11 - ايدىڭ 18 - كۇنى اۆتونوميالى رايوندىق حالىق ۇكىمەتى، ءۇرىمجى قالالىق حالىق ۇكىمەتى ورتا ازيا وڭىرلىك ەكونوميكالىق سەلبەستىك شۋەيۋانىمەن (تومەندە قىسقارتىلىپ ورتا ازيا شۋەيۋانى دەلىنەدى) داياشى قالا ەسكەرتپە حاتىنا قول قويىستى.
قازىنا مينيسترلىگىنىڭ ورىنباسار مينيسترى زوۋ جيا - ي، ورتا ازيا شۋەيۋانىنىڭ باستىعى سايد شاكىر شاح بەينە ەكراندا ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين قول قويۋ سالتىنا قاتىناستى. اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ مۇشەسى، قازىنا مەڭگەرمەسىنىڭ باستىعى ۋان حايچۋان اۆتونوميالى رايوندىق حالىق ۇكىمەتى اتىنان ءسوز سويلەدى.
زوۋ جيا - ي بىلاي دەپ اتاپ كورسەتتى: ورتا ازيا وڭىرلىك ەكونوميكالىق سەلبەستىگىنىڭ كەزەڭدىك جەتىستىگى رەتىندە ورتا ازيا شۋەيۋانى «ورتا ازيا وڭىرلىك ەكونوميكالىق سەلبەستىگىن 2030 ستراتەگياسىن» جانە مۇشە ەلدەردىڭ ناقتى تالابىن ۇزدىكسىز ارقاۋ ەتىپ، وڭىرلىك سەلبەستىك كاسىپتەرىنە قىزمەت وتەۋدى ءتۇيىن ەتىپ، قاتىستى كاسىپتىك قيمىلداردى باعىتتامالى تۇردە ورىستەتىپ، ورتا ازيا وڭىرلىك ەكونوميكالىق سەلبەستىگىنىڭ بىلىمنەن بىرگە يگىلىكتەنەتىن تۇعىرىنا اينالىپ، ”ءبىر بەلدەۋ، ءبىر جولدى“ بىرگە قۇرۋعا كۇش قوسۋى ءتيىس.
سايد شاكىر شاح مىنانى ءبىلدىردى: ورتا ازيا شۋەيۋانى تاڭداۋلى وڭىرلىك اقىل - پاراسات قويماسىنىڭ ماركاسىن دامۋ نىساناسى ەتىپ، ءبىلىم ونىمدەرىمەن جانە اقىل - پاراسات قويماسىندىق اۋىس - كۇيىسپەن قامداۋ ارقىلى ورتا ازيا وڭىرلىك ەكونوميكالىق سەلبەستىك مەحانيزمىن ”ءبىر بەلدەۋ، ءبىر جول“ باستاماسىمەن ستراتەگيالىق ۇشتاستىرۋ جاعىندا ءبىلىمدى ۇلاستىرۋدىڭ، بىرگە يگىلىكتەنۋدىڭ جەبەۋ رولىن بەلسەنە ساۋلەلەندىرەدى. وسى رەتكى سەلبەستىك شۋەيۋاننىڭ دامۋىنا ونان ارى دەم بەرىپ، جىبەك جولى ەكونوميكالىق بەلدەۋى وزەكتى رايون قۇرىلىسىنا ات سالىسادى.
ۋان حايچۋان مىنانى ءبىلدىردى: ەسكەرتپە حاتىنا قول قويىسۋ جۇڭگونىڭ شينجياڭى مەن ورتا ازيا شۋەيۋانىنىڭ سەلبەستىكتى ونان ارى تەرەڭدەتۋىنىڭ جاڭا باستاماسى بولىپ، ءوزارا سەلبەستىكتىڭ تىڭ كەزەڭگە قادام تاستاعاندىعىنان دەرەك بەرەدى. شينجياڭ شۋەيۋانعا جان - جاقتى قولداۋ كورسەتەدى جانە قولايلىلىقتارمەن قامتاماسىز ەتىپ، ورتا ازيا وڭىرلىك ەكونوميكالىق سەلبەستىگىنىڭ تىڭ دەڭگەيگە كوتەرىلۋىن ىلگەرىلەتەدى.
