التاي ايماعى:
پارتيا گازەتىنە، پارتيا جۋرنالىنا جازىلۋ قىزمەتىنىڭ ءتارتىپتى ىلگەرىلەتىلۋىنە شىنايى كەپىلدىك ەتتى
2021 - جىلعى پارتيا گازەتىنە، پارتيا جۋرنالىنا جازىلۋ قىزمەتى ورىستەتىلگەننەن بەرى، التاي ايماقتىق پارتكوم ايرىقشا ءمان بەرىپ، پارتيا گازەتىنە، پارتيا جۋرنالىنا جازىلۋ، تاراتۋ قىزمەتىن ماڭىزدى ساياسي مىندەت، يدەولوگيا قىزمەت جاۋاپكەرشىلىگى ءتۇزىمىن تياناقتاندىرۋدىڭ ناقتى ارەكەتى ەتىپ، كۇش سالا مىقتى، ناقتى، ويداعىداي يگەردى.
پارتيا گازەتىنە، پارتيا جۋرنالىنا جازىلۋ قىزمەتىن ويداعىداي ىستەۋ ءۇشىن، التاي ايماعى ەرتە باستان ورنالاستىرۋ جاساپ، جازىلۋ مىندەتىن عىلمي، ەگجەي - تەگجەيلى جۇرگىزىپ، جازىلۋ كولەمى مەن وبيەكتىن ايقىنداپ، جازىلۋ سانى مەن قاراجاتىن تياناقتاندىردى؛ ءارقايسى اۋدان، قالانىڭ، ءار دارەجەلى، ءارقايسى تاراۋلاردىڭ پارتكومىنىڭ (پارتيا باسشىلىق گرۋپپاسى) نەگىزگى جاۋاپتىسىنىڭ جازىلۋ، تاراتۋ قىزمەتىنىڭ ءبىرىنشى جاۋاپتىسى ەكەنىن ايقىنداپ، باسشىلىق جاۋاپكەرلىكتىڭ، ۇگىتتەپ جۇمىلدىرۋدىڭ، قۋزاپ - تەكسەرۋدىڭ تياناقتانۋىنا شىنايى كەپىلدىك ەتتى.
”پارتيا گازەتىن، پارتيا جۋرنالىن تاراتۋ قىزمەتى − پارتيانىڭ ۇگىت شەبىن بەكەمدەۋدەگى، ۇگىت - يدەيا قىزمەتىن كۇشەيتۋدەگى ساياسي جاۋاپكەرشىلىك. پارتيا گازەتىن، پارتيا جۋرنالىن تاراتۋ قىزمەتىن ويداعىداي ىستەۋ − پارتيانىڭ ۇگىت، قوعامدىق پىكىرى شەبىن بەرىك ساقتاۋدىڭ قاجەتى“، - دەدى التاي ايماقتىق پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى يۋان بيڭ، - جازىلۋ قىزمەتىن تىڭعىلىقتى ءتارتىپتى ىلگەرىلەتۋگە شىنايى كەپىلدىك ەتۋ ءۇشىن، ايماق ءتۇرلى ءونىمدى شارالار قولدانىپ، ەكى ولشەمدى كودپەن نازار سالۋ، ىرىقتىلىقپەن قىزمەت وتەۋ سياقتى فورمالار ارقىلى جازىلعان ورىندارعا ساپالى، قولايلى قىزمەت وتەپ، پارتيا گازەتىنىڭ، پارتيا جۋرنالىنىڭ ورگاندارعا، مەكتەپتەرگە، كاسىپورىندارعا، الەۋمەتتىك اۋماقتارعا، اۋىل - قىستاقتارعا كىرۋىن بەلسەنە ىلگەرىلەتىپ، پارتيانىڭ ءۇنىن بارلىق وتباسىلارىنا جەتكىزۋگە شىنايى كەپىلدىك ەتتى.
التاي ايماقتىق پارتكوم ۇگىت ءبولىمى تاراتۋ ورىندارىمەن ۇشتاسۋدى جانە سايكەسۋدى كۇشەيتتى ءارى باقىلاۋ - تەكسەرۋ گرۋپپاسىن قۇرىپ، بۇكىل ايماقتىڭ جازىلۋ جاعدايىن دەر كەزىندە يگەرىپ، تەلەفون شالۋ، تىكەلەي بارىپ قۋزاۋ سياقتى فورمالارمەن جازىلۋ اياق الىسىنا قۋزاۋشىلىق ەتىپ، بۇكىل ايماقتىڭ پارتيا گازەتىنە، پارتيا جۋرنالىنا جازىلۋ قىزمەتىن ءتارتىپتى ىلگەرىلەتۋگە شىنايى كەپىلدىك ەتتى.
12 - ايدىڭ 21 - كۇنىنە دەيىن التاي ايماعى «شينجياڭ گازەتىنە» 6782 نۇسقا جازىلىپ، بىلتىرعى سايكەس مەزگىلدەگىدەن ％0.52 ارتتىردى؛ «بۇگىنگى شينجياڭ» جۋرنالىنا 5471 نۇسقا جازىلىپ، بىلتىرعى ۇقساس مەزگىلدەگىدەن ％2.49 ارتتىردى. «حالىق گازەتىنە» 1432 نۇسقا جازىلىپ، 2021 - جىلعى جازىلۋ جوسپارىن ％130كە جەتكىزدى؛ «ىزدەنۋ» جۋرنالىنا 2356 نۇسقا جازىلىپ، جوسپاردى ％109كە جەتكىزدى.
پارتيا گازەتىن، پارتيا جۋرنالىن تاراتۋ قىزمەتىن ويداعىداي ىستەۋمەن قاتار، التاي ايماقتىق پارتكوم ”ۇيرەنۋدە قۋاتتى ەل“ تۇعىرى مەن ”انار بۇلتى“ كليەنتىن جالپىلاستىرۋعا، قولدانۋعا ايرىقشا ءمان بەرىپ، كىرۋگە تيىستىلەرىنە تۇگەل كىرۋگە، ۇيرەنۋگە تيىستىلەرىن تۇگەل ۇيرەنۋگە قۇلشىندى.
