سانجى زات اينالىمى كاسىبىنىڭ ومىرشەڭدىك كۇشى قاۋلادى
11 - ايدىڭ 6 - كۇنى سانجى قالاسىنداعى شينجياڭ (سانجى) ازيا - ەۆروپا حالىقارالىق زات اينالىمى باقشاسىندا جۇڭتۇڭ جەدەل جەتكىزۋ توبى شينجياڭ باسقارۋ ورتالىعىنىڭ قىزمەتكەرلەرى جاڭا عانا جەتكەن جەدەل جولدامالاردى اۆتوماتتى ءبولۋ جەلىسىنە شىعاردى، زەردەلى بولۋدەن كەيىن، جەدەل جولدامالار بەلگىلەنگەن ورىنعا دەر كەزىندە جەتكىزىلدى.
”وسىنداي اۆتوماتتى ءبولۋ جابدىعىن پايدالانعاننان كەيىن، ءبىز كۇنىنە 600 مىڭ جەدەل جولدامانى ءبىر جاقتى ەتە الاتىن بولدىق“. جۇڭتۇڭ جەدەل جەتكىزۋ توبى شينجياڭ باسقارۋ ورتالىعى ينتەرنەتتە باسقارۋ ءبولىمىنىڭ ديرەكتورى جاڭ جىنجيان تانىستىرىپ بىلاي دەدى: 2019 - جىلى 10 - ايدا وسى ءبولۋ جەلىسى سالىنىپ ىسكە قوسىلعاننان كەيىن، ءبولۋدىڭ جۇمىس كۇنىنىڭ وزىندىك قۇنى بۇرىنعىدان جارتىسىنان استام تومەندەپ، جۇمىس ونىمدىلىگى 4 ەسەدەن استام جوعارىلادى.
”’ءبىر بەلدەۋ، ءبىر جول‘ قۇرىلىسىنىڭ ىشكەرىلەي ىلگەرىلەۋىنە ىلەسە، زات اينالىمى كاسىبى جاندانا ءتۇستى“، - دەدى جاڭ جىنجيان. جۇڭتۇڭ جەدەل جەتكىزۋ توبى شينجياڭ باسقارۋ ورتالىعى 2014 - جىلى زات اينالىمى باقشاسىنا ىرگە تەۋىپ، جۇمىس كولەمى تەز قارقىنمەن ارتتى. شينجياڭ مەن بۇكىل ەلدىڭ جەر - جەرى اراسىنداعى اينالدىرىپ تاسۋ جۇمىسىن ۇزدىكسىز ىلگەرىلەتۋمەن بىرگە، جۇڭتۇڭ جەدەل جەتكىزۋ تورابى شينجياڭ اۋماعىنداعى جۇمىس كولەمىن كەڭەيتىپ، بۇكىل شينجياڭدا 200 بولىمشە اشىپ، جەدەل جەتكىزۋ تورابى بۇكىل شينجياڭنىڭ ％99تەن استام اۋدان دارەجەلى اۋماعىن قامتىدى. مۇنان سىرت، جەدەل تاسۋ، بۇلتتىق قامبالاۋ، ساۋدا جانە حالىقارا قاتارلى جۇمىستاردى كەڭەيتتى. 2019 - جىلى بۇل سەرىكتەستىكتىڭ شينجياڭداعى جەدەل جەتكىزۋ جۇمىسىنىڭ پورتتان كىرىپ - شىعۋ جالپى مولشەرى 85 ميلليون دانادان، جىلدىق ءونىم قۇنى 140 ميلليون يۋاننان استى. بيىل 1 - ايدان 10 - ايعا دەيىن، جۇڭتۇڭ جەدەل جەتكىزۋى شينجياڭدا 75 ميلليون دانانى پورتتان كىرگىزىپ، سايكەس مەزگىلدەگىدەن ％50 ارتتى؛ 12 ميلليون دانانى پورتتان شىعارىپ، سايكەس مەزگىلدەگىدەن ％20 ارتتى، جالپى ەسەپتە سايكەس مەزگىلدەگىدەن ％35 ارتتى.
باقشا رايونىنداعى تاعى ءبىر كاسىپورىن جۇڭجياڭ زات اينالىمى شەكتى جاۋاپكەرلىك سەرىكتەستىگى (تومەندە ”جۇڭجياڭ زات اينالىمى“ دەلىنەدى) جۋىرداعى جىلداردان بەرى جۇمىس كولەمىن جىلجىمالى زەردەلى عىلىم - تەحنيكا، ءىرى ساندى مالىمەت تەحنيكاسى سياقتىلارعا كەڭەيتىپ، بىلتىر جىل سوڭىندا ”جۇڭجياڭ ساندى مالىمەت ىقپالداستىق ورتالىعى“ زەردەلى تۇعىرىن قۇرىپ جانە ىسكە قوسىپ، اۆتوموبيل حاۋىپسىزدىگىن باقىلاۋ - باسقارۋ، تەمىر جول تاسىمالى جانە كەدەندىك باقىلاپ - باسقارىلاتىن قامبالاردى ۇشتاستىرۋ، زات جەتكىزۋ سياقتى ءار بۋىنداعى ينفورماتسيالاردى دالمە - ءدال ىقپالداستىرۋدى، دالمە - ءدال ورنالاستىرۋدى جۇزەگە اسىرىپ، اسىلىندەگى كۇردەلى جۇك ۇلەستىرۋ - تاسىمالداۋدى تارتىپكە سالىپ، زات تاسىمالىنىڭ سەنىمدى، قولايلى، جوعارى ءونىمدى بولۋىن قامتاماسىز ەتىپ، كاسىپورىننىڭ تەز دامۋىنا تاماشا نەگىز قالادى. بيىل 1 - ايدان 10 - ايعا دەيىن، جۇڭجياڭ زات اينالىمى 9 ميلليون 700 مىڭ توننا جۇك تاسىپ، بىلتىرعى سايكەس مەزگىلدەگىدەن ％65 ارتتى.
