11 - ايدىڭ 12 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 102 - رەتكى ۇنەمىلىك ىستەر ءماجىلىسىن باسقارىپ اشىپ، ەكولوگيالىق قورشاعان ورتانى قورعاۋدىڭ جالپىلىق اكىمشىلىك زاڭ اتقارۋ رەفورماسىن تەرەڭدەتۋ، جەر سىلكىنىسىنەن الدىن الا ساقتاندىرۋدى باسقارۋدى كۇشەيتۋ، زات اينالىمىنىڭ وزىندىك قۇنىن ونان ارى تومەندەتۋ جانە سىرتقى ساۋدا كاسىپورىندارىنىڭ ەكسپورتتىق تاۋارلارىن ەل ىشىندە ساتۋىنا قولداۋ كورسەتۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: ەكولوگيالىق ورتانى قورعاۋدىڭ كەشەندى اكىمشىلىك زاڭ اتقارۋ رەفورماسىن تەرەڭدەتۋ − لاستانۋدان ساقتانۋ جانە ونى تىزگىندەۋدەن قامال الۋ شايقاسىن ويداعىداي جۇرگىزۋدىڭ، كورىكتى جۇڭگو قۇرۋدىڭ وبيەكتيۆ قاجەتى، سونداي - اق ەكولوگيالىق ورتانى زاڭمەن جونگە سالۋدىڭ قاتاڭ ءتۇزىمىن كەمەلدەندىرۋدىڭ جانە ونى دامىتۋدىڭ تابيعي تالعامى. جەر - جەر، ءارقايسى قاتىستى تاراۋلار، ورىندار زاڭ اتقارۋ ىستەرىن ايقىنداپ، مىندەت كولەمىن انىقتاپ، زاڭ اتقارۋ ءتاسىلىن ساپالىلاندىرىپ، قىزمەت كورسەتۋ باعدارىنا تاباندى بولىپ، رەفورمانىڭ بىرىككەن كۇشىن ۇيىستىرىپ، ەكولوگيالىق ورتانى قورعاۋدىڭ كەشەندى زاڭ اتقارۋ رەفورماسىن تىڭعىلىقتى ىلگەرىلەتىپ، اكىمشىلىك زاڭ اتقارۋ فۋنكتسياسى مەن زاڭ اتقارۋ بايلىقتارىن ءبىر تۇتاس جوسپارلاپ سەپتەپ، ءادىل، مادەنيەتتى زاڭ اتقارۋدى قاتاڭ ارناعا ءتۇسىرۋ كەرەك.
ءماجىلىس مىنالاردى باسا دارىپتەدى: جەر سىلكىنىسىنەن الدىن الا ساقتاندىرۋدى كۇشەيتۋ − جەر سىلكىنىسى اپاتىنىڭ زيانىن جەڭىلدەتۋدەگى ماڭىزدى تەحنيكالىق ءتاسىل، سونداي - اق قوعامنىڭ جاپپاي نازارىن اۋداراتىن، حالىق تۇرمىسى حاۋىپسىزدىگىنە ساياتىن ماڭىزدى ينجەنەريا. «شينجياڭ ۇيعۇر اۆتونوميالى رايونىنىڭ جەر سىلكىنىسىنەن الدىن الا ساقتاندىرۋدى باسقارۋ ءادىسىن (جوبا)» جاساۋ، اۆتونوميالى رايوننىڭ جەر سىلكىنىسىنەن الدىن الا ساقتاندىرۋ قىزمەتىن جۇيەلى باسقارىپ، جەر سىلكىنىسىنەن الدىن الا ساقتاندىرۋدىڭ جەر سىلكىنىسى اپاتىنىڭ زيانىن جەڭىلدەتۋ رولىن اناعۇرلىم ويداعىداي ساۋلەلەندىرىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن اناعۇرلىم ويداعىداي قامتاماسىز ەتەدى.
