امانگۇل سىرايىل:
كوماندادان شەگىنگەنىمەن ارىنىنان قايتپاعان ايەلدەر فۋتبول كومانداسىنىڭ باستىعى
تولىقسىعان 30 جاسقا تولعان شاعى. كەزىندەگى شينجياڭ ايەلدەر فۋتبول كومانداسىنىڭ باستىعى امانگۇل سىرايىل نەندەي قىزمەت ىستەسە دە قىزۋ ىنتامەن كىرىسەدى.
ىندەتتەن ساقتانۋ - تىزگىندەۋ مەزگىلىندە امانگۇل ايەلدەر فۋتبول كومانداسى باستىعى رولىن ساۋلەلەندىرىپ، اتويلاپ الدا ءجۇرىپ، ەرىكتى بولۋعا وزدىگىنەن ءوتىنىش بەردى. تۇرمىستىق زاتتىق بۇيىمداردى جەتكىزۋ، ماتەريالداردى رەتتەۋ، ساندى مالىمەتتەردى جوعارىعا مالىمدەۋ، تۇرعىنداردى اپارىپ - اكەلۋ... ول قاي ۋاقىتتا شاقىرسا سول ۋاقىتتا - اق جەتىپ ۇلگىرىپ، قانشا جاپا - ماشاقاتتى، قانشا ارىپ - شارشايتىن ءىس بولسا دا ەشقانداي رەنىش ءسوز ايتقانى جوق.
1989 - جىلى امانگۇل ءۇرىمجى قالاسىندا تۋىلدى. 9 جاستاعى كەزىندە دەنە ساپاسى جۇرتتان ەرەك بولعاندىقتان، ول شاڭحايداعى ءبىر دەنە تاربيە مەكتەبىنە فۋتبول تەبۋدى ۇيرەنۋگە قابىلدانادى، 16 جاسىندا شينجياڭ ايەلدەر فۋتبول كومانداسىنا قابىلدانادى، 18 جاسىندا شينجياڭ ايەلدەر فۋتبول كومانداسىنىڭ تىرەكتى دوپ شولپانىنا اينالدى.
وكىنەرلىگى، كاسىپتىك ءومىردىڭ شىڭىنا تاياعاندا، امانگۇل ارت - ارتىنان دەنەسى جارالانىپ، مەملەكەتتىك كومانداعا قابىلدانۋ ورايىنان قايتا - قايتا قالىپ قويدى. 2008 - جىلى تاعى دا تىزەسى اۋىر جارالانعان سوڭ، جۇرەگى پارە - پارە بولعان ول ەندىگارى دوپ تەپپەۋگە بەكيدى.
سودان كەيىنگى 8 جىلدا امانگۇل باستان - اياق اۆتونوميالى رايوندىق دەنە تاربيە مەكەمەسى فۋتبول سپورتىن باسقارۋ ورتالىعى جارىسقا جاتتىقتىرۋ بولىمىندە دارىندى تاڭداۋ قىزمەتىمەن شۇعىلداندى. ”شاكىرت تاڭداۋ ورتا مايداندا دوپ تەپكەنگە ۇقساس، تانىمىڭمەن جانە تۇجىرىم جاساۋىڭ سىنعا تۇسەدى، مەن جونىنەن العاندا قيىن ەمەس.“، - دەدى امانگۇل.
2016 - جىلى ول قاشقار ايماعى مارالباسى اۋدانى اناركول اۋىلى عول ءمالى قىستاعىنا بارىپ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسىپ، تۇپ - تۋرا 3 جىل سوندا بولدى. سول كەزدە امانگۇل قىستاق تۇرعىندارىمەن بىرگە تاماقتانىپ، بىرگە تۇرىپ، بىرگە ەڭبەك ەتىپ، بىرگە ۇيرەنىپ، قىستاقتى ارالاپ، وتباسىلارىنا بارىپ، ارىپ - شارشاۋدان قورىقپادى. بۇكىل قىستاقتاعى 363 وتباسىنىڭ تەڭ جارتىسى كەدەي وتباسىلارى. قايتا - قايتا ارالاپ جاعداي ۇعىسۋ ارقىلى امانگۇل بۇكىل قىستاقتىڭ بايۋ نەگىزگى كۇشى بولۋعا ءتيىستى ”80 - جىلداردىڭ“، ”90 - جىلداردىڭ تۇلەكتەرىنىڭ“ مادەنيەت ورەسىنىڭ تومەندىگىنەن، جۇمىستانۋ قابىلەتىنىڭ السىزدىگىنەن كەدەيلەسكەندىكتەرىن بايقادى.
امانگۇل وسىنىڭ ءبارىن وزگەرتۋگە بەل بايلادى. ول قىزمەتتەستەرىمەن اقىلداسىپ، وسى جاستاردى قىستاق تۇرعىندار كوميتەتىنە جيناپ، ءار سەيسەنبى، بەيسەنبى، سەنبى كۇندەرى كەشتە ولاردىڭ زاڭ، شەبەرلىك قاتارلىلاردى ۇيرەنۋىنە مۇمكىندىك جاسادى. ول تاعى وقۋلىق تاۋىپ اكەلىپ، قىستاق تۇرعىندارىنىڭ مادەنيەت ورەسىنە قاراي ءار ساباقتىڭ وقىتۋ جوباسىن دايىندادى، 8 ايدان استام ۋاقىت ۇيرەنۋ ارقىلى شامالى نەگىزى بار وقۋشىلار ارت - ارتىنان جەتىلىپ شىعىپ، تەز ارادا اۋدان ورتالىعىنداعى ەرەن بازار، اسحانا نەمەسە زاۆود سەكىلدى جەرلەردەن قىزمەت تاپتى.
2019 - جىلى 6 - ايدا امانگۇل فۋتبول سپورتىن باسقارۋ ورتالىعىنا قايتا ورالىپ، فۋتبول تەبەتىن شاكىرت تاڭداۋ مەن تاربيەلەۋ قىزمەتىن جالعاستى جۇرگىزدى. ول بۇرىنعى دوپ تەپكەن كەزىندەگىدەي جان قيارلىقپەن ۇلەس قوسىپ، كاسىپتى مۇقيات زەرتتەدى. ول بىلاي دەدى: ”فۋتبول ماعان ىنتىماقتاسۋدى، مويىماۋدى جانە ۇلەس قوسۋدى ۇيرەتتى. ەندىگىدە مەن فۋتبول ىستەرى ءۇشىن جاستىق كوكتەمىمدى جانە كۇش - قۋاتىمدى ارنايمىن“.
