اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ يدەولوگيا قىزمەتى جونىندەگى ماڭىزدى بايىمداۋلارىن توپتىق ۇيرەندى
جاڭا داۋىردەگى جۇڭگوشا سوتسياليستىك شينجياڭ قۇرۋعا قۋاتتى يدەيالىق كەپىلدىك جانە قۇدىرەتتى رۋحاني كۇش - قۋات ازىرلەيىك
چىن چۋانگو باسقاردى
شوكىرات زاكىر، ۋاڭ جۇنجىڭ، لي پىڭشين قاتىناستى
بىرنەشە كۇننىڭ الدىندا اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن وتكىزىپ، باس شۋجي شي جينپيڭنىڭ يدەولوگيا قىزمەتى جونىندەگى ماڭىزدى بايىمداۋلارىن مۇقيات ۇيرەندى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ءماجىلىسىن باسقاردى.
شوكىرات زاكىر، ۋاڭ جۇنجىڭ، لي پىڭشين، شۇي حايرۇڭ، تيان ۋىن، لي يفي، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.
ماجىلىستە چىن چۋانگو، ۋاڭ جۇنجىڭ، تيان ۋىن، سارقىت اقان ۇيرەنۋ اسەرىن ءبولىستى، اۆتونوميالى رايوندىق پارتكوم تۇراقتى كوميتەتىندەگى باسقا دا جولداستار مەن اۆتونوميالى رايوندىق حالىق قۇرىلتايىنداعى، ساياسي كەڭەستەگى نەگىزگى جاۋاپتى جولداستار جازباشا پىكىر اۋىستىرىپ لەبىز ءبىلدىردى. كوپشىلىك ءبىر اۋىزدان مىنالاردى ءبىلدىردى: باس شۋجي شي جينپيڭنىڭ يدەولوگيا قىزمەتى جونىندەگى ماڭىزدى بايىمداۋلارىن مۇقيات ۇيرەنىپ، ماركسيزمنىڭ يدەولوگيا سالاسىنداعى جەتەكشىلىك ورنىن بەكەمدەۋگە تاباندى بولىپ، ءار ۇلت حالقىنىڭ ىنتىماقتاسا كۇرەس جاسايتىن ورتاق يدەيالىق ساياسي نەگىزىن بەكەمدەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۋاتتى يدەيالىق كەپىلدىك جانە قۇدىرەتتى رۋحاني كۇش - قۋات ازىرلەۋ كەرەك.
كوپشىلىكتىڭ ءسوزىن مۇقيات تىڭداعاننان كەيىن، چىن چۋانگو ءسوز سويلەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى، باس شۋجي شي جينپيڭ يدەولوگيا قىزمەتىندەگى ءبىر قىدىرۋ باعىتتىق سيپات العان، ءتۇبىرلى سيپات العان، جالپى جاعداي سيپاتىن العان كەلەلى ماسەلەلەر جونىندە ماڭىزدى ءسوز سويلەپ، ماڭىزدى نۇسقاۋ بەرىپ، ءبىزدىڭ يدەولوگيا قىزمەتىن جاقسى ىستەۋىمىزگە ايقىن باعىت نۇسقاپ، ءتۇبىرلى بويسۇنۋ ولشەمىن ازىرلەدى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىمەن بىرلىككە كەلتىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن تاباندىلىقپەن بىرلىككە كەلتىرىپ، باس شۋجي شي جينپيڭنىڭ يدەولوگيا قىزمەتى جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، تياناقتاندىرىپ، جاڭا جاعدايداعى يدەولوگيا قىزمەتىن تىڭعىلىقتى جاقسى ىستەۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسى ارقىلى باعىت بەلگىلەپ، جول باستاۋدان مىزعىماي، نازاريامەن