وتكەلدى الدىعا جىلجىتۋ، عىلمي ساقتانۋ - جونگە سالۋ جەڭىسكە جەتۋدىڭ تەتىگى
− مەملەكەتتىك دەنساۋلىق ساقتاۋ، سالاماتتىق كوميتەتى جاڭا تيپتى ايدارشا ۆيرۋس وكپە قابىنۋى مەديتسينالىق قۇتقارۋ - ەمدەۋ ماماندار گرۋپپاسىنىڭ مۇشەسى چيۋ حايبومەن سۇحبات
وسى رەتكى ىندەت تۋىلعاننان بەرى رايونىمىز اۆتونوميالى رايوندىق ىندەتتەن ساقتانۋ - تىزگىندەۋ قولباسشىلىق شتابىنىڭ ءبىر تۇتاس ورنالاستىرۋىنا قاتاڭ بويسۇنىپ، مەملەكەتتىك دەنساۋلىق ساقتاۋ، سالاماتتىق كوميتەتى ماماندار گرۋپپاسى مەن اۆتونوميالى رايوننىڭ قىزمەت گرۋپپاسىنىڭ جەتەكشىلىگىندە ىندەتتەن ساقتانۋ - تىزگىندەۋ شارالارىن قاتاڭ تياناقتاندىردى، ناۋقاستاردى قۇتقارۋ - ەمدەۋ قىزمەتى دە ءتارتىپتى جۇرگىزىلۋدە.
تاياۋدا دياگنوزى تۇراقتاندىرىلعان ءىشىنارا ناۋقاستار ساۋىعىپ شيپاحانادان شىقتى، اۋرۋ بەلگىسى جوق ءبىر ءبولىم جۇعىمدالۋشىلار دا ىلگەرىندى - كەيىندى مەديتسينالىق باقىلاۋدان بوساتىلدى. 11 - ايدىڭ 7 - كۇنى وسى رەتكى ىندەتتىڭ ەرەكشەلىگى جونىندە شينجياڭعا تاعى كەلىپ، مەديتسينالىق قۇتقارۋ - ەمدەۋگە جەتەكشىلىك ەتۋ قىزمەتىنە ات سالىسقان مەملەكەتتىك دەنساۋلىق ساقتاۋ، سالاماتتىق كوميتەتى جاڭا تيپتى ايدارشا ۆيرۋس وكپە قابىنۋى مەديتسينالىق قۇتقارۋ - ەمدەۋ ماماندار گرۋپپاسىنىڭ مۇشەسى، دۇڭنان داشۋەسىنە قاراستى جۇڭدا شيپاحاناسىنىڭ ورىنباسار باستىعى چيۋ حايبو پروفەسسور مىنالاردى ءبىلدىردى: ”شينجياڭنىڭ وسى رەت مەديتسينالىق قۇتقارۋ - ەمدەۋ وتكەلىن الدىعا جىلجىتۋى ەرەكشە كورنەكتى بولدى، بۇل شينجياڭنىڭ تۇتاس تۇلعالىق ساقتانۋ - تىزگىندەۋ شارالارىمەن تىعىز قاتىستى. بۇل رەتكى ىندەتتە جۇعىمدالۋشىلاردىڭ شيپاحاناعا بارۋ ۋاقىتى وتە ەرتە بولدى، ءبىز مۇنى بۇرىن كەزدەستىرمەگەن بولاتىنبىز“. چيۋ حايبو بىلاي دەدى: شينجياڭدا ءار اپتادا ءىشىنارا ءتۇيىندى قىزمەت ورىندارىنداعى ءتۇيىندى ادامدار شوعىرىنا نۋكلەين قىشقىلى بويىنشا جاپپاي تەكسەرۋ جۇرگىزىلەدى، مۇنداي بولعاندا نۋكلەين قىشقىلى بولىمدىلارىن وتە تەز تەكسەرىپ شىعۋعا بولادى. اۋرۋ بەلگىسى جوق جۇعىمدالۋشىلاردى بەلگىلەنگەن قۇتقارۋ - ەمدەۋ شيپاحانالارىنا دەر كەزىندە قابىلداپ ەمدەپ، مەديتسينالىق اۋاشالاپ باقىلاۋ جۇرگىزىپ، بەلسەندى دە ءونىمدى الدىن الا ساقتىق جاسادى جانە قورەكتىك تولىقتادى، وسى رەتكى ىندەتتەن قۇتقارۋ - ەمدەۋدىڭ تۇتاس تۇلعالىق جاعدايىنان قاراعاندا، اۋرۋ بەلگىسى جوق جۇعىمدالۋشىلاردىڭ دياگنوزى تۇراقتاندىرىلعان ناۋقاستارعا اينالۋ سالىستىرماسى وتە تومەن بولعان.