جۇڭجياڭ زات اينالىمى ينفورماتسيا باسقارۋ باس باقىلاۋشىسى لي سۇڭلين بىلاي دەدى: بيىل 4 - ايدا جۇڭگو تەلەگراف سانجى بولىمشە سەرىكتەستىگى جۇڭجياڭ زات اينالىمىمەن 5G قۇرىلىسى نىسانىن شەشۋ جوباسىن جاساستى. نىسان جۇڭجياڭ زات اينالىمىنىڭ قازىرگى تەمىر جول جۇك الاڭىن باسقارۋ جۇيەسىن نەگىز، جۇڭجياڭ زات اينالىمى باقشاسىن ۇلگى كورسەتۋ ءتۇيىنى ەتىپ، 5Gدى ينفورماتسيالاندىرىپ قولدانۋ ورتاسىن كەڭەيتىپ، الاڭدىق جۇمىس، سونداي - اق اۆتوموبيلمەن جەتكىزۋدى باسقارۋ ونىمدىلىگىن ونان ارى جوعارىلاتتى.
لي سۇڭلين بىلاي دەدى: جۇڭجياڭ زات اينالىمىنىڭ 3 - مەرزىمدىك نىسانى دا بەلسەندى اينالىس جاساۋدا. سول كەزدە جۇڭجياڭ زات اينالىمى ءىرى ساندى مالىمەتتى، بۇلتتىق ەسەپتەۋدى، زات ينتەرنەتىن ينفورماتسيالىق تىرەك ەتكەن وسى زامانعى زات اينالىمى جۇيەسىن سالىپ، وڭىرلىك زات اينالىمى كاسىپ سالاسىنىڭ دەڭگەيىن ارتتىرىپ، دارەجەسىن جوعارىلاتۋدى جان - جاقتى جەبەيدى.
سانجى قالالىق ساۋدا ىستەرى جانە ونەركاسىپ ينفورماتسيالاندىرۋ مەكەمەسىنىڭ ورىنباسار باستىعى دىڭ حۇيياڭ تانىستىرىپ بىلاي دەدى: سانجى قالاسى ”ءبىر بەلدەۋ، ءبىر جولدى“ بىرگە قۇرۋ ورايىن مىقتاپ يگەرىپ، جىبەك جولى ەكونوميكالىق بەلدەۋى وزەكتى رايونى ساۋدا - ساتتىق زات اينالىمى ورتالىعىن بەلسەندىلىكپەن تۇلعالاپ، زات اينالىمى تورابىن جانە ورتا ازيانى بەتكە العان ماڭىزدى زات اينالىمى جيناۋ - جونەلتۋ بازاسىن كۇش سالا قالىپتاستىردى. قازىر شينجياڭ (سانجى) ازيا - ەۆروپا حالىقارالىق زات اينالىمى باقشاسىنا 28 كاسىپورىن ىرگە تەپتى. 2019 - جىلى سانجى قالاسىنىڭ زات اينالىم كاسىبىنىڭ ارتقان قۇنى 2 ميلليارد 870 ميلليون يۋان بولدى. بيىل جىل باسىنان قازىرگە دەيىن، شينجياڭ (سانجى) ازيا - ەۆروپا حالىقارالىق زات اينالىمى باقشاسىنىڭ جالپىلىق جۇك اينالىم مولشەرى 12 ميلليون تونناعا جەتتى.
”جىبەك جولى ەكونوميكالىق بەلدەۋ وزەكتى رايونى قۇرىلىسىنىڭ ىشكەرىلەي ىلگەرىلەۋىنە ىلەسە، ءبىز ءۇرىمجى حالىقارالىق قۇرلىقتىق پورت رايونىمەن بىرلەسىپ تاسىمالداۋدى، سايكەستى دامىتۋدى جەدەلدەتىپ، تۇتاس ورتالىق قامداۋ تىزبەگىنە ىرىقتىلىقپەن كىرىپ، سانجى قالاسىنىڭ ’ءبىر بەلدەۋ، ءبىر جول‘ بويىنداعى فاكتور بايلىعىن جايعاستىرۋ قابىلەتىن جوعارىلاتىپ، زات اينالىمىنىڭ اناعۇرلىم جاقسى، اناعۇرلىم تەز دامۋىن ىلگەرىلەتەمىز“.
