ەڭ جوعارى ساندىق ءمان سايكەس مەزگىلدەگىدەن ％10.7 ارتتى
شينجياڭ ەلەكتر تورىنىڭ ەلەكتردەن پايدالانۋ كوتەرىمدىلىگى تاريحتاعى تىڭ رەكوردتى جاراتتى
مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، 12 - ايدىڭ 18 - كۇنى ساعات 21دە شينجياڭ ەلەكتر تورىنىڭ لەزدىك ەلەكتردەن پايدالانۋ كوتەرىمدىلىگى 37 ميلليون 170 مىڭ كيلوۆاتقا جەتىپ، تاريحتاعى تىڭ رەكوردتى جاراتىپ، بىلتىرعى 33 ميلليون 570 مىڭ كيلوۆاتتىق ەڭ جوعارعى كوتەرىمدىلىكتەن ％10.7 ارتقان.
مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى بەرگەن ساندى مالىمەتتە كورسەتىلۋىنشە، بىلتىرعى ەڭ جوعارعى كوتەرىمدىلىكتەگى مەزگىلمەن سالىستىرعاندا، وڭتۇستىك شينجياڭنىڭ ەلەكتردەن پايدالانۋ كوتەرىمدىلىگى ％7.7، سولتۇستىك شينجياڭنىڭ ەلەكتردەن پايدالانۋ كوتەرىمدىلىگى ％5.8 ارتىپ، وڭتۇستىك شينجياڭنىڭ ارتۋ جىلدامدىعى سولتۇستىك شينجياڭنان جوعارى بولعان. قازىر شينجياڭ ەلەكتر تورىنىڭ اينالىمى حاۋىپسىز، ورنىقتى، بۇكىل شينجياڭ ەلەكتر قۋاتىنىڭ قامداۋى ءتارتىپتى.
4 - توقساننان بەرى رايونىمىزدىڭ ەكونوميكالىق جاعدايى ۇزدىكسىز جاقسارىپ، ينجەنەريا قۇرىلىسى جەدەلدەپ، اۋىل شارۋاشىلىعىنىڭ، قىزمەت وتەۋ كاسىبىنىڭ وندىرىسكە پايدالانىلاتىن ەلەكترى ءۇرتىس ارتتى؛ سونىمەن بىرگە رايونىمىزدىڭ ءتۇرلى ەلەكتر قۋاتى ينجەنەريالارىنىڭ ىسكە قوسىلۋىنا بايلانىستى، ەلەكتر ارقىلى جىلۋمەن قامداۋ كولەمى ارتىپ، ەلەكتر ەنەرگياسى ورنىن باسقان سالالار كەڭەيىپ، قالا - اۋىل تۇرعىندارىنىڭ ەلەكتردەن پايدالانۋىندا كورنەكتى ارتۋ جاعدايى جارىققا شىقتى.
11 - ايعا دەيىن شينجياڭ ەلەكتر تورى 1 - كاسىپ سالاسىندا ساۋداعا سالىنعان ەلەكتر مولشەرى ءبىر ميلليارد 876 ميلليون كيلوۆات - ساعاتقا جەتىپ، سايكەس مەزگىلدەگىدەن ％20.33 ارتتى؛ 3 - كاسىپ سالاسىندا ساۋداعا سالىنعان ەلەكتر مولشەرى 34 ميلليارد 164 ميلليون كيلوۆات - ساعاتقا جەتىپ، سايكەس مەزگىلدەگىدەن ％21.21 ارتتى؛ قالا - اۋىل تۇرعىندارىنىڭ ەلەكتر پايدالانۋىنا ساتىپ بەرىلگەن ەلەكتر مولشەرى 10 ميلليارد 754 ميلليون كيلوۆات - ساعاتقا جەتىپ، سايكەس مەزگىلدەگىدەن ％17.35 ارتتى.
”ەلەكتر تورىنىڭ ەلەكتردەن پايدالانۋ كوتەرىمدىلىگى تاريحتاعى تىڭ رەكوردتى جاراتۋىنىڭ باستى سەبەبى ەكونوميكالىق جاعدايدىڭ جاقسارۋى، سونداي - اق ەلەكتر ارقىلى جىلۋمەن قامداۋ كولەمىنىڭ ارتۋى سياقتىلار بولدى. ءبىز قىسقى جوعارى كوتەرىمدىلىك ساقتىق سيگنالىنىڭ توسىن جاعدايعا توتەپ بەرۋ بويىنشا قيمىلداۋدى ىسكە قوسىپ، بۇقارانىڭ ەلەكتردەن پايدالانۋ سۇرانىسىن امالدىڭ بارىنشا قامتاماسىز ەتىپ، ەكونوميكالىق، قوعامدىق دامۋ كەلەلى جاعدايىنا قىزمەت وتەدىك“، - دەدى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ەلەكتر قۋاتىن رەتتەۋ - مەڭگەرۋ ورتالىعى رەتتەۋ - مەڭگەرۋ باسقارماسىنىڭ ورىنباسار باستىعى ساي پىڭچىڭ.