قارۋلانۋدى ۇزدىكسىز كۇشەيتىپ، ۇدايىلانعان ۇيرەنۋ مەحانيزمىن اقاۋسىزداندىرىپ، كەمەلدەندىرىپ، تەرەڭدەي ۇزبەي ۇيرەنىپ، ۋاعىندا ىلەسە ۇيرەنىپ، ءىس جۇزىندىكپەن بايلانىستىرا ۇيرەنىپ، ۇيرەنۋدى، وي جۇگىرتۋدى، قولدانۋدى ساباقتاستىرۋدى، تانىمدى، سەنىمدى، ارەكەتتى بىرلىككە كەلتىرۋدى ورىنداپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. جۇڭحۋا ۇلتى ورتاق تۇلعا تانىمىن بۇلجىماي بەرىك ورناتىپ، جۇڭحۋا ۇلتى ورتاق تۇلعاسىنىڭ تاريحىن، جۇڭحۋا ۇلتىنىڭ كوپ نەگىزدى، ءبىر تۇلعالى ارناسىن زەرتتەۋدى كۇشەيتىپ، جۇڭحۋا ۇلتى ورتاق تۇلعا تانىمى تاربيەسىن كادرلار تاربيەسىنە، جاستار مەن وسپىرىمدەر تاربيەسىنە، قوعامدىق تاربيەگە ەنگىزىپ، جۇڭحۋا ۇلتى ورتاق تۇلعا تانىمىن جۇرەك تۇكپىرىنە ۇيالاتۋ كەرەك؛ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنىڭ تۇزىمدەنۋىن، ۇدايىلانۋىن، باياندى بولۋىن ىلگەرىلەتىپ، ءار ۇلتتىڭ كەڭىنەن ارالاسۋىن، جالپى بەتتىك اۋىس - كۇيىس جاساسۋىن، تەرەڭ توعىسۋىن جەبەپ، ءار ۇلت كادر - بۇقاراسىن ”بەستى شىنايى مويىنداۋدى“ كۇشەيتۋگە، ”ءۇشتىڭ ءبىر - بىرىنەن ايرىلا الماۋى“ يدەياسىن بەرىك ورناتۋعا جەتەكتەۋ كەرەك. شينجياڭدى مادەنيەتپەن نارلەندىرۋ ينجەنەرياسىن مىزعىماي ورىستەتىپ، جۇڭگوشا سوتسياليستىك مادەنيەتتى دامىتۋ جولىنا تاباندى بولىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋدى، جاڭالىق اشا دامىتۋدى ىلگەرىلەتىپ، ءبىر توپ تاڭداۋلى دا تاتىمدى تۋىندىلاردى ۇسىنىپ، ءبىر توپ ءتۇيىندى ينجەنەريالار مەن نىسانداردى قۇرىپ، مادەنيەتتىڭ اۋىس - كۇيىسىن، ءوزارا ۇلگى الۋىن ىلگەرىلەتىپ، تاريحي مادەني ەسكەرتكىشتەردى، كونە جۇرتتاردى قورعاۋدى جانە ولاردان پايدالانۋدى كۇشەيتىپ، الەۋمەتتىك مادەنيەت جونىنەن قىزمەت وتەۋدىڭ ورەسىن جوعارىلاتىپ، ءار ۇلت مادەنيەتىن قامتىعان جۇڭحۋا مادەنيەتىن ۇزدىكسىز گۇلدەندىرىپ دامىتۋ كەرەك. شينجياڭ حيكايالارىن جاقسى ايتۋدان ەش بۇلجىماي، شينجياڭ حيكايالارىن كوپ ساتىلى، جان - جاقتىلى، ستەرەولدى تۇردە اڭگىمەلەپ، شينجياڭنىڭ قوعام ورنىقتىلىعىنىڭ اسا تاماشا جاعدايىن، حالىقتىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىن كوكىرەك كەرە ۇگىتتەۋ كەرەك. يدەولوگيا قىزمەتى جاۋاپكەرشىلىك ءتۇزىمىن مىزعىماي تياناقتاندىرىپ، پارتيانىڭ يدەولوگيا قىزمەتىنە باسشىلىعىن كۇشەيتىپ، تۇلعالىق جاۋاپكەرشىلىكتى وتەپ، ستراتەگيالىق تاباندىلىقتى كۇشەيتىپ، ۇگىت - قوعامدىق پىكىر نەگىزگى شەبىن نىعايتىپ، قىزمەت مەحانيزمىن ۇزدىكسىز كەمەلدەندىرىپ، يدەولوگيا قىزمەتىنە باسشىلىق ەتۋ ۇقىعىن مىقتاپ مەڭگەرۋ كەرەك.
