قاشقار ايماعى:
ارنالاردى كەڭەيتىپ، ىندەتتەن ساقتانۋ - تىزگىندەۋ كەزىندە اۋىل شارۋاشىلىق ونىمدەرىن ساتىپ الۋ - ساتىپ بەرۋدى ويداعىداي ىستەدى
اۆتونوميالى رايوندىق ۇكىمەت اقپارات كەڭسەسىنىڭ 11 - ايدىڭ 9 - كۇنى اشقان كونەءشار اۋدانىنداعى، اقتاۋ اۋدانىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىمىزشا، قاشقار ايماعى ىندەتتەن ساقتانۋ - تىزگىندەۋدى دە، اۋىل شارۋاشىلىق ءوندىرىسىن دە يگەرۋگە ەكەۋىن دە اقساتپاۋعا تاباندى بولىپ، ىندەتتەن ساقتانۋ - تىزگىندەۋ كەزىندە اۋىل شارۋاشىلىعى، مال شارۋاشىلىعى ءوندىرىسىنىڭ قالىپتى، ءتارتىپتى جۇرىلۋىنە شىنايى كەپىلدىك ەتكەن، سونىمەن بىرگە ەرەكشە اۋىل شارۋاشىلىق ونىمدەرىن ارقاۋ ەتە وتىرىپ، اۋىل شارۋاشىلىق ونىمدەرىنىڭ 3 دارەجەلى ساتىپ الۋ - ساتىپ بەرۋگە قىزمەت وتەۋ تورىن، سونداي - اق اۋىل شارۋاشىلىق ونىمدەرىن بازار ارقىلى ساتىپ الۋدى كۇشەيتىپ، ىندەتتەن ساقتانۋ - تىزگىندەۋ كەزىندە اۋىل شارۋاشىلىق ونىمدەرىن ساتىپ الۋ - ساتىپ بەرۋ قىزمەتىن بار كۇشپەن ويداعىداي ىستەگەن.
11 - ايدىڭ 8 - كۇنىنە دەيىن قاشقار ايماعى جيىنى 74 كاسىپورىنمەن، ساۋدا سارايىمەن جانە ساتىپ الىپ تولايىم ساتاتىن ساۋداگەرلەرمەن بايلانىس جاساپ، شىلان، جاڭعاق سياقتى اۋىل شارۋاشىلىق ونىمدەرىنەن 12 مىڭ 600 توننا ساتىپ العان، جالپى قۇنى 123 ميلليون يۋان بولعان.
قاشقار ايماقتىق اۋىل شارۋاشىلىعى، اۋىل - قىستاق مەكەمەسى پارتكومىنىڭ مۇشەسى، ورىنباسار مەكەمە باستىعى تۇرعىن قادىر تانىستىرىپ بىلاي دەدى: كونەءشار اۋدانىندا ىندەت تۋىلعاننان كەيىن، قاشقار ايماعى ءبىر تۇتاس جوسپارلاپ سايكەستىرۋدى جانە جايعاستىرۋدى كۇشەيتىپ، قامداۋ - ساۋدا كووپەراتيۆى، حالىقارالىق كورمە ورتالىعى، اۋىل شارۋاشىلىعى، اۋىل - قىستاق مەكەمەسى، قاتىناس - تاسىمال مەكەمەسى، ورمان - جايلىم مەكەمەسى، قازىنا مەكەمەسى سياقتى ورىنداردان قۇرالعان اۋىل شارۋاشىلىق ونىمدەرىن ساتۋ بىرلەسكەن قىزمەت گرۋپپاسىن قۇرىپ، بۇكىل ايماقتاعى اۋىل شارۋاشىلىق ونىمدەرىن ءوندىرۋ، ساتۋ، ساتىپ الىپ ساقتاۋ، مانەرلەۋ سياقتى جاعدايلارعا جالپى بەتتىك تەكسەرۋ جۇرگىزىپ، اۋجاي ءتۇيىپ، ءوندىرۋ - ساتۋ جاعدايىنا دۇرىس تالداۋ جۇرگىزىپ، بۇكىل ايماقتىڭ بازار قامداۋى مەن اۋىل شارۋاشىلىق ونىمدەرىن ساتۋدى ءبىر تۇتاس جوسپارلاپ سايكەستىردى. اۋىل شارۋاشىلىق ونىمدەرىن تولايىم ساتۋ بازارىنىڭ جانە ءوندىرۋ، مانەرلەۋ كاسىپورىندارىنىڭ ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋعا قۋزاپ، جەتەكشىلىك ەتىپ، كىرىپ - شىققان اۆتوكولىكتەردى زارارسىزداندىرىپ، كىرىپ - شىققان ادامداردىڭ ينفورماتسياسىن تىزىمگە الىپ، دەنە تەمپەراتۋراسىن ولشەپ، سالاماتتىق كودىن تەكسەردى؛ جاڭا اۋىل شارۋاشىلىق ونىمدەرىن تاسىمالدايتىن اۆتوكولىكتەرگە جاسىل وتكەل اشىپ بەرىپ، ىندەتتەن ساقتانۋ - تىزگىندەۋ كەزىندە اۋىل شارۋاشىلىق ونىمدەرىن ىركىلىسسىز تاسىمالداۋعا شىنايى كەپىلدىك ەتتى.