ءماجىلىس مىنالاردى اتاپ كورسەتتى: زات اينالىمىنىڭ وزىندىك قۇنىن تومەندەتۋدى ىلگەرىلەتۋ − حالىق شارۋاشىلىعىنىڭ اينالىمىن ىركىلىسسىزدەندىرۋدە، كاسىپ سالاسىنىڭ جالپىلىق باسەكەلىك قۋاتىن جوعارىلاتۋدا ماڭىزدى رولعا يە، ”التىنى ورنىقتىرۋ“ قىزمەتىن ويداعىداي ىستەۋدىڭ، ”التىنى قامتاماسىز ەتۋ“ مىندەتىن تياناقتاندىرۋدىڭ وبيەكتيۆ تالابى. زات اينالىمىنىڭ نەگىزدىك قۇرىلعىلار قۇرىلىسىن ىلگەرىلەتىپ، زات اينالىمى قۇرىلعىلارىنىڭ، جابدىقتارىنىڭ جوعارى ونىممەن ءتۇيىلىسۋىن ىلگەرى باستىرىپ، شەشۋشى بۋىندارداعى رەفورمانى تەرەڭدەتىپ، جەر جانە قارجى قامتاماسىزدىعىن كۇشەيتىپ، سالىقتى ازايتۋ، اقىنى تومەندەتۋ شارالارىن ىشكەرىلەي تياناقتاندىرىپ، زات اينالىمى ينفورماتسياسى بايلىعىن اشىق ۇستاۋدى، تەڭ يگىلىكتەنۋدى كۇشەيتىپ، زات اينالىمى كاسىبىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، زات اينالىمى وزىندىك قۇنىن ونان ارى تومەندەتىپ، زات اينالىمىنىڭ ونىمدىلىگىن جوعارىلاتۋ، جىبەك جولى ەكونوميكالىق بەلدەۋى وزەكتى رايونىنىڭ ساۋدا - ساتتىق جانە زات اينالىمى ورتالىعى قۇرىلىسىن تىڭعىلىقتى ىلگەرىلەتىپ، رايونىمىز ەكونوميكاسىنىڭ جوعارى ساپالى دامۋىندا جاڭا جاعداي اشۋدى، تىڭ ىلگەرىلەۋشىلىكتەرگە قول جەتكىزۋدى جەبەۋ كەرەك.
ءماجىلىس مىنالاردى باسا دارىپتەدى: سىرتقى ساۋدا كاسىپورىندارىنىڭ ەكسپورتتىق تاۋارلارىن ەل ىشىندە ساتۋىنا قولداۋ كورسەتۋ − كاسىپورىنداردىڭ قيىندىقتى جەڭىلدەتۋىنە ءتيىمدى، كاسىپورىنداردىڭ تيجارات قۇرىلىمىن ساپالىلاندىرۋىنا ءتيىمدى بولىپ، جاڭا ارتۋ كەڭىستىگىن اشادى. تالاپتى تياناقتاندىرىپ، ەكسپورتتىق تاۋارلاردىڭ ەل ىشىندە ساتىلۋىنا جوعارى ءونىمدى، قولايلى قىزمەت وتەۋ كەرەك. ”ۇقساس ءوندىرىس جەلىسىندە وندىرىلگەن، ۇقساس ولشەم قولدانعان، ساپاسى ۇقساس“ ونىمدەردىڭ ەل ءىشى بازارلارىندا ساتىلۋىن قولداۋ كەرەك. ءبىلىم مەنشىك ۇقىعىن قورعاۋدى جانە ودان پايدالانۋدى كۇشەيتىپ، كاسىپورىنداردىڭ وزىندىك ماركا قۇرىلىسىن كۇشەيتۋىن قولداۋ كەرەك. ەكسپورتتىق تاۋارلاردى ەل ىشىندە ساتۋدىڭ ينتەرنەت جەلىسىندەگى جانە جەلىدەن تىس تۇعىرىن قۇرۋ كەرەك. سىرتقى ساۋدا كاسىپورىندارىن ونەركاسىپ جانە ينفورماتسيالاندىرۋ نىسانى قۇرىلىسىنا بەلسەنە قاتىناسۋعا جەتەكتەپ، ەكسپورتتىق تاۋارلاردىڭ ەل ىشىندە ساتۋ ساياساتتىق شارالارىن ۇزدىكسىز كەمەلدەندىرۋ كەرەك.
ءماجىلىس تاعى باسقا دا ىستەردى اقىلداستى.
