11 - ايدىڭ 6 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 101 - رەتكى ۇنەمىلىك ىستەر ءماجىلىسىن باسقارىپ اشىپ، جۇڭحۋا مەملەكەتتىك قامداۋ - ساۋدا سەلبەستىك باس كووپەراتيۆىمەن ۇزاق ۋاقىتتىق سەلبەستىكتى كۇشەيتۋگە قاتىستى ساياساتتىق - شارالاردى، «اۆتونوميالى رايوننىڭ اس تۇز قورىن باسقارۋ ادىسىنە» وزگەرىس ەنگىزۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: جۇڭحۋا مەملەكەتتىك قامداۋ - ساۋدا سەلبەستىك باس كووپەراتيۆىمەن ۇزاق ۋاقىتتىق سەلبەستىكتى كۇشەيتىپ، دامۋ بىرىككەن كۇشىن قالىپتاستىرۋ رايونىمىزدىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋىنە دەم بەرۋ، اۋىل - قىستاقتىڭ گۇلدەنۋىن ىلگەرىلەتۋ جونىنەن كەلەلى ماڭىز الادى. قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، قامداۋ - ساۋدا سەلبەستىك كووپەراتيۆىنىڭ جالپىلىق رەفورماسىن بىرگە ىلگەرىلەتۋ، اۋىل شارۋاشىلىعىنا قوعامدانعان قىزمەت وتەۋدىڭ كەمەلدەنگەن جۇيەسىن ورناتۋ، اۋىل شارۋاشىلىعىنا قىزمەت وتەيتىن ىقپالدى باستاماشى كاسىپورىنداردى قالىپتاستىرۋ، كەدەيلىكتەن ارىلتۋدان قامال الۋ تابىستارىن بەكەمدەۋ سياقتى جاقتاردا كۇش سالىپ، قامداۋ - ساۋدا سەلبەستىك كووپەراتيۆىن شارۋالاردىڭ وندىرىسىنە، تۇرمىسىنا قىزمەت وتەيتىن جالپىلىق تۇعىر، پارتيا مەن ۇكىمەتتىڭ بۇقارامەن تىعىز بايلانىس جاساۋداعى كوپىر، دانەكەر ەتىپ قۇرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋگە جاڭا دا كەسەك ۇلەس قوسۋ كەرەك.
ءماجىلىس مىنالاردى باسا دارىپتەدى: «اۆتونوميالى رايوننىڭ اس تۇزى قورىن باسقارۋ ادىسىنە» دەر كەزىندە وزگەرىس ەنگىزۋ بازارلاندىرۋ رەفورماسىنا ۇيلەسۋدەگى قاجەتتى شارا ءارى قۇرىلىم رەفورماسىنىڭ جانە ۇكىمەت ەرەجەسىن، اكىمشىلىك جۇيەلى حۇجاتتاردى اداقتاۋ قىزمەتىنىڭ ناقتى تالابى. قاتىستى وزگەرىس ەنگىزۋ قىزمەتىن دەن قويا ويداعىداي ىستەپ، اۆتونوميالى رايوننىڭ اس تۇزى قورىن باسقارۋدى اناعۇرلىم ارناعا ءتۇسىرىپ جانە كۇشەيتىپ، اس تۇزى بازارىن ماكرولىق رەتتەۋ - مەڭگەرۋ قۋاتىن اناعۇرلىم جوعارىلاتىپ، تۇتاس رايوندى اس تۇزىمەن ورنىقتى قامداۋعا جانە بازار اينالىمى حاۋىپسىزدىگىنە شىنايى كەپىلدىك ەتۋ كەرەك.
ءماجىلىس باسقا دا ىستەردى اقىلداستى.