اۋىل شارۋاشىلىق ونىمدەرىن بازار ارقىلى ساتىپ الۋ ساياساتىن تياناقتاندىرىپ، حاۋىپ - قاتەر تولەم قاراجاتى مەحانيزمىن ورناتىپ، اۋىل شارۋاشىلىق ونىمدەرىن بازار ارقىلى ساتىپ الدى، كەزەكتە 12 باستاماشى كاسىپورىندى ات سالىسۋعا جۇمىلدىردى. سىرتقا قاراتا جاريالاعان بازار ارقىلى ساتىپ الۋ نەگىزىندە، ەگىنشى بۇقارانىڭ بيىلعى جىلى جەمىس ورمانى ونىمدەرىن ۇتىمدى باعادا ساتۋىن بار كۇشپەن قامتاماسىز ەتتى. سونىمەن بىرگە، كاسىپورىنداردىڭ اۋىل شارۋاشىلىق ونىمدەرىن ساتىپ الۋ بارىسىندا جولىققان ءتۇرلى قيىنشىلىقتارىن بەلسەندىلىكپەن سايكەستىرىپ شەشتى.
قاشقار ايماعى ساتۋ ارنالارىن بار كۇشپەن كەڭەيتىپ، ىشكى وڭىرلەردەگى كاسىپورىندارمەن، ساۋدا سارايلارىمەن، تولايىم ساتۋ ساۋداگەرلەرىمەن بەلسەندى تۇردە ۇشتاسىپ، اۋىل شارۋاشىلىق ونىمدەرىنىڭ سىرتقا ساتىلۋىنا دەم بەردى. 11 - ايدىڭ 8 - كۇنىنە دەيىن جيىنى 74 كاسىپورىنمەن، ساۋدا سارايىمەن، سونداي - اق ساتىپ الىپ تولايىم ساتاتىن ساۋداگەرلەرمەن بايلانىس ورناتىپ، شىلان، جاڭعاق سياقتى اۋىل شارۋاشىلىق ونىمدەرىنەن 12 مىڭ 600 توننا ساتىپ الدى، جالپى قۇنى 123 ميلليون يۋان بولدى. سونىمەن بىرگە، شينجياڭعا كومەكتەسۋ ارناسى ارقىلى ىشكى وڭىرلەردەگى ءارقايسى نەگىزگى بازارلارمەن بەلسەنە ۇشتاسىپ، قاشقار ايماعىنىڭ اۋىل شارۋاشىلىق ونىمدەرىن شينجياڭعا كومەكتەسەتىن ولكە، قالالارعا ساتتى. 10 - ايدىڭ 24 - كۇنىنەن 11 - ايدىڭ 8 - كۇنىنە دەيىن، شاندۇڭ، شاڭحاي، گۋاڭدۇڭ، شىنجىن سياقتى شينجياڭعا كومەكتەسەتىن 4 ولكە، قالاعا اۋىل شارۋاشىلىق ونىمدەرىنەن جيىنى 713.5 توننا ساتىپ بەردى. ينتەرنەت جەلىسىندە ساتۋ تۇعىرىمەن ۇشتاستىرۋدى كۇشەيتىپ، ىلگەرىندى - كەيىندى قاشقاردىڭ جەرگىلىكتى اۋىل شارۋاشىلىعى ساتۋ باستاماشى كاسىپورىندارىن ۇيىمداستىرىپ، ”جيڭدۇڭ“، ”تيانماۋ“، ”كەدەيلەردى سۇيەمەلدەۋ 832“ سياقتى تۇعىرلارمەن ۇشتاسىپ كەڭەسىپ، ”قوس 11“ ساتۋدى جەبەۋ قيمىلى ارقىلى جاڭعاق، شىلان، الما سياقتى ەرەكشە اۋىل شارۋاشىلىق ونىمدەرىن ساتتى.
