اقسۋ قالاسى نانچىڭ كوشەسى تومەنگى بازارباق الەۋمەتتىك اۋماعىنا بارساڭىز، ەرىكتىلەردىڭ ەرشىمدى قيمىلىنا ەرىكسىز ءتانتى بولاسىز.
”كۇتە تۇرىڭىز، شاشىمدى جوندەپ الايىن، ەرىكتى قىزمەت وتەۋدە ’كەلىستى بولۋعا‘ءمان بەرۋ كەرەك، سيلىق العاندا تۇسكەن سۋرەتكە دە ات ءۇستى قاراۋعا بولمايدى“. 12 - ايدىڭ 1 - كۇنى الەۋمەتتىك اۋماق كادرلارى ”ەڭ ارداقتى قامقورشى ەرىكتىلەردى“ سۋرەتكە ءتۇسىرىپ ەستەلىك قالدىردى، بيىل 2 - رەت سيلىق العان زىڭ چۋانيوۋ شاشىن تاراپ، ەرىكتىلەر جەڭدىگىن تۇزەپ، كۇلىمسىرەگەن بەينەسىن ەستەلىككە قالدىردى.
جىل باسىندا الەۋمەتتىك اۋماق ەرىكتى قىزمەت وتەۋ اترەتىن ۇيىمداستىرىپ قۇرعاندا ول ەڭ الدىمەن تىزىمدەلدى. اۆتوكولىك جۇرگىزۋ تەحنيكاسىنا ىسىلعان ول قولى بوساي قالسا بولعانى، جۇكتى ايەلدەردى جۇكتىلىك تەكسەرۋىنە اپارىپ اكەلۋ، سۋ، ەلەكتر ساتىپ اكەلىپ بەرۋ، قارتتارعا قان قىسىمىن ولشەۋ اسپابىن ساتىپ اپەرۋ، ناۋقاستاردى شيپاحاناعا جەتكىزۋ، شۇعىل جولدامالاردى الۋ سياقتى جۇمىستاردى ىستەيدى...
وسى الەۋمەتتىك اۋماقتا زىڭ چۋانيوۋ سياقتى ەرىكتىلەر 1000نان اسادى. ”الەۋمەتتىك اۋماق كوپشىلىكتىڭ ورتاق وتباسى، وسى تۇعىردا كوپشىلىككە قىزمەت وتەۋدەن قۇن سەزىمىنە جانە تابىس سەزىمىنە بولەنەمىن“، - دەدى زىڭ چۋانيوۋ، كومەك قابىلداعان تۇرعىندار وعان شىن جۇرەكتەن راقىمەت ايتىپ، جاپا شەكتىڭىز دەسەدى، كەيبىرەۋلەرى ىستىق ىقىلاسپەن وعان جەمىس جانە سۋسىن بەرىپ، العىسىن بىلدىرەدى.
