اۆتونوميالى رايون تەلەۆيزور - تەلەفون ءماجىلىسىن اشىپ
بيىل قىستاعى جانە كەلەر جىلى كوكتەمدەگى ەگىنجاي سۋ يگىلىگى جانە جوعارى ولشەمدى ەگىنجاي قۇرىلىسى قىزمەتىن ورنالاستىردى، جايعاستىردى
11 - ايدىڭ 12 - كۇنى اۆتونوميالى رايون قىسقى جانە كوكتەمگى ەگىنجاي سۋ يگىلىگى جانە جوعارى ولشەمدى ەگىنجاي قۇرىلىسى جونىندە تەلەۆيزور - تەلەفون ءماجىلىسىن اشتى. ءماجىلىس پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جەر - جەردىڭ تاجىريبەلەرىن، ءادىس - امالدارىن قورىتىندىلاپ، اۋىس - كۇيىس جاساپ، بيىل قىستاعى جانە كەلەر جىلى كوكتەمدەگى رايونىمىزدىڭ ەگىنجاي سۋ يگىلىگى جانە جوعارى ولشەمدى ەگىنجاي قۇرىلىسى قىزمەتىن ىشكەرىلەي ورنالاستىردى، جايعاستىردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: بيىل جىل باسىنان بەرى تۇتاس رايونىمىزدا جوعارى ولشەمدى ەگىنجاي قۇرىلىسى ۇزدىكسىز كۇشەيتىلىپ، اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋدە، رايونىمىزدىڭ استىق حاۋىپسىزدىگىن قامتاماسىز ەتۋدە ماڭىزدى رول ساۋلەلەندىردى. ىندەتتەن ساقتانۋ - تىزگىندەۋدى ۇدايىلاندىرۋدى استە بوساڭسىتپاي، ويداعىداي ىستەۋ العى شارتىندا، رايونىمىزدىڭ بيىل قىستاعى جانە كەلەر جىلى كوكتەمدەگى ەگىنجاي سۋ يگىلىگى جانە جوعارى ولشەمدى ەگىنجاي قۇرىلىسىن مىقتى يگەرىپ، رايونىمىزدىڭ ەگىنجاي سۋ يگىلىگى جانە جوعارى ولشەمدى ەگىنجاي قۇرىلىسىنىڭ ءتۇرلى نىسانالارىنىڭ، مىندەتتەرىنىڭ تولىق ورىندالۋىنا شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: جوعارى ولشەمدى ەگىنجاي قۇرىلىسىن بار كۇشپەن ويداعىداي يگەرىپ، قۇرىلىس مىندەتتەرىن جوعارى ساپامەن، جوعارى ونىممەن ورىنداۋ كەرەك. تاسقىننان ساقتانۋ، قۋاڭشىلىققا قارسى اتتانۋ نەگىزدىك قۇرىلعى قۇرىلىستارىن بار كۇشپەن ۇيىمداستىرىپ، ورىستەتىپ، سۋ اپاتىنان، قۋاڭشىلىق اپاتىنان ساقتانۋ قىزمەتىن مىقتى ۇستاپ ويداعىداي ىستەۋ كەرەك. كەلەلى سۋ يگىلىگى ينجەنەريا قۇرىلىستارىن جەدەل ىلگەرىلەتىپ، سۋ بايلىعىن ساپالىلاندىرۋ - سەپتەۋ جۇيەسىن جەدەل قۇرۋ كەرەك. ەگىنجاي سۋ يگىلىگى نەگىزدىك قۇرىلعىلارىنىڭ اينالىمىن باسقارۋدى، كۇتىمدەۋدى جاپپاي كۇشەيتىپ، ەگىنجاي سۋ يگىلىگى قۇرىلعىلارىن سالۋعا ءمان بەرىپ، باسقارۋعا ەلەۋسىز قارايتىن جاعدايدى شىنايى وزگەرتۋ كەرەك. اۋىل شارۋاشىلىعىنا پايدالانىلاتىن سۋ باعاسىنىڭ كەشەندى رەفورما قىزمەتىن ۇزدىكسىز ىلگەرىلەتىپ، اۋىل شارۋاشىلىعىندا سۋدى ۇنەمدەۋ مەن اۋىل شارۋاشىلىعىنىڭ باياندى دامۋىن جەبەپ، رايونىمىزدىڭ استىق حاۋىپسىزدىگىن قامتاماسىز ەتۋگە، اۋىل - قىستاقتاردىڭ جالپى بەتتىك كوركەيۋىن جەبەۋگە تىڭ دا اناعۇرلىم زور ۇلەس قوسۋ كەرەك.