چيۋ حايبو بىلاي دەپ تانىستىردى: وسى رەتكى ىندەتتە جەڭىل تيپتى، ادەتتەگى تيپتى ناۋقاستاردىڭ سالماقتى تيپكە اينالۋ سالىستىرماسى ەرەكشە تومەن بولدى، بۇل دا وسى رەتكى ىندەتتى كلينيكالىق باقىلاۋدىڭ ءبىرشاما كورنەكتى ەرەكشەلىگى. سونداي - اق تەڭ جارىمىنان استام ادەتتەگى تيپتى ناۋقاستاردا، اۋەلى، كلينيكالىق اۋرۋ بەلگىسى كورىلمەدى، تەك ءىشىنارا كەسكىندەمەلى وزگەرىس كورىلدى، كەسكىندەمەدە وكپە ءبولىمىن شارپۋ كولەمى دە ەرەكشە كىشكەنە بولدى. سونىمەن بىرگە، وسى رەتكى ىندەتتە ناۋقاستاردىڭ دەنساۋلىعىنىڭ قالپىنا كەلۋ جىلدامدىعى ءبىرشاما تەز بولدى، ىندەت تۋىلىپ 2 اپتادان كەيىن ناۋقاستار ىلگەرىندى - كەيىندى شيپاحانادان شىعا باستادى.
”بۇل شينجياڭنىڭ ساقتانۋ - تىزگىندەۋ شارالارىنىڭ ەرتە ەمدەۋدى مۇمكىندىككە اينالدىرعاندىعىن، سونداي - اق جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستاردىڭ اۋرۋ جاعدايىنىڭ ونان ارى اسقىنۋىن اۋىزدىقتايتىن ماڭىزدى سەبەپكە اينالدىرعاندىعىن تولىق تۇسىندىرەدى“، - دەدى چيۋ حايبو. وسىنىڭ الدىندا جاريالانعان ينفورماتسيالارعا نەگىزدەلگەندە، مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدان ساقتانۋ - تىزگىندەۋ مەكەمەسى مەن جۇڭگو اۋرۋدان ساقتانۋ - تىزگىندەۋ ورتالىعىنىڭ ەپيدەميولوگيالىق تەكسەرۋ ماماندارىنان قۇرالعان قىزمەت گرۋپپاسى اۆتونوميالى رايوندىق اۋرۋدان ساقتانۋ - تىزگىندەۋ ورتالىعىنىڭ ەپيدەميولوگيالىق تەكسەرۋ قوسىنىمەن جانە قاشقارداعى جەرگىلىكتى ەپيدەميولوگيالىق تەكسەرۋ كۇشتەرىمەن بىرگە ورىستەتكەن ەپيدەميولوگيالىق تەكسەرۋ ناتيجەسى كونەءشار اۋدانىنداعى ىندەتتىڭ وسىنىڭ الدىنداعى ۇرىمجىدەگى ىندەت ۆيرۋسىمەن تاۋەلدىككە يە ەمەس ەكەندىگىن كورسەتتى. ”ال وسىنداي تۇرلىشە گەن تيبى وسى رەتكى ىندەت − جاڭا تيپتى ايدارشا ۆيرۋستىڭ ۆيرۋستىق كۇشىنىڭ باسەڭدەۋىن كەلتىرىپ شىعارعان سەبەپ پە، جوق پا دەگەنگە قاتىستى تاراۋلار ىشكەرىلەي زەرتتەۋ جانە باقىلاۋ جۇرگىزۋدە، بۇل دا ءبىزدىڭ قۇتقارۋ - ەمدەۋ قىزمەتىمىزدەگى ايرىقشا ءمان بەرەتىن ءىس“، - دەدى چيۋ حايبو.
”قىس كىردى، ساقتانۋ - تىزگىندەۋ قىزمەتىنە استە جەڭىل - جەلپى قاراۋعا كەلمەيدى“، چيۋ حايبو مىناداي ۇسىنىس بەردى: الەۋمەتتىك اۋماقتار ىندەتتەن ساقتانۋ - تىزگىندەۋدە قارتتار مەن ازامات جاسىنا تولماعانداردىڭ جاڭا تيپتى ايدارشا ۆيرۋسىمەن جۇعىمدالۋ مۇمكىندىگىنە ايرىقشا ءمان بەرۋ كەرەك، اسىرەسە، ءبىرشاما كوپ نەگىزدىك اۋرۋى بار قارتتاردىڭ جۇعىمدالعاننان كەيىن سالماقتى تيپكە، قاتەرلى تيپكە اينالۋىنداي جوعارى حاۋىپ - قاتەردەن ساقتانۋ كەرەك.
