ادامدى وزەك ەتىپ، ولقىلىقتاردى تولىقتاپ، قورشاعان ورتانى ساپالىلاندىردى
رايونىمىز جاڭاشا قالا - قالاشىقتاندىرۋ قۇرىلىسىن جەدەل ىلگەرىلەتتى
رايونىمىز پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن باتىل دايەكتىلەندىرىپ، تياناقتاندىرىپ، ادامدى وزەك ەتكەن جاڭاشا قالا - قالاشىقتاندىرۋ قۇرىلىسىن جەدەل ىلگەرىلەتۋدى ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدەگى ماڭىزدى قىزمەتتەردىڭ ءبىرى رەتىندە قاراپ، قالا - قالاشىقتاردىڭ كەڭىستىك ورنالاسۋىن ۇزدىكسىز ساپالىلاندىرىپ، قالا - قالاشىق كاسىپ سالاسىنىڭ دامۋىن ىلگەرىلەتىپ، قالا - قالاشىقتاردىڭ نەگىزدىك قۇرىلعى قۇرىلىسىن كۇشەيتىپ، الەۋمەتتىك قىزمەت وتەۋدى قامتاماسىز ەتۋ جۇيەسىن كەمەلدەندىرىپ، جاڭاشا قالا - قالاشىقتاندىرۋ قۇرىلىسىندا كەزەڭدىك ناتيجەگە قول جەتكىزدى.
ساندى مالىمەتتەردە كورسەتىلگەنىندەي، رايونىمىزدا قالا - قالاشىقتاندىرۋ اياق الىسىنىڭ تەزدەۋىنە ىلەسە، قالا - قالاشىقتاردىڭ سانى كورنەكتى ارتقان. كەزەكتە رايونىمىزدا 30 قالا بار، مۇنىڭ ىشىندە ايماق دارەجەلى 4 قالا، اۋدان دارەجەلى 26 قالا (بيڭتۋاندا 10 قالا)، 67 اۋدان قالاشىعى، 373 قۇرىلىمدىق قالاشىق بار، تۇتاس رايونىمىزدىڭ قالا - قالاشىقتارىنداعى تۇراقتى جان سانى 13 ميلليون 90 مىڭعا جەتكەن، تۇراقتى جان سانىنىڭ قالا - قالاشىقتانۋ سالىستىرماسى ％51.87 كە جەتىپ، 2015 - جىلداعىمەن سالىستىرعاندا 4.64 پايىز جوعارىلاعان.
رايونىمىزدا قالا - قالاشىقتانۋ دەڭگەيىنىڭ ۇزدىكسىز جوعارىلاۋىنا ىلەسە، قالا - قالاشىقتاردىڭ نەگىزدىك قۇرىلعى قۇرىلىسى ۇزدىكسىز كۇشەيىپ، بۇقارانىڭ قونىس ورتاسى ۇزدىكسىز جاقساردى. 2019 - جىلدىڭ سوڭىنا دەيىن رايونىمىزدا قالا - قالاشىق تۇرمىستىق قوقىر - قوقسىعىن ءبىر جاقتى ەتۋ سالىستىرماسى ％76. 98، قالا - قالاشىق تۇرمىستىق قوقىر - قوقسىعىن زالالسىزداندىرىپ ءبىر جاقتى ەتۋ سالىستىرماسى ％88، قالا - قالاشىق لاس سۋىن ءبىر جاقتى ەتۋ سالىستىرماسى شامامەن ％75. 96 بولدى؛ ادام باسىنا ورتا ەسەپپەن تۋرا كەلەتىن الەۋمەتتىك كوگال اۋماعى 12. 14 شارشى مەترگە جەتىپ، قالا قۇرىلعان وڭىرلەردىڭ جاسىلدانۋ مولشەرى ％47. 39كە جەتىپ، قالا - قالاشىقتاردىڭ جالپىلىق كوتەرىمدىلىك قۋاتى اناعۇرلىم جوعارىلادى.
