلى شەكارادان كىرۋ - شىعۋ حالىققا قولايلىلىق جاساۋ شاراسى تۇگەل تياناقتانىپ ونىمدىلىك كورسەتتى.

قايشىلىقتار مەن داۋ - شارلار نەگىزگى ساتىدا شەشىلدى

　　11 - ايدىڭ 20 - كۇنى تاڭەرتەڭ كۇشار قالالىق حالىق سوت مەكەمەسىنىڭ قانىقاتام سوتحاناسىنىڭ جاراستىرۋ ۇيىندە، سوتحانانىڭ باستىعى احىمەت يمىت جايشىلىقتاعىداي بۇقارانىڭ قايشىلىق، داۋ - شارلارىن شەشىپ بەرىپ جاتتى. جاراستىرۋ ارقىلى جاۋاپكەر مەرزىمگە ءبولىپ تولەۋ تاسىلىمەن اقشانى 5 جىلدا قايتارىپ بولۋعا قوسىلدى ءارى كەلىسىمگە قول قويدى. 2014 - جىلدان قازىرگە دەيىن وسى ارا 3500دەن استام دەلونى جاراستىرىپ، قاراپ ءبىر جايلى ەتىپ، اتقارىپ، بۇقارانىڭ مويىنداۋىنا يە بولدى.

　　5 جىلدان بەرى شينجياڭداعى ءار دارەجەلى حالىق سوتى مەكەمەسى جاڭا داۋىردەگى ”فىڭچياۋ تاجىريبەسىن“ بەلسەندىلىكپەن امالياتتا ايگىلەپ، جاراستىرۋ قىزمەتىنىڭ سەرپىنىن كۇشەيتۋ ارقىلى قايشىلىقتى ارىز - شاعىمنىڭ الدىندا شەشىپ، قوعامدى جونگە سالۋ قىزمەتىنە شىن مانىندە ءونىمدى تۇردە قاتىناسىپ جانە ىلگەرىلەتىپ، داۋ - شاردى كوپ نەگىزدى شەشۋ مەحانيزمى مەن قوعامدىق جونگە سالۋدىڭ ورگانيكالى توعىسۋىن ىلگەرىلەتتى. ءتۇرلى جاراستىرۋ ۇيلەرىنەن سۋديالار جۇمىس بولمەسىنە دەيىن ”بۇلتتاعى“ سوت جۇيەسىنەن اۋىل - قىستاقتاعى كوشپەلى سوتحاناعا دەيىن... ءار دارەجەلى حالىق سوتى مەكەمەلەرى ءادىليالىق قىزمەت وتەۋدىڭ ”ەڭ سوڭعى ءبىر كيلومەترىن“ ىركىلىسسىزدەندىرىپ، سوتحانانى بۇقارانىڭ ءۇيىنىڭ ىرگەسىندە اشتى، ءادىليالىق قىزمەت وتەۋ دە قوعامدىق جونگە سالۋ قىزمەتىنە قاتىناستى.

　　”13 - بەسجىلدىق“ مەزگىلىندە بۇكىل رايونداعى سوت مەكەمەلەرى شينجياڭنىڭ ءىس جۇزىندىگىنە ۇيلەسەتىن ءبىر بەكەت ۇلگىسىندەگى، كوپ نەگىزدى داۋ - شار شەشۋ جانە ارىز - شاعىمعا قىزمەت وتەۋ جۇيەسىن بەلسەندىلىكپەن ورناتىپ، بۇقارانىڭ مۇددەسىن بەينەلەۋ، سايكەستىرۋ مەحانيزمىن اناعۇرلىم اقاۋسىزداندىرىپ، ءتۇرلى جاراستىرۋ ۇيىمدارى شارىقتاي دامىپ، جاراستىرۋ، تورەلىك ايتۋ، اكىمشىلىك كەسىم جاساۋ، اكىمشىلىك قايتا قاراۋ، ارىز - شاعىم سياقتىلاردى ورگانيكالى ۇشتاستىرىپ، ءوزارا سايكەسىمدى كوپ نەگىزدەنگەن داۋ - شار شەشۋ مەحانيزمىن اناعۇرلىم كەمەلدەندىردى. 2018 - جىلدان قازىرگە دەيىن رايونىمىزداعى ءار دارەجەلى سوت مەكەمەلەرى 106 ”فىڭچياۋ ۇلگىسىندەگى“ سوتحانا، 1486 سۋديالار قىزمەت پۋنكتىن نەمەسە حالىققا قولايلى قىزمەت وتەۋ پۋنكتىن، 56 كوشپەلى سوتحانا قۇرىپ، ”سوتحانا، پۋنكت، ءتۇيىن، قىزمەتكەر“ سىندى ءتورت ءبىر تۇلعالاندىرىلعان قوعامدىق جونگە سالۋ تۇعىرىن قالىپتاستىردى.

