ءۇرىمجى حالىقارالىق اۋەجايىن وزگەرتىپ، كەڭەيتىپ سالۋ ينجەنەرياسىنىڭ نەگىزگى ەنەرگيا قۇرىلعىسى
شينجياڭداعى ەڭ ءىرى سۋىتۋ پۋنكتى ينجەنەرياسى نەگىزگى تۇلعاسىنىڭ توبەسى جابىلدى
11 - ايدىڭ 8 - كۇنى جۇڭگو قۇرىلىسى شينجياڭ قۇرىلىس توبى ۇستىنە العان ءۇرىمجى ديوپۋ حالىقارالىق اۋەجايىن وزگەرتىپ، كەڭەيتىپ سالۋ ينجەنەرياسى − اۋەجاي ينجەنەرياسى ەنەرگيا ورتالىعىنىڭ سۋىتۋ پۋنكتى ينجەنەرياسى نەگىزگى تۇلعاسىنىڭ توبەسى ءساتتى جابىلىپ، وسى ينجەنەريانىڭ تۇلعالىق توبەسى جابىلعان تۇڭعىش تۇراقتى قۇرىلىس تۇلعاسىنا اينالدى.
جالپى ءۇرىمجى اۋەجايىن وزگەرتىپ، كەڭەيتىپ سالۋ ينجەنەرياسى بارىسىندا، ەنەرگيا ورتالىعى اۋەجايدىڭ ماڭىزدى سايكەستى قۇرىلعىسى رەتىندە، جاڭادان سالىنعان اۋەجايدىڭ جۇرەگى سانالادى، سالىنىپ بىتكەننەن كەيىن ءارقايسى وڭىرلەردى جىلۋمەن قامداۋ، سۋىتۋ، ەلەكتر جەتكىزۋ قىزمەتتەرىن ارقالاپ، جاڭادان سالىنعان اۋەجايدىڭ قالىپتى اينالىمىن قامتاماسىز ەتەتىن نەگىزگى شارت - جاعدايىن ازىرلەيدى. سۋىتۋ پۋنكتى ەنەرگيا ورتالىعىنىڭ ماڭىزدى قۇرامداس بولىگى رەتىندە، سالىنىپ بولعاننان كەيىن، جاڭادان سالىنعان اۋەجاي عيماراتىن، سونداي - اق سايكەستى ينجەنەريانى سۋىتۋمەن قامدايدى، سۋىتۋ پۋنكتىنىڭ نەگىزگى تۇلعاسىنىڭ توبەسى تولىق جابىلىپ بولىپ، جۇڭگو قۇرىلىس شينجياڭ قۇرىلىس توبى 2 ايعا جەتپەيتىن ۋاقىت ىشىندە كەلەسى ساتىداعى قۇرىلىس جۇرگىزۋگە بەرىك نەگىز قالادى.
سۋىتۋ پۋنكتى ءۇرىمجى اۋەجايىن وزگەرتىپ، كەڭەيتىپ سالۋ ينجەنەرياسىنىڭ نەگىزگى ەنەرگيا قۇرىلعىسى رەتىندە، تۋ باستان - اق ”4 تيپتى اۋەجاي“ ولشەمىنە ساي، جاڭا تەحنيكا، جاڭا تەحنولوگيا، جاڭا ۇستانىم قۇرىلىسىن كەڭىنەن قولداندى. سۋىتۋ پۋنكتىنىڭ تاياۋ، ۇزاق مەرزىمدىك سۋىتۋ اۋماعى 900 مىڭ شارشى مەتردەن استام بولىپ، سالىنىپ بىتكەننەن كەيىن شينجياڭ وڭىرىندەگى جەكە اسپاپ بويىنشا سيىمدىلىعى ەڭ ۇلكەن، جالپى سيىمدىلىعى ەڭ ۇلكەن، تەحنيكاسى وزىق، جاسىل، ەنەرگيا ۇنەمدەيتىن سۋىتۋ پۋنكتىنە، شينجياڭ وڭىرىندەگى اقىلدىق ەنەرگيا ينجەنەرياسىنىڭ ولشەمىنە جانە ۇلگى كورسەتۋ نىسانىنا اينالادى.