تۋەنكى بازارباق الەۋمەتتىك اۋماعى پارتيا ياچەيكاسىنىڭ شۋجيى فىڭ جىجيە بىلاي دەپ تانىستىردى: وسى الەۋمەتتىك اۋماقتا 6805 وتباسى، 18 مىڭ ادام بار، قاراستى اۋماقتا شاعىن، ۇساق كاسىپورىندار كوپ، سىرتتان كەلگەن جۇمىسشىلار كوپ، جالعا بەرىلگەن ۇيلەر كوپ، كەزىندە بۇقارانىڭ قيىنشىلىقتارىن ايتقان وتىنىشتەرى مەن قايشىلىق داۋ - شارلارى دا وتە كوپ بولاتىن. ”الەۋمەتتىك اۋماق ماسەلەسىن الەۋمەتتىك اۋماق كادرلارى مەن بۇقارا بىرگە شەشۋى ءتيىس، كوپشىلىك بىرگە كۇش شىعارعاندا عانا، قيىن ماسەلەلەردى اناعۇرلىم جاقسى شەشۋگە بولادى“. فىڭ جىجيە بىلاي دەدى: جاڭا ءداۋىر وركەنيەتىن امالياتتا ايگىلەۋ پۋنكتى، قىزىل قوجالىق قىزمەت وتەۋ بويىنشا امالياتتا ايگىلەۋ پۋنكتى، ەرىكتى قىزمەت وتەۋ سىندى 3 دارەجەلى قىزمەت وتەۋ قۇرىلىمىن قۇرۋ ارقىلى بۇقارا تاپسىرىس بەرۋ − امالياتتا ايگىلەۋ پۋنكتى مەن امالياتتا ايگىلەۋ ءتۇيىنى تاپسىرىستى ورنالاستىرۋ − ەرىكتى تاپسىرىستى قابىلداۋ سىندى ەرىكتى قىزمەت وتەۋ ۇلگىسىن ىسكە اسىرىپ، الەۋمەتتىك اۋماقتىڭ، قوجالىق قىزمەت وتەۋدىڭ، تۇرعىنداردىڭ ءوزارا پىكىر اۋىستىرۋ ارناسىن اشىپ، بىرگە جونگە سالۋدى، شەبەرلىكپەن جونگە سالۋدى ىلگەرىلەتتى.
الەۋمەتتىك اۋماقتىڭ جاڭا ءداۋىر وركەنيەتىن امالياتتا ايگىلەۋ پۋنكتىندە قىزمەتكەرلەر حالىققا قولايلى قىزمەت وتەۋ زالىندا تۇرعىندارعا ”قىزىل ۋاكىلەتتىك جۇمىس ءبىتىرۋ“ بويىنشا قىزمەت وتەدى، 79 جاستاعى تۇرعىن احات يبىرايىم مەن بىرنەشە كورشىسى ”تەلەۆيزور تاقتاسىنان“ وڭ ەنەرگيانى ۇيىستىراتىن قىسقا فيلم كوردى. كىتاپ قويىلعان ورىندا بالالار توپتاسىپ، شاحمات ۇستەلىندە قاتتار قورالانىپ وتىر، ءار بۇرىشتان جايدارلى جۇزدەر كورىنىپ، جادىراي كۇلگەن داۋىستار ەستىلەدى.
”بۇقارا قيىن ماسەلەلەرگە جولىقسا، ەرىكتىلەر مەن الەۋمەتتىك اۋماق شەشۋگە قۇلشىنا كومەكتەسەدى“، - دەدى احات. بىرنەشە ايدىڭ الدىندا ونىڭ ءۇيى 15 وتباسىنىڭ ۇيىمەن بىرگە كوشىرىلەتىن اۋماققا ەنگىزىلگەن، جاڭادان ورنالاستىرىلعان ۇيگە كوشىپ كىرمەي جاتىپ كونە ءۇيدىڭ سۋمەن قامداۋ قۇبىرىندا ماسەلە شىعادى. ولار ماسەلەنى ەرىكتىلەرگە اڭىس ەتەدى، ەرىكتىلەر الەۋمەتتىك اۋماققا ايتقاننان كەيىن، الەۋمەتتىك اۋماق دەر كەزىندە جوعارى دارەجەلى ورىنعا مالىمدەيدى. 2 كۇن ىشىندە اقسۋ قالالىق سۋ ىستەرى توبى ولارعا جاڭا قۇبىر جالعاپ بەرەدى.
بۇگىنگى كۇنى وسى الەۋمەتتىك اۋماقتا 7 ەرىكتى قىزمەت وتەۋ اترەتى بار، اپتا سايىن ەرىكتى قىزمەت وتەۋ بويىنشا تاربيەلەۋ، ەرىكتى قيمىل جوسپارلاۋ، ەرىكتى قىزمەت وتەۋ قيمىلىن ورىستەتەدى، بيىل جيىنى 2200 رەتتەن استام ەرىكتى قيمىل ورىستەتىپ، بۇقاراعا 13 مىڭ ادام - رەت قىزمەت وتەدى.