بىرگە قۇرۋ، بىرگە جونگە سالۋ، بىرگە يگىلىكتەنۋدى ىلگەرىلەتتى

　　11 - ايدىڭ 2 - كۇنى اقسۋ قالاسى شينچىڭ ءمالىسى كاڭجۇي الەۋمەتتىك اۋماعى ۋىنشين شاعىن اۋماعىندا بىرنەشە توپىراق قازۋ ماشيناسى ءبىر ۋاقىتتا جۇمىس ىستەپ، لاس سۋ قۇبىرىن جوندەدى. بۇل شاعىن اۋماقتىڭ لاس سۋ قۇبىرىنان ۇنەمى ماسەلە شىققاندىقتان، بيىل تۇرعىندار ”ۇلكەن قوجالىق كوميتەتى“ ۋيشين توبىندا بۇل ءىستى اڭىس ەتكەننەن كەيىن كوپ ۇزاماي جاۋاپ الدى.

　　بيىل جىل باسىندا اقسۋ قالاسى حالىقتىڭ تىلەگىنە قۇرمەت ەتۋ، حالىققا قولايلىلىق جاساۋ، حالىققا تيىمدىلىك جەتكىزۋ پرينسيبىنە تاباندى بولىپ، بۇكىل قالاداعى ءوزارا كورشىلەس 104 ”كونە، ەسكى، شاعىن“ الەۋمەتتىك اۋماقتاردى 39 ”تۇتاسقان“ قوجالىق شاعىن اۋماعى ەتىپ بىرىكتىرىپ، 42 ”ۇلكەن قوجالىق كوميتەتىن“ ۇيىمداستىرىپ قۇرىپ، ”الەۋمەتتىك اۋماق جەتەكشى، ۇلكەن قوجالىق كوميتەت ۇستىنە العان، تۇرعىندار ات سالىساتىن“ قوعامدىق جونگە سالۋ ارناسىن قالىپتاستىردى.

　　بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن قالىپتاستىرۋدى ىلگەرىلەتۋ ءۇشىن، شينجياڭنىڭ جەر - جەرى قىزمەت ۇلگىسىندە جابال جاڭالىق اشتى. قارامايلى قالاسى تۇتاس قالانىڭ ءمالى باسقارمالارىنداعى اۋەلگى 13 ىشكى قۇرىلىمدى ”ەكى كەڭسە، ءتورت ورتالىق“ ەتىپ ىقشامدادى؛ سانجى قالاسى ”ۇلكەن قىزمەت كوميتەتى“ قىزمەت مەحانيزمىن ورناتىپ، پارتيا قۇرىلىسى ارقىلى جەتەكشىلىك ەتىپ، بىرىككەن كۇش قالىپتاستىرىپ، نەگىزگى ساتىعا ”ۇقىق بەرىپ، قۋات ۇستەدى“؛ بۋىرشىن اۋداندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى قىستاق دارەجەلى ”ەكى مۇشەنىڭ“ (قىستاق ءتارتىپ تەكسەرۋ كوميتەتىنىڭ مۇشەسى، قىستاق باقىلاۋ - تەكسەرۋ حابارشىسى) رولىن تولىق ساۋلەلەندىرىپ، ”شاعىن باقىلاۋ“ ارقىلى ”زور ىسكەرلىكتى“ جەبەپ، نەگىزگى ساتىنىڭ جونگە سالۋ قابىلەتىن ۇزدىكسىز جوعارىلاتتى.

　　بايلىق تومەنگە ءتۇسىپ، شەپ كۇشەيدى. ”13 - بەسجىلدىق“ مەزگىلىندە شينجياڭنىڭ ءار دارەجەلى تاراۋلارى سايكەسە سەلبەسىپ، الەۋمەتتىك اۋماق جونگە سالۋ جۇيەسى قۇرىلىسىن كۇشەيتىپ، قوعامدىق جونگە سالۋدىڭ ءتۇيىنىن نەگىزگى ساتىعا ويىستىرۋدى ىلگەرىلەتىپ، قوعامدىق ۇيىمداردىڭ، بۇقارالىق ۇيىمداردىڭ رولىن ساۋلەلەندىرىپ، ۇكىمەتتىك جونگە سالۋ مەن قوعامدىق رەتتەۋدىڭ، تۇرعىنداردىڭ ءوزىن باسقارۋىنىڭ ءتيىمدى ىقپالداستىعىن جۇزەگە اسىرىپ، نەگىزگى ساتىداعى قوعامدىق جونگە سالۋدىڭ ”جۇيكە ۇشىن“ ۇلاستىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىنىڭ قالىپتاسۋىن ۇزدىكسىز ىلگەرىلەتتى.