بيىل اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى قاتىستى مەڭگەرمە - مەكەمەلەرمەن بىرلەسىپ «اۆتونوميالى رايوننىڭ قالا قۇرىلىسىن باسقارۋ، تەكسەرۋ جانە باعالاۋ قىزمەتى ناقتى ەرەجەسى»، «قالالاردىڭ دامۋ ساپاسىن باعالاۋ كورسەتكىش جۇيەسى» سياقتىلاردى جاريالاپ، قالانى تەكسەرۋدەن تولىق پايدالانىپ، قالانىڭ دامۋىن دالمە - ءدال يگەرىپ، نازاردى ”قونىسقا جايلى بولۋ“ نىساناسىنا شوعىرلاندىرىپ، قالالاردىڭ قونىس ورتاسىن ۇزدىكسىز ساپالىلاندىرىپ، قالالاردىڭ جوعارى ساپالى دامۋىن جەبەدى. كەلەسى قادامدا رايونىمىز ”قالا دەرتى“ ماسەلەسىن اناعۇرلىم باعىتتامالى تۇردە شەشىپ، ءۇرىمجىنىڭ ورتالىق قالا شەڭبەرى نەگىزدىك قۇرىلعىسىن ءبىر تۇلعالاندىرۋدى، شۇراتتاعى قالا - قالاشىق شوعىرىنىڭ سايكەستى دامۋىن، قالا - قالاشىقتارداعى بايىرعى، كونە شاعىن اۋماقتاردى جاڭالاۋدى، زەردەلى قالا قۇرىلىسىن، سونداي - اق ساۋداعا قولايلىلىق جاساپ، وزگەرتۋدى ىلگەرىلەتۋ سياقتى جاقتاردى ارقاۋ ەتىپ ۇسىنىلىمدى ءۇرتىس ارتتىرادى.
اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ قاتىستى جاۋاپتىسى بىلاي دەپ تانىستىردى: 19 - كەزەكتى ورتالىق كوميتەتتىڭ بەسىنشى جالپى ماجىلىسىندە ورتاعا قويىلعان ”ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتۋ“، ”حالىقتىڭ تۇرمىس ساپاسىن جاقسارتىپ، قوعامدىق قۇرىلىس دەڭگەيىن جوعارىلاتۋ“ قىزمەت نىساناسىنا سالىستىرىپ، رايونىمىز حالىقتى وزەك ەتكەن دامۋ يدەياسىنا ۇزدىكسىز تاباندى بولىپ، جاڭاشا قالا - قالاشىقتاندىرۋدى جەتەكشى ەتىپ، قالا، اۋىلداردىڭ نەگىزدىك قۇرىلعى جاعىنداعى ولقىلىقتارىن جەدەل تولىقتايدى؛ قونىس ورتاسىن ءۇرتىس جاقسارتادى؛ قىستاقتاردى رەتتەۋ - وڭاۋدى جانە قۇرۋدى ىشكەرىلەي ىلگەرىلەتىپ، اۋىل - قىستاقتى گۇلدەندىرۋ ستراتەگياسىمەن ورگانيكالى ۇشتاستىرۋدى ويداعىداي ىستەيدى؛ تۇرعىن ءۇي بازارى جۇيەسى مەن تۇرعىن ءۇي قامتاماسىزدىعى جۇيەسىن ۇزدىكسىز كەمەلدەندىرىپ، قۇرىلىس كاسىبىنىڭ جوعارى ساپالى دامۋىن ىلگەرىلەتىپ، كاسىپ سالاسىنىڭ حاۋىپسىز دامۋ جۇيەسىن قۇرىپ، قالىپتاستىرىپ، كاسىپ سالاسىن جونگە سالۋ قابىلەتى مەن دەڭگەيىن جوعارىلاتىپ، شينجياڭنىڭ تۇرعىن ءۇي جانە قالا، اۋىل قۇرىلىسى ىستەرىنىڭ ”14 - بەسجىلدىق“ كەزىندە اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋىن جۇزەگە اسىرۋعا قۇلشىنادى.